Limay Physical Therapy Center

18/08/2026

Mahalagang Paalala | Agosto 19, 2026

Dahil po sa masamang panahon at upang higit na masiguro ang kaligtasan ng ating mga pasyente at staff, pansamantala pong sarado ang Limay Physical Therapy Center ngayong araw, Agosto 19, 2026.

Para po sa mga pasyenteng may nakatakdang appointment ngayong araw, amin po kayong makokontak para sa panibagong schedule. Mangyaring hintayin lamang po ang aming text message para sa inyong susunod na schedule.

Para naman po sa inyong mga katanungan, kabilang na ang pagpapaschedule ng check-up at therapy sessions, bukas po ang aming page upang kayo ay aming matulungan.

Higit sa lahat, nais po naming ipaalala na ang inyong kaligtasan ang aming pangunahing prayoridad. Mag-ingat po tayong lahat, manatili sa ligtas na lugar, at hangga’t maaari ay iwasang bumiyahe kung hindi kinakailangan.

31/07/2026

Ngayong araw July 31, 2026 ay aming isinagawa muli ang Stroke Circuit Training Activity kung saan ang aming mga stroke survivors ay lumahok sa iba’t ibang therapeutic exercises at group activities na naglalayong mapabuti ang kanilang balanse, lakas, koordinasyon at memorya.

Maraming salamat po sa aming mga pasyente at kanilang mga pamilya. Patuloy tayong lumaban at umusad, isang hakbang sa bawat araw.

Maraming salamat po sa mga physical therapists, occupational therapist at mga assistants na naging bahagi ng activity na ito. Patuloy naming ipagkakaloob ang aming buong suporta sa bawat hakbang ng inyong paggaling.

Tayo ay sama-sama sa bawat galaw tungo sa mas magandang kalidad ng buhay! ❤️‍🩹

Photos are posted with consent

28/07/2026

May God Bless you with more success and prosperity. Being a good leader, you deserve all the best that life can offer. Happy Birthday Ma'am Essyl 🎂🎁🎈🎉💝

𝐌𝐚𝐥𝐢𝐠𝐚𝐲𝐚𝐧𝐠 𝐊𝐚𝐚𝐫𝐚𝐰𝐚𝐧, 𝐌𝐬. 𝐄𝐬𝐬𝐲𝐥 𝐄𝐝𝐢𝐦𝐞𝐥 𝐄. 𝐋𝐮𝐧𝐚!

Ang Pamunuan ng Bayan ng Limay ay taos-pusong bumabati sa iyong espesyal na araw. Nawa’y patuloy kang pagpalain ng mabuting kalusugan, kasiyahan, at tagumpay sa iyong personal at propesyonal na buhay.

Maraming salamat sa iyong dedikasyon at serbisyo bilang Administrative Officer I sa Physical Therapy Section. Ang iyong sipag at malasakit ay tunay na inspirasyon sa ating lahat.

Muli, maligayang kaarawan at mabuhay ka!

01/06/2026

STROKE AWARENESS MONTH "MAY"

Last May 29, 2026, Limay Physical Therapy Center conducted a Stroke Awareness Activity in Brgy. Lamao, where we shared the importance of health literacy, early prevention, family involvement, and home exercises in maintaining and improving physical health.

We also had the opportunity to conduct house-to-house visits for patients who are bedridden and diagnosed with stroke. During these visits, we provided home care instructions and taught exercises that can be safely performed at home.

Through initiatives like this, we aim to empower our community through education, promote healthier lives, and serve the underserved.

Thank you to Lamao RHU, Lamao BHWs & Municipality of Limay.

30/04/2026

Isinagawa ang isang makabuluhang activity program para sa support group ng mga pasyenteng may stroke, tampok ang isang recreational bingo game bilang bahagi ng community-based rehabilitation ng Physical Therapy. Layunin nitong mapalakas ang pakikisalamuha, kasiyahan, at patuloy na paggaling ng bawat kalahok.

Sa bawat numerong tinatawag sa bingo, may kasamang ngiti, pag-asa, at tapang na muling bumangon.

Sa aming support group para sa mga pasyenteng may stroke, ang simpleng larong ito ay naging tulay upang muling maramdaman ang saya, pagkakaisa, at lakas ng loob sa gitna ng kanilang paglalakbay tungo sa paggaling.

Patunay na sa sama-samang suporta at malasakit, walang laban na hindi kayang harapin.

Maraming salamat po sa lahat ng pasyente. Salamat po sa ating Occupational Therapist, Physical Therapists & Physical Therapy Assistants.

23/04/2026

31/03/2026

Happy Happy Birthday sa ating butihing Mayor Richie David

𝐌𝐚𝐥𝐢𝐠𝐚𝐲𝐚𝐧𝐠 𝐤𝐚𝐚𝐫𝐚𝐰𝐚𝐧, 𝐌𝐚𝐲𝐨𝐫 𝐑𝐢𝐜𝐡𝐢𝐞 𝐉𝐚𝐬𝐨𝐧 𝐃. 𝐃𝐚𝐯𝐢𝐝!

Sa inyong patuloy na pamumuno, tunay naming nasasaksihan ang isang lider na hindi lamang mahusay, kundi higit sa lahat ay mabuti ang puso at mapagkumbaba sa paglilingkod. Sa kabila ng inyong posisyon, nananatili kayong malapit sa mamamayan, laging handang makinig, umunawa, at tumugon sa pangangailangan ng bawat isa.

Ang inyong kabutihan, malasakit, at simpleng paraan ng pakikitungo sa tao ang nagiging inspirasyon sa marami. Ipinapakita ninyo na ang tunay na lider ay hindi nasusukat sa kapangyarihan, kundi sa serbisyong may puso, respeto, at malasakit sa kapwa.

Maraming salamat po sa inyong walang sawang dedikasyon at sa pagiging huwaran ng isang lingkod-bayan na inuuna ang kapakanan ng iba bago ang sarili. Nawa’y patuloy kayong gabayan ng Poong Maykapal, pagkalooban ng mabuting kalusugan, at bigyan ng lakas upang maipagpatuloy ang inyong adhikain para sa mas maunlad at maayos na bayan.

Muli, maligayang kaarawan po, Mayor Richie. Ang inyong kababaang-loob at kabutihan ay patuloy na magsisilbing ilaw at inspirasyon sa buong bayan ng Limay.

27/03/2026

Ngayong araw March 27, 2026 ay nakikiisa ang Limay Physical Therapy Center sa celebration ng International Women's Month. Nagtipon tipon ang mga kababaihan para mabigyan importansya ang ehersisyo at pangangalaga sa katawan.

Mabuhay ang mga babae na nagsisilbing inspirasyon na kahit may karamdaman ay patuloy na kumikilos para sa mas masaganang bukas!

Ang programang ito ay pinapangunahan ng ating magigiting na LPTC PTs.
Maam Essyl Edimel Luna
Maam Robyn Tiong
Maam Amadelle Vida Marie Guila
Maam Charlytte Jazmyn Mercado