Quezon Provincial Health Office

05/06/2026

05/06/2026

‘𝗪𝗮𝗴 𝗠𝗮𝗴𝗽𝗮𝗹𝗼𝗸𝗼 𝘀𝗮 𝗩𝗮𝗽𝗲 𝗮𝘁 𝗦𝗶𝗴𝗮𝗿𝗶𝗹𝘆𝗼!
Ang buwan ng Hunyo ay ginugunita bilang No Smoking Month upang palakasin ang kamalayan laban sa masamang epekto ng sigarilyo at v**e. Ang paninigarilyo at va**ng ay maaaring magdulot ng kanser, sakit sa puso, sakit sa baga, at EVALI o v**e-related lung injury.

Walang ligtas na antas ng paninigarilyo at va**ng. Ang pag-iwas o pagtigil dito ay malaking hakbang tungo sa mas mahabang buhay at mas malusog na pamilya.

Piliin ang hiningang malaya sa usok at vapors para sa sarili at sa mga mahal sa buhay.

Para sa tulong sa pagtigil sa paninigarilyo, tumawag sa DOH Quitline 1558 o bumisita sa pinakamalapit na health center.

04/06/2026

Bilang bahagi ng patuloy na pagpapalakas ng pagtugon sa HIV sa lalawigan, isinagawa ang Stakeholder Engagement and Harmonization Meeting for HIV Program noong Hunyo 3–4, 2026 sa Queen Margarette Hotel, Brgy. Domoit, Lucena City.

Ang aktibidad ay pinangunahan ng FHI 360 sa pakikipagtulungan ng Department of Health (DOH) at Provincial Health Office – Infectious Disease Unit (PHO-IDU), at dinaluhan ng mga HIV program coordinators at iba pang stakeholders mula sa iba't ibang munisipalidad at lungsod ng Quezon Province

Layunin ng aktibidad na mapalakas ang koordinasyon at pagkakahanay ng mga programa at serbisyong may kaugnayan sa HIV sa lalawigan ng Quezon. Tinalakay ang mga pangunahing usapin sa HIV program, kabilang ang kasalukuyang kalagayan ng HIV, mga serbisyo para sa key populations, pagpapahusay ng performance ng mga pasilidad, at pagpapatibay ng HIV testing, prevention, treatment, at care services.

Binigyang-diin sa pagpupulong na ito ang kahalagahan ng pagtutulungan ng iba’t ibang sektor sa pagpapalakas ng HIV response, na nakatuon sa pagbibigay ng mas epektibo at mas inklusibong serbisyong pangkalusugan para sa mga komunidad sa Quezon Province.

04/06/2026

📢‼ IMPORTANTENG PABATID SA PUBLIKO
Ipinababatid ng QPHN–Quezon Medical Center na sa Hunyo 4, 2026, Huwebes, magkakaroon ng limitadong serbisyo ang OB-GYN Department.
Kaugnay nito, hinihiling po ang kooperasyon ng mga RHU, lying-in clinics, at iba pang health facilities na i-refer ang mga OB-GYN patients sa ibang angkop na ospital upang matiyak ang agarang at tuloy-tuloy na pangangalagang medikal.
Sa nasabing araw, tatanggap lamang ang QPHN–QMC ng mga pasyenteng malapit nang manganak at hindi na ligtas ilipat.
Maraming salamat po sa inyong pang-unawa, kooperasyon, at pakikiisa.

📢‼ IMPORTANTENG PABATID SA PUBLIKO

Ipinababatid ng QPHN–Quezon Medical Center na sa Hunyo 4, 2026, Huwebes, magkakaroon ng limitadong serbisyo ang OB-GYN Department.

Kaugnay nito, hinihiling po ang kooperasyon ng mga RHU, lying-in clinics, at iba pang health facilities na i-refer ang mga OB-GYN patients sa ibang angkop na ospital upang matiyak ang agarang at tuloy-tuloy na pangangalagang medikal.
Sa nasabing araw, tatanggap lamang ang QPHN–QMC ng mga pasyenteng malapit nang manganak at hindi na ligtas ilipat.

Maraming salamat po sa inyong pang-unawa, kooperasyon, at pakikiisa.

03/06/2026

Hindi naging hadlang ang malayong distansya at paglalakbay upang maihatid ang "Kalinga sa Mamamayan Libreng Gamutan" para sa mga katutubong IPs at lokal na residente ng Barangay Umiray, General Nakar, Quezon nitong nakaraang Mayo 30, 2026.

Sa makabuluhang gawaing ito, muling nakiisa at aktibong nakilahok ang Quezon Provincial Health Office (PHO) sa paghahatid ng mga libreng serbisyong medikal at diagnostic sa pamayanan.

Dala ang adbokasiyang pangkalusugan, matagumpay na naipagkaloob ang mga libreng laboratory test tulad ng CBC, Urinalysis, RBS, Cholesterol, at Uric Acid, pati na rin ang screening para sa lifestyle-related diseases, Cervical, at Breast Cancer. Nagpaabot din ng suporta ang tanggapan sa pamamagitan ng libreng Chest X-ray para sa lahat, Ultrasound para sa mga buntis, at eye screening na may kasamang pamamahagi ng libreng salamin sa mata.

Bukod sa mga pagsusuri, nagbahagi rin ng serbisyong dental para sa bunot ng ngipin at libreng tuli para sa mga kabataang kalalakihan. Patuloy naman ang pamimigay ng pamahalaang panlalawigan ng mga libreng gamot, OB supplements para sa mga buntis, at iba't -bang serbisyo para sa Family Planning. Ang tagumpay ng aktibidad na ito ay patunay sa patuloy na pangako ng pamahalaang panlalawigan na itaguyod at gawing abot-kamay ang de-kalidad na serbisyong pangkalusugan para sa bawat mamamayang Quezonian.

03/06/2026

Bilang pakikiisa sa paggunita ng Cervical Cancer Awareness Month, matagumpay na isinagawa ang Simultaneous Nationwide Cervical Cancer Screening and Awareness Campaign noong 22 Mayo 2026 sa iba't ibang Primary Care Facilities sa buong Lalawigan ng Quezon.

Kasama ang Quezon Provincial Health Office, nakiisa sa nasabing aktibidad ang mga Rural Health Units (RHUs) ng Agdangan, Alabat, Catanauan, Guinayangan, Pagbilao, Panukulan, Patnanungan, Real, San Antonio, San Narciso, Tagkawayan, Tiaong, at Unisan, gayundin ang mga pasilidad tulad ng QPHN Doña Marta–Atimonan, QPHN Guinayangan, QPHN San Narciso, QPHN, at ang QPHN Quezon Medical Center.

Layunin ng kampanyang ito na palawakin ang kaalaman ng publiko tungkol sa cervical cancer, bigyang-diin ang kahalagahan ng regular na screening, at ang mga paraan ng pag-iwas at maagang pagtuklas ng sakit. Sa pamamagitan nito at libreng screening services, nabigyang pagkakataon ang mga kababaihan na mas mapangalagaan ang kanilang kalusugan.

Sa kabuuan, 753 indibidwal ang nakilahok sa awareness campaign, habang 322 kababaihan ang sumailalim sa cervical cancer screening.

Ang gawaing ito ay patunay ng patuloy na pagtutulungan ng mga lokal na pamahalaan sa pagsusulong ng mga programang pangkalusugan na naglalayong mapabuti ang access sa preventive health services at pag-iwas sa cervical cancer.

03/06/2026

Nakiisa ang Provincial Health Office sa isinagawang Regional LGU Mobilization and Technical Assistance Team (RLGU MobTAT) Meeting and Coordination ng PMNP CALABARZON noong ika-26 hanggang ika-28 ng Mayo 2026 sa Hotel Marciano, Calamba City, Laguna.
Sa nasabing gawain, nagbigay ng mga update hinggil sa implementasyon ng PMNP sa mga lugar na sakop nito, kabilang ang mga programang pangnutrisyon na nakapaloob sa Local Nutrition Action Plan (LNAP) ng bawat munisipalidad. Tinalakay rin ang mga mahahalagang dokumentong kinakailangan bilang requirements para sa pagpapalabas ng Tranche 3, kabilang ang pagsusumite ng 2026 FHSIS DQC at OPT Plus Reports.

Nagkaroon din ng pre-work activities para sa mga non-pilot sites na bibisitahin kaugnay ng isasagawang Integrated Supportive Supervision and Monitoring (ISSM).

Ang paglahok ng Provincial Health Office sa naturang aktibidad ay nagpapatunay sa patuloy nitong suporta at pakikiisa sa mga programang naglalayong mapabuti ang kalusugan at nutrisyon ng mamamayan sa pamamagitan ng mas matibay na koordinasyon, maayos na pagpaplano, at epektibong pagpapatupad ng mga programa sa lokal na antas.

02/06/2026

Matagumpay na isinagawa ang dalawang araw na Pharmaceutical Management Training na ginaganap nitong Hunyo 1-2, 2026 sa Queen Margarette Hotel, Domoit, Lucena City. Sa pangunguna ng Family Health International 360 (FHI 360) sa ilalim ng EpiC-HIV Project, katuwang ang Department of Health Center for Health and Development 4A at ang Provincial Health Office.

Layunin ng pagsasanay na mapalawak ang kaalaman at mapaigting ang kakayahan ng mga kalahok sa iba't ibang aspeto ng pharmaceutical management, kabilang ang public health supply chain, inventory control and management, procurement, storage and distribution, waste management, cold chain management, quantification, risk management, at antimicrobial stewardship.

Sa pamamagitan ng mga talakayan, workshop, at hands-on activities, inaasahang higit na mapapalakas ang sistema ng pamamahala ng mga gamot at iba pang health commodities upang matiyak ang mas episyente, ligtas, at de-kalidad na serbisyong pangkalusugan para sa mamamayan.

Patuloy ang Provincial Health Office sa pagsusulong ng mga programang naglalayong palakasin ang kapasidad ng mga health workers at pagbutihin ang paghahatid ng serbisyong pangkalusugan sa lalawigan sa pamamagitan ng pakikipagtulungan sa iba't ibang katuwang na ahensya at organisasyon.

01/06/2026

Matagumpay na dinaluhan ng mga kinatawan mula sa Quezon Provincial Health Office (PHO) ang "Training on Screening, Brief Intervention, and Referral to Treatment (SBIRT) of Persons Who Use Drugs (PWUDs)" na idinaos noong ika-25 hanggang ika-28 ng Mayo 2026 sa Ciudad Christhia Resort, San Mateo, Rizal.

Sa pamamagitan ng pagsasanay na ito, nilalayon na mas mapalawak ang kaalaman at kasanayan ng mga healthcare workers sa tamang pagsusuri (screening) ng mapaminsalang paggamit o pag-abuso sa ipinagbabawal na gamot. Layunin din nitong masiguro ang maayos na pagbibigay ng paunang interbensyon o agarang pagsangguni (referral) sa mga angkop na pasilidad para sa mga PWUDs at iba pang kliyente.

Malaki rin ang maitutulong nito upang gabayan ang mga primary care providers sa mga Lokal na Pamahalaan (LGUs) at iba pang ahensya ng gobyerno na wakasan ang stigma o diskriminasyon laban sa mga PWUDs. Sa ganitong paraan, higit silang mabibigyan ng pag-asa, kaukulang suporta, at pagkakataong magbagong-buhay.

01/06/2026

Wishing a very Happy Birthday to our Quality Performance and Monitoring Unit Head Maam Rose, a valued member of our PHO family whose dedication and hard work over the years have truly made a difference.