31/08/2026
SENTRO SERBISYO PARTNER NGA DJAM PHARMACY MAGAPATIGAYON SANG FREE MEDICAL CHECK UP KADUNGAN SA IKA-APAT NGA ANIBERSARYO SANG BRANCH SINI SA MANAPLA
Magapatigayon sang Libre nga Medical Check Up ang Sentro Serbisyo Partner nga DJAM Pharmacy sa isa sini ka branch sa banwa sang Manapla kadungan sang ika-apat sini nga anibersaryo sa maabot nga, Setyembre 10.
Ini ang patigayunon sa branch mismo sa pharmacy nga nahamtang sa Carcueva Building, Barangay 1-A.
Ini ang magasugod alas-8 sang aga kag magalawig tubtob alas-12 sang udto kag pagahiwaton sa first come first serve basis.
Ang Free Medical Clinic sang DJAM ang pagalakipan sang Libre nga Konsultasyon, Free Blood Cholesterol checking kag Uric Acid Testing.
Ini man ang mangin highlight sang aktibidad nga kabahin sang ila pagpasalamat sa mga bumalakal nga padayun nga nagasakdag kag nagasalig sa DJAM Pharmacy.
Nahibaluan nga apisar indi anniversary, bulanan nga ginapatigayon sang DJAM ang Free Medical Check Up sa tuyo nga mabuligan ang mga pumuluyo nga wala sang ikasarang nga magpacheck-up sa mga doktor nga ginahiwat sa branch sini sa banwa sang EB Magalona.
