19/08/2026
📢 𝗣𝗔𝗛𝗜𝗡𝗨𝗠𝗗𝗢𝗠 𝗚𝗜𝗞𝗔𝗡 𝗦𝗔 𝗠𝗛𝗢 𝗠𝗔𝗡𝗔𝗬: 𝗠𝗔𝗚𝗕𝗔𝗡𝗧𝗔𝗬 𝗕𝗔𝗧𝗢𝗞 𝗦𝗔 𝗗𝗘𝗡𝗚𝗨𝗘! 🚨
Ang LGU Manay pinaagi sa Manay Municipal Health Office (MHO), uban sa pakigtimbayayong sa Barangay Central sa panguna sa atong abtik ug dinamiko nga Punong Barangay, Hon. Kim Moralizon , malampuson nga mipahigayon sa "𝗢𝗽𝗹𝗮𝗻 𝗞𝘂𝗹𝗼𝗯 𝗞𝗼𝗻𝘁𝗿𝗮 𝗠𝗼𝘀𝗾𝘂𝗶𝘁𝗼" activity sa EMNVHS campus karon adlawa, Agosto 19, 2026! 🦟🚫
Kini nga lakang gihimo tungod kay, base sa atong pinakabag-o nga data, karon lng nga semana (August 17-19), aduna na kitay natala nga 𝗹𝗶𝗺𝗮 (𝟱) 𝗖𝗼𝗻𝗳𝗶𝗿𝗺𝗲𝗱 𝗗𝗲𝗻𝗴𝘂𝗲 𝗰𝗮𝘀𝗲𝘀 dinhi sa Barangay 𝗖𝗲𝗻𝘁𝗿𝗮𝗹 (𝗣𝘂𝗿𝗼𝗸 𝟵, 𝟭𝟬,𝟭𝟲, 𝟭𝟴 & 𝟮𝟱) diri sa munisipyo sa Manay:
Ang Dengue usa ka seryosong sakit nga gikan sa paak sa lamok, ug dili angay magkompiyansa!
Aron mas masiguro ang proteksyon sa matag pamilya, hugot nga gipahinumdom sa MHO Manay ang pagbuhat sa 𝟱𝗦 𝗦𝘁𝗿𝗮𝘁𝗲𝗴𝘆 batok sa Dengue:
1️⃣ 𝗦𝗘𝗔𝗥𝗖𝗛 𝗔𝗡𝗗 𝗗𝗘𝗦𝗧𝗥𝗢𝗬 🔍
Pangitaa ug gub-a ang tanang itlogan sa lamok pinaagi sa paghimo sa "𝗔𝗹𝗮𝘀 𝗞𝘄𝗮𝘁𝗿𝗼 𝗞𝗼𝗻𝘁𝗿𝗮 𝗠𝗼𝘀𝗾𝘂𝗶𝘁𝗼" (𝟰𝗧𝘀) matag alas 4 sa hapon:
🔴 𝗧𝗔𝗢𝗕 - Itaob ang mga balde, planggana, ug bisan unsang sudlanan nga pwedeng mapundohan sa tubig.
🔴 𝗧𝗔𝗞𝗧𝗔𝗞 - Itaktak o iyabo ang nagpundo nga tubig sa mga flower vase, luyo sa ref, ug mga galamiton sa kusina.
🔴 𝗧𝗨𝗬𝗢 - Paugha ug trapohi ang mga dapit nga kanunay mabasâ aron walay puy-an o itlogan ang mga lamok.
🔴 𝗧𝗔𝗞𝗜𝗣 - Takpi og hugot ug tarong ang mga drum, ug sudlanan sa tubig-imnonon.
2️⃣ 𝗦𝗘𝗟𝗙-𝗣𝗥𝗢𝗧𝗘𝗖𝗧𝗜𝗢𝗡 𝗠𝗘𝗔𝗦𝗨𝗥𝗘𝗦 👕
Magsuot og long sleeves ug karsones aron malikayan ang paak sa lamok. Mogamit usab og mosquito repellent kada adlaw.
3️⃣ 𝗦𝗘𝗘𝗞 𝗘𝗔𝗥𝗟𝗬 𝗖𝗢𝗡𝗦𝗨𝗟𝗧𝗔𝗧𝗜𝗢𝗡 🩺
Ayaw paghulat nga mosamot! Kung ikaw o ang imong kabanay adunay kalit ug taas nga hilanat sulod na sa duha ka adlaw, pakonsulta dayon sa doktor o sa atong health facility.
4️⃣ 𝗦𝗔𝗬 𝗬𝗘𝗦 𝗧𝗢 𝗙𝗢𝗚𝗚𝗜𝗡𝗚 𝗢𝗡𝗟𝗬 𝗗𝗨𝗥𝗜𝗡𝗚 𝗢𝗨𝗧𝗕𝗥𝗘𝗔𝗞𝗦 💨
Mosugot sa pag-spray o fogging kung adunay gideklara nga outbreak o paspas nga pagsaka sa kaso sa inyong dapit aron mapatay ang mga hamtong nga lamok.
5️⃣ 𝗦𝗨𝗦𝗧𝗔𝗜𝗡 𝗛𝗬𝗗𝗥𝗔𝗧𝗜𝗢𝗡 💧
Siguroha ang pag-inom og saktong gidaghanon sa tubig, oral rehydration solutions (ORS), o mga duga aron malikayan ang pagkahubas sa tubig sa lawas kung gihilanat.
⚠️ 𝗠𝗚𝗔 𝗦𝗜𝗠𝗧𝗢𝗠𝗔𝗦 𝗡𝗚𝗔 𝗔𝗡𝗚𝗔𝗬 𝗕𝗔𝗡𝗧𝗔𝗬𝗔𝗡:
1. Taas ug kalit nga hilanat (2 hangtod 7 ka adlaw)
2. Sakit sa ulo ug luyo sa mata
3. Sakit sa mga lutahan (joints) ug kaunuran (muscles)
4. Kaluya ug pagkawala sa gana sa pagkaon
5. Panggawas sa gagmay nga p**a nga nuka-nuka sa panit (rashes)
Warning Signs: Pagdugo sa ilong o lagos, ug sige nga pagsuka.
Ayaw pag-self-medicate! Kung duna kay gibati nga mga simtomas, palihog og duol dayon sa pinakaduol nga facilidad o sa atong 𝗠𝘂𝗻𝗶𝗰𝗶𝗽𝗮𝗹 𝗛𝗲𝗮𝗹𝘁𝗵 𝗢𝗳𝗳𝗶𝗰𝗲.
📞 Alang sa dugang nga pangutana, puyde ninyo kontakon ang atong 𝗠𝗛𝗢 𝗛𝗼𝘁𝗹𝗶𝗻𝗲: 𝟬𝟵𝟱𝟬𝟳𝟬𝟬𝟱𝟯𝟬𝟮 o i-message ang atong opisyal nga 𝗙𝗮𝗰𝗲𝗯𝗼𝗼𝗸 𝗣𝗮𝗴𝗲: 𝗠𝗮𝗻𝗮𝘆 𝗠𝘂𝗻𝗶𝗰𝗶𝗽𝗮𝗹 𝗛𝗲𝗮𝗹𝘁𝗵 𝗢𝗳𝗳𝗶𝗰𝗲.
