Dr. Aileen Cynthia De Lara

10/07/2026

Trangkaso Lang Ba… O Dengue Na?

"Trangkaso lang siguro 'to."

Ito ang madalas nating iniisip kapag masakit ang katawan, nilalamig, at nanghihina tayo. Pero sa panahon ng tag-ulan, mahalagang malaman kung FLU lang ba ito o DENGUE na.

Parehong pwedeng magsimula sa mataas na lagnat, sakit ng ulo, at pananakit ng katawan. Kaya minsan, mahirap silang ma-differentiate sa unang mga araw.

Pero may ilang clues.

Sa flu, mas karaniwan ang ubo, sipon, sore throat, at respiratory symptoms. Pakiramdam mo parang trangkaso talaga.

Sa dengue, madalas mas matindi ang pananakit ng katawan at kasu-kasuan. May ilan ding nagkakaroon ng rashes, pagsusuka, o pananakit sa likod ng mata. Habang lumalala, maaari ring bumaba ang platelet count at magkaroon ng warning signs tulad ng pagdurugo o matinding panghihina.

Ang problema, hindi mo pwedeng i-diagnose ang sarili mo base lang sa sintomas.

Kung mataas ang lagnat na hindi nawawala, lalo na kung may dengue cases sa inyong lugar, huwag basta mag-self-medicate. Magpatingin at magpa-evaluate nang maaga.

Sa dengue, timing matters.

Mas maagang alam, mas maagang maagapan.

09/07/2026

Minsan hindi sintomas ang nagpapalala ng anxiety.

Yung search history.

Isang symptom lang ang i-type mo, tapos ilang click later, convinced ka nang malala na ang sakit mo.

O kabaliktaran.

May mababasa kang "normal lang yan," kaya hindi ka na nagpapa-check kahit kailangan na pala.

Information is helpful. Pero diagnosis requires context.

At walang search engine ang nakakakilala sa medical history, risk factors, at buong kuwento ng katawan mo.

08/07/2026

Ang dengue ay pwedeng may kasamang matinding panghihina, pananakit ng katawan, at pagbaba ng platelets.

Kapag mataas ang lagnat at hindi gumagaling, huwag manghula. Magpa-checkup na.

07/07/2026

Overthinking doesn’t mean mahina ka. It usually means you care a lot.

Pero kapag tuloy-tuloy, nakakapagod din. The goal is not to stop thinking, but to manage it better, one small habit at a time.

Alin dito ang pinaka-relate sa’yo?

06/07/2026

Maraming tao ang alam ang timbang nila.
Pero hindi alam ang cholesterol, blood sugar, o blood pressure nila.

At kadalasan, mas iyon ang mga numerong nagdidikta ng future health mo.

Ang problema sa maraming chronic diseases, tahimik silang nabubuo. Hindi mo sila mararamdaman habang maaga pa.

Kaya ang tunay na goal ay hindi lang magbawas ng timbang. Ang goal ay mabawasan ang risk.

05/07/2026

Lab yourself!

Ask your doctor kung anong lab tests ang kailangan mo.

04/07/2026

“Stress lang.”

“Pagod lang.”

Ito ang madalas sabihin ng maraming babae kahit may warning signs na pala ng heart disease.

Sa video na ito, pinag-uusapan natin kung bakit mas tahimik, mas komplikado, at madalas mas late nada-diagnose ang sakit sa puso sa kababaihan, lalo na sa mga nanay na laging inuuna ang pamilya bago ang sarili.

Alamin:
- Paano naiiba ang sintomas ng heart disease sa babae
- Bakit tumataas ang risk pagkatapos ng menopause
- Paano naaapektuhan ng estrogen ang cholesterol at timbang
- At bakit hindi dapat binabalewala ang madaling pagkapagod, hilo, likod pain, at pananakit ng tiyan

For more info, panoorin ang buong video dito: https://youtu.be/oaHVVnwCmMM

Heart disease remains the number one cause of death among women. Kaya mas mahalaga ngayon ang awareness, prevention, at maagang pagpapatingin.

“Stress lang.”“Pagod lang.”Ito ang madalas sabihin ng maraming ...

04/07/2026

Hindi agad-agad lumalabas ang problema sa katawan.

Pero habang hinihintay mo ang “sintomas,” tumataas na rin ang presyo, physically, emotionally, at financially.

Ang check-up ay hindi lang basta gastos. Good move ‘yan para hindi ka mapahamak sa huli.

03/07/2026

Maraming nanay ang inuuna ang lahat bago ang sarili.

Kapag may nararamdaman, madalas ang iniisip: "Lilipas din 'to." O kaya, "Sino ang mag-aalaga sa pamilya ko kung magpapahinga ako?"

Pero ang pag-aalaga sa sarili ay bahagi rin ng pag-aalaga sa pamilya.

Nakakatuwang makita na mas marami nang kababaihan ang nagpapa-checkup at mas marami na ring mag-asawa ang conscious sa kanilang kalusugan.

Dahil mas madaling alagaan ang mga mahal mo kung inaalagaan mo rin ang sarili mo.

I-tag o i-share ito sa nanay, asawa, ate, tita, o lola na laging inuuna ang iba bago ang sarili niya. ❤️

02/07/2026

“Doc, bakit parang ang bilis mag-init ng ulo ko?”
“Bakit pawis na pawis ako kahit malamig naman?”
“Bakit hirap na hirap akong matulog lately?”

Maraming babae sa 40s at 50s ang nag-iisip na baka “stress lang,” pagod lang, o dala lang ng trabaho at responsibilidad. Pero minsan, ito na pala ang simula ng MENOPAUSE transition.

Ang hot flashes at mood swings ay kabilang sa pinaka-common na sintomas ng perimenopause at menopause. Habang pababa ang estrogen levels, naaapektuhan hindi lang ang regla kundi pati ang temperature regulation, tulog, energy, at emotions.

Kaya may mga pagkakataon na:
- Bigla kang naiinitan kahit naka-aircon
- Pinagpapawisan ka sa gabi
- Madali kang mairita
- Mas emotional ka kaysa dati
- O pakiramdam mo parang “iba” ka lately

At hindi ito “kaartehan.” Totoong may hormonal changes na nangyayari sa katawan sa ganitong edad.

Pero importante rin maintindihan na hindi lahat ng sintomas ay automatic menopause lang. May mga kondisyon tulad ng thyroid problems, anxiety, heart conditions, o sleep disorders na pwedeng magmukhang hormonal symptoms din. Kaya mahalaga pa rin ang tamang check-up at evaluation.

Ano ang pwedeng makatulong?

Consistent movement o exercise, maayos na tulog, pag-iwas sa stress, balanced meals na may sapat na protein at fiber, at regular check-ups habang papunta sa menopausal years.

May mga babae rin na halos walang sintomas. Mayroon ding mas matindi ang nararanasan. Iba-iba ang katawan natin.

Ang goal ay hindi “pigilan” ang menopause. Natural itong bahagi ng buhay ng isang babae. Ang goal ay maintindihan kung ano ang nangyayari sa katawan mo para mas maalagaan mo ang sarili mo habang nagbabago ito.

Hindi mo kailangang tiisin lahat nang mag-isa. At lalong hindi mo kailangang balewalain ang mga pagbabago sa katawan mo.