Rural Health Unit of Medina

30/05/2026

LIBRENG TULI PARA POGI 2026

Kinasingkasing nga pasalamat sa tanang nahimong kabahin ug nakatampo sa kalampusan sa atong Libreng Tuli Para Pogi nga kalihokan gikan sa bulan sa Abril hangtod Mayo.

Dili mahimong malampuson kining mahinungdanong programa kung wala ang bug-os nga suporta sa atong Inahan sa Lungsod, Mayor Marriane Lloren Chan Marriane Chan, RN, sa mga Barangay Captains ug Barangay Councils, sa atong kugihan nga mga BHWs, BNSs, ug BPWs, ug labaw sa tanan, sa pagsalig, pagtugot, ug kooperasyon sa mga ginikanan ug mga tigbantay sa mga kabataan.

Pinaagi sa hiniusang paningkamot sa Rural Health Unit–Medina Staff luyo sa liderato ni Dr. Erlene Grace C. Salvacion-Boter ug sa DOH X HRH-NHWSS, 271 ka mga batang lalaki ang nahatagan sa luwas, libre, ug de-kalidad nga serbisyo sa pagtuli sa ilang tagsa-tagsa ka barangay.

Daghang salamat sa walay hunong nga suporta ug pakig-ambit sa pagpalambo sa panglawas sa katawhan!








📷📸 CTTO

15/05/2026

Viva Sr. San Isidro Labrador!

Gamay nga pahinumdom sa Kapistahan gikan sa buhatan. Para kanunay hapsay ang kadalanan ug kitang tanan luwas.

📸📷CTTO

29/04/2026

📣🌞 PAHIBALO ug PAHINUMDOM🌡️📣

☀️ 𝐇𝐄𝐀𝐋𝐓𝐇 𝐀𝐃𝐕𝐈𝐒𝐎𝐑𝐘: 𝐏𝐑𝐎𝐓𝐄𝐊𝐓𝐀𝐇𝐈 𝐀𝐍𝐆 𝐊𝐀𝐔𝐆𝐀𝐋𝐈𝐍𝐆𝐎𝐍 𝐁𝐀𝐓𝐎𝐊 𝐒𝐀 𝐆𝐑𝐀𝐁𝐄𝐍𝐆 𝐈𝐍𝐈𝐓 𝐔𝐆 𝐄𝐋 𝐍𝐈Ñ𝐎 ☀️

Ang Provincial Health Office sa Misamis Oriental nagtambag sa tanang katawhan nga mag-amping samtang nagpadayon ang El Niño ug nagdala sa init nga panahon sa atong probinsya.

Ang dugay nga pagkabulad sa kainit mahimong hinungdan sa dehydration, heat exhaustion, ug heat stroke.

22/04/2026

Happy Birthday, Doc Pyong Condino Salvacion-Boter!🎉🎊🎈🎂

Your dedication to keeping our community healthy truly makes a difference. Wishing you continued strength, wisdom, and success in your noble service. Stay inspiring!💞💓

20/04/2026

𝐏𝐀𝐇𝐈𝐁𝐀𝐋𝐎📣📣📣

Ania na ang panahon sa pagtuli!

Kini nga kalihokan gikan Abril hangtod Mayo uban sa bug-os nga suporta sa atong Inahan sa Lungsod, Mayor Marriane L. Chan, RN, sa pakigtambayayong sa Rural Health Unit - Medina nga gipangulohan ni Dr. Erlene Grace C. Salvacion-Boter.

Palihug tan-awa ang iskedyul ug ang mga gihatag nga lokasyon para sa matag barangay alang sa inyong giya.

Salamat, ug nagpaabot kami nga makita ang tanan nga mga batang lalaki!

26/03/2026

𝗪𝗢𝗥𝗟𝗗 𝗧𝗕 𝗗𝗔𝗬 𝗖𝗘𝗟𝗘𝗕𝗥𝗔𝗧𝗜𝗢𝗡 𝟮𝟬𝟮𝟲 —

Sa pagsaulog sa World TB Day 2026, nagpahigayon kita og usa ka simpleng kalihokan uban sa atong mga partisipante isip porma sa pagpakita og gugma, suporta, ug pag-amuma kanila sa ilang padayon nga pakigbisog batok sa Tuberculosis.

Kabahin sa maong kalihokan ang paghatag og food packs ngadto sa atong mga partisipante isip gamay nga paagi sa pagpaabot nga dili sila nag-inusara sa ilang pag-antos ug paningkamot padulong sa pagkaayo. Hinaut nga pinaagi niining yano nga tabang, mabati nila ang pag-atiman sa komunidad ug ang paglaom nga kauban nila kita sa matag lakang sa ilang pag-ayo.

Ang kalihokan gipahigayon sa pangulo sa atong Municipal Health Officer - Dr. Erlene Grace Condino Salvacion-Boter, Public Health Nurse - TB Coordinator - Sir JC Capistrano, Nurses ug Midwives, MedTech and staff sa Rural Health Unit – Medina, uban sa mga Nurses, Midwives ug Doctor under HRH-NHWSS from DOH X DOH-CHD Northern Mindanao, ug sa aktibong suporta sa atong Lokal nga Pangulohan sa Medina, ilabi na ni Hon. Mayor Marriane Lloren Chan, RN.

Ang TB dili lang sakit nga tambalan, kundi usa usab ka journey nga nanginahanglan og kusog, suporta, ug pagsabot gikan sa pamilya, health workers, ug tibuok komunidad.

Padayon kitang magtinabangay aron mapalig-on ang kahibalo, mawagtang ang stigma, ug mapakita nga 𝙔𝙀𝙎! 𝙒𝙀 𝘾𝘼𝙉 𝙀𝙉𝘿 𝙏𝘽!

Duyog kita sa pag-atiman, pagdasig, ug paglaom alang sa usa ka mas himsog ug TB-free Medina.

07/02/2026

Agig tubag sa Tropical Cyclone "Basyang", gi-activate sa Rural Health Unit–Medina ang On-Standby 24-Hour Health Emergency Response Team nga gipangulohan ni Dr. Erlene Grace C. Salvacion-Boter kuyog sa mga Nurses, Midwives, RSI, RMT, ug mga Staff; uban sa mga DOH CHD-NM HRH-NHWSS Doctor, Nurses, ug Midwives.

Ang tanan nga mga pamilya nga namuyo gikan sa baybay ug landslide prone areas ang anaa sa mga Evacuation Sites ug gihatagan dayon sa hinungdanon nga mga serbisyo sa kahimsog, pagsiguro nga ang ilang mga panginahanglanon sa panlawas igo nga natubag.

Kini nga mga inisyatiba hingpit nga gisuportahan sa inahan sa Lungsod Mayor Marriane Lloren Chan Marriane Chan, partner nga ahensya, ug tanang stakeholders nga nalambigit.

📷📸CTTO

06/02/2026

𝐔𝐥𝐚𝐧 𝐮𝐠 𝐁𝐚𝐠𝐲𝐨? 𝐌𝐚𝐠𝐛𝐚𝐧𝐭𝐚𝐲 𝐬𝐚 𝐋𝐞𝐩𝐭𝐨𝐬𝐩𝐢𝐫𝐨𝐬𝐢𝐬

Sa panahon sa ulan, mas taas ang risgo sa 𝐋𝐞𝐩𝐭𝐨𝐬𝐩𝐢𝐫𝐨𝐬𝐢𝐬. Busa, ang kalimpyo sa palibot importante kaayo aron malikayan ang sakit nga dala sa bakterya.

Ania ang dugang nga impormasyon nga angay natong masayran aron mapalig-on ang proteksyon saatong pamilya ug komunidad batok sa Leptospirosis.

06/02/2026

FACT CHECK MUNA! NO TO DISINFORMATION!

𝐅𝐀𝐂𝐓 𝐂𝐇𝐄𝐂𝐊: 𝐌𝐑 𝐕𝐀𝐂𝐂𝐈𝐍𝐄, 𝐋𝐔𝐖𝐀𝐒 𝐔𝐆 𝐏𝐑𝐎𝐓𝐄𝐊𝐓𝐀𝐃𝐎 𝐀𝐍𝐆 𝐊𝐀𝐁𝐀𝐓𝐀𝐀𝐍

Ang Department of Health–CHD Northern Mindanao nagpahibalo sa tanan mahitungod sa mga na post sa social media bahin sa giingong dautang epekto sa Measles-Rubella (MR) vaccine, kini wala pa mapamatud-an.

Sa pagkakaron, wala’y ebidensya nga ang bakuna maoy hinungdan sa giingong mga sintomas, ug ang mga eksperto naghimo na og imbestigasyon bahin niini. Gusto namong ipa abot sa publiko nga ang MR vaccine luwas, epektibo, ug dugay na natong gigamit para maprotektahan ang mga bata batok sa tipdas ug rubella.

Likayan nato ang pagpakaylap og mga posts nga dili sigurado o unverified kay naghatag lang kini og kahadlok ug kalibog. Giawhag ang tanang mga ginikanan nga dili mahadlok ug padayon nga pabakunahan ang inyong mga anak sa pinakaduol nga health center.

Motoo lang kita sa mga legitimate source of information sama sa DOH aron masiguro ang kaluwasan sa atong pamilya ug komunidad. 𝐍𝐎 𝐓𝐎 𝐃𝐈𝐒𝐈𝐍𝐅𝐎𝐑𝐌𝐀𝐓𝐈𝐎𝐍!