BHS-Brgy 3

08/03/2026

𝗔𝗕𝗜𝗦𝗢 𝗦𝗔 𝗣𝗨𝗕𝗟𝗜𝗞𝗢! ‼️📣

Alinsunod sa 𝑴𝒆𝒎𝒐𝒓𝒂𝒏𝒅𝒖𝒎 𝑪𝒊𝒓𝒄𝒖𝒍𝒂𝒓 𝑵𝒐. 𝟏𝟏𝟒 na inilabas ng Office of the President sa pamumuno ni Pangulong Ferdinand R. Marcos Jr., ipinababatid sa lahat na simula 𝗠𝗮𝗿𝘀𝗼 𝟵, 𝟮𝟬𝟮𝟲 (𝗟𝘂𝗻𝗲𝘀) 𝗮𝘆 𝗶𝗽𝗮𝘁𝘂𝘁𝘂𝗽𝗮𝗱 𝘀𝗮 𝗺𝗴𝗮 𝘁𝗮𝗻𝗴𝗴𝗮𝗽𝗮𝗻 𝗻𝗴 𝗟𝗼𝗸𝗮𝗹 𝗻𝗮 𝗣𝗮𝗺𝗮𝗵𝗮𝗹𝗮𝗮𝗻 𝗻𝗴 𝗠𝗲𝗿𝗰𝗲𝗱𝗲𝘀 𝗮𝗻𝗴 𝗮𝗽𝗮𝘁 (𝟰) 𝗻𝗮 𝗮𝗿𝗮𝘄 𝗻𝗮 𝗖𝗼𝗺𝗽𝗿𝗲𝘀𝘀𝗲𝗱 𝗪𝗼𝗿𝗸𝘄𝗲𝗲𝗸.

𝗟𝘂𝗻𝗲𝘀 𝗵𝗮𝗻𝗴𝗴𝗮𝗻𝗴 𝗛𝘂𝘄𝗲𝗯𝗲𝘀: 𝟴:𝟬𝟬 𝗔.𝗠. – 𝟳:𝟬𝟬 𝗣.𝗠. 𝗕𝗶𝘆𝗲𝗿𝗻𝗲𝘀: 𝗪𝗮𝗹𝗮𝗻𝗴 𝗣𝗮𝘀𝗼𝗸 (𝗡𝗼𝗻-𝗪𝗼𝗿𝗸𝗶𝗻𝗴 𝗗𝗮𝘆)

Gayunpaman, hindi saklaw ng kaayusang ito ang mga tanggapan at yunit na nagbibigay ng emergency response (𝙈𝘿𝙍𝙍𝙈𝙊) serbisyong pangkalusugan (𝙈𝙃𝙊), 𝙈𝘼𝙍𝙆𝙀𝙏, at 𝙁𝙄𝙎𝙃𝙋𝙊𝙍𝙏 upang patuloy na magpapatupad ng kanilang regular na iskedyul upang matiyak ang tuloy-tuloy na serbisyo sa publiko.

01/03/2026

Matagumpay na isinagawa ang dalawang araw na BHA at BHW Reference Manual Training noong Pebrero 23–24, 2026.

Layunin ng pagsasanay na palawakin ang kaalaman at kasanayan ng mga Barangay Health Aide (BHA) at Barangay Health Worker (BHW) sa tamang pagbibigay ng serbisyong pangkalusugan sa komunidad.

Kasama sa mga dumalo sa nasabing pagsasanay ang ating mga BHA na sina Lucia Soterio Jocelyn Clidro Remedios Saquido Maricar Cardinal Cadag

Sa pamamagitan ng patuloy na pagsasanay, mas napapalakas ang kakayahan ng ating mga health workers na makapaghatid ng dekalidad, maagap, at makataong serbisyo para sa kalusugan ng bawat mamamayan.

01/03/2026

[BARANGAY HEALTH BOARD AT NUTRITION COUNCIL MEETING ]

Isinagawa ang pagpupulong ng Barangay Health Board at Nutrition Council noong Pebrero 27, 2026 upang talakayin ang mahahalagang usapin kaugnay ng kalusugan at nutrisyon sa barangay. Tinalakay ang mga programa tulad ng Operation Timbang, deworming, at iba pang serbisyong pangkalusugan.

Napag-usapan din ang mga kinakailangang datos at ulat upang mas mapalakas ang implementasyon ng mga programa at masigurong maayos ang serbisyo sa komunidad. Ipinahayag ng mga opisyal ang kanilang suporta sa patuloy na pagpapatupad ng mga proyekto para sa ikabubuti ng mamamayan.

Patuloy ang pagtutulungan ng Barangay Health Board at Nutrition Council para sa mas malusog at maunlad na barangay.

01/03/2026

[LIBRENG HIV TESTING PARA SA MGA BUNTIS]

Isinagawa noong ika-26 ng Pebrero 2026 ang libreng HIV testing para sa mga buntis bilang bahagi ng patuloy na programa sa maternal health at maagang pagtuklas ng sakit.

Ang nasabing aktibidad ay matagumpay na naisagawa sa pangunguna ni Sir Arnel Balanlayos, Medtech, upang masiguro ang kaligtasan ng ina at ng kanilang dinadala.

Patuloy ang paalala sa mga buntis na makiisa sa mga ganitong serbisyong pangkalusugan upang mapanatiling ligtas at malusog ang mag-ina.

01/03/2026

[PIMAM TRAINING]

Isinagawa noong Pebrero 18–20, 2026 ang tatlong araw na PIMAM (Philippine Integrated Management of Acute Malnutrition) Training sa Juanita’s Events Place, Brgy. 4, Mercedes. Dinaluhan ito ng mga Nurses, Midwives, at Barangay Nutrition Scholars (BNS) mula sa iba’t ibang barangay ng bayan

Kabilang sa mga dumalo ang BNS ng ating Barangay na sina Ma.Concepcion Abainza Ronald Ibañez at Jane Bernardo Victa sa pangunguna ng kanilang Nurse na si Nurse Zyra de Guzman

Layunin ng pagsasanay na higit pang palakasin ang kakayahan ng mga health workers sa tamang pagtukoy, pamamahala, at pagmonitor ng mga batang may malnutrisyon sa komunidad.

Nagsilbing mga tagapagsalita sina Sir Glenn Paolo Morales, Nutritionist and Dietitian mula sa DOH;
Sir Jeffson Canlas, Provincial Nutrition Program Coordinator; Dr. Claudette Jane Ilagan, DTTB/RHP; Maam Rhea Asiatico,MNAO Designate; at Maam Mary Rose Brequillo Midwife II. Ibinahagi nila ang mahahalagang kaalaman at updates kaugnay ng implementasyon ng PIMAM program.

Malaking tulong ang mga kaalamang natutunan ng ating mga Barangay Nutrition Scholars (BNS) upang mas mapabuti ang kalagayan ng kalusugan at nutrisyon ng mga bata sa ating barangay.

22/01/2026

Isinagawa ang OPT Data Quality Check sa Barangay 3 sa pangunguna ni Ma’am Rhea Asiatico,MNAO Designate at Ma’am Glecie Formentera,LGU Nutritionist and Dietitian.

Salamat po sa OPT Team ng Barangay 3
Sa Barangay Council sa pamumuno ni Kap Troy A. Camalla,Kgd Committee on Health Federico Manliclic at Co-Chairman Kgd Zaida Badinas
At sa lahat ng katuwang sa isinagawang Operation Timbang Plus Data Quality Check.

Ang maayos na datos ay susi sa mas maayos na serbisyo para sa ating komunidad.

15/01/2026

13/01/2026

Patuloy pa rin ang pag iikot ng ating mga healthworker upang mamigay ng pamulate (1- 19 years old) at pagtitimbang sa mga batang may edad 0-59 na buwan.

Bilang panimulang hakbang, inuna munang isagawa ang pamimigay ng pamulate at ang pagtitimbang sa mga bata sa Purok 5.

Sa mga hindi pa po natitimbang at nabibigyan ng pamulate maaari din po ninyong dalhin ang inyong anak sa aming health center Lunes hanggang Biyernes mula alas 8 ng umaga hanggang alas 5 ng hapon.

Para sa iba pang katanungan makipag-ugnayan sa mga BHA/BHW o BNS sa inyong purok.