NAIC- Rural Health Unit

03/08/2026

💉 IMPORTANCE OF CHILD IMMUNIZATION 💚

Ang pagbabakuna ay isa sa pinakamabisang paraan upang maprotektahan ang mga sanggol at bata laban sa mga mapanganib na sakit. Ligtas, mabisa, at libre ang mga bakunang ibinibigay sa ating mga Health Center at Rural Health Unit.

Sa bawat batang nababakunahan, mas napapalakas natin ang proteksyon ng buong pamilya at komunidad laban sa mga sakit na maaaring maiwasan sa pamamagitan ng bakuna.

🤝 Sama-sama nating tiyakin na kumpleto ang bakuna ng bawat bata. Dalhin ang inyong anak sa pinakamalapit na Health Center o Rural Health Unit ayon sa itinakdang iskedyul ng pagbabakuna.

💙 Kumpletong Bakuna, Kumpletong Proteksyon. Bakunadong Bata, Mas Ligtas ang Pamilya at Komunidad.

02/08/2026

🚭 NO SMOKING REMINDER

Bawat sigarilyong hindi mo sinisindihan ay isang hakbang tungo sa mas malusog na baga at mas mahabang buhay. 🫁💚

Ang paninigarilyo ay isa sa mga pangunahing sanhi ng sakit sa baga, sakit sa puso, stroke, at iba't ibang uri ng kanser. Hindi lamang ang naninigarilyo ang naaapektuhan pati ang mga taong nalalanghap ang usok nito (secondhand smoke).

✅ Piliin ang malusog na pamumuhay.
🚭 Iwasan ang paninigarilyo at va**ng.
👨‍👩‍👧‍👦 Protektahan ang iyong pamilya laban sa usok ng sigarilyo.

Alagaan ang iyong baga ngayon para sa mas malusog na kinabukasan.

02/08/2026

📢📢 PUBLIC ADVISORY

Magandang araw po!

Bilang pagganap ng ating mga RHU Staff sa Measles-Rubella Supplemental Immunization Activity (MR-SIA) at Medical Examination ng mga Student Athletes, magkakaroon po ng pansamantalang limitadong kapasidad ang ating OPD Medical Consultation ngayong buong buwan ng Agosto.

Mananatili po ang ating regular na iskedyul ng OPD, subalit maaaring mas kaunti ang bilang ng mga pasyenteng maa-accommodate bawat araw, depende sa available na healthcare personnel at sa kasalukuyang operasyon ng ating RHU.

📅 OPD SCHEDULE

🩺 Monday, Tuesday & Thursday
📌 OPD Medical Consultation (Main RHU & RHU Annex)

💉 Wednesday
📌 Walang OPD Medical Consultation
➡️ Barangay Immunization Services

👵 Friday
📌 PWD & Senior Citizen Consultation
📌 Laboratory Reading / Result Interpretation

🙏 Humihingi po kami ng paumanhin sa anumang abalang maaaring maidulot. Lubos po kaming nagpapasalamat sa inyong pang-unawa at pakikiisa habang isinasagawa ang mga mahahalagang programang pangkalusugan ng ating bayan.

Maraming salamat po.

31/07/2026

🫁 AUGUST IS NATIONAL LUNG MONTH! 💙

Ngayong buwan ng Agosto, sama-sama nating pangalagaan ang ating mga baga para sa mas malusog na pamumuhay.

Narito ang ilang paraan upang mapanatiling malusog ang ating mga baga:
🚭 Iwasan ang paninigarilyo at secondhand smoke.
🌿 Panatilihing malinis ang hangin sa paligid.
🏃 Mag-ehersisyo nang regular.
🥗 Kumain ng masustansyang pagkain.
😷 Magsuot ng face mask kung kinakailangan, lalo na sa mausok o maalikabok na lugar.
🩺 Magpatingin agad sa health center kung may ubo na tumatagal ng dalawang linggo o higit pa, hirap sa paghinga, o iba pang sintomas.

Alagaan ang iyong baga, alagaan ang iyong buhay. 💙

31/07/2026

31/07/2026

DENTAL MISSION FOR PWDs at NAIC RURAL HEALTH UNIT MAIN IN PARTNERSHIP WITH PROVINCIAL HEALTH OFFICE DENTISTS.

31/07/2026

NAIC DAY CARE NUTRITION MONTH CELEBRATION 2026 KASAMA ANG MEASLES RUBELLA SIA CAMPAIGN SA PAG TUTULUNGAN NG DOH, NAIC RHU, NAIC LGU AT IBA PANG AHENSYANG ATING MAKAKATULONG NGAYONG DARATING NA AGOSTO.

DAHIL ANG BATANG NAICQUEÑOS! BAKUNADO! PROTEKTADO!

30/07/2026

Huling Araw ng Hulyo Checklist

Bago matapos ang buwan, tanungin ang iyong sarili:

✅ Nakainom ba ako ng sapat na tubig?
✅ Kumakain ba ako ng prutas at gulay araw-araw?
✅ Nakapaglakad o nakapag-ehersisyo ba ako?
✅ Sapat ba ang aking tulog?
✅ Kumusta ang aking kalusugan?

Ang maliliit na hakbang ngayon ay malaking tulong para sa mas malusog na bukas.

28/07/2026

🌈🍎 EAT A RAINBOW! 🥦🍇🥕

Ang pagkain ng iba't ibang kulay ng prutas at gulay araw-araw ay nakatutulong upang makuha ng ating katawan ang iba't ibang bitamina, mineral, at nutrients na kailangan para manatiling malusog.

Bawat kulay ay may benepisyo:

❤️ P**a – Para sa puso at malusog na sirkulasyon ng dugo. (Kamatis, pakwan, mansanas)
🧡 Kahel – Mayaman sa Vitamin A para sa malusog na mata at balat. (Kalabasa, karot, mangga)
💛 Dilaw – Tumutulong sa pagpapalakas ng resistensya. (Saging, pinya)
💚 Berde – Mabuti para sa buto, dugo, at pangkalahatang kalusugan. (Malunggay, pechay, broccoli, kangkong)
💜 Lila – May antioxidants na tumutulong sa kalusugan ng utak at puso. (Talong, ubas, ube)

🥗 Mas makulay ang iyong plato, mas maraming sustansya ang iyong nakukuha.

📍 Ugaliing kumain ng iba't ibang prutas at gulay araw-araw bilang bahagi ng isang balanseng pagkain para sa mas malusog na pangangatawan.

💚 Kulay-kulayin ang iyong plato, alagaan ang iyong kalusugan!

28/07/2026

ISANG MALAKING KOLABORASYON KATULONG ANG RED CROSS PARA SA GAGANAPING MR-SIA "LIGTAS TIGDAS" NGAYONG AGOSTO!!!

KASAMA ANG KANILANG MGA LICENSE NURSES, MIDWIVES at MEDICAL VOLUNTEERS PARA SA MALAWAKANG BAKUNAHAN KONTRA TIGDAS!

Dahil ang Batang Naicqueños! Bakunado! Protektado!