29/08/2026
PAULIT-ULIT PO NAMIN IPINAALALA MULA SA NAIC MUNICIPAL HEALTH OFFICE NAIC:
MAG-INGAT PO TAYONG LAHAT SA PAGLUSONG SA BAHA, LALO NA PO NGAYON NA WALANG TIGIL ANG PAG-ULAN.
Ang leptospirosis ay isang seryosong sakit at hindi po ito dapat balewalain. Kung maaari, iwasang lumusong sa baha lalo na kung hindi kinakailangan.
DOH: WALANG SUGAT PERO LUMUSONG SA BAHA? MAGPAKONSULTA PA RIN KONTRA SA LEPTOSPIROSIS!
Hindi kailangang may malaking sugat para magkaroon ng leptospirosis. Maaaring makapasok ang Leptospira bacteria sa katawan sa pamamagitan ng mata, ilong, bibig, o maliliit na sugat sa balat kapag lumusong sa baha na maaaring kontaminado ng ihi ng infected na hayop.
Kung kayo po ay lumusong sa baha, may sugat man o wala, mas mabuting magpakonsulta agad sa pinakamalapit na health facility upang ma-assess at malaman kung kailangan ng gamot o prophylaxis.
⚠️ HUWAG BASTA-BASTA UMINOM NG DOXYCYCLINE.
Hindi ito angkop para sa lahat. Kabilang sa mga kailangang maingat na ma-assess ng health professional ang mga buntis, nagpapasuso, at mga batang wala pang 8 taong gulang. Kumonsulta muna bago uminom ng anumang gamot.
🚨 MAGPAKONSULTA AGAD KUNG MAKARANAS NG:
✅ Lagnat
✅ Pananakit ng ulo at katawan
✅ Pamumula o paninilaw ng mata
✅ Paninilaw ng balat (jaundice)
✅ Iba pang hindi pangkaraniwang sintomas matapos lumusong sa baha
Muli, mag-ingat po tayong lahat. Sa patuloy na pag-ulan at pagbaha, iwasan po natin ang hindi kinakailangang paglusong sa baha at agad na magpakonsulta kung kinakailangan.
Source: Department of Health (DOH)
