Brgy. Sibul Health Center

12/05/2026

📢 PABATID SA MGA MAGULANG 📢

📌 Vitamin A Supplementation para sa mga Batang Edad 6–59 Buwan

Inaanyayahan na makiisa ang bawat magulang sa pagbibigay ng Vitamin A supplementation sa kanilang anak na may edad 6 hangang 59 na buwan.👶💙

✅ Ano ang naitutulong ng Vitamin A?
• Pinapalakas ang resistensya ng bata laban sa sakit.
• Nakakatulong sa malinaw at malusog na paningin 👀
• Mahalaga para sa tamang paglaki at development.
• Nakakatulong makaiwas sa malnutrisyon at impeksyon.

📍Magtungo sa inyong health center o abangan ang mga health workers na mag-iikot sa inyong mga bahay upang mabigyan ng Vitamin A ang inyong anak.

❤️ Suportahan ang kalusugan ng inyong mga anak para sa mas maliwanag na kinabukasan!

11/05/2026

11/05/2026

Wishing you a wonderful birthday! Thank you for your unwavering commitment and for being the heart of our Barangay Health Service. Stay safe and blessed." Enjoy your day 🥳🎉💐

11/05/2026

ALAM NIYO BA?
Ang nababalita ngayon na 'hantavirus' ay isang grupo ng mga viruses na galing sa daga at ilang mga katulad na uri nito. Maaari itong maipasa sa tao kung siya ay mae-expose sa ihi, dumi, o laway ng apektadong daga; at sa di karaniwang pagkakataon ay maaari rin itong maipasa sa pamamagitan ng exposure mula sa apektadong tao.

Pinaaalalahanan pa rin ng Bataan PHO ang lahat na maging maingat at ugaliin ang mga sumusunod upang masiguro ang kaligtasan mula sa banta ng nasabing virus:

-Gawing malinis ang mga pinalalagiang lugar lalo na ang inyong tahanan

-Takpang mabuti ang mga pagkain pati na ang lahat ng mga lagayan ng pagkain

-Saraduhan ang mga lugar na maaaring pasukan ng mga daga

-Gumamit ng proteksyon tuwing maglilinis lalo na kung mayroong mga bakas ng dumi o ihi ng daga; at

-Siguraduhin din mabasa ng kahit paunti-unti ang kontaminadong lugar o bagay bago ito tuluyang linisan upang maiwasan ang mabilisang paglanghap ng mikrobyo

Kung sakali naman na ikaw ay makararanas ng mga sumusunod na sintomas ay maiging magtungo sa pinakamalapit na health station sa inyong lugar:
1. Lagnat
2. Pananakit ng ulo
3. Pagkahilo at pagsusuka
4.Pananakit ng kalamnan

Ang agarang pagbibigay pansin sa mga sintomas ay nakatutulong upang hindi mauwi sa mas malalang problemang pangkalusugan.

Patuloy lamang na nakaalerto ang mga disease surveillance units sa ating lalawigan upang mabilis na matukoy at matugunan ang mga nakahahawang sakit at banta sa kalusugan.

Sama-sama tayo sa pagkamit ng isang ligtas at malinis na komunidad para sa matatag na pamilyang Bataeño.

08/05/2026

Nagtungo sa ating Barangay ang Mobile Primary Care Facility (Bagong Pilipinas Coaster) sa pamumuno ni Gov. Joet Garcia, na gawing malusog at matatag ang pamilyang Bataeño, sa ilalim ng inisyatibo ng Bataan Provincial Health Office.

Hatid ang libreng laboratory tests gaya ng blood chem at urinalysis.

Kasabay din nito isinagawa ang PUROKALUSUGAN, Hatid ng Orani Municipal Health, at Matagumpay na nairehistro Ang ating ka Barangay para sa Philhealth-Yakap.

Sama-sama tayo sa pagkamit ng isang malusog at mapagkalingang komunidad para sa mas matatas na pamilyang Bataeño.

08/05/2026

𝗡𝗔𝗧𝗜𝗢𝗡𝗔𝗟 𝗛𝗘𝗔𝗟𝗧𝗛 𝗪𝗢𝗥𝗞𝗘𝗥𝗦’ 𝗗𝗔𝗬

𝑴𝒂𝒃𝒖𝒉𝒂𝒚 𝒂𝒏𝒈 ??𝒕𝒊𝒏𝒈 𝒎𝒈𝒂 𝒉𝒆𝒂𝒍𝒕𝒉 𝒘??𝒓𝒌𝒆𝒓𝒔!

𝗡𝗔𝗧𝗜𝗢𝗡𝗔𝗟 𝗛𝗘𝗔𝗟𝗧𝗛 𝗪𝗢𝗥𝗞𝗘𝗥𝗦’ 𝗗𝗔𝗬

Pagpupugay sa lahat nang masisipag, matitiyaga, at dedikadong health workers mula sa Pamahalaang Panlalawigan ng Bataan.

Taos-puso po kaming nagpapasalamat sa inyong hindi matatawarang serbisyo at sakripisyo upang mapangalagaan ang kalusugan ng ating mga kababayan.

𝑴𝒂𝒃𝒖𝒉𝒂𝒚 𝒂𝒏𝒈 𝒂𝒕𝒊𝒏𝒈 𝒎𝒈𝒂 𝒉𝒆𝒂𝒍𝒕𝒉 𝒘𝒐𝒓𝒌𝒆𝒓𝒔!

05/05/2026

Isang Mapagpalang Araw po.

Magkakaroon po tayo ng LABS for ALL(free blood chem) po
courtesy of PHO on May 7,2026 (Thursday)
sa Basketball court po..
30 Patients po ang icacater ng PHO for laboratory

📍First come, First serve nlang po ang mangyayari.

📍Fasting po from 12midnight-8am po.

📍Kasabay din po nito ang Registration po ulit ng Yakap sa mga Hindi pa po ngreregister-From RHU naman po ang bisita

📍Lahat po ay inaadvise n magdala ng XEROX ng valid id,Birth cert,marriage contract kung kasal.

26/04/2026

Philhealth-Yakap updating and Household Profiling 2026

Nag House to House ang ating mga B-ayani H-angang W-akas (BHW) at Ang ating Midwife Charmaine A. Coz, upang maiupdate Ang ilan sa ating mga Ka Barangay, Para sa Philhealth-Yakap at Household Profiling.
Di-alintana Ang init ng Araw!
Wala rin Sabado o Lingo upang makapag bigay serbisyo.🤗❤️.



🖊️

17/04/2026

Maraming Salamat po konsi Wewe Medina❤️
sa inyong malasakit sa aming komunidad🫰🏻
lubos po naming pinapahalagahan ang pagbibigay ng libreng gamot para sa aming Barangay. God bless always 🥰

10/04/2026

ALAM NIYO BA?
Buwan na naman ng Vitamin A supplementation ngayong Abril, kung kaya't paanyaya ng Bataan Provincial Health Office na dalhin ang inyong mga anak na 6-59 na buwang gulang sa pinakamalapit na barangay health station sa inyong lugar para makatanggap ng libreng vitamin A drops, gayundin sa mga kapapanganak na nanay.

Isa sa karaniwang problemang pang-nutrisyon dito sa Pilipinas ay ang Vitamin A deficiency na nagdudulot ng pagkahina ng ating katawan sa paglaban nito sa impeksyon, pagbagal ng paglaki ng mga bata at ng development ng ilang mga organo. Sa mga pagkakataon namang hindi agad mabibigyang pansin, ito ay maaaring mauwi sa pagkabulag at kamatayan.

Huwag balewalain ang nutrisyon para sa malakas at maayos na paggana ng bawat organo sa ating katawan. Patuloy ding sundin ang Pinggang Pinoy at ang 10 Kumainments. Sama-sama tayo sa pagkamit ng isang masiglang komunidad para sa mas matatag na pamilyang Bataeño.