Panabo City Health Office

01/10/2026

LANTAWA | Malampuson nga nahuman ang lima (5) ka adlaw nga training sa Basic Life Support (BLS) ug Standard First Aid (SFA) alang sa mga Health Emergency Response Team (HERT) sa City Health Office.

Ang maong training nagtumong sa pagpalig-on sa knowledge, skills, ug readiness sa atong mga HERT members aron mas andam sila sa paghatag og mgabfirst aid, life-saving interventions, ug medical response panahon sa emergencies ug disasters.

Gipahigayon kini pinaagi sa City Health Office – Disaster Risk Reduction Management in Health (DRRM-H) program, in coordination with the Department of Health (DOH) ug City Disaster Risk Reduction and Management Office (CDRRMO).

Daghang salamat sa atoang mga trainers, facilitators, participants, ug partner agencies sa ilang panahon, expertise, cooperation, ug commitment.

Trained. Prepared. Ready to Respond.

27/09/2026

𝐀𝐃𝐕𝐈𝐒𝐎𝐑𝐘 | Memorandum Order No. 1091, s. 2026 – Suspension of Office Work in Local Government Offices of Panabo City Starting at 1:00 PM on September 28, 2026.

In observance of Family Week, as declared under Proclamation No. 326, s. 2012, office work in the local government offices will be suspended starting at 1:00 PM on September 28, 2026, to give government employees and their families time to celebrate “Kainang Pamilya Mahalaga Day” in their respective homes.

Offices shall resume work on September 29,2026, Tuesday.

25/09/2026

PAHIBALO!

Adunay temporaryong kausaban sa oras alang sa general check-up sa atoang OPD.

DATE: SEPTEMBER 26,2026
TIME: SUGOD 8:00 PM

Kini gibuhat aron mahatagan ug gahin ang umaabot nga YAKAP CARAVAN alang sa mga BENEPISYARYO sa PANABO HOME OWNERS ASSOCIATION (partner with PhilHealth Tagum & City Housing)

DATE: SEPTEMBER 26,2026 (SABADO)
TIME: 7:00AM HANTUD 6:00PM
VENUE: PANABO CITY HEALTH OFFICE -OPD

Naghangyu kami sa inyong dakong pagsabot ug kooperasyon.
Daghang Salamat!

24/09/2026

Dapat ba ko mabalaka sa Leptospirosis?

Sa panahon sa ting-ulan, adunay mga higayon nga dili malikayan ang pagbaha.

Pagkat-on gikan sa mga hulagway sa ubos nga mga giya aron malikayan ang sakit nga Leptospirosis.

Panalipdi ang atong kaugalingon batok sa sakit nga Leptospirosis!

24/09/2026

DOH: HINUMDOMI ANG MGA ANGAY BUHATON BATOK SA LEPTOSPIROSIS

Ang mga sintomas sa Leptospirosis mahimong mogawas hangtod 14 ka adlaw human maapakan o milusong sa baha. Magpakonsulta dayon sa labing duol nga ospital o YAKAP Clinic.

⚠️ Importanteng pahimangno: Kinahanglan ang hustong reseta gikan sa doktor aron makakuha og tambal batok sa Leptospirosis.

Padayon sa pag-amping karong ting-uwan.

DOH: HINUMDOMI ANG MGA ANGAY BUHATON BATOK SA LEPTOSPIROSIS

Ang mga sintomas sa Leptospirosis mahimong mogawas hangtod 14 ka adlaw human maapakan o milusong sa baha. Magpakonsulta dayon sa labing duol nga ospital o YAKAP Clinic.

⚠️ Importanteng pahimangno: Kinahanglan ang hustong reseta gikan sa doktor aron makakuha og tambal batok sa Leptospirosis.

Padayon sa pag-amping karong ting-uwan.

18/09/2026

CONGRATULATIONS, CHO WELLNESS WARRIORS!

CONGRATULATIONS sa CHO Wellness Warriors! 2nd Place sa Dance Contest during the LGU Night 2026, isip kabahin sa 71st Parochial Fiesta sa Sto. Niño Parish, Panabo City kagabie Septyembre 18, 2026.

Bisan pa sa ka busy nga schedules sa trabaho, nigahin gihapon sila og panahon aron sa pagpraktis, pagtinabangay, ug mo perform og usa ka well-deserved winning number!

Work hard, dance harder!
Proud kaayo ang Panabo City Health Office kaninyo!

Padayon, Wellness Warriors!

15/09/2026

LANTAWA | Malampusong natapos na ang 3 days sa Reproductive Health and Wellness Unit ang Peer Education and Community-Based HIV Screening Training Batch 3, nga gipahigayon niadtong September 9 hantud 11, 2026 didto sa RJ3 Traveler’s Dine, Brgy. Gredu, Panabo City.

Sulod sa tulo ka adlaw, napalambo sa mga partisipante ang ilang kahibaloan ug kahanas kabahin sa HIV ug STI prevention, community-based HIV screening, risk assessment, SOGIESC, safer s*x practices, ug linkage to care.

Dili lamang kahibalo ang ilang gidala pagkahuman sa training, kundili usa ka bag-ong paningkamot sa pag-edukar, paghatag og hustong impormasyon, pagpakunhod sa stigma, ug pagpalig-on sa HIV awareness sa komunidad.

Maghiusa ta sa pagdala sa kahibalo ngadto sa aksyon para sa mas nahibaloan, mas lig-on, ug mas himsog nga Panabo!

12/09/2026

PANABO CITY HEALTH OFFICE, BACK-TO-BACK SA SERBISYONG PANGKALUSUGAN!

Aktibong miapil ang Panabo City Health Office (CHO) sa duha ka importanteng kalihokan karong adlawa, ang 71st Parochial Fiesta Fun Run 2026 ug ang Free Medical and Dental Consultation nga gipahigayon sa Sto. Niño Parish, Panabo City.

Kabahin sa suporta sa CHO sa kalihokan ang paghatag og health assistance ug pag-apil sa komunidad aron mapalambo ang kahimsog ug kaayohan sa mga Panaboanon, ilabi na sa selebrasyon sa parokya.

Niapil ug nitampo sa maong kalihokan sila Dr. Jomar Jason Adorable, Dr. Christine Joy Atablanco, Ms.Eden Lustre, RN, Ms. Roviglo Amor Pantua, RN, Ms.Shaira Mae Cuizon, ug Mr. Crizaldo Reyes, uban sa mga Barangay Health Workers (BHWs) sa Brgy. Sto. Niño, nga gipangulohan sa ilang midwife nga si Ms. Amorey Agcopra, RM.

Ang maong inisyatibo nagpakita sa padayong paningkamot sa Panabo City Health Office nga mapaduol ang serbisyong panglawas ngadto sa katawhan.

Padayon sa serbisyo, padayon sa pag-atiman sa kahimsog sa matag Panaboanon!

12/09/2026

LANTAWA | Mas gipakusgan ang kahibalo ug kapasidad alang sa luwas nga tubig ug andam nga komunidad!

Gipahigayon ang Water Sampling in Emergencies and Disasters Training didto sa Mariculture Park, Brgy. J.P. Laurel, Panabo City, nga gitambongan sa 51 ka Barangay Sanitary Inspectors (BSIs) — 44 gikan sa Panabo City, 6 gikan sa Municipality of Dujali, ug 1 gikan sa Municipality of Carmen.

Gitambongan usab kini ni Dr. Algae Rose A. Sumaoang-Hechanova, City Health Officer sa Panabo City, kauban ang mga resource speakers gikan sa Provincial DOH Office (PDOHO) of Davao del Norte: Dr. Josephine Therese P. Parreñas, MD, Provincial Health Officer I/Technical Head; Vincent Hyner Delima, RN, Sanitation Inspector VI; Marife B. Tampadong, RM, Sanitation Inspector IV; Ruby D. Rosal, RMT, Medical Technologist II; ug Geonryose I. Bacalso, RMT, Medical Technologist I.

Pinaagi sa mga lectures, demonstrations, ug actual water sample collections, napalambo ang kahibalo sa mga BSIs kabahin sa hustong water sampling, water disinfection, treatment sa water sources, ug proper collection sa water samples, mga importanteng skills ilabi na panahon sa emergencies ug disasters.

Nahimo kini pinaagi sa hiniusang pagpaningkamot sa PDOHO Davao del Norte ug sa ENVISAN Team sa City Health Office of Panabo, isip kabahin sa padayon nga pagpalig-on sa water safety ug public health preparedness sa mga komunidad.

Luwas nga tubig, andam nga komunidad, himsog nga Panaboans!

11/09/2026

PEER EDUCATION AND COMMUNITY-BASED HIV SCREENING TRAINING – BATCH 3 | DAY 2

Padayon ang Pagkat-on ug Pagpalig-on sa Kahibalo Alang sa mas Himsog ug mas Informed nga Komunidad!

Gipadayon kagahapon September 10, 2026 ang Day 2 nga Peer Education and Community-Based HIV Screening Training – Batch 3 nga gipahigayon sa RJ3 Traveler’s Dine, Brgy. Gredu, Panabo City.

Sa ikaduhang adlaw sa training, mas gipatas-an ang paghisgot ug pagkat-on sa mga importanteng konsepto may kalabotan sa SOGIESC (S*xual Orientation, Gender Identity and Expression, and S*x Characteristics), lakip ang kahinungdanon sa respeto, inclusivity, ug non-discriminatory nga paghatag og serbisyo sa health care.

Aktibong nisalmaot ang mga participants sa mga discussion ug learning activities aron mas mapalambo pa ang ilang kahibalo ug kapasidad isip peer educators ug community-based HIV screening advocates.