10/05/2026
Ubos na siguro ang budget kaya pundohon nalang. Kalolooy man tana ang gaasa nga makakarsada ang mga taga antique nga ja kampi sa hinterland. Well, bukon man abi sanda gauli sa bukid kaya okay lng nga indi pagtapuson. 🤣
INSIGIDA nga ginpapundo it Community Environment and Natural Resources Office (CENRO) ag Sangguniang Bayan it Culasi ro konstruksyon it ₱1.6-bilyon Pandan-Ibajay Road bangod sa pila ka mga bayolasyon ag iregularidad.
Sa ginpaguwa nga cease-and-desist order ku Abril 14, nakabutang igto nga nag-eabag ro nasambit nga proyekto sa Presidential Decree No. 705 ukon ro Revised Forestry Code of the Philippines.
Kaibahan sa mga bayolasyon hay rong iligal nga pag-angkon sa kagueangan, iligal nga pagtapyas, pagputoe ag pagkolekta it forest products sa idaeom it Section 68 ag Section 69 it PD 705.
Suno sa CENRO Culasi, nakit-an sa andang Geographic Information System nga kapin 8.94 ka ektarya it kagueangan ro naapektuhan it 2.8-kilometer road construction nga owa it alin man nga nagakaigong permit ukon dokumento.
Nasayuran pa nga owa nakabuoe ro Department of Public Works and Highways (DPWH) it Gratuitous Special Use Permit (GSUP) ag sangka permit para sa pagputoe it mga puno halin sa DENR.
Base sa impormasyon, masobra ₱1.66 bilyon ro kabilugan nga haega it nasambit nga proyekto, kung siin masobra 9 kilometros rong haba it daean nga magakonekta sa 7 ka mga hinterland barangays sa Pandan, Antique.
Tuyo kunta kara nga magabuhin it mabuhay nga pagbiyahe it mga residente, kung siin nagaagi pa sanda sa Ibajay para eang makaagto sa sentrong banwa it Pandan nga may kaeayuon pa nga 30 kilometros. | via John Guarin, with reports from Daily Guardian
(Photos: Philippine Initiative for Conservation of Environment and the People/Facebook)
