Moonwalk Health Center

16/10/2026

Ang Mosquito Ovicidal-Larvicidal (OL) Trap ay isang napakahalagang kagamitan sa mga paaralan upang maprotektahan ang mga mag-aaral laban sa sakit na dengue.

Ang mga lamok na nagdadala ng dengue ay aktibong nangangagat sa araw (mula pagsikat hanggang paglubog ng araw) at mababa kung lumipad. Dahil ang mga bata ay nasa loob ng paaralan sa mga oras na ito, sila ang pinakamadaling makagat at mahawaan. Ang OL trap ay naglilimita sa panganib na ito.

Isinasagawa buwan-buwan sa 3 Paaralan sa Brgy Moonwalk (SAES, CEDLES, MWNHS) sa pakikipag ugnayan ng Moonwalk HC at DepED School Nurses.

10.14.2026
San Agustin Elem. School

16/10/2026

Ang OL Trap ay mahalaga dahil pinapatay nito ang mga itlog at uod ng lamok upang mapigilan ang pagkalat ng dengue sa ligtas at murang paraan.

Mula Oct 1-9, 2026 ang mga Barangay Health Workers ng Moonwalk Health Center ay nagsagawa ng OL trap at collection sa mga sumusunod na kalye sa San Agustin Village
1. St. Michael St.
2. Sto. Niño St.
3. Maligaya Subd, Sto. Niño St.
4. St. Mary's
5. St. Nazarene
6. San Juan
7. Hernandez Cmpd
8. St. Anthony St.
9. Sta. Clara
10. St. Andrew
11. Sta. Ana 1&2
12. Akahana Homes

Monitoring o Vector Surveillance Tool: Sa pamamagitan ng pagtingin kung maraming itlog ang nakadikit sa kahoy, malalaman ng komunidad o ng mga health worker kung mataas ang populasyon ng lamok sa isang partikular na lugar. Nagsisilbi itong hudyat upang maging mas alerto ang mga tao sa dengue.

Hinihikayat po sana ang bawat isa na maglinis at itapon ang mga bahay na hindi na ginagamit at mga pdeng pamugaran ng lamok.

11/10/2026

11/10/2026

💚 LIBRENG FLU AT PNEUMONIA VACCINE PARA SA MGA SENIOR CITIZENS! 💚💉

Inaanyayahan po ang ating mga senior citizens na kabilang sa opisyal na listahan ng OSCA na makiisa sa ating libreng pagbabakuna upang makatulong na maprotektahan ang kanilang kalusugan laban sa flu at pneumonia.

📅 October 12, 2026 (Monday)
📍 Simultaneous Vaccination sa lahat ng 16 Barangay Health Centers
⏰ Oras: 1:00 PM – 3:00 PM
🏥 Venue: Moonwalk Health Center

❗ PAALALA:
✅ Ang mga mabibigyan lamang po ng bakuna ay ang mga kabilang sa OPISYAL NA LISTAHAN na ibinigay ng OSCA.

📌 MGA KAILANGANG DALHIN:
✅ OSCA ID
✅ YAKAP ID / PhilHealth ID o PhilHealth Number
✅ Previous Vaccination Card (Paalala: Ang Pneumonia Vaccine ay ibinibigay kada limang (5) taon.)
✅ eGovPH App sa inyong cellphone 📱

💡 Paalala: Dalhin po ang lahat ng kinakailangang requirements upang maging maayos at mabilis ang proseso ng pagbabakuna.

💚 Magpabakuna para sa mas malusog na pangangatawan at mas ligtas na pamumuhay! Sama-sama nating pangalagaan ang kalusugan ng ating mga lolo at lola.

11/10/2026

BAKUNA ESKWELA 2026

Mga magulang at tagapag-alaga, panahon na upang protektahan ang ating mga anak laban sa mga sakit na maaaring maiwasan sa pamamagitan ng bakuna!

Ngayong Oktubre hanggang Disyembre 2026, isasagawa ang School-Based Immunization (SBI) sa mga pampublikong paaralan sa Parañaque City.

Sino ang bibigyan ng bakuna?

Grade 1 at Grade 7
• Measles-Rubella (MR) vaccine
• Tetanus-Diphtheria (Td) vaccine

Grade 4 at Grade 5 female students
• Human Papillomavirus (HPV) vaccine

Ang mga bakunang ito ay LIBRE, LIGTAS, at EPEKTIBO!

Ang pagbabakuna ay mahalagang hakbang upang maprotektahan hindi lamang ang ating mga anak, kundi pati na rin ang kanilang mga kaklase at buong komunidad.

Makipagtulungan sa paaralan at health center, kumpletuhin ang kinakailangang consent, at suportahan ang ating mga anak sa kanilang pagbabakuna.

Para sa schedule ng pagbabakuna, makipag-ugnayan lamang sa inyong Health Center o sa School Nurse ng inyong paaralan.

Batang bakunado, protektado!

11/10/2026

ANNOUNCEMENT | BREAST CANCER SCREENING

Ngayong Pink October, bigyang-prayoridad natin ang ating breast health. Ang Parañaque City Health Office, sa pakikipagtulungan ng Healthway Cancer Care Hospital, ay magsasagawa ng Breast Cancer Screening at Referral para sa mga qualified na kababaihan sa Parañaque.

Breast Cancer Screening at Referral
Oktubre 13–29, 2026
Tuwing Martes at Huwebes

SINO ANG MAAARING MAGPA-SCREEN?
1. Mga babaeng edad 50–69 na nakatakda na para sa breast cancer screening at maaaring kwalipikado para sa mammography ayon sa naaangkop na PhilHealth guidelines.
2. Mga babaeng high-risk na edad 40–49, lalo na ang may first-degree relative—ina, kapatid na babae, o anak na babae—na nagkaroon ng breast cancer. Maaaring kailanganin ang karagdagang assessment at breast ultrasound, kung clinically indicated.

MAHALAGANG PAALALA, kinakailangang:
- Miyembro ng PhilHealth
- Naka-enroll sa isang Primary Care Facility bilang kanilang YAKAP Provider

Ang mga kababaihang nais magpasuri ay maaaring magtungo sa kanilang Health Center para sa Clinical Breast Examination (CBE) at assessment. Batay sa kanilang edad, risk factors, at resulta ng pagsusuri, maaaring i-refer ang mga kwalipikadong kababaihan para sa naaangkop na breast cancer screening.

Hindi sigurado kung qualified?
Magtungo sa inyong Barangay Health Center para sa Clinical Breast Examination (CBE) at karagdagang assessment. Ang ating mga health worker ang gagabay sa inyo sa naaangkop na screening at referral batay sa inyong kalagayan at risk factors.

Mahalaga ang early detection.
Ang regular na pagsusuri at agarang pagpapatingin kapag may napansing pagbabago sa suso ay makatutulong sa early detection at paggamot sa breast cancer.

Magpasuri. Magpa-screen. Alagaan ang sarili.
Malusog na Kababaihan, Mas Maliwanag na Kinabukasan!

Parañaque City Government

01/10/2026

Maging ResPawnsible Pet Owner to Stay Paw-tected! 🐶🐱

Ngayong World Rabies Day, ating isabuhay ang tema ngayong taon: “Stronger Together” dahil mas epektibo nating malalabanan ang rabies kapag sama-sama ang bawat pet owner at buong komunidad.

✔️ Ipa-bakuna ang inyong mga alagang hayop laban sa rabies.
✔️ Huwag hayaang gumala nang walang kasama ang mga alaga.
✔️ Iwasang hawakan o lapitan ang mga hayop na hindi kilala.
✔️ Makilahok sa mga libreng pet vaccination drives sa inyong barangay/LGU.

Kung nakagat o nakalmot ng hayop, magpakonsulta agad sa pinakamalapit na DOH-certified Animal Bite Treatment Center (ABTC) o Animal Bite Center (ABC).

Stronger Together! Sama-sama nating protektahan ang ating mga alaga, pamilya, at komunidad laban sa rabies.

01/10/2026