Kings Herbal Plus - Authorized Dealer in Cebu

26/05/2022

05/08/2021

05/08/2021

Trabaho Sa Gabi, May Epekto Sa Kalusugan
Payo ni Doc Willie Ong

Ayon sa pag-aaral, may posibleng masamang epekto sa kalusugan ang pag-trabaho sa gabi. Kasama rito ang mga call center agents, entertainers, security guards at iba pa.
Kapag nabaligtad ang ating pagtulog, bababa ang lebel ng melatonin (isang mabuting kemikal) sa ating katawan. Napag-alaman na ang lebel ng melatonin ay naka-depende sa liwanag ng ating kapaligiran. Tumataas ang lebel natin ng melatonin kapag madilim ang lugar at tulog tayo. Bumababa naman ang melatonin kapag may sikat ng araw o maliwanag ang ating paligid.
Ayon sa World Health Organization, ang pag-trabaho sa gabi ay posibleng magdulot ng mga sakit tulad ng prostate cancer, breast cancer, katabaan at sakit sa puso. Para malunasan ang ganitong sitwasyon, mayroon akong mga payo:
1. Habang naka-duty sa gabi, bawasan ang liwanag sa iyong paligid. Babaan ang sinag ng computer. Puwede din gumamit ng yellow light sa kuwarto imbes na puting fluorescent light na napakaliwanag. Ito’y para huwag gaano bumaba ang melatonin natin sa katawan.
2. Bawiin na lang ang tulog sa araw. Subukang makatulog ng 7-8 oras para makabawi sa puyat. Mas maganda kung tuluy-tuloy ang tulog mo kaysa putol-putol.
3. Ayusin ang iyong kuwarto na maging madilim. Lagyan ng madilim na kurtina o takip ang mga bintana. Ang lebel ng melatonin ay tumataas kapag madilim ang lugar.
4. Gumamit ng eye shades (pantakip sa mata) at ear plugs (pantakip sa tainga) para mabawasan ang liwanag at ingay sa paligid.
5. Piliting sumunod sa malinis na pamumuhay at kumain ng masustansya. Huwag manigarilyo o uminom ng alak. Sa ganitong paraan ay malalabanan natin ang mga peligro na dulot ng pang-gabing trabaho.
6. Bilang panghuling payo: Kung kaya mong mabawasan ang duty sa gabi ay makatutulong ito. Sa mga health workers ay bawat 3 araw ang duty nila sa gabi. Kapag night-shift ang duty mo bilang security guard ay baka puwede kang lumipat sa morning shift pagkaraan ng isang buwan. Posible din namang makahanap ka ng ibang trabaho balang araw. Good luck po.

29/06/2021

Ang Kidneys: Paano Alagaan?
Payo ni Doc Willie Ong

Sa nakaraang artikulo, nabanggit ko ang mga tips para alagaan ang kidneys: (1) Bawasan ang asin sa pagkain, (2) Limitahan ang protina sa pagkain, (3) Gamutin ang altapresyon o high blood pressure at (4) Gamutin ang diabetes.
Payo ito ni Dra. Elizabeth Montemayor, isang tanyag na kidney specialist, Head ng Section of Nephrology sa PGH at Head ng Hemodialysis Unit sa Manila Doctors Hospital. Heto pa ang iba pang payo para sa kidneys:
1. Limitahan ang paggamit ng pain relievers (gamot sa kirot) – Ang mga pangkaraniwang pain relievers tulad ng mefenamic acid, ibuprofen, at mga mamahaling pain relievers tulad ng celecoxib, ay puwedeng makasira ng kidneys. Kailangan ay limitahan ang paggamit nito sa 1 o 2 linggo lamang. Pagkatapos ay ipapahinga muna natin ang kidneys, bago muli bigyan ng gamot sa kirot. Kaya kung ika’y may arthritis, maaaring lagyan ng mainit na tubig (hot compress) ang uminom ng paracetamol tablets.
2. Uminom ng sapat na tubig sa isang araw – Ang pangkaraniwang payo ng doktor ay ang pag-inom ng 8 basong tubig sa isang araw. Makatutulong ito sa pag-iwas sa kidney stones o bato sa bato.
3. Para sa mga taong magpapa-CT Scan o MRI with contrast dye (iyung gumagamit ng dye na ipinadadaan sa ugat), kailangan nating pangalagaan ang inyong kidneys. Uminom muna ng 1-2 basong tubig bago magpa-CT scan o MRI para matulungan ang kidneys na ilabas itong dye.
4. Wala pang basehan ang paggamit ng supplements para sa kidneys – Ayon kay Dra. Montemayor, wala pang supplement na naimbento na napatunayang makatutulong sa kidneys. Sundin lamang ang mga payong naibigay natin at mapapangalagaan na ang ating kidneys.
5. Huwag sobrahan ang pag-inom ng Vitamin C – Ayon kay Dra. Montemayor, hanggang 500 mg lang ng Vitamin C ang kanyang mare-rekomenda. Ang sobrang vitamin C ay puwedeng magdulot ng kidney stones. At ang kidney stones naman ay puwedeng umabot sa kidney failure kapag hindi naagapan.
6. Magtanong muna sa doktor bago uminom ng kahit anong gamot. Magpacheck ng ihi (urinalysis) at dugo (CBC, BUN at creatinine) at kumonsulta sa inyong kidney specialists o doktor. Napakahalaga ng ating kidneys. Alagaan natin ito.

12/06/2021

Kumain Ng 2 Tasang Prutas at 2 Tasang Gulay
Payo ni Doc Willie Ong

Gusto mo bang maging malusog at masigla? Simple lang ang solusyon. Kumain ng 2 tasang prutas at 2 tasang gulay bawat araw. Maraming benepisyo ang iyong makakamtam sa ganitong paraan:
1. Kumpleto sa bitamina – Kapag susundin mo ito, makukuha mo ang mga bitaminang kailangan ng iyong katawan sa bawat araw. Sagana ang prutas at gulay sa vitamin A, B, C, K at iba pa.
2. Makaiiwas sa kanser – Ayon sa pagsusuri, ang pagkain ng sapat na gulay at prutas araw-araw ay makababawas sa pagkakaroon ng kanser ng 3 to 10%. Kung gusto pang bumaba ang tsansa na magka-kanser, umiwas din sa sigarilyo at pag-inom ng alak.
3. Para maging regular ang pagdumi – Malaki ang tulong ng prutas at gulay sa ating tiyan at bituka. Mataas ito sa fiber na parang nagsisilbing walis na lumilinis sa ating bituka. Bawasan ang pagkain ng karne at taba na kulang sa fiber.
4. Panlaban sa stress – Ang gulay ay mataas sa mga vitamin B, na makatutulong sa ating ugat (nerves) at makababawas sa stress. Mas giginhawa din ang iyong pakiramdam sa pagkain ng prutas at gulay.
5. Panlaban sa init – Kapag masyadong mainit ang panahon, kumain ng matutubig na prutas, tulad ng melon, pakwan at buko juice. Uminom din ng 8-10 basong tubig sa bawat araw.
6. Para manatiling bata at malusog ang katawan – Ayon sa isang pagsusuri sa England, may 4 na gawain ang makakatanda sa atin ng 12 taon. Ito ay ang paninigarilyo, pag-inom ng sobrang alak, hindi pag-e-ehersisyo, at kakulangan sa pagkain ng gulay at prutas.
7. Ito’y rekomendasyon sa “Healthy Plate” na nagsasaad ng dapat nating kainin sa bawat araw. Para makaiwas sa sakit, kumain ng 2 tasang prutas at 2 tasang gulay araw-araw.
Ngunit, kung gusto ninyong kumain ng mas marami pang gulay ay puwede naman. Ngunit pagdating sa prutas ay huwag sosobra sa 2 tasa bawat araw dahil baka kayo tumaba. Ang mangga at ubas ay matamis at mataas sa calories.
Ang pinakamasustansyang prutas na mabibili sa Pilipinas ay ang saging, mansanas, orange, dalandan, papaya, strawberry, ubas, pakwan, melon, buko, abokado at pineapple.
Ang pinakamasustansyang gulay ay ang broccoli, cauliflower, kangkong, pechay, ampalaya, spinach, talong, okra at talbos ng kamote. Kumain ng tama at kumain ng sapat.