04/09/2026
❤️ ISANG TAOS-PUSONG PASASALAMAT AT PAGBATI SA ATING MEASLES RUBELLA-SUPPLEMENTAL IMMUNIZATION ACTIVITY TEAM ❤️
Sa likod ng bawat batang nabakunahan ay may kwento ng pagod, puyat, init, ulan, pag-aantay, pangungumbinsi, at walang sawang pag-abot sa bawat pamilya.
Hindi naging madali ang MR-SIA 2026. May mga araw na nakakapagod. May mga pagkakataong mahirap kumbinsihin ang ilan. May mga hamon sa panahon, oras, at iba pa, sa bawat araw na kailangan nating bumalik at muling maghanap ng mga batang hindi pa naaabot.
Pero hindi tayo sumuko.
Dahil sa bawat batang naprotektahan, alam nating sulit ang lahat ng pagod.
Dahil sa bawat bakunang naibigay, may isang batang mas naprotektahan laban sa measles at rubella.
At sa bawat araw na pinili nating magpatuloy, mas marami tayong pamilyang naabot.
Maraming, maraming salamat sa buong MR-SIA Team—sa ating mga health workers, doctors, nurses and midwife, mga vaccinators, recorders, social mobilizers, drivers, support staff at sa lahat ng tahimik na tumulong sa likod ng operasyon.
Salamat sa LGU Pinamalayan, mga minamahal na BHWs at BNS, sa ating mga Barangay Captains at Barangay Officials, CSOs, NGOs, DOH, PDOHO, PHO, at lahat ng ating partners at stakeholders na hindi nagdalawang-isip na makiisa.
At higit sa lahat, salamat sa bawat isa na nagbigay ng oras, lakas, puso, at malasakit.
Maaaring matapos na ang activity, pero ang epekto ng ating ginawa ay mananatili sa mga batang ating naprotektahan.
Hindi lang tayo nagbigay ng bakuna. Nagbigay tayo ng proteksyon. Nagbigay tayo ng pag-asa. At higit sa lahat, ipinakita natin na may komunidad na handang kumilos para sa bawat bata.
Sa buong MR-SIA Team, CONGRATULATIONS! 🎉
Kung may isang bagay mang masasabi sa pagtatapos ng kampanyang ito:
“Pagod man, sulit. Mahirap man, kinaya. At sa bawat batang naprotektahan—lahat ay naging worth it.”
Maraming salamat sa inyong serbisyo. Maraming salamat sa inyong puso.
Proud kami sa bawat isa sa inyo.
