Pinamungajan Municipal Health Office

15/09/2026

maayo nalang naay 9 ka 1st tranche og 4 ka 2nd tranche. pa rehistro/member na mo sa Yakap mga Pinamungajanons. Pinamungajan Municipal Health Office Pinamungajan PCF Pinamungajan-Rhu

07/09/2026

11/08/2026

💉 Para sa mga ginikanan nga nagduhaduha sa MR SIA tungod kay adunay papirmahon

Adunay mga ginikanan nga nagduhaduha sa pagpabakuna sa ilang mga anak sa MR SIA tungod kay adunay pirmahan nga form.

Apan para sa kahibalo sa tanan, CONSENT ug DILI WAIVER ang gipapirmahan. 🤔

👉 Ang CONSENT nagpasabot og pagtugot.

Sa consent form, gipatin-aw ang mga benepisyo ug posibleng risgo sa bakuna. Sa dili pa mopirma, ang ginikanan adunay higayon nga mangutana ug makadawat og igo ug klarong impormasyon bahin sa vaccination.

Kung ang ginikanan o guardian mopirma sa consent, nagpasabot kini nga:

“Nasabtan nako kung unsa ang bakuna, nganong gihatag kini, ug gitugotan nako nga mabakunahan ang akong anak.”

📌 Sa yano nga pagkasulti:

DILI KINI SAPILITAN.

Kung dili ka mouyon human nimo madawat ug masabtan ang impormasyon, aduna kay katungod nga dili motugot.

Dili usab kini para sa vaccination lamang. Pananglitan, sa dili pa operahan ang usa ka pasyente, ang doktor mangayo usab og consent aron masiguro nga nasabtan sa pasyente ang katuyoan sa operasyon ug ang mga posibleng risgo.

❤️ Importante nga pahinumdom sa mga ginikanan:

Dili tungod kay adunay gipapirma nga papel, waiver na dayon kini.

📖 Basaha una kung unsa gyud ang nakasulat.

Mahimo ka mangutana:

👉 “Unsa po ang purpose ani nga form?”
👉 “Unsa ang bakuna nga ihatag sa akong anak?”
👉 “Unsa ang mga benepisyo ug posibleng side effects?”

Isip ginikanan, adunay kay katungod nga masabtan una ang imong gipirmahan.

Kung adunay pagduhaduha, AYAW MAULAW OG PANGUTANA.
Ang pagpangutana usa ka paagi sa pagpanalipod sa imong anak. ❤️

💉 CONSENT, DILI WAIVER.
💉 PANGUTANA. SABTA. DAYON PAGDESISYON.

10/08/2026

09/08/2026

📌📌📌

📢💉 PAHIBALO UG PAG-AWAG SA TANANG GINIKANAN! 👶❤️

UGMA NA! Magsugod na ang atong MEASLES-RUBELLA SUPPLEMENTAL IMMUNIZATION ACTIVITY (MR-SIA)!

Mga ginikanan, palihog dad-a ang inyong mga anak nga nag-edad og 6–59 months aron makadawat sa bakuna batok sa Measles ug Rubella.

👉 DILI NI BAG-O NGA BAKUNA. Dugay na kining gigamit ug kabahin sa programa sa pagbakuna alang sa mga bata. Kini nga supplemental immunization gihimo aron madugangan pa ang proteksyon sa atong mga anak batok sa Measles ug Rubella.

⚠️ MGA GINIKANAN, AYAW DAYON PAGTUO SA MGA FAKE NEWS NGA NAGKAYLAP SA FACEBOOK UG SOCIAL MEDIA. Ayaw tugoti nga ang sayop nga impormasyon maoy mahimong hinungdan nga dili nato maprotektahan ang atong mga anak.

❤️ Ang pagbakuna gihimo alang sa dugang proteksyon ug kaayohan sa atong mga anak—DILI PARA SA KADAOT.

Kung adunay pagduha-duha, pangutana, o kabalaka, palihog duol sa inyong Barangay Health Workers, Midwife, Nurse, o Rural Health Unit aron makakuha og husto ug kasaligan nga impormasyon.

🙏 Ayaw pagsalig sa mga “marites” nga walay klarong kahibalo o basehan.
✅ Pangutana sa atong mga health workers—kami andam motubag ug mohatag sa hustong impormasyon.

💉👶 PABAKUNAHI ANG ATONG MGA ANAK!
Dugang bakuna, dugang proteksyon, dugang kaluwasan! ❤️

📅 UGMA NA! Ayaw palabya ang MR-SIA sa inyong barangay.

Para sa atong mga anak. Para sa ilang kaugmaon. Para sa mas luwas nga komunidad. ❤️🇵🇭

02/08/2026

📌

19/07/2026

19/07/2026

Celebrating my 2nd year on Facebook. Thank you for your continuing support. I could never have made it without you. 🙏🤗🎉

09/07/2026

📢HEALTH ADVISORY: UNSAY BUHATON KON NAA’Y HAZE
Aron malikayan ang kadaot sa panglawas tungod sa haze, sundon kini nga mga giya:

✅Magpabilin sa sulod sa balay ug likayi ang pag-expose sa gawas kung dili kinahanglan.
✅Gamita ang mask (N95 o surgical mask) aron maprotektahan ang ilong ug baba.
✅Isira ang mga bintana ug pultahan ug gamita ang air purifier kon naa.
✅Pag-inom ug daghang tubig aron malikayan ang pagkatuyo sa tutunlan ug baga.
✅Likayi ang kusog nga kalihokan sa gawas sama sa jogging o sports.
✅Ampingi ang mga bata, tigulang, ug mga adunay sakit sa baga o kasingkasing kay sila ang labing sensitibo.
✅Pag-monitor sa advisories sa DOH ug LGU para sa pinakabag-ong impormasyon ug giya.
✅Kon makasinati og lisod nga pagginhawa, padayon nga pag-ubo, o iritasyon sa mata, ilong, o tutunlan, pagpa check-up dayon sa pinakaduol nga health facility

📢Hinumdumi: Ang haze makadaot sa baga ug makapahinay sa pagginhawa. Ang pag-amping ug paglikay mao’y labing importante.

07/05/2026

📌📌📌

📢PAHIBALO!!! 📢

Ang Pinamungajan Primary Care Facility nagapahibalo nga gumikan sa ipahigayon nga 48th ASEAN Summit, gideklarar nga Special Non-Working Day sa Office of the President ang mga lugar sa Cebu City, Mandaue City, Lapu-Lapu City ug Cordova sugod kagahapon sa 12:00 sa udto hangtod sa bernes.

Tungod niini, ang PhilHealth Regional Office VII nga nahimutang ang opisina sa Cebu City, nagpahibalo nga ang atong PhilHealth Desk schedule mapostpone karong May 8, 2026 (bernes) ug adto ni kini mapahigayon inig Mayo 22, 2026 (3rd Friday).

Salamat sa inyong makanunayong pagsabot.