18/05/2026
Simulan ang Iyong Serbisyo Publiko! (DOLE-GIP)
Naghahanap ka ba ng pagkakataong magkaroon ng aktwal na karanasan sa gobyerno, mapaganda ang iyong resume, at mapalawak ang iyong mga propesyonal na kasanayan? Sa pakikiisa ng Kagawaran ng Kalusugan (DOH), bukas na ang aplikasyon para sa Department of Labor and Employment (DOLE) Government Internship Program (GIP) sa Pang-alaalang Sentrong Medikal Quirino (QMMC)!
Ang GIP ay internship program ng DOLE upang tulungan ang mga kabataan na makilahok sa serbisyo publiko sa pamamagitan ng pagtatrabaho sa iba't ibang sangay ng pamhalaan, alinsunod sa KABATAAN 2000 sa ilalim ng Executive Order No. 193, s. 1993.
Sino ang Puwedeng Mag-apply?
1. Edad: 18 hanggang 30 taong gulang.
2. Edukasyon: Gradweyt ng High School o Senior High School (kasama ang ALS). May hawak na TESDA NC (National Certificate) o COC (Certificate of Competency). Nakapag-aral o nakapagtapos sa kolehiyo.
3. Karanasan: Dapat ay walang nakaraang karanasan sa trabaho bilang empleyado sa kahit anong ahensya ng gobyerno.
Tingnan ang mga nakalakip na larawan para sa mas detalyadong impormasyon.
Deadline: May 22, 2026
