Rural Health Unit of Santa Maria, Laguna

09/09/2026

World PT Day 2026!

Isang masayang araw ng paggalaw, pagbangon, at pag-asa!

Narito ang ilang highlights ng aming pagdiriwang kung saan 20 stroke patients ang nabigyan ng pagkakataong ma-check at ma-assess ng aming Rehabilitation Medicine Doctor at Physical Therapist.

Maraming salamat din sa aming partner company sa mga libreng giveaways para sa aming mga pasyente.

Sa bawat galaw, may pag-asa. Sa bawat hakbang, may progreso.
Sama-sama tayong bumangon at muling gumalaw!

Galaw para sa Puso, Galaw para sa Buhay

Maligayang World PT Day!

04/09/2026

🩸Ang lahat po ay muling inaanyayahan na makiisa sa gaganaping Mobile Blood Donation❤️

📅 Petsa: Setyembre 18, 2026
🕗 Oras: 8:00 AM – 3:00 PM
📍 Lugar: Sta. Maria, Laguna Town Plaza

✅ Sino ang Puwedeng Mag-donate?

Edad 16–60 taong gulang (kung 16–17, may parental consent)

Timbang na hindi bababa sa 50 kilos

Walang iniinom na maintenance para sa malalang sakit

Walang ubo, sipon, lagnat, o anumang impeksyon sa loob ng nakaraang 1–2 linggo

Walang tattoo o body piercing sa loob ng nakaraang 12 buwan

Walang risky sexual behavior

Nakapahinga at may sapat na tulog bago mag-donate

Kumain ng magaan na pagkain (huwag mag-fasting) bago mag-donate

🚫 Hindi Puwedeng Mag-donate kung:

May sakit sa puso, baga, atay, o kidney

May kasalukuyang impeksyon (hal. hepatitis, HIV, TB, atbp.)

Umiinom ng antibiotics sa loob ng nakaraang linggo

Uminom ng alak sa loob ng 24 oras bago mag-donate

Buntis, bagong panganak, o nagpapasuso

💡 Paalala Bago at Pagkatapos Mag-donate:

Uminom ng maraming tubig bago at pagkatapos ng donation

Magpahinga muna ng ilang minuto matapos makuha ang dugo

Iwasan ang mabibigat na trabaho o pagbubuhat sa parehong araw.

13/08/2026

Nag simula na po ang ating MRSIA-VAS noong Lunes, August 10,2026. Sa loob ng 4 na araw bagaman mayroong mga magulang na nag aalinlangan na pabakunahan ang knilang mga anak ay madami pa din ang mga magulang na sumusuporta sa ating MRSIA-VAS Activity. Hindi hadlang at hindi alintana ng ating mga Midwives at BHWs ang sama ng panahon upang makapag hatid serbisyo sa ating mga kababayan.

Maraming salamat din po sa bawat Brgy. Captain na nakasama namin at nakibahagi upang suportahan ang ating MRSIA-VAS Activity.
Maraming salamat din po sa ating mga magulang na patuloy na nagtitiwala at sumusuporta para sa isang Ligtas Tigdas na Bukas para sa inyong mga anak.

13/08/2026

Sa lahat ng mga magulang narito po ang paliwanag ng isang Pediatrician tungkol sa isinasagawa po nating MRSIA., nawa po ay makatulong ito sa mga magulang na may takot at pag aalinlangan na pabakunahan ang kanilang mga anak.

Marami ang nalilito kung pareho lang ba ang MR and MMR at kailan ito dapat binibigay 🤔

𝐌𝐑 = 𝐌𝐞𝐚𝐬𝐥𝐞𝐬 + 𝐑𝐮𝐛𝐞𝐥𝐥𝐚
MR vaccine protects against measles (tigdas) and rubella (tigdas hangin)

𝐌𝐌𝐑 = 𝐌𝐞𝐚𝐬𝐥𝐞𝐬 + 𝐌𝐮𝐦𝐩𝐬 + 𝐑𝐮𝐛𝐞𝐥𝐥𝐚
May measles and rubella din PERO may additional protection against mumps (beke)

Ang ROUTINE measles-containing vaccines (measles or MMR) ay naka-schedule ibigay sa local health centers at 9 months and 1 year old.

PERO pwedeng ibigay ang measles-containing vaccines 𝐚𝐬 𝐞𝐚𝐫𝐥𝐲 𝐚𝐬 𝟔 𝐦𝐨𝐧𝐭𝐡𝐬 in case of an outbreak. Meaning, pwede siya matanggap starting 6 months old.

𝐒𝐨 𝐝𝐨𝐜, 𝐜𝐨𝐦𝐩𝐥𝐞𝐭𝐞 𝐧𝐚𝐦𝐚𝐧 𝐧𝐢 𝐛𝐚𝐛𝐲 𝐚𝐧𝐠 𝐦𝐞𝐚𝐬𝐥𝐞𝐬-𝐜𝐨𝐧𝐭𝐚𝐢𝐧𝐢𝐧𝐠 𝐯𝐚𝐜𝐜𝐢𝐧𝐞 𝐧𝐮𝐧𝐠 𝟗 𝐦𝐨𝐧𝐭𝐡𝐬 𝐚𝐧𝐝 𝟏 𝐲𝐞𝐚𝐫 𝐨𝐥𝐝 𝐬𝐢𝐲𝐚. 𝐁𝐚𝐤𝐢𝐭 𝐩𝐚 𝐤𝐚𝐢𝐥𝐚𝐧𝐠𝐚𝐧 𝐬𝐮𝐦𝐚𝐥𝐢 𝐬𝐚 𝐒𝐈𝐀? 🤨

👉🏻 Routine vaccination = protection for your child.

👉🏻 SIA = protection for your child AND the community.

Ang supplemental immunization activity ay ginagawa para mapataas ang immunity ng maraming bata sa isang target age group. In this case, for children 6 months-59 months old.

Isa itong napakaimportanteng public health strategy dahil ang tigdas ay mabilis makahawa.

𝐒𝐚 𝟏𝟎 𝐛𝐚𝐭𝐚𝐧𝐠 𝐰𝐚𝐥𝐚𝐧𝐠 𝐛𝐚𝐤𝐮𝐧𝐚 𝐤𝐨𝐧𝐭𝐫𝐚 𝐭𝐢𝐠𝐝𝐚𝐬, 𝟗 𝐚𝐧𝐠 𝐩𝐰𝐞𝐝𝐞𝐧𝐠 𝐦𝐚𝐤𝐚𝐤𝐮𝐡𝐚 𝐧𝐠 𝐬𝐚𝐤𝐢𝐭 𝐧𝐚 𝐢𝐭𝐨.

𝐀𝐭 𝐬𝐚 𝐛𝐚𝐰𝐚𝐭 𝐢𝐬𝐚𝐧𝐠 𝐭𝐚𝐨𝐧𝐠 𝐦𝐚𝐲 𝐭𝐢𝐠𝐝𝐚𝐬, 𝐩𝐰𝐞𝐝𝐞𝐧𝐠 𝐦𝐚𝐤𝐚𝐡𝐚𝐰𝐚 𝐧𝐠 𝐡𝐢𝐠𝐢𝐭 𝐤𝐮𝐦𝐮𝐥𝐚𝐧𝐠 𝟏𝟐-𝟏𝟖 𝐤𝐚𝐭𝐚𝐨.

Imagine kung lahat din nung 12-18 katao na yun ay walang bakuna, gaano na lang kabilis kakalat ang tigdas! 😰

12/08/2026

MAGPA BAKUNA NA! 💉

Nagsimula na ang Ligtas Tigdas 2026 Measles-Rubella Supplemental Immunization Activity sa Bayan Ni Maria, noong Agosto 10, at sa buong rehiyon ng CaLaBaRZon.

Tara na! Pabakunahan ang inyong anak na 6 hanggang 59 buwang gulang sa pinakamalapit na fixed o temporary vaccination site upang masigurong sila ay ligtas laban sa tigdas at tigdas-hangin.

Ligtas Tigdas ang batang bakunado at protektado! 💪🛡️

07/08/2026

Muli po ang Tanggapan ng Rural Health Unit of Santa Maria ay nananawagan sa lahat ng magulang, mga lolo at lola na makiisa sa Ligtas Tigdas 2026 Measles Rubella Supplemental Immunization Activity with Vit. A Supplementation (MR SIA VAS) na mag sisimula po nagyong darating na Lunes, August 10, 2026.,

Narito po ang schedule ng isasagawa po nating MRSIA sa inyong mga barangay, mangyaring makipag ugnayan po lamang sa inyong mga BHW at Midwife.

AUGUST 10, 2026
- J. Santiago (am)
- Parang ng Buho (pm)
- Laurel (am)
- Cabuoan (am)

AUGUST 11, 2026
- Adia (am)
- Macasipac (pm)
- Cambuja (am)
- Kayhacat (pm)

AUGUST 12, 2026
- Bagumbayan (am)
- Paoo Kapatagan (am)
- Laurel Highway (am)
- Cueva (kamagong) (am)

AUGUST 13, 2026
- Talangka (am)
- Bubucal (am)
- Bagong Pook (am)
- Pob. IV (pm)

AUGUST 14, 2026
- Pulong Mindanao (am)
- J. Rizal (am)
- Pob. II (pm)

AUGUST 17, 2026
- Pob. I (am)
- Pob. III (pm)

AUGUST 18, 2026
- Tungkod (am)
- Coralan (am)
- Inayapan (pm)
- Calangay (am)
- Masinao (pm)

AUGUST 19, 2026
- Paoo Highway (am)
- Matalingting (pm)
- Cueva (am)

Dalhin ang mga batang edad 6-59 buwan sa pinakamalapit na vaccination site sa inyong lugar upang sila ay mabakunahan laban sa tigdas at tigdas-hangin.

Tandaan WALANG GAMOT laban Measles at Rubella. Tanging bakuna lamang ang paraan para maiwasan ito.

Ligtas Tigdas ang batang bakunado at protektado! 💉

07/08/2026

07/08/2026

Alamin kung ano ang Rubella, na kilala rin bilang “German measles” o “Tigdas-hangin.” Mapanganib ang sakit na ito, lalo na sa mga buntis at sanggol na dinadala.

Walang gamot laban sa Rubella. Tanging bakuna lamang ang paraan para maiwasan ito.

Makiisa sa Ligtas Tigdas 2026 Measles Rubella Supplemental Immunization Activity with Vit. A Supplementation (MR SIA VAS) ngayong darating na Agosto 10-28, 2026.

Dalhin ang mga batang edad 6-59 buwan sa pinakamalapit na vaccination site sa inyong lugar upang sila ay mabakunahan laban sa tigdas at tigdas-hangin.

Ligtas Tigdas ang batang bakunado at protektado! 💉

31/07/2026

Ang Lokal na Pamahalaan ng Bayan ng Santa Maria, Laguna sa pamumuno ni Mayor Cindy Carolino at sa pamamagitan ng Rural Health Unit ay nakikiisa sa kanpanya Kontra Tigdas, kung kaya't hinihikayat ang lahat ng magulang na suportahan ang Measles-Rubella Supplemental Immunization Activity para sa mga batang 6 hanggang 59 buwan (months) na gaganapin mula Agosto 10–28, 2026.

Ang pagbabakuna ay isang ligtas at epektibong paraan upang maprotektahan ang ating mga anak laban sa mga sakit na maaaring magdulot ng malubhang komplikasyon.

Narito ang mensahe ng ating Punong Bayan Mayor Cindy Carolino at makinig lamang sa mga mapagkakatiwalaang impormasyon mula sa Department of Health, lokal na pamahalaan, at mga health workers.

Sama-sama nating tiyakin ang mas ligtas at mas malusog na kinabukasan para sa bawat bata sa Bayan ni Maria.