Sariaya Rural Health Unit

26/08/2026

𝐌𝐚𝐠-𝐢𝐧𝐠𝐚𝐭 𝐬𝐚 𝐩𝐚𝐧𝐠𝐚𝐧𝐢𝐛 𝐧𝐠 𝐃𝐞𝐧𝐠𝐮𝐞! 🦟

Kasabay ng sunod-sunod na pag-ulan ay ang panganib ng sakit na Dengue.

Basahin at ipamahagi ang mga larawan upang malaman ang tamang pag-iwas at pagtukoy sa mga sintomas nito.

Kung may nararamdamang sintomas, agad na magpakonsulta sa pinakamalapit na health center.

Huwag ding kalimutang araw-arawin ang Alas Kwatro Kontra Mosquito habit! Gawin ang TAOB, TAKTAK, TUYO at TAKIP upang manatiling lamok-free at worry-free sa dengue!

26/08/2026

MAY MGA TANONG KA BA TUNGKOL SA BAKUNA?

Kapag kalusugan ng anak ang pinag-uusapan, natural lang na magtanong, mag-ingat, at maghanap ng mga kasagutan.

May mga karaniwang reaksyon ba pagkatapos ng bakuna? Oo. Maaaring magkaroon ng pananakit, pamumula o pamamaga sa pinagturukan, banayad na lagnat, o banayad na pantal—na karaniwan ay panandalian lamang.

May tanong o pangamba? Manood at alamin ang sagot.
Magtanong. Makinig. Mag-verify.




Regional Director Adriano Suba-an
Assistant Regional Director Rosa Maria Balisnomo-Rempillo

26/08/2026

DENGUE UPDATE: Sitwasyon sa Lalawigan ng Quezon (Jan–Aug 2026)

Magandang balita na bumaba ng 38% ang kaso ng dengue sa ating lalawigan ngayong taon kumpara noong 2025. Subalit, nananatili itong banta sa ating kalusugan dahil sa 2,276 na naitalang kaso at 12 na pumanaw.

MGA PANGUNAHING DATOS:

Pinakaapektado: Mga bata edad 1–10 taong gulang (38% ng kabuuang kaso).

Babala: Halos kalahati (46%) ng mga kaso ay may warning signs o sintomas ng malalang dengue.

Mataas ang Kaso at Incidence Rate: Nangunguna ang Mauban (406 cases, 4 deaths), kasunod ang Tiaong (174 cases, 3 deaths), Tagkawayan, Candelaria, at Sariaya.

Huwag mag-kampante! Ang pagbaba ng kaso ay hindi dahilan upang magpabaya. Isangpaigtingin natin ang 4S Strategy sa ating mga bahay, paaralan, at barangay:

🔹 Suyurin at sirain ang pinamumugaran ng lamok
🔹 Sumangguni agad sa pagamutan kapag may sintomas
🔹 Sarili ay protektahan laban sa kagat ng lamok
🔹 Sumuporta sa fogging/spraying kung may banta ng outbreak

Mula sa tahanan hanggang eskwelahan—sama-sama nating sugpuin ang dengue para sa isang ligtas at malusog na Quezon!

26/08/2026

GOOD NEWS, MGA MAGULANG! EXTENDED ANG LIGTAS TIGDAS!

Dahil mahalaga ang proteksyon ng bawat bata, EXTENDED ang MR SIA – Ligtas Tigdas at Vitamin A Supplementation hanggang SEPTEMBER 4, 2026.

Hindi pa nakakapagbakuna? May chance pa!
Huwag palampasin ang extension. Dalhin ang inyong anak sa na may edad 6 hanggang 59 na buwan sa pinakamalapit na vaccination site at magpabakuna at magpapatak ng vitamin A.

Dagdag proteksyon kontra TIGDAS at TIGDAS HANGIN. May kasamang Vitamin A Supplementation.

🛡️ Libre, ligtas at epektibong proteksyon para sa ating mga anak!

21/08/2026

21/08/2026

PATULOY ANG PAGBABAKUNA NGAYONG LONG WEEKEND

Kahit long weekend, tuloy-tuloy ang pagtanggap ng ating mga Private Lying-in Clinics para sa Ligtas Tigdas hanggang Agosto 28, 2026 including holidays and weekends.

Para sa mga magulang at tagapag-alaga ng mga batang 6–59 months old, huwag nang magpahuli! Magpabakuna na! Naghihintay ang ating mga health workers upang maprotektahan ang inyong mga anak laban sa tigdas at tigdas hangin (Measles and Rubella)

📍NUESTRA SEÑORA DE REGLA LYING-IN CLINIC: Barangay Concepcion 1, Sariaya, Quezon

📍NATIVITY OF JESUS BIRTHING CLINIC: Barangay Gibanga, Sariaya, Quezon

📍ZOLETA COMMUNITY BIRTHING HOME: Barangay Mamala 2, Sariaya, Quezon

Sa bakunang EPEKTIBO at LIGTAS, TODAS ANG TIGDAS!

21/08/2026

20/08/2026

19/08/2026

REACT AND SHARE 👍🏻❤️ UP⬆️