16/09/2025
Taos-puso po kaming nagpapasalamat sa lahat ng dumalo at nakiisa sa isinagawang libreng Bilateral Tubal Ligation noong Setyembre 12 at 13 taong 2025. Ang inyong aktibong partisipasyon at pagtitiwala ay mahalagang bahagi ng tagumpay ng programang ito.
Ang programang ito ay naisakatuparan sa pamumuno ng Pamahalaang Lungsod ng Tagaytay, Tagaytay City Health Office, Ospital ng Tagaytay, at ang aming mahalagang katuwang mula sa DKT Philippines Foundation at Commission on Population and Development, gayun din ang tulong at partisipasyon mula sa mga Barangay at mga karatig lugar.
Ang Bilateral Tubal Ligation (BTL) ay isang uri ng permanenteng family planning method na ligtas at epektibo para sa mga babaeng nagnanais nang hindi na magkaanak. Sa pamamagitan ng ganitong pamamaraan, nabibigyan ng mas malinaw na direksyon ang bawat pamilya upang mapabuti ang kalidad ng kanilang pamumuhay, mapangalagaan ang kalusugan ng ina, at matiyak ang kinabukasan ng kanilang mga anak. Tunay ngang ito ay isang malaking hakbang tungo sa mas pinahusay na serbisyong pangkalusugan at pagpapahalaga sa family planning sa ating lungsod.
Nawaโy magsilbing inspirasyon ito upang higit pang palaganapin ang kaalaman at pagtanggap sa mga programang pangkalusugan at family planning sa ating komunidad.
Muli, maraming salamat po. Mabuhay kayong lahat!
