Municipal Health Office - Tiaong, Quezon

15/08/2026

📣Panawagan sa lahat ng magulang o bantay ng mga bata edad 6 hanggang 59 na buwan (bago mag 5 taong gulang)

Mensahe mula kay Dr. Elizalde N. Bercero Jr, MPH - Municipal Health Officer sa Bayan ng Tiaong 👨🏻‍⚕️
--
‼️HUWAG AGAD MANIWALA SA NABABASA O NAPAPANOOD ONLINE‼️

May banta ng outbreak o malawakang pagkalat ng sakit na tigdas na lubhang nakakahawa at nakakamatay, lalo na sa mga bata edad 6 hanggang 59 buwan (bago mag 5 taong gulang), at kung hindi ito mapigilan ay maaring maapektuhan ang ating Bayan. 🦠

Ang bakunang ituturok sa mga bata ay ginagamit na sa Pilipinas ng halos 50 taon bilang bahagi ng routine immunization sa Barangay Health Center.

✅ LIGTAS ANG BATA SA BAKUNA. 👦👧🤰👶🏻
❌SA TIGDAS AY HINDI.🦠
☠ DAHIL ANG TIGDAS AY NAKAKAMATAY. ☠️

Kahit naturukan na o hindi pa, dalhin ang inyong mga anak edad 6 hanggang 59 na buwan sa Barangay Health Center upang maturukan ng bakuna kontra tigdas.

---

Protektahan ang ating mga anak laban sa banta ng nakakamatay na sakit. Ang bakuna ay libre at epektibo. Walang dapat ipangamba, walang dapat ikatakot.

Let's Make Tiaong "Tigdas-Free" and stronger together.

/TiaongMHO

Tiaong Public Information Office

14/08/2026

𝐋𝐢𝐠𝐭𝐚𝐬 𝐓𝐢𝐠𝐝𝐚𝐬: 𝐌𝐞𝐚𝐬𝐥𝐞𝐬-𝐑𝐮𝐛𝐞𝐥𝐥𝐚 𝐒𝐮𝐩𝐩𝐥𝐞𝐦𝐞𝐧𝐭𝐚𝐥 𝐈𝐦𝐦𝐮𝐧𝐢𝐳𝐚𝐭𝐢𝐨𝐧 𝐀𝐜𝐭𝐢𝐯𝐢𝐭𝐲 (𝐌𝐑 𝐒𝐈𝐀) Launching

Ganap na sinumulan ang kampanya kontra Tigdas (Measles) at Tigdas Hangin (Rubella) sa Bayan ng Tiaong, sa pamamagitan ng malawakang bakunahan sa direktiba ng Department of Health (DOH) upang mapigilan ang banta ng outbreak ng mga nasabing lubhang nakakahawang sakit.

Sa buong suporta ng Lokal na Pamahalaan ng Tiaong, sa pangunguna ni Mayor RJ Mea, ang naturang program ay ipapatupad ng Municipal Health Office sa panguguna ni Dr. Elizalde N. Bercero Jr, MPH- Municipal Health Officer, kasama ang iba’t ibang departamento, Sangguniang Bayan, Barangay Officials at community volunteers, BHWs at BNS, at lahat ay sama samang kikilos upang mas maprotektahan ang mga bata laban sa sakit na Tigdas at Tigdas hangin.

Inaanyayahan ang mga magulang na suportahan ang Measles-Rubella Supplemental Immunization Activity (MR SIA) para sa mga batang 6 hanggang 59 buwan (o bago mag 5 taong gulang), may turok na o hindi pa naturukan, at dalhin ang inyong mga anak sa mga nakatalagang vaccination posts o sa health center, simula Agosto 10-28, 2026.

Ligtas, libre, at mahalagang proteksyon ang bakuna laban sa mga sakit na maaaring magdulot ng malubhang komplikasyon o pagkamatay ng bata..

Sa darating na MR SIA, sama-sama nating ipagdiwang ang tagumpay ng ating komunidad at patuloy na suportahan ang mga programang naglalayong mapabuti ang kalusugan at kapakanan ng bawat mamamayan.

14/08/2026

Kahapon, Agosto 13, 2026, isinagawa sa ABC Session Hall ang isang Emergency Meeting kaugnay ng patuloy na pagtaas ng kaso ng dengue. Dinaluhan ito ng MHO, EHSD, MESU, mga Barangay Chairperson, MENRO, MDRRMO, PSDS I at II, at Kon. Maja Escueta upang palakasin ang koordinasyon sa pagpigil ng sakit at pagpapanatili ng kalinisan sa buong komunidad.

14/08/2026

Sinimulan na sa Bayan ng Tiaong ang Measles-Rubella Supplemental Immunization Activity (MR SIA) ng DOH na tatakbo mula Agosto 10 hanggang 28, 2026. Sa pangunguna nina Mayor Vincent Arjay “RJ” Mea at MHO Dr. Elizalde N. Bercero Jr., inaanyayahan ang mga magulang na dalhin ang kanilang mga anak na edad 6 hanggang 59 buwan sa mga health centers para sa libreng bakuna laban sa tigdas at tigdas-hangin.

06/08/2026

Isinagawa ang pag pupulong ngayong araw, Agosto 6, 2026, tungkol sa paglunsad ng Measles Rubella Supplemental Immunization Activity (MRSIA) sa tulong ng Provincial DOH NIP field Nurse. Ito ay dinaluhan ng ating punong bayan Mayor Vincent Arjay M. Mea, kasama ang mga punong barangay ng Tiaong.

03/08/2026

PROTEKTAHAN ANG ATING MGA ANAK LABAN SA TIGDAS AT RUBELLA.

Kaisa ng Pamahalaang Bayan ng Tiaong, sa pamamagitan ng Municipal Health Office (MHO), inaanyayahan ni Mayor Vincent Arjay M. Mea ang lahat ng magulang na suportahan ang Measles-Rubella Supplemental Immunization Activity para sa mga batang 6 hanggang 59 buwan (months) dalhin ang inyong mga anak sa inyong mga Health center simula Agosto 10-28, 2026. Ligtas, libre, at mahalagang proteksyon ang bakuna laban sa mga sakit na maaaring magdulot ng malubhang komplikasyon.

Sa darating na MRSIA, sama-sama nating ipagdiwang ang tagumpay ng ating komunidad at patuloy na suportahan ang mga programang naglalayong mapabuti ang kalusugan at kapakanan ng bawat mamamayan. Kita-kits po!

31/07/2026

📢Paghahanda para sa MRSIA 2026💉

Bilang bahagi ng paghahanda para sa Measles-Rubella Supplemental Immunization Activity (MRSIA), nagsimula na ang pagkakabit ng mga tarpaulin sa mga Barangay Health Station ng Tiaong upang maipabatid sa ating komunidad ang nalalapit na pagbabakuna.

Layunin nitong mapataas ang kamalayan ng komunidad sa kahalagahan ng pagbabakuna laban sa tigdas, mahikayat ang mga magulang at tagapag-alaga na ipabakuna ang kanilang mga anak, at suportahan ang malawakang information dissemination upang matiyak ang matagumpay na pagpapatupad ng Measles-Rubella Supplemental Immunization Activity (MRSIA) 2026.



/TiaongMHO

Tiaong Public Information Office

29/07/2026

Sa tulong at suporta ng ating Lokal na Pamahalaan ng TIAONG, sa pamumuno ni Mayor Vincent Arjay Mea at ng tanggapan ng Municipal Health Office, sa pangunguna ni Dr. Elizalde N. Bercero Jr. MPH at sa tulong ng iba’t ibang departamento, ahensya ng gobyerno, barangay officials, healthworkers at community volunteers, opisyal nang inilulunsad ang Measles-Rubella Supplemental Immunization Activity (MR-SIA) Campaign!

📍 Saan? : Dalhin ang mga bata (edad 6 hanggang 59 na buwan) sa pinakamalapit na Barangay Health Center o sa mga itinalagang temporary vaccination sites sa inyong lugar.

🗓️ Kailan? Mula Agosto 10 hanggang 28 (ayon sa iskedyul ng inyong barangay)

👶 Sama-sama Kontra Tigdas at Rubella! Pabakuna na!

🏥 Libre, Ligtas, at Subok na: Measles-Rubella Vaccine para sa bawat batang Pilipino.

✨ Protektadong Bata, Ligtas na Pamilya. Sumali sa Immunization Campaign!

/TiaongMHO
Tiaong Public Information Office

29/07/2026

29/07/2026