Nurse Cari

22/05/2026

Ang buwan ng Mayo ay Hypertensive Awareness Month!

Bilang hakbang para maiwasan at maagapan ang hypertension o alta presyon, kami sa Unisan Rural Health Unit katuwang ang mga BHW ay nagsasagawa ng PhilPEN risk assessment. Ito ay mabilis at walang gastos na paraan upang ma-assess ang ating mga kababayan at maagang maka-iwas o magamot ang alta presyon.

Maki-isa sa pag-iwas at pagkontrol ng “silent killer” na hypertension, magpa-risk assessment sa mga BHW na nakakasakop sa inyong barangay o bumisita sa mga Barangay Health Stations at RHU.

Here are the stories on ANC's Top Story (May 21, 2026).- The ICC arrest warrant for Senator Ronald Dela Rosa is officially in effect with state forces ordere...

19/05/2026

𝐏𝐈𝐍𝐊 & 𝐓𝐄𝐀𝐋 𝐓𝐎𝐆𝐄𝐓𝐇𝐄𝐑: 𝐀 𝐖𝐎𝐌𝐄𝐍’𝐒 𝐂𝐀𝐍𝐂𝐄𝐑 𝐈𝐍𝐅𝐎𝐑𝐌𝐀𝐓𝐈𝐎𝐍 𝐃𝐑𝐈𝐕𝐄 𝐀𝐍𝐃 𝐒𝐂𝐑𝐄𝐄𝐍𝐈𝐍𝐆 𝐒𝐄𝐑𝐕𝐈𝐂𝐄𝐒

May 14, 2026, BHS Soliman, Unisan Quezon

Ginanap ang taunang 𝘣𝘳𝘦𝘢𝘴𝘵 𝘢𝘯𝘥 𝘤𝘦𝘳𝘷𝘪𝘤𝘢𝘭 𝘤𝘢𝘯𝘤𝘦𝘳 𝘤𝘢𝘮𝘱𝘢𝘪𝘨𝘯 𝘢𝘯𝘥 𝘴𝘤𝘳𝘦𝘦𝘯𝘪𝘯𝘨 𝘴𝘦𝘳𝘷𝘪𝘤𝘦𝘴 bilang sa patuloy na pagpapalakas ng adhikain ng Unisan Rural Health Unit sa adbokasiya laban sa dalawang sakit na ito. Itinaon ang aktibidad sa pagdiriwang ng 𝘊𝘦𝘳𝘷𝘪𝘤𝘢𝘭 𝘊𝘢𝘯𝘤𝘦𝘳 𝘈𝘸𝘢𝘳𝘦𝘯𝘦𝘴𝘴 𝘔𝘰𝘯𝘵𝘩 at Mother's Day ngayong buwan ng Mayo bilang tanda ng pagpapahalaga natin sa kalusugan ng mga kababaihan.

Ang pagbibigay ng kaalaman tungkol sa Cervical at Breast Cancer ay pinangunahan ni Dr. Fetejohn Abrencillo. Maliban sa pagbibigay ng karagdagang impormasyon ay nagbahagi rin ng mga personal na kwento ang mga panauhing inimbita sa programang ito. Isang pagpupugay sa katapangan sa pagbabahagi ng kanilang kwento at pagsubok na pinagdaanan ni Dr. Fabian Zubiri at ng kanyang may bahay sa paglaban sa Breast Cancer. Nagbahagi rin ng kwento si Kgg. Belen Etorma, na hindi man nakarating sa programa ay taos pusong nagbigay ng mensahe sa mga kababaihan para labanan ang cancer.

Nagpa-unlak din ng imbitasyon si Kons. Tonoy Villapando, na bagaman hindi nakadalo ay nagpabigay ng mensahe sa pamamagitan ni G. Cris Villapando, na nagbahagi rin ng sariling kwento sa pakikibaka ng kanilang kapamilya laban sa breast cancer.

Ito ay isang patunay na ang malawak na pag-intindi at kaalaman ng pamilya at komunidad tungkol sa mga sakit na ito ay mahalaga sa pagbibigay ng suporta sa paglaban sa cancer.

Sa bumubuo ng Unisan Rural Health Unit sa pangunguna ng MHO Dr. Krsitell Ann Constantino, Dr. Abrencillo at mga deployed nurses mula sa PDOHO Quezon na aktibong nakibahagi sa programa, mga midwife na nagsagawa ng breast and cervical screening, mga staff, at mga BHW, isang malaking pasasalamat sa mga kababaihang dumalo at nakiisa sa araw na ito.

𝖠𝗇𝗀 𝖻𝗋𝖾𝖺𝗌𝗍 𝖺𝗍 𝖼𝖾𝗋𝗏𝗂𝖼𝖺𝗅 𝖼𝖺𝗇𝖼𝖾𝗋 𝗌𝖼𝗋𝖾𝖾𝗇𝗂𝗇𝗀 𝖺𝗒 𝗆𝗀𝖺 𝗌𝖾𝗋𝖻𝗂𝗌𝗒𝗈𝗇𝗀 𝗉𝖺𝗍𝗎𝗅𝗈𝗒 𝗇𝖺𝗆𝗂𝗇𝗀 𝖻𝗂𝗇𝗂𝖻𝗂𝗀𝖺𝗒. 𝖲𝖺 𝗆𝗀𝖺 𝗇𝖺𝗂𝗌 𝗆𝖺𝗀𝗉𝖺𝗄𝗈𝗇𝗌𝗎𝗅𝗍𝖺, 𝖻𝗎𝗆𝗂𝗌𝗂𝗍𝖺 𝗅𝖺𝗆𝖺𝗇𝗀 𝗌𝖺 𝗉𝗂𝗇𝖺𝗄𝖺𝗆𝖺𝗅𝖺𝗉𝗂𝗍 𝗇𝖺 𝗁𝖾𝖺𝗅𝗍𝗁 𝖼𝖾𝗇𝗍𝖾𝗋 𝗌𝖺 𝗂𝗇𝗒𝗈𝗇𝗀 𝖻𝖺𝗋𝖺𝗇𝗀𝖺𝗒.

07/05/2026

Para sa mga kababaihang Unisanin!

Magkakaroon po tayo ng Clinical Breast Exam (CBE) at Visual Inspection with Acetic Acid (VIA) sa darating na May 14, 2026, Huwebes sa BHS Soliman Unisan.

Ang proggramang ito ay naglalayon na ma-screen sa breast at cervical cancer upang maagapan ang pagpapagamot at management ng naturang mga sakit. Dahil dito ay mapapanatili natin ang kalusugan ng ating mga kababaihang nangungunang nanganagalaga sa ating pamilya.

Para sa mga nagnanais makilahok ay ipagbigay-alam lamang sa mga BHW na nakakasakop sa inyong barangay o magtungo sa mga health center na malapit sa inyo at makipag-ugnayan sa inyong nurse at midwife.

Magkita-kita po tayo sa Mayo 14!

06/05/2026

🌸 World Maternal Mental Health Day 🌸

Para sa mga ina na nakakaranas ng matinding pagkabalisa o pagkalungkot, tandaan mong hindi ka nag-iisa.

Lumapit lamang sa mga health center na malapit sa inyong barangay dahil handa kaming tumulong at makinig 💗

18/03/2026

ALL BLOOD DONORS ARE HEROES!

Muli po kami nagpapasalamat sa walang sawang pagtangkilik at pagbibigay ng tulong na dugo ng ating mga kababayang Unisanin pati na rin mga taga karatig bayan ng Agdangan, Padre Burgos, Pitogo, at Gumaca.

Katuwang ng Unisan Rural Health Unit ang Quezon Provincial Hospital Network - Unisan, MDRRMC Unisan, at Quezon Provincial Hospital Network QMC sa pagsuporta at pagtulak sa adbokasiyang mapunan ang malaking pangangailangan sa kakulagan ng dugo sa probinsya ng Quezon.

Malugod ang aming mga puso na nagpapasalamat sa 147 na mga bayani na makapagdurogtong sa buhay ng mga nangangailangan. Hanggang sa mga susunod na blood donation activity! ❤️

11/03/2026

🩸 Voluntary Blood Donation 2026 🩸

Sa lahat ng mga Unisanin, at mga nasa karatig bayan, ngayong taong 2026 ay muli po namin kayong inaanyayahang makiisa sa gaganaping "VOLUNTARY BLOOD DONATION" para sa unang quarter ng taon!

📅 𝐏𝐞𝐭𝐬𝐚: Marso 18, 2026, 𝐌𝐢𝐲𝐞𝐫𝐤𝐮𝐥𝐞𝐬
⏰ 𝐎𝐫𝐚𝐬: 8:00 𝐀𝐌 – 12:00 𝐍𝐍
🏢 𝐋𝐨𝐤𝐚𝐬𝐲𝐨𝐧: 𝐑𝐄𝐒𝐌𝐀

Ito ay ang patuloy na proyekto ng Pamahalaang Lokal ng Unisan katuwang ang iba't-ibang Ahensiya ng Pamahalaan upang patuloy na palakasin ang programa sa pagbibigay ng ligtas at libreng dugo para sa ating mga kababayang nanganga-ilangan ng pandugtong buhay.

MANGYARI LAMANG PO MAGDALA NG VALID ID (identification card) AT PHOTOCOPY NITO.

Narito po ang ilang alituntunin ukol sa boluntaryong pagbibigay ng dugo.

​🩸May timbang na 50 kilo pataas.
🩸May Edad mula 18 hanggang 65 taong gulang.
🩸May malusog na pangangatawan
🩸Nakatulog ng hindi bababa sa walong oras.
🩸Hindi dumaan sa anumang operasyon sa loob ng nakaraang 1 taon o nagpabunot ng ngipin.
🩸Hindi nagpa-tattoo at nagbutas ng tenga sa nilolooban ng 1 taon.
🩸Walang anumang maintenance na gamot na ininum bago magbigay ng dugo.
🩸Hindi uminom ng anumang uri ng alak sa loob ng nakaraang 3 araw.
🩸Sampung araw na ang nakakaraan simula ng huling regla.

Nawa ay muli po tayong magkita-kita sa Marso 18 mga kababayan!

05/03/2026

Buwan ng Kababaihan 2026
Juana, sa bawat yugto ng buhay, alagaan mo ang kalusugan mo!

Ngayong Marso, ipinagdiriwang natin ang National Women’s Month — isang pagkakataon para kilalanin at pasalamatan ang katatagan, husay, at ambag ng bawat babae sa ating pamilya, komunidad, at bansa.

Hinihikayat natin ang lahat ng kababaihan na maging mapanagutan sa kanilang kalusugan — mula pagkabata, pagiging ina, pagtanda, hanggang sa bawat bagong hamon ng buhay!

Sama-sama nating ipagdiwang ang tapang, tiyaga, at kahusayan ng bawat babae. Ito ang iyong buwan, Juana! 💖

05/03/2026

Bilang pakikiisa sa Women’s Month 2026, magsasagawa ang QPHN–Quezon Medical Center – Department of Obstetrics and Gynecology ng Bilateral Tubal Ligation (BTL) Mission sa mga sumusunod na petsa:

🗓 March 6, 13, 20, at 27, 2026

Inaanyayahan ang mga kwalipikadong kababaihan na magpa-screen at magpalista sa:

📍 Women’s Health Center, 2nd Floor, QMC Building (beside OB Office)
🕗 Screening & Scheduling: Monday–Thursday, 8:00 AM–3:00 PM

Para sa karagdagang impormasyon, makipag-ugnayan kay Nurse Ady sa kaniyang numero 09257793302

Patuloy ang ating layunin na magbigay ng ligtas, dekalidad, at makatao na serbisyong pangkalusugan para sa kababaihan ng ating komunidad.

Bilang pakikiisa sa Women’s Month 2026, magsasagawa ang QPHN–Quezon Medical Center – Department of Obstetrics and Gynecology ng Bilateral Tubal Ligation (BTL) Mission sa mga sumusunod na petsa:

🗓 March 6, 13, 20, at 27, 2026

Inaanyayahan ang mga kwalipikadong kababaihan na magpa-screen at magpalista sa:

📍 Women’s Health Center, 2nd Floor, QMC Building (beside OB Office)
🕗 Screening & Scheduling: Monday–Thursday, 8:00 AM–3:00 PM

Para sa karagdagang impormasyon, makipag-ugnayan kay Nurse Ady sa kaniyang numero 09257793302

Patuloy ang ating layunin na magbigay ng ligtas, dekalidad, at makatao na serbisyong pangkalusugan para sa kababaihan ng ating komunidad.