چلڈرن سرجن ڈاکٹر ضیاء الرحمن ۔

24/05/2026

Your life is your story.
No one else gets to write it.
No one else gets to define it.

Every choice you make,
Every risk you take,
Every dream you chase

It’s yours.
Own it.

19/04/2026

بچوں میں پیٹ درد کی عام وجوہات
بچوں میں پیٹ کا درد ایک عام مسئلہ ہے، لیکن اس کی وجوہات مختلف ہو سکتی ہیں۔ والدین کے لیے ضروری ہے کہ وہ ان عام وجوہات سے آگاہ ہوں.

19/04/2026

13/04/2026

ضروری خبر ۔
آج میرا کلینک بند رہے گا، لہٰذا براہِ کرم آج تشریف نہ لائیں۔ان شاء اللہ میں کل سے حسبِ معمول دستیاب ہوں گا۔شکریہ

24/08/2025

یہ گراف ورلڈ ہیلتھ اسٹیٹسٹک رپورٹ 2023 سے لیا گیا ہے اور اس میں ہیلتھ ورک فورس (ڈاکٹرز، نرسز اور دائیوں) کی آبادی کے حساب سے دستیابی کو دکھایا گیا ہے۔
یعنی ہر 10,000 لوگوں پر کتنے ڈاکٹرز، نرسز اور مڈوائفز موجود ہیں، یہ بتایا گیا ہے۔ یہ اعداد و شمار EMRO ممالک (Eastern Mediterranean Region) کے ہیں اور سال 2021 کے ہیں۔
یعنی پاکستان اور سوڈان اس فہرست میں سب سے کمزور صحت کے نظام رکھنے والے ممالک ہیں جبکہ قطر اور یو اے ای سب سے بہتر پوزیشن پر ہیں۔

05/08/2025

یہ 8 ماہ کی بچی سانس کی تنگی، نیلاہٹ اور بخار کے ساتھ ایمرجنسی میں ہمارے پاس لائی گئی۔
چھاتی کے ایکسرے میں دائیں جانب پھیپھڑے میں ہوا (نیوموتھوریکس) نظر آئی جو بائیں پھیپھڑے پر دباؤ ڈال رہی تھی۔
مریضہ کو فوری طور پر آپریشن تھیٹر منتقل کیا گیا جہاں سینے میں نلی (چیسٹ ٹیوب) ڈالی گئی۔
اب مریضہ وارڈ میں آرام سے لیٹی ہوئی ہے، سانس معمول کے مطابق ہے اور نیلاہٹ بھی ختم ہو چکی ہے، الحمد للہ۔
اگر نمونیا کا بروقت علاج نہ کیا جائے تو اس کے نتیجے میں نیوموتھوریکس جیسی پیچیدگیاں پیدا ہو سکتی ہیں

04/08/2025

بچوں میں انگوئنل ہرنیا ایک عام پیدائشی مسئلہ ہے جس میں پیٹ کی جھلی یا آنت کا حصہ پیٹ کی دیوار میں ایک کمزور جگہ سے نکل کر ران کے اوپری حصے یا خصیے کے قریب اُبھار کی صورت میں نظر آتا ہے۔ یہ اُبھار رونے، کھانسنے یا زور لگانے پر نمایاں ہو جاتا ہے اور لیٹنے پر اکثر واپس چلا جاتا ہے۔ یہ زیادہ تر لڑکوں میں ہوتا ہے اور دائیں طرف زیادہ پایا جاتا ہے، لیکن دونوں طرف بھی ہو سکتا ہے۔ اگر ہرنیا پھنس جائے تو بچے کو شدید درد، قے اور بے چینی ہو سکتی ہے جو فوری آپریشن کی ضرورت بن سکتی ہے۔ اس کا واحد مؤثر علاج سرجری ہے، جس میں ہرنیا کی تھیلی کو نکال کر راستہ بند کر دیا جاتا ہے۔ وقت پر علاج نہ کیا جائے تو آنتوں کے پھنسنے یا خراب ہونے جیسی خطرناک پیچیدگیاں ہو سکتی ہیں۔

04/08/2025

بچوں میں کیڑوں کی بیماری (Worms Infestation) ان کی صحت کے لیے ایک سنگین خطرہ بن چکی ہے۔ ضلع باجوڑ کے بچوں میں یہ مسئلہ وبا کی صورت اختیار کر گیا ہے، جس کے نتیجے میں آنتوں کی بندش، آنتوں کا پھٹ جانا، لبلبے کی سوزش اور بلیری اسکریاسس جیسے جان لیوا مسائل پیدا ہو رہے ہیں۔

زیادہ تر بچے خون کی کمی، کمزوری اور ناقص صفائی ستھرائی کا شکار ہیں۔ تمام والدین سے گزارش ہے کہ اپنے بچوں کو ہر 6 ماہ بعد کیڑے مار دوا ضرور پلائیں اور بچوں کی صفائی کا خاص خیال رکھیں۔

02/08/2025

Shout out to my newest followers! Excited to have you onboard! Rashid Khan, Muhammad Tahir, میاں عبدالنافع آفیشل, DrTariq Jalil, Anjum Raheel, Essa Khan, Waseem Badami, Nazeem Ullah Utk, اکبرخان ساپى, Muhammad Khalid, Zahir Ullah, Shah Khalid, Ahmad Nowshad, Sahab Zada, Mohammad Zahirshah, Lal Nabi Gold Smith, Janat Gul, Irfan Mughal, Mian Fazli Maula, Sana Ullah Biloti, Ijaz Khan, Abid Zia Shaheen, Niaz Wali, Abdur Raheem Khan, Attaur Rahman Utmankhil, Rahat Ullah Mamundzai, Zia Khang, Rahman Rustam, Hidayatullah Turabi, Khan Salarzia Khan, Doc Afridi

02/08/2025

میڈیکل سٹور سے علاج – ایک خطرناک رجحان

حال ہی میں ایک جاننے والے کے قریبی رشتہ دار کا انتقال ہوا۔ عمر تقریباً پچپن سال تھی اور وہ بظاہر تندرست نظر آتے تھے۔ بدقسمتی سے انہیں ڈاکٹروں کے پاس جانے سے گریز تھا۔ وہ معمولی بیماری کی صورت میں ہمیشہ محلے کے میڈیکل سٹور سے دوا لے لیا کرتے تھے۔ ان کا ماننا تھا کہ ڈاکٹر صرف پیسے بٹورتے ہیں اور بالآخر وہی دوا تجویز کرتے ہیں جو میڈیکل سٹور سے مفت مشورے کے ساتھ مل جاتی ہے۔

چند روز قبل انہیں سینے میں معدے کے قریب درد محسوس ہوا۔ حسبِ عادت وہ قریبی میڈیکل سٹور چلے گئے۔ وہاں موجود سیلز مین نے بتایا کہ یہ ہاضمے کا مسئلہ ہو سکتا ہے اور اومیپرازول تجویز کر دی۔ دوا کھا کر وہ گھر آ کر سو گئے، مگر درد برقرار رہا۔ چند گھنٹے بعد دوبارہ سٹور گئے تو میوکین شربت کی صلاح دی گئی۔ وقت گزرتا گیا مگر تکلیف بڑھتی رہی، یہاں تک کہ انہیں ہسپتال منتقل کیا گیا۔ جانچ سے معلوم ہوا کہ انہیں شدید نوعیت کا ہارٹ اٹیک ہو چکا ہے۔ بدقسمتی سے تاخیر کے باعث وہ جانبر نہ ہو سکے۔

ایسے واقعات ہمارے اردگرد عام ہو چکے ہیں، جہاں بروقت اور درست تشخیص نہ ہونے کی وجہ سے مریض کی حالت بگڑ جاتی ہے۔ ہمیں یہ سمجھنا ہوگا کہ دوا تجویز کرنا صرف ڈاکٹر کا کام ہے۔

میڈیکل سٹور سے علاج کروانا ایسے ہی ہے جیسے جہاز کا ٹکٹ بیچنے والا کیشئر خود طیارہ اڑا لے۔ کیا آپ اپنی جان اس کے حوالے کریں گے؟ اگر نہیں، تو اپنی صحت کے معاملے میں بھی ایسی غیر ذمہ داری کیوں؟

اکثر میڈیکل سٹورز پر نہ کوئی ماہر فارمیسیسٹ ہوتا ہے، نہ مستند تربیت یافتہ عملہ۔ بعض اوقات ایسی دوائیں تجویز کر دی جاتی ہیں جن سے وقتی فائدہ تو ہو سکتا ہے، مگر طویل المدتی نقصان بہت شدید ہو سکتا ہے۔

یقیناً، زندگی اور موت اللہ کے اختیار میں ہے، مگر ہمیں احتیاط سے کام لینا چاہیے۔ ڈاکٹر چننے میں بھی ہوشیاری برتنا ضروری ہے۔ اپنے اور اپنے پیاروں کی صحت کے لیے مستند، رجسٹرڈ ڈاکٹر سے مشورہ لینا ہی بہتر ہے۔

اللہ ہم سب کو صحت، شعور اور حفاظت عطا فرمائے۔ آمین۔