Doctor Arifah Zadran

Doctor Arifah Zadran Contact information, map and directions, contact form, opening hours, services, ratings, photos, videos and announcements from Doctor Arifah Zadran, Medical and health, Islamabad.
(1)

په ډاکټرۍ کې خورا مزې او ګټې دي، څوک ساعت⌚️ راکوي، څوک ایپاډ📱راته ډالۍ کوي او څوک لېپټاپ 💻 راته راوړي، وړمه ورځ یو چا راته ویل: عارفې! اپل واچ سره څنګه یې؟ خوښ دې دی؟ ما وې: ولې نه! اتي بله ورځ یې اپل واچ ⌚️ راته ډالۍ کړ.

زېری!کندهار کې د (الحاج مولوي نور احمد نقشبندي) مانا الحاج هم دی، یانې تر یوه زیات حجونه یې کړي، تاسې ته دې څرګنده وي، م...
03/09/2026

زېری!
کندهار کې د (الحاج مولوي نور احمد نقشبندي) مانا الحاج هم دی، یانې تر یوه زیات حجونه یې کړي، تاسې ته دې څرګنده وي، مولوي هم دی، نور (رڼا) هم دی او نقشبندیه طریقه کې هم دی؛ د دغو ناروغیو متخصص دی: سرطان، بېل ګونه، فلج، زړه، شکره، روماتیزم، پښتورګي، معده، بواسیر، پېریان، مېرګي، رګ نسا، بې اولادي، د وینې سرطان، لوړ فشار او هر قسم ژړی.
ورځ: له شنبې څخه تر پنجشنبې
وخت: د سهار له ۷ بجو څخه تر ۱۱ بجو
یادونه: بالابود کار منع دی! یانې له پیر صاحب څخه به د نورو اضافه ناروغیو او مردانه کمزوریو درملنه نه غواړئ.
پام کوئ! چې بهرنیان خبر نه شي، ګنې دغه روغتون (پیر صاحب) درڅخه بیایي، بیا به مو څوک درملنه کوي.

02/09/2026

زما په اند تر پخوا نن سبا پښتو ژبې ته ډېر کار کېږي، ما چې څومره پخواني لوستي سپین ږیري لیدلي، د ډېریو یې پښتو یاګانې، کره پښتو او املا نه وي زده، خو ننني ځوانان، چې یو کال فېسبوک کار کړي، پښتو یاګانې او سمه املا یې زده کړې وي.
یوه سپین ږیري راته ویل: "ډېر سوچه پښتو وییونه (بي بي سي) باب کړل، زموږ پخوا نه وو زده او نه مو اورېدلي وو" په دې توګه د دغه پرمختګ کرېډټ (امتیاز) تر ډېره (بي بي سي پښتو څانګه) فېسبوک او نورې ټولنیزې رسنۍ اخلي.

01/09/2026

وایي، کوم ملحد افغانستان ته تللی و، تر څه وخت تېرولو وروسته یې ایمان راوړ، یو چا یې د ایمان راوړلو لامل وپوښت، ده ورته ویلي وو: چې افغانستان مې ولید، ما وې، چې خدای ارومرو شته، ځکه دا هېواد د خدای په فضل چلېږي.

01/09/2026

ځینې ټولنیز اصول او نزاکتونه:
۱- له هر انسان سره ښه چلند کوئ، هغه که د کوم دفتر پیاده وي که آمر
۲- کله چې له یو چا سره ټیلفون کې خبرې کوئ او ټیلفون مو پر سپیکر وي، هغه ته وایاست، چې خبرې دې نور هم اوري
۳- کله چې یو څوک ټیلفون کې کوم انځور درښکاره کوي، صرف هماغه انځور ګورئ، نور انځورونه مه پلټئ
۴- کله چې یو څوک د خپل موبایل پاسورډ ټایپوي، مه ورته ګورئ
۵- کله چې مېلې ته تللي یاست، هلته مو کثافات مه غورځوئ، کثافتدانۍ پسې وګورئ، که مو هغه ونه مونده، کڅوړه کې یې واچوئ او درسره یو یې سئ
٦- کله چې مو مجلس کې ټوکې کوم کس ته خوند نه ورکوي، هغه باندې ټوکې مه کوئ
۷- چا ته مه وایاست، چې ولې موټر نه اخلې؟ ولې کور نه اخلې؟ او یا هم ولې واده نه کوې
۸- ډوډۍ چې مو په خوله کې وي خبرې مه کوئ
۸- کله چې پرنجېږئ یا ټوخېږئ، خولې ته مو دواړه لاسونه یا بازو نیسئ
۹- د خلکو مخ ته غاښونه مه خلالوئ
۱۰- که د ټوکو د زغملو وړتیا نه لرئ، نورو باندې هم ټوکې مه کوئ
۱۱- د چا اولادونو باندې مسخره نومونه مه ږدئ
١٢- مېلمستیا ته چې یې څومره کسان خبر کړي یاست، هغومره ورځئ، اضافه کسان مه درسره بیایاست
١٣- له یو چا څخه چې موټر واخلئ، د بیرته ورسپارلو وخت کې یې باید ټانکۍ ډکه وي
۱۴- کله چې رسټورانټ کې آډر ورکوئ، ګارسون ته په سپکه لهجه (اې! دلته راشه!) مه ورغږ کوئ، بلکې ښاغلیه! وروره یا هم ګرانه ورته وایاست
۱۵- کله چې یو څوک له دروازې ستاسې وروسته راوځي، هغه ته دروازه پرانیستې ونیسئ
١٦- د چا کور کې په خونه کې دننه سګرېټ مه څکوئ
۱۷- مجلس کې له هغو اختلافي بحثونو ډډه وکړئ، چې حساسیتونه راپاروي
۱۸- ماشومان د سګرېټو او نسوارو په پېرلو پسې دوکان ته مه استوئ
۱۹- د چا په معلولیت او فزیکي نیمګړتیا ملنډې مه وهئ
۲۰- کله چې مو له چا پور اخیستی وي، تر دې مخکې چې هغه یې بیرته غوښتنه وکړي، تاسې یې د هغه له ویولو مخکې ورکړئ.

31/08/2026

زموږ خلک ان په دې هم شرمېږي، چې ولیکي: "مېرمن مې ناروغه ده، دعاوې کوئ" وایي، "کور کې ناروغي لرم، دعاوې کوئ" خو که یې پلار یا زوی ناروغ وي، هغه بیا لیکي، چې پلار مې ناروغ دی.
فکر نه کوم، چې دا خلک دې د نجونو د تعلیم هم قایل وي.

30/08/2026

له شېخ عاصم څخه يو چا وپوښتل، چې حج او عمرې ته هر تلونکی کس پر الله ګران وي او یو نېک سړی وي؟ ځکه چې الله یې هلته نصیب کوي.

شیخ عاصم ورته وویل: دا د الله مهرباني او فضل دی، چې د چا نصیب عمرې یا حج ته کوي، خو دا خبره نه ده سمه، چې هغه شخص به ارومرو پر الله ګران وي، دا د اصلاح او ګناهونو د رژون یوه موقع ده، چې الله یې هم خپلو نېکو او هم ګنهګارو بندګانو ته ورکوي، دا چې له دې موقع څخه څوک ګټه اخلي او څوک نه، دا په هغه کس اړه لري، ځینې خلک حج ته په حرامو پیسو ځي یا هم د ریا لپاره ځي، دوی ته حج هېځ ګټه نه کوي، خو ځینې خلک هلته مخلصانه ځي او کله چې راستانه شي، اصلاح شوي وي، د الله په دې حکمت موږ نه پوهېږو، چې ولې ځینو ته د حج او عمرې توفیق ورکوي او ځینو ته نه، په دې الله ښه پوهېږي. زموږ لپاره غوره دا ده، چې د خلکو په هکله قضاوت کوونکي ونه اوسو، چې د پلاني حج قبول دی، د پلاني نه، پلاني د ریا لپاره حج کړی او پلانی په حرامو پیسو تللی، موږ باید د ځپل ځان پر اصلاح تمرکز وکړو، چې موږ څه کوو او څه باید وکړو.

28/08/2026

د انګرېزي ښکېلاک پر مهال هند کې د دوو ډلو (اهلحدیث او احنافو) د آمین موضوع باندی اختلاف راغی، بلاخره خبره تر فزیکي شخړې ورسېده، یوې ډلې ویل، آمین باید سوکه وویل شي، بلې ویل نه! په زوره! وروسته خبره انګرېز قاضي ته ورسېده، چې هغه پرېکړه وکړي، قاضي وویل: زه اسلامي علم نه لرم، دوې ورځې وخت راکړئ، چې مالومات وکړم! خلک بل سبا ورغلل، قاضي ورته وویل: مالومات مې وکړل، ستاسې دیني کتابونه مې هم وکتل، هلته مې آمین بالجهر او هم بالسر وموندل، خو آمین بالشَر (چې د شخړې او لانجې سبب دې شي) ونه مونده.

27/08/2026

حدیث کې د قیامت له نښو یوه دا هم راغلې، چې (الرويبضة) خلک به پیدا شي، رویبضه هغه شخص ته ویل کېږي، چې خورا غټې-غټې خبرې کوي، د نړۍ د تولو ستونزو په هکله به غږېږي، عادي سړی به وي، خو لویو-لویو هېوادونو ته به مشورې ورکوي او تر خپلې سویې به پورته موضوعګانې شني.
ما چې دا حدیث واورېد، دا یو نیم هرکاره فېسبوکیان رایاد شول، کله د سعودي حکومت ته پېغورونه ورکوي، کله امریکا ګواښي، ځینې وخت ګاونډیو هېوادونو ته اقتصادي مشورې ورکوي او کله بیا مفتي صاحب ترې جوړ شي، د نورو اسلامي هېوادونو مسلمانانو باندې ډول-ډول ټاپې لګوي، په داسې حال کې، چې دغه جناب (رویبضه) به خپل کور او کوڅه کې بلها ستونزې لري، د هغه په له منځه وړلو کې به پاتې راغلی وي، خو په خبرو به ځان د نړۍ اتل او تر ټولو پوه څرګندوي او ځان به د ټولو اقتصادي، سیاسي او نړیوالو ستونزو د هواري ماهر ګڼي.
غوره او منطقي دا ده، چې موږ څومره پوهېږو، څومره امکانات لرو او څه مو په وس پوره وي، هماغه ساحه کې وغږېږو او عملي کار وکړو، نه دا چې خپل ځان، کور، کلی، کوڅه او هېواد راڅخه پاتې وي او د نورې نړۍ لانجو کې مو ځان ښکېل کړی وي.

د نړۍ تر ټولو شتمن کسان، خېټې نه لري، زموږ شين مخلوق چې پنځه روپۍ پیدا کړي، د سلو روپو يې خېټه راووځي، مانا نه جیم ته ځي...
26/08/2026

د نړۍ تر ټولو شتمن کسان، خېټې نه لري، زموږ شين مخلوق چې پنځه روپۍ پیدا کړي، د سلو روپو يې خېټه راووځي، مانا نه جیم ته ځي، نه غذایي رژیم نیسي او نه له غوړو او خوږو پرهېز کوي.

26/08/2026

حرم کې سلګونه زره مسلمانان لمونځ ادا کوي، ۲۴ ساعته امنیتي کامرې په ژوندۍ بڼه حرم ښکاره کوي، هلته د کامرو د لګېدو کابو ۴۰ کاله کېږي، په دا ۴۰ کاله د کوم پیر یا بزرګ کرامت چا په ژوندۍ بڼه ونه لید، خو کله چې همدا په نامه بزرګان او پیران خپلو هېوادونو (افغانستان، پاکستان، هند او بنګلدېش) ته لاړ شي، هلته بیا په زرګونو مریدان لري او د کراماتو کیسې یې ډنډوره کېږي.

Address

Islamabad

Website

Alerts

Be the first to know and let us send you an email when Doctor Arifah Zadran posts news and promotions. Your email address will not be used for any other purpose, and you can unsubscribe at any time.

Shortcuts

Share

Category