DPT KUST Official

DPT KUST Official Physical Therapy

السلام علیکم!امید ہے کہ آپ سب خیریت سے ہوں گے۔یونیورسٹی کی جانب سے جاری کردہ حالیہ نوٹیفکیشن کو طلبہ مکمل طور پر مسترد ...
03/06/2026

السلام علیکم!

امید ہے کہ آپ سب خیریت سے ہوں گے۔

یونیورسٹی کی جانب سے جاری کردہ حالیہ نوٹیفکیشن کو طلبہ مکمل طور پر مسترد کرتی ہے۔ ہمارا مؤقف بالکل واضح ہے کہ ہماری اولین اور بنیادی ترجیح AHPC NOC کا حصول ہے۔ جب تک این او سی جاری نہیں کیا جاتا، ہمارا جاری بائیکاٹ بدستور برقرار رہے گا۔

ہم واضح کرنا چاہتے ہیں کہ طلبہ کے تمام تحفظات اور خدشات کا واحد حل این او سی کا اجراء ہے۔ زبانی یقین دہانیوں یا عارضی اقدامات سے مسئلہ حل نہیں ہوگا۔ طلبہ اپنے مستقبل کے حوالے سے شدید بے چینی کا شکار ہیں، لہٰذا انتظامیہ سے مطالبہ کرتے ہیں کہ اس مسئلے کو ہنگامی بنیادوں پر حل کیا جائے۔

ہم تمام طلبہ سے اپیل کرتے ہیں کہ اتحاد اور نظم و ضبط کا مظاہرہ کریں، کمیٹی کے فیصلوں کا احترام کریں اور مشترکہ مؤقف پر قائم رہیں۔ اگر ہمارے جائز مطالبات کو سنجیدگی سے نہ لیا گیا تو طلبہ آئندہ مزید سخت لائحہ عمل اختیار کرنے کا حق محفوظ رکھتے ہیں۔

NOC دو، ورنہ بائیکاٹ جاری رہے گا۔

منجانب: الائیڈ ہیلتھ سائنس کمیٹی

اعلانِ طلبہہم، الائیڈ ہیلتھ سائنسز کے طلبہ، یونیورسٹی اور ڈیپارٹمنٹ کی جانب سے جاری کردہ حالیہ نوٹیفکیشن کو مکمل طور پر ...
02/06/2026

اعلانِ طلبہ

ہم، الائیڈ ہیلتھ سائنسز کے طلبہ، یونیورسٹی اور ڈیپارٹمنٹ کی جانب سے جاری کردہ حالیہ نوٹیفکیشن کو مکمل طور پر مسترد کرتے ہیں۔ طلبہ کے بنیادی اور جائز مطالبات حل ہونے تک ہمارا پُرامن بائیکاٹ بدستور جاری رہے گا۔

ہم واضح کرنا چاہتے ہیں کہ رجسٹریشن کا مسئلہ کئی سالوں سے التوا کا شکار ہے، جس کے باعث طلبہ شدید ذہنی دباؤ اور غیر یقینی صورتحال کا سامنا کر رہے ہیں۔ متعدد یقین دہانیوں اور وعدوں کے باوجود تاحال کوئی عملی اور تسلی بخش پیش رفت سامنے نہیں آئی، جس کی وجہ سے طلبہ میں شدید تشویش پائی جاتی ہے۔

مزید یہ کہ اگر کسی بھی طالب علم کو فیکلٹی، انتظامیہ یا کسی اور ذریعے سے دباؤ ڈالنے، ہراساں کرنے یا بائیکاٹ ختم کرنے پر مجبور کرنے کی کوشش کی گئی تو طلبہ اس کے خلاف اپنا متفقہ اور مؤثر لائحہ عمل اختیار کریں گے، جس کی تمام تر ذمہ داری متعلقہ حکام پر عائد ہوگی۔

ہم تمام طلبہ سے اپیل کرتے ہیں کہ وہ اتحاد، نظم و ضبط اور پُرامن انداز کو برقرار رکھتے ہوئے اپنی جدوجہد جاری رکھیں۔ ہمارا مقصد کسی قسم کا تصادم نہیں بلکہ اپنے قانونی اور جائز حقوق کا حصول ہے۔

جب تک ہمارے مطالبات، بالخصوص رجسٹریشن کے مسئلے کے حوالے سے واضح، تحریری اور عملی پیش رفت سامنے نہیں آتی، ہمارا بائیکاٹ جاری رہے گا۔

منجانب : الائیڈ ہیلتھ سائنس کمیٹی

جامعہ کوہاٹ میں الائیڈ ہیلتھ پروفیشنز کے مستقبل پر سیمینار کا انعقادجامعہ کوہاٹ کی فیکلٹی آف الائیڈ ہیلتھ سائنسز کے زیرِ...
01/06/2026

جامعہ کوہاٹ میں الائیڈ ہیلتھ پروفیشنز کے مستقبل پر سیمینار کا انعقاد

جامعہ کوہاٹ کی فیکلٹی آف الائیڈ ہیلتھ سائنسز کے زیرِ اہتمام "پاکستان میں الائیڈ ہیلتھ پروفیشنز کے دائرۂ کار" کے موضوع پر ایک سیمینار اور انٹرایکٹو سیشن کا انعقاد افتخار آڈیٹوریم میں کیا گیا۔ تقریب کے مہمانِ خصوصی الائیڈ ہیلتھ پروفیشنلز کونسل پاکستان کے نائب صدر ڈاکٹر انیس محمد خان تھے۔

اپنے خطاب میں ڈاکٹر انیس محمد خان نے الائیڈ ہیلتھ پروفیشنز کی بڑھتی ہوئی اہمیت، پیشہ ورانہ مواقع اور صحت کے شعبے میں اس کے کلیدی کردار پر روشنی ڈالی۔ انہوں نے جامعہ کوہاٹ میں الائیڈ ہیلتھ سائنسز کی تعلیمی سرگرمیوں اور معیار کو سراہتے ہوئے طلبہ کو اپنے شعبوں میں بہترین کارکردگی دکھانے کی تلقین کی۔

اس موقع پر طلبہ نے الائیڈ ہیلتھ پروفیشنلز کونسل پاکستان اور جامعہ کوہاٹ کی انتظامیہ سے مطالبہ کیا کہ فیکلٹی آف الائیڈ ہیلتھ سائنسز کے تمام شعبہ جات کی رجسٹریشن کے عمل کو جلد از جلد مکمل کیا جائے تاکہ طلبہ کی تعلیمی سرگرمیاں، امتحانات اور پیشہ ورانہ مستقبل غیر یقینی صورتحال سے محفوظ رہ سکیں۔ طلبہ کا کہنا تھا کہ رجسٹریشن ان کا بنیادی حق ہے اور اس میں مزید تاخیر ان کے تعلیمی اور پیشہ ورانہ مستقبل کو متاثر کر سکتی ہے۔

ڈپارٹمنٹ فزیکل تھراپی کسٹ

اسلام علیکمتمام طلبہ کو مطلع کیا جاتا ہے کہ طلبہ کمیٹی نے باہمی مشاورت کے بعد متفقہ طور پر یہ فیصلہ کیا ہے کہ NOC کے حصو...
30/05/2026

اسلام علیکم
تمام طلبہ کو مطلع کیا جاتا ہے کہ طلبہ کمیٹی نے باہمی مشاورت کے بعد متفقہ طور پر یہ فیصلہ کیا ہے کہ NOC کے حصول تک ہر قسم کے امتحانات کا مکمل بائیکاٹ کیا جائے گا۔
لہٰذا تمام طلبہ سے گزارش ہے کہ کمیٹی کے اس فیصلے پر مکمل طور پر عمل درآمد کریں اور اتحاد و یکجہتی کا مظاہرہ کریں۔ یہ بائیکاٹ اس وقت تک جاری رہے گا جب تک مطلوبہ NOC حاصل نہیں ہو جاتا۔
مزید برآں، کمیٹی کے اس متفقہ فیصلے کی خلاف ورزی کرنے یا کسی بھی امتحان میں شرکت کرنے والے طالب علم کے خلاف کمیٹی کی جانب سے سخت کارروائی عمل میں لائی جائے گی۔
تمام طلبہ سے توقع کی جاتی ہے کہ وہ اپنے اجتماعی مفاد اور مستقبل کے تحفظ کے لیے اس فیصلے کا احترام کریں گے اور اس پر مکمل عمل کریں گے۔

منجانب: الائیڈ ھیلتھ سائنس کمیٹی

Dear Students,As our respected Chairman is currently performing Hajj, he extends his heartfelt wishes to all students an...
27/05/2026

Dear Students,

As our respected Chairman is currently performing Hajj, he extends his heartfelt wishes to all students and their families on the blessed occasion of Eid-ul-Adha.

May this sacred festival bring peace, happiness, unity, and endless blessings into your lives. May Allah accept the prayers and sacrifices of all Muslims around the world and grant everyone success, prosperity, and good health.

Celebrate this beautiful occasion with gratitude, kindness, and care for one another.
Stay safe and enjoy the holidays with your loved ones.

Eid Mubarak! 🌙✨

Chairman

اسلام علیکم!!!آج نمائندہ الائیڈ ہیلتھ سائنسز مجیب الرحمن اور فضل مجید نے رجسٹرار KUST سے ملاقات کی۔ملاقات میں الائیڈ ہی...
24/05/2026

اسلام علیکم!!!
آج نمائندہ الائیڈ ہیلتھ سائنسز مجیب الرحمن اور فضل مجید نے رجسٹرار KUST سے ملاقات کی۔

ملاقات میں الائیڈ ہیلتھ سائنسز ڈیپارٹمنٹ کی NOC عید سے پہلے، HED انٹرن شپ پروگرام، ریگولر فیکلٹی، طلبہ کے ڈگری ایشوز اور کنٹریکٹ فیکلٹی کی تنخواہوں میں تاخیر جیسے اہم مسائل پر تفصیلی گفتگو ہوئی۔

خصوصی طور پر الائیڈ ہیلتھ سائنسز کے ریجسٹریشن عید سے پہلے ممکن بنا دیا جائے.
اور اس کے ساتھ ریگولر فیکلٹی کی تعیناتی عید سے قبل کی نوٹی فائی کی جائیں.
اور یہ درخواست کی گئی کہ کنٹریکٹ فیکلٹی کی تنخواہیں عید سے پہلے جاری کی جائیں تاکہ اساتذہ کو ریلیف مل سکے۔

رجسٹرار صاحب نے تمام مسائل پر مثبت جواب دیتے ہوئے یقین دہانی کروائی کہ وہ ان آف ڈیز میں بھی ان معاملات پر کام کر رہے ہیں، ان شاء اللہ بہت جلد طلبہ، فیکلٹی اور الائیڈ ہیلتھ سائنسز ڈیپارٹمنٹ کو درپیش مسائل خوش اسلوبی سے حل کیے جائیں گے۔

ڈیپارٹمنٹ فزیکل تھراپی کسٹ

New time table
02/07/2025

New time table

"تعلیم تجارت نہیں، حق ہے — سٹوڈنٹس کی آواز کو نظرانداز نہ کرو!"انصاف سٹوڈنٹس فیڈریشن کوہاٹ یونیورسٹی انتظامیہ کی جانب سے...
30/06/2025

"تعلیم تجارت نہیں، حق ہے — سٹوڈنٹس کی آواز کو نظرانداز نہ کرو!"
انصاف سٹوڈنٹس فیڈریشن کوہاٹ یونیورسٹی انتظامیہ کی جانب سے جاری کی گئی سمر سمسٹر پالیسی پر گہری تشویش کا اظہار کرتی ہے۔ یہ پالیسی نہ صرف تعلیمی لحاظ سے طلبہ و طالبات کے لیے رکاوٹیں پیدا کرتی ہے، بلکہ فی کریڈٹ آور 1500 روپے جیسی بھاری فیس، اکثر طلبہ کے مالی وسائل سے باہر ہے، جو سراسر غیرمنصفانہ اقدام ہے۔

ہم سمجھتے ہیں کہ سمر سمسٹر کا مقصد سہولت فراہم کرنا ہونا چاہیے، نہ کہ دباؤ ڈالنا۔ خاص طور پر فائنل سمسٹر کے طلبہ جن کے کیریئر کا فیصلہ انہی مہینوں میں ہوتا ہے، ان کے لیے یہ بوجھ کسی بھی صورت قابلِ قبول نہیں۔

انصاف سٹوڈنٹس فیڈریشن انتظامیہ سے مطالبہ کرتی ہے کہ اس پالیسی پر فوری نظرِ ثانی کی جائے، اور طلبہ کے مسائل کو مدنظر رکھتے ہوئے ایک منصفانہ، قابلِ برداشت اور تعلیمی ماحول کو فروغ دینے والی پالیسی متعارف کروائی جائے۔

بصورت دیگر، انصاف سٹوڈنٹس فیڈریشن آئینی اور جمہوری طریقے سے طلبہ کے ساتھ مل کر اپنا احتجاج ریکارڈ کروانے کا حق محفوظ رکھتی ہے۔

صدر سلیمان خان "انصاف سٹوڈنٹس فیڈریشن کوہاٹ یونیورسٹی"

ڈی پی ڈی DPT کو "الائیڈ ہیلتھ پروفیشن" تک محدود کرنا، 5سالہ کلینیکل پروفیشنل تعلیم کی توہین ہے — ہمیں درکار ہے ایک بااخت...
15/06/2025

ڈی پی ڈی DPT کو "الائیڈ ہیلتھ پروفیشن" تک محدود کرنا، 5سالہ کلینیکل پروفیشنل تعلیم کی توہین ہے — ہمیں درکار ہے ایک بااختیار، خودمختار “فزیوتھراپی کونسل”
محترم حکام بالا!
پاکستان میں فزیوتھراپی کا شعبہ گزشتہ دو دہائیوں میں تعلیم، کلینیکل پریکٹس اور تحقیق کے میدان میں نمایاں ترقی کر چکا ہے۔ HEC سے منظور شدہ پانچ سالہ Doctor of Physical Therapy (DPT) ڈگری جدید طبی، سائنسی اور تحقیقی بنیادوں پر استوار ہے۔ دنیا بھر میں فزیوتھراپسٹ ایک آزاد اور خودمختار کلینیکل پروفیشنل کے طور پر تسلیم کیے جاتے ہیں۔

مگر بدقسمتی سے پاکستان میں اب DPT کو "الائیڈ ہیلتھ پروفیشنلز کونسل" کے تحت بطور "ٹیکنالوجی" شامل کرنے کی کوششیں ہو رہی ہیں، جو نہ صرف اس شعبے کی تعلیمی اور پیشہ ورانہ حیثیت کی نفی ہے بلکہ DPT کے فارغ التحصیل طلباء و طالبات کے مستقبل پر سوالیہ نشان ہے۔

اہم نکات و اعتراضات:

1. DPT کو "ٹیکنالوجی" قرار دینا سراسر ناانصافی ہے:
DPT کا نصاب مکمل کلینیکل تعلیم پر مشتمل ہے، جس میں Anatomy، Physiology، Pathology، Pharmacology سمیت تمام اہم مضامین اور کلینیکل مہارتیں شامل ہیں۔ اس میں نیورولوجی، آرتھوپیڈکس، کارڈیولوجی، پیڈیاٹرک، ویمن ہیلتھ ریہیبلیٹیشن، ایویڈنس بیسڈ پریکٹس اور لازمی کلینیکل انٹرن شپ شامل ہے۔

2. "ڈاکٹر" کا ٹائٹل قانونی خطرے میں ہے:
HEC اور PMC دونوں DPT کو "Doctorate Level First Professional Degree" کے طور پر تسلیم کر چکے ہیں۔ اگر فزیوتھراپی کو "ٹیکنالوجی" کا درجہ دیا گیا تو قانونی طور پر "ڈاکٹر" کا استعمال ختم ہو سکتا ہے، جو فزیوتھراپی پروفیشن کی تضحیک کے مترادف ہے۔

3. کلینیکل انٹرن شپ اور پریکٹس رائٹس متاثر ہوں گے:
الائیڈ کونسل کی موجودہ ساخت میں نہ تو ہاؤس جاب کی گنجائش ہے اور نہ ہی خودمختار کلینیکل پریکٹس کی۔ اس سے فزیوتھراپسٹس کی تربیت، خودمختاری اور مریضوں کو معیاری خدمات متاثر ہوں گی۔

4. خودمختار "Physical Therapy Council" کا قیام ناگزیر ہے:
جیسے MBBS، BDS، نرسنگ اور فارمیسی کے لیے علیحدہ کونسلز موجود ہیں، اسی طرح DPT کے لیے بھی ایک خودمختار، بااختیار اور فزیوتھراپسٹس پر مشتمل کونسل کا قیام ضروری ہے جو تعلیم، لائسنسنگ، کلینیکل پریکٹس، تحقیق اور ضابطہ اخلاق کی نگرانی کرے۔

ہماری پُرزور مطالبات:

1. DPT کو "الائیڈ ہیلتھ پروفیشنلز کونسل" میں شامل نہ کیا جائے بلکہ اسے ایک خودمختار کلینیکل پروفیشن تسلیم کیا جائے۔

2. "Doctor" کے ٹائٹل کو قانونی تحفظ فراہم کیا جائے جیسا کہ HEC، PMC اور بین الاقوامی اداروں نے تسلیم کیا ہے۔

3. ایک بااختیار "Physical Therapy Council" کا قیام عمل میں لایا جائے جس میں ماہرین، تعلیمی ادارے، مریضوں کے نمائندے اور وزارتِ صحت شامل ہوں۔

4. DPT کے لیے واضح سروس سٹرکچر، تنخواہی سکیل، اور قانونی پریکٹس رائٹس کا تعین کیا جائے۔

5. تمام فزیوتھراپسٹس، تعلیمی ادارے اور طلباء کے تحت متحد ہو کر آواز بلند کریں۔

قانونی مسودہ برائے: Physical Therapy Council Act, 2025

حرمت نامہ (Preamble):

یہ قانون اس نیت سے بنایا گیا ہے کہ پاکستان میں Doctor of Physical Therapy (DPT) کے تعلیمی، کلینیکل اور تحقیقی پہلوؤں کو قانونی حیثیت دے کر ایک خودمختار اور بااختیار کونسل قائم کی جائے جو فزیوتھراپی کے شعبے کی ترقی، معیار اور وقار کی ضامن ہو۔

باب اول: تعاریف و تشریحات

1.1. "Act" سے مراد Physical Therapy Council Act, 2025 ہے۔
1.2. "Council" کا مطلب Physical Therapy Council ہوگا۔
1.3. "DPT" سے مراد Doctor of Physical Therapy کی پانچ سالہ کلینیکل ڈگری ہے۔
1.4. "Registrar" سے مراد کونسل کا رجسٹرار ہوگا۔

باب دوم: کونسل کا قیام

2.1. حکومتِ پاکستان ایک خودمختار Physical Therapy Council قائم کرے گی۔
2.2. کونسل کے دائرہ اختیار میں تمام رجسٹریشن، لائسنسنگ، تعلیمی منظوری، کلینیکل نگرانی اور تحقیقی امور شامل ہوں گے۔

باب سوم: کونسل کی ساخت

3.1. کونسل 16 اراکین پر مشتمل ہوگی:

چیئرمین (نامزد شدہ، مقررہ مدت)

رجسٹرار (مستقل ملازم)

HEC اور PMC کے نمائندے

4 ماہر فزیوتھراپسٹس (ریسرچ اور کلینیکل)

2 نمائندگان تعلیمی اداروں کے

2 نمائندگان عوامی و مریض تنظیموں کے

2 نمائندگان وزارت صحت کے

باب چہارم: اختیارات و فرائض

4.1. DPT ڈاکٹرز کی رجسٹریشن اور لائسنسنگ
4.2. فزیوتھراپی نصاب کی منظوری
4.3. پیشہ ورانہ ضابطہ اخلاق کی تیاری
4.4. انٹرن شپ، ہاؤس جاب، کانفرنسز اور ورکشاپس کا اہتمام

باب پنجم: مالیاتی انتظام

5.1. کونسل فنڈز حاصل کرے گی:

رجسٹریشن فیس

لائسنس فیس

تربیتی فیس
5.2. کونسل کا بجٹ وزارت خزانہ سے منظوری کے بعد جاری ہوگا۔

باب ششم: عبوری شقیں

6.1. موجودہ تمام DPT رجسٹرڈ حضرات کو ایک سال کے اندر نئی کونسل میں اندراج کروانا ہوگا۔
6.2. الائیڈ کونسل میں DPT سے متعلقہ تمام اندراجات کالعدم تصور ہوں گے اور نئے لائسنس جاری کیے جائیں گے۔

یہ مراسلہ اور قانونی مسودہ پاکستان کے ہزاروں فزیوتھراپسٹس، طلباء، تعلیمی اداروں اور مریضوں کی آواز ہے۔ ہم امید کرتے ہیں کہ حکومت اور متعلقہ ادارے DPT کے وقار، مہارت اور خودمختاری کو تسلیم کرتے ہوئے ایک آزاد Physical Therapy Council کے قیام میں تاخیر نہیں کریں گے۔



















































23/05/2025

🩺 Welcome to the Official Page of DPT KUST! 🩺
📍 Department of Physical Therapy – Kohat University of Science & Technology

We’re excited to launch this platform to connect, share, and grow together in the world of Physical Therapy and Rehabilitation Sciences. Whether you’re a student, practitioner, or someone passionate about human movement and health — you’re in the right place! 🌿

👨‍⚕️ What to Expect:
✅ Educational content & clinical tips
✅ Updates from the department & events
✅ Student achievements & research highlights
✅ Community awareness & health promotion

🔗 Let’s build a strong, informed, and inspired community of future healthcare leaders!

💬 Follow, share, and stay connected.
Together, we move better. 💪✨

Address

Kohat University Of Science And Technology
Kohat
26000

Website

Alerts

Be the first to know and let us send you an email when DPT KUST Official posts news and promotions. Your email address will not be used for any other purpose, and you can unsubscribe at any time.

Shortcuts

Share

Category