Dr. Mujtaba mumtaz

Dr. Mujtaba mumtaz Certified Medical Doctor | Creating digital health content for public awareness | For collab & brand promotions contact on Dm or call at 03141777472.

We are trying to provide basic medical awareness and knowledge. And consultation to people.

08/09/2026

ALLOPATHY medicine sy konsi biyamariya theek ho sakti ha ?. Hakeem is post sy door rahen.

میرا نام ڈاکٹر مجتبی ہے اور آج جعلی حکیموں اور بیوقوف نیچروپیتھوں کے ایک بھونڈے دعوے کا جڑ سے خاتمہ کرنے جا رہا ہوں۔ اکث...
08/09/2026

میرا نام ڈاکٹر مجتبی ہے اور آج جعلی حکیموں اور بیوقوف نیچروپیتھوں کے ایک بھونڈے دعوے کا جڑ سے خاتمہ کرنے جا رہا ہوں۔ اکثر اپنے سنا ہو گا کہ ایلوپیتھی میں کوئی ایک دوائی کا نام بتائیں جو کسی بھی بیماری کا مکلمل علاج کرتی ہو۔ تو پیشے خدمت ہیں ایسی بیماریاں جن کا الیوپیتھک دواؤں سے مکمل علاج ممکن ہے

1۔ مخصوص پھیلنے والی خارش (سکیبیز )
یہ سارکوپٹس اسکیبیائی نامی ایک انتہائی چھوٹے کیڑے کی وجہ سے ہوتی ہے۔ اس میں شدید خارش اور جلد پر دانے پیدا ہوتے ہیں۔

💊 دوا: پرمیتھرین 5 فیصد کریم

📚 حوالہ: 2016 کی بے ترتیب طبی آزمائشوں کے منظم جائزے میں پرمیتھرین کو سکیبیز کے مؤثر علاج میں شامل کیا گیا ہے۔
حوالہ: The Treatment of Scabies: Systematic Review of Randomized Controlled Trials, 2016

2۔ آنتوں کے گول کیڑے (اسکاریاسس)
یہ ایسکاریس لمبرائیکوئیڈس نامی کیڑے کا انفیکشن ہے جو آنتوں میں رہتا ہے اور پیٹ کی تکلیف، غذائی کمی اور بعض اوقات آنتوں میں رکاوٹ پیدا کر سکتا ہے۔

💊 دوا: البینڈازول

📚 حوالہ: کوچرین کے منظم جائزے کے مطابق البینڈازول سمیت کیڑوں کے خلاف ادویات سے اسکاریاسس کا مؤثر علاج ممکن ہے۔
حوالہ: Cochrane Review: Anthelmintic Drugs for Treating Ascariasis, 2020

3۔ سٹرونگائیلوئیڈیاسس
یہ سٹرونگائیلوئیڈز سٹرکورالِس نامی طفیلی کیڑے کا انفیکشن ہے، جو زیادہ تر آنتوں کو متاثر کرتا ہے۔

💊 دوا: آئیورمیکٹن

📚 حوالہ: طبی آزمائشوں میں آئیورمیکٹن کو سٹرونگائیلوئیڈیاسس کے مؤثر علاج کے طور پر ثابت کیا گیا ہے اور یہ اس بیماری کے غیر پیچیدہ کیسز میں پہلی ترجیح ہے۔
حوالہ: Randomized Clinical Trial: Ivermectin vs Thiabendazole for Strongyloidiasis, 2011

4۔ جیارڈیاسس
یہ جیارڈیا ڈوڈینالس نامی طفیلی جرثومے سے ہونے والا آنتوں کا انفیکشن ہے۔ اس میں دست، پیٹ میں مروڑ اور بدہضمی ہو سکتی ہے۔

💊 دوا: ٹینیڈازول

📚 حوالہ: ایک طبی مطالعے میں ٹینیڈازول کی ایک خوراک کے بعد 94 فیصد مریض چار ہفتوں کے دوران جیارڈیا سے پاک پائے گئے۔
حوالہ: Single-dose Tinidazole for the Treatment of Giardiasis, Antimicrobial Agents and Chemotherapy, 1985

5۔ رِنگ ورم / ٹینیا
یہ کسی کیڑے کی وجہ سے نہیں بلکہ ڈرماٹوفائٹ فنگس کی وجہ سے ہونے والا جلد کا فنگل انفیکشن ہے۔ اس میں عموماً گول، خارش والے دھبے بن سکتے ہیں۔

💊 دوا: ٹربی نافائن

📚 حوالہ: امریکی مرکز برائے انسدادِ امراض کے مطابق مناسب اینٹی فنگل علاج، بشمول ٹربی نافائن، رِنگ ورم کے علاج کے لیے استعمال ہوتا ہے۔
حوالہ: CDC, Treatment of Ringworm, 9 February 2026

6۔ ہیپاٹائٹس سی
یہ ہیپاٹائٹس سی وائرس کی وجہ سے ہونے والی جگر کی بیماری ہے، جو طویل عرصے میں جگر کو شدید نقصان پہنچا سکتی ہے۔

💊 دوا: براہِ راست اثر کرنے والی اینٹی وائرل ادویات
مثلاً: سوفوسبوویر + ویلپیٹاسوویر
مناسب علاج سے ہیپاٹائٹس سی کو مکمل طور پر ختم کیا جا سکتا ہے۔

📚 حوالہ: ایک بڑے طبی مطالعے میں 12 ہفتوں کے سوفوسبوویر + ویلپیٹاسوویر علاج سے 99 فیصد مریضوں میں مستقل وائرولوجیکل کامیابی حاصل ہوئی۔ عالمی ادارۂ صحت بھی براہِ راست اثر کرنے والی اینٹی وائرل ادویات کو ہیپاٹائٹس سی کے مؤثر اور عموماً مختصر مدتی علاج کے طور پر بیان کرتا ہے۔
حوالہ: New England Journal of Medicine, Sofosbuvir and Velpatasvir for HCV, 2015
حوالہ: WHO, Hepatitis C Treatment Guidelines

7۔ ملیریا
یہ پلازموڈیم نامی طفیلی جرثومے کی وجہ سے ہونے والی بیماری ہے، جو متاثرہ مچھر کے کاٹنے سے منتقل ہوتی ہے۔ بخار، کپکپی اور پسینہ اس کی عام علامات ہیں۔

💊 دوا: آرٹیمیسینن پر مبنی مرکب علاج

📚 حوالہ: عالمی ادارۂ صحت کے مطابق ملیریا کے علاج کا بنیادی مقصد خون میں موجود پلازموڈیم کے جراثیم کو مکمل طور پر ختم کرنا ہے۔
حوالہ: WHO Global Malaria Programme, Treatment, 13 August 2025
حوالہ: CDC Malaria Treatment Guidelines, 8 July 2026

8۔ آتشک (سفلس)
یہ ٹریپونیما پیلیڈم نامی بیکٹیریا سے ہونے والی جنسی طور پر منتقل ہونے والی بیماری ہے۔ علاج نہ ہونے کی صورت میں یہ جسم کے مختلف اعضاء کو نقصان پہنچا سکتی ہے۔

💊 دوا: بینزاتھین پینسلین جی

📚 حوالہ: امریکی مرکز برائے انسدادِ امراض کے مطابق ابتدائی اور ثانوی آتشک میں بینزاتھین پینسلین جی ایک ترجیحی علاج ہے، اور بعض کیسز میں ایک ہی خوراک کافی ہوتی ہے۔
حوالہ: CDC Sexually Transmitted Infections Treatment Guidelines, 2021

9۔ بِلْہارزیا / شِسٹوسومیاسس
یہ شِسٹوسوما نامی طفیلی کیڑے سے ہونے والی بیماری ہے، جو عموماً آلودہ میٹھے پانی کے ساتھ جلد کے رابطے سے منتقل ہوتی ہے۔

💊 دوا: پرازیکوانٹل

📚 حوالہ: عالمی ادارۂ صحت پرازیکوانٹل کو شِسٹوسومیاسس کے علاج کے لیے تجویز کرتا ہے۔ علاج کا مقصد انفیکشن ختم کرنا یا جسم میں موجود کیڑوں کی تعداد کو کم کرنا ہے۔
حوالہ: WHO Guideline for the Control and Elimination of Human Schistosomiasis, 2022
حوالہ: Cochrane Review: Praziquantel for Schistosomiasis

10۔ غذائی کمی کی وجہ سے وٹامن بی 12 کی کمی
وٹامن بی 12 کی کمی سے خون کی کمی، کمزوری، زبان کی سوزش اور بعض اوقات اعصابی مسائل پیدا ہو سکتے ہیں۔ اگر اس کی وجہ صرف خوراک میں بی 12 کی کمی ہو تو مناسب بی 12 دے کر اس کمی کو درست کیا جا سکتا ہے۔

💊 دوا: وٹامن بی 12 (کوبالامن)

📚 حوالہ: کوچرین کے جائزے کے مطابق مناسب مقدار میں منہ کے ذریعے یا انجیکشن کے ذریعے دی جانے والی بی 12 سے بی 12 کی سطح کو معمول پر لایا جا سکتا ہے۔
حوالہ: Cochrane Review: Oral Vitamin B12 versus Intramuscular Vitamin B12, 2018

میں آپ لوگوں یہ بھی کو بتا دیتا ہوں کہ یہ حکیم - نیچروپیتیں - دیسی علاج کرنے والے جاہل کبھی اس بات کو نہیں مانے گئے اور اس کی وجہ یہ ہے کہ 99 پرسنٹ کو تو ان بیماریوں کا پتا ہی نہیں ہو گا۔ اور جنہوں نے کبھی ان کا سنا بھی ہو گا تو ان کو بھی پتا نہیں ہو گا کہ یہ بیماری کیا ہے اور کیا علاج ہے اس کا حالانکہ یہ بہت عام سے بیماریاں ہیں۔ اب آپ کمنٹس میں فیصلہ کیجئے۔

07/09/2026

HEART ATTACK new funny treatment | Quacks and Hakeems are destroying health.

🚨 ہارٹ اٹیک ہو جائے تو کیا کریں؟ 🚨میرا نام ڈاکٹر مجتبی ہے اور آج اپنے اللہ کو حاضر ناظر جان کر جواب دینا ہے کہ اگر آپ کے...
07/09/2026

🚨 ہارٹ اٹیک ہو جائے تو کیا کریں؟ 🚨

میرا نام ڈاکٹر مجتبی ہے اور آج اپنے اللہ کو حاضر ناظر جان کر جواب دینا ہے کہ اگر آپ کے کسی پیارے کو ہارٹ اٹیک آجائے تو کیا آپ اس کو کالا نمک اور عرق گلاب پینے کو دیں گے یا پھر یہ اقدامات لیں گے؟؟ سچ بولیے گا۔

یہ 7 اقدامات کسی کی جان بچا سکتے ہیں!

⏱️ ہارٹ اٹیک میں ہر منٹ قیمتی ہے۔

1️⃣ علامات پہچانیں
سینے میں درد یا جکڑن، سانس پھولنا، ٹھنڈا پسینہ، متلی یا درد کا بازو، جبڑے یا کمر تک پھیلنا۔

2️⃣ فوراً 1122 پر کال کریں 📞
خود گاڑی چلانے کے بجائے ایمبولینس بلائیں۔

3️⃣ مریض کو آرام سے بٹھائیں 🪑
اسے چلنے پھرنے یا جسمانی مشقت نہ کرنے دیں۔

4️⃣ ایسپرین دیں 💊
اگر مریض ہوش میں ہے، نگل سکتا ہے، ایسپرین سے الرجی نہیں اور شدید خون بہنے کی شکایت نہیں تو 160–325 mg ایسپرین دی جا سکتی ہے۔

5️⃣ بے ہوشی + نارمل سانس بند؟ ❤️‍🩹
فوراً CPR شروع کریں۔
سینے کے درمیان 100–120 دباؤ فی منٹ دیں۔

6️⃣ AED
موجود ہے؟ ⚡
فوراً آن کریں، پیڈز لگائیں اور مشین کی ہدایات پر عمل کریں۔

7️⃣ جلد از جلد مناسب ہسپتال پہنچائیں 🏥
دل کی بند شریان کو جلد کھولنا، مناسب مریضوں میں Angiography/PCI (Stenting) کے ذریعے، دل کے پٹھے کو بچا سکتا ہے۔

⚠️ اہم بات:
ہارٹ اٹیک ≠ Cardiac Arrest

ہارٹ اٹیک میں مریض عموماً ہوش میں ہوتا ہے۔
اگر مریض بے ہوش ہے اور نارمل سانس نہیں لے رہا تو CPR + AED میں ایک لمحہ بھی ضائع نہ کریں۔

📌 اس پوسٹ کو Save اور Share کریں۔
شاید یہ معلومات کسی دن کسی کی زندگی بچا دیں۔ ❤️

میرا نام ڈاکٹر مجتبی ہے- الحمداللہ میں ڈاکٹر ہوں، پر آج میں دو پھکیاں دینے جا رہا ہوں۔پہلی پھکی حکیموں، نیچروپیتھوں، ہوم...
06/09/2026

میرا نام ڈاکٹر مجتبی ہے- الحمداللہ میں ڈاکٹر ہوں، پر آج میں دو پھکیاں دینے جا رہا ہوں۔

پہلی پھکی حکیموں، نیچروپیتھوں، ہومیوپیتھوں اور ہر اُس شخص کے لیے ہے جو دیسی علاج کے نام پر اپنی مرضی کی دوائیں بناتا ہے، خود کو سائنس سے بڑا سمجھتا ہے اور لوگوں کو یہ بتاتا پھرتا ہے کہ ڈاکٹر تو اپنی دوا بھی نہیں بنا سکتا۔

بھائیو! جتنے حکیم ، جتنے دیسی علاج کرنے والے نامونے ہیں، جو خود دوائیں بناتے ہیں، معجونیں تیار کرتے ہیں اور دعویٰ کرتے ہیں کہ ڈاکٹر اور جدید طب کچھ نہیں جانتے، ان سب سے میری ایک گزارش ہے اور چیلنج بھی:

ایک ایسی پھکی بنائیں، ایسی معجون بنائیں، ایسا نسخہ تیار کریں کہ اس جعلی حکیم جمیل مہرَوی کی نظر ہی ٹھیک ہو جائے۔

اس کی وہ عینک، جو اس نے مبینہ طور پر "ایلوپیتھک" طریقۂ علاج سے لگوائی ہے، اتار جائے اور اس کی نظر کی کمزوری کا جڑ سے خاتمہ ہو جائے۔

پھر ہمیں بھی یقین آ جائے گا کہ واقعی آپ کے پاس وہ علم اور علاج موجود ہے جس کا آپ دعویٰ کرتے ہیں۔

اور دوسری پھکی اُن لوگوں کے لیے ہے جو جمیل مہرَوی جیسے لوگوں کو درست سمجھتے ہیں۔

ایک بار۔ صرف ایک بار۔

جس بیماری کا یہ شخص دعویٰ کرتا ہے کہ وہ علاج کر سکتا ہے، اُس بیماری کا علاج اسی سے کروا کر دیکھ لیں۔

پھر آپ کی طبیعت سے لے کر جیب تک، ہر چیز کو سکون آ جائے گا۔

بلکہ شاید اُس "چیز" کا بھی مستقل علاج ہو جائے جو بار بار آپ کو تنگ کرتی ہے۔

افسوس کی بات یہ ہے کہ ہم آج تک یہ بنیادی بات نہیں سمجھ سکے کہ ایسے ڈھونگی لوگ عوام کو صرف لوٹتے نہیں، بلکہ اُن کا برین واش بھی کرتے ہیں۔

انہیں سائنس، تحقیق اور جدید طب کے خلاف کھڑا کر دیتے ہیں۔

کیوں؟

کیونکہ انہیں معلوم ہوتا ہے کہ اگر لوگوں میں شعور آ گیا، سوال پوچھنے کی عادت آ گئی، اور ثبوت مانگنے لگے، تو ان کا کاروبار زیادہ دیر نہیں چلے گا۔

اور سب سے زیادہ حیرت انگیز بات یہ ہے کہ جب بیماری واقعی سنگین ہو جائے، جب سانس اٹکنے لگے، جب زندگی خطرے میں پڑ جائے، تو یہی لوگ آخرکار اُنہی ہسپتالوں کے بستروں پر لیٹے ہوتے ہیں، جن کے خلاف ساری زندگی نفرت پھیلاتے رہے۔

پھر ڈاکٹر سے علاج کی امید ہوتی ہے۔

پھر ڈاکٹروں کی منتیں بھی کی جاتی ہیں۔

پھر جدید مشینیں بھی چاہییں، جدید ٹیسٹ بھی چاہییں، آپریشن بھی چاہیے اور جان بچانے کے لیے جدید ادویات بھی۔

یہ میرا غرور نہیں ہے۔
یہ ایک تلخ حقیقت ہے۔

اور جتنی جلدی ہم اس حقیقت کو سمجھ لیں گے، اتنا ہی بہتر ہوگا۔

کیونکہ سوال یہ نہیں کہ علاج کرنے والا کون ہے۔

اصل سوال یہ ہے کہ اُس کے علاج کے پیچھے تحقیق کیا ہے؟

اور جہاں ثبوت موجود نہ ہوں، وہاں صرف دعویٰ، عقیدہ اور جذبات کسی انسان کی جان کا متبادل نہیں بن سکتے۔ ہوش میں آئیے کہیں اتنی دیر نہ ہو جائے کہ واپسی کا راستہ ہی نہ رہے۔ اور کہنا پڑے
اب پچھتایے کیا ہوت جب چڑیاں چگ گئیں کھیت۔

میرا نام ڈاکٹر مجتبی ہے اور لوگ حیران ہیں کہ یہ عطائی جمیل مہروی کیسے ہر روز کسی نہ کسی نئے چینل پر آ جاتا ہے، ڈاکٹروں ک...
05/09/2026

میرا نام ڈاکٹر مجتبی ہے اور لوگ حیران ہیں کہ یہ عطائی جمیل مہروی کیسے ہر روز کسی نہ کسی نئے چینل پر آ جاتا ہے، ڈاکٹروں کو جھوٹا کہتا ہے، میڈیکل سائنس کو غلط ثابت کرنے کی کوشش کرتا ہے، اور کوئی اسے پوچھنے والا نہیں۔

لیکن میں حیران نہیں ہوں۔

کیونکہ جس ملک میں آئے روز معصوم بچوں کے ساتھ زیادتی ہو، عورتوں پر تیزاب پھینک دیا جاتا ہو، شوہر اپنے ہی ہاتھوں اپنی بیوی کو قتل کر دیتا ہو…

جہاں بڑے برانڈ سے لے کر گلی کے ایک چھوٹے سے ریڑھی والے تک، کھانے پینے کی اشیاء ملاوٹ سے محفوظ نہ ہوں۔

جہاں جعلی ادویات کی خبریں عام ہوں۔

جہاں صرف ایک شخص کرپٹ نہیں بلکہ پورے کے پورے محکمے ہی اس انداز میں چلائے جاتے ہوں کہ کرپشن ایک نظام اور مضبوط بن جائے۔

جہاں تعلیم سے دوری اس حد تک ہو کہ کروڑوں لوگ بنیادی شعور سے ہی محروم ہوں۔

جہاں دودھ اور دہی میں صرف ملاوٹ نہیں کی جاتی ہو، بلکہ سرے سے ہی مصنوعی دودھ اور دہی بنا کر بیچا جاتا ہو۔

جہاں چوری چکاری، ڈاکہ، زنا، شراب، حرام خوری اور نہ جانے کون کون سا گناہ موجود ہو…

تو پھر ایسے معاشرے میں اگر کوئی جاہل شخص ٹی وی چینلز پر بیٹھ کر میڈیکل سائنس کو جھٹلاتا پھرے، ڈاکٹروں کو جھوٹا کہے اور سائنسی حقائق کے خلاف باتیں کرے، تو حیرانی کس بات کی ہے؟

حقیقت یہ ہے کہ یہ معاشرے ہمیشہ وہی آوازیں بلند کرتا ہے جس کی بنیاد جھوت - کرپشن اور حرام خوری ہو۔

افسوس ضرور ہے۔ بہت زیادہ افسوس ہے۔

لیکن ہم اپنا کام پھر بھی کرتے رہیں گے۔

ہم لوگوں کو حقیقت بتاتے رہیں گے۔
ہم سائنس کی بات کرتے رہیں گے۔
ہم اپنی استطاعت کے مطابق اللہ کی مخلوق کا بھلا کرنے کی کوشش کرتے رہیں گے۔

کیونکہ آخرکار ایک دن ہمیں اپنے رب کے سامنے کھڑا ہونا ہے۔

اور اس دن میری بس ایک خواہش ہے کہ میں اپنے پیارے اللہ کے سامنے کھڑا ہو کر یہ کہہ سکوں:

"میرے پیارے اللہ! میں نے اپنی پوری کوشش کی تھی کہ تیری مخلوق کا بھلا کر سکوں۔
میں نے جو حق جانا، وہ لوگوں تک پہنچایا۔
میں نے اپنی استطاعت کے مطابق اپنا فرض ادا کیا۔
باقی، بے شک تو سب سے بہتر جاننے والا ہے۔"

دنیا چاہے جسے سنے، ہم کلمہ حق بلند کرتے رہیں گے۔ 🤍

31/08/2026

Maiday ki goli ky nuksanat or is ky kesy bacha jay.

29/08/2026

PIMS HOSPITAL ISLAMABAD incident | kasoor kis ka ha ?

28/08/2026

Haripur Pakistan incident | ye humray mulk ko akhir kia ho gaya ha ?

Address

Lahore

Website

Alerts

Be the first to know and let us send you an email when Dr. Mujtaba mumtaz posts news and promotions. Your email address will not be used for any other purpose, and you can unsubscribe at any time.

Shortcuts

Share

Category