20/07/2026
میرپورخاص میں جہاں کہیں اور جب کہیں طب کے شعبے میں کسی مسیحا یا انسانی روپ میں فرشتہ صفت انسان کا ذکر ہوتا ہے۔ تو وہیں ایک شریف النفس، ہمدرد، ملن سار، سادہ مزاج، خوف خدا رکھنے والے، اور شفیق و با اخلاق ضعیف العمر، ہر دلعزیز ، مشہور و معروف ڈاکٹر محترم جناب سرجن ڈاکٹر اقبال کھتری صاحب کا نام سر فہرست ہوتا ہے۔ فلاح انسانیت کیلئے آپ کی بے لوث و لازوال خدمات کسی سے پوشیدہ نہیں، میرپورخاص اور مضافات کا ہر شہری آپکی عظیم خدمات کا معترف ہے ۔ضعیف المعری کے باوجود غریب مریضوں کیلئے آپکی بے لوث و بلا تفریق خدمات ہمیشہ تاریخ کا حصّہ رہیں گی۔
اور انشاءاللہ العزیز مستقبل میں آپکی لازوال و بے مثال خدمات میرپورخاص کی تاریخ میں ہمیشہ سنہرے حروف سے لکھی جائیں گی۔ آپ صرف ایک غریب پرور ڈاکٹر ہی نہیں بلکہ ایک شفیق و رحم دل و ہمدرد انسان بھی ہیں۔ یہی وجہ ہے کہ آپ اپنی بے لوث خدمات و ہمدردانہ روئیے کے سبب روزانہ کی بنیاد پر نا صرف سینکڑوں نادار و مستحق مریضوں کا معائنہ انتہائی مناسب فیس پر کرتے ہیں بلکہ ساتھ ساتھ انتہائی نادار و مستحق مریضوں کو اپنے ذاتی خرچے پہ ادویات بھی فراہم کرتے ہیں۔
یہی نہیں بلکہ آپ کی گراں قدر خدمات طب کے علاوہ فلاح و بہبود کیلئے بھی نمایاں ہیں۔ بہت کم ہی لوگ جانتے ہیں کہ آپ نے کئی غریب و یتیم بچیوں کے گھر بسائے ہیں۔ اس بات کا ہم حلفیہ اعتراف کرتے ہیں کیوں کہ ایک غریب باپ کی بچی کی شادی کیلئے جہیز خریداری کیلئے ڈاکٹر اقبال کھتری صاحب سے ملاقات ہوئی تو آپ نے بلا جھجک آمنا و صدقنا اس یتیم بچی کے جہیز خریداری کیلئے لبیک کہہ کر اس بچی کا گھر بسایا۔ معلوم ہوا کہ ڈاکٹر اقبال کھتری صاحب وہی ڈاکٹر ہیں جنہیں مسیحائی کے لقب سے نوازا گیا ہے۔
گزشتہ روز سے ڈاکٹر اقبال کھتری صاحب کے خلاف ایک سوچے سمجھے منصوبے کے تحت کردار کشی پر مبنی مزموم مہم کا آغاز کیا گیا ہے۔جس کی سخت الفاظ میں مذمت کرتے ہیں۔اس مزموم مہم جوئی کے خلاف نا صرف فارماسیوٹیکل انڈسٹری کے نمائندگان بلکہ میرپورخاص کا ہر شہری ڈاکٹر اقبال کھتری صاحب کے ساتھ کھڑا ہے۔
ڈاکٹر اقبال کھتری صاحب آپ اکیلے نہیں ہیں۔۔۔۔
