الرقیة الشرعیة النبویة

23/06/2026

جادو کروانے والے! ذرا رک کر سوچ...
تم جادوگر کے پاس بیٹھے تھے..
تمہارے دل میں حسد بھرا ہوا تھا...
تمہارے سینے میں انتقام کی آگ جل رہی تھی...
اور تم اپنی زبان سے کہہ رہے تھے
"اس کی شادی نہ ہونے دینا...
"اگر شادی ہو جائے تو اس کا گھر برباد کر دینا..."
"اس کے شوہر کو اس سے متنفر کر دینا..."
"اس کی بیوی کے دل میں نفرت ڈال دینا..."
"اس کی اولاد نہ ہو..."
"اس کے بچوں کو سکون نہ ملے...
"اس کے رزق میں بندش لگا دو..."
"اس کا کاروبار تباہ ہو جائے..."
"لوگ اس سے نفرت کریں..."
"اس کی عزت خاک میں مل جائے..."
"وہ زندگی بھر پریشان رہے..."
"اس کے گھر سے خوشیاں ختم ہو جائیں..."
شاید اس وقت تمہیں اپنے الفاظ معمولی لگ رہے تھے...
لیکن فرشتے ان الفاظ کو لکھ رہے تھے...
آسمان تمہاری باتیں سن رہا تھا..۔
اور رب العالمین تمہارے دل کا زہر دیکھ رہا تھا...
تم نے صرف ایک انسان کے خلاف سازش نہیں کی تھی...
تم نے ایک ماں کے لیے آنسو خریدنے کی کوشش کی تھی...
تم نے ایک باپ کی امیدوں کو توڑنے کی کوشش کی تھی...
تم نے ایک بیوی کے گھر کو اجاڑنے کی کوشش کی تھی...
تم نے ایک شوہر کی زندگی میں نفرت بھرنے کی کوشش کی تھی...
تم نے معصوم بچوں کے مستقبل کو تاریک کرنے کی کوشش کی تھی...
تم نے ایک مسلمان کی خوشی چھیننے کی کوشش کی تھی...
اور رسول اللہ ﷺ نے فرمایا
"مسلمان وہ ہے جس کی زبان اور ہاتھ سے مسلمان محفوظ رہیں۔"
تم نے تو اپنی زبان سے ہی تباہی کے منصوبے بنائے تھے۔
یاد رکھو!
جادوگر اکیلا مجرم نہیں ہوتا...
اس کے پاس جانے والا شخص بھی جرم میں شریک ہوتا ہے...🔴
وہ پیسے دیتا ہے...🔴
وہ حکم دیتا ہے...🔴
وہ مقصد طے کرتا ہے...🚫
وہ ظلم کی فرمائش کرتا ہے...🔴
اور جادوگر اس کے حکم کو پورا کرنے کی کوشش کرتا ہے۔🚫
اللہ تعالیٰ فرماتے ہیں
"وَلَا تَعَاوَنُوا عَلَى الْإِثْمِ وَالْعُدْوَانِ"
"گناہ اور زیادتی کے کاموں میں ایک دوسرے کی مدد نہ کرو۔"
(المائدہ: 2)
بتاؤ!
اگر کوئی قاتل کو پیسے دے کر کسی کا قتل کروائے تو کیا صرف قاتل مجرم ہوگا؟
ہرگز نہیں!
قتل کروانے والا بھی برابر کا مجرم ہوگا۔
اسی طرح جب کوئی شخص جادوگر کو پیسے دے کر کسی کی شادی، صحت، کاروبار، اولاد، عزت یا سکون برباد کرنے کا مطالبہ کرتا ہے تو وہ بھی اس ظلم کا شریک بن جاتا ہے۔
مظلوم کی آہ سے ڈرو☝
شاید تمہارا جادو کام کرے یا نہ کرے...
لیکن مظلوم کی آہ ضرور آسمان تک پہنچتی ہے۔
رسول اللہ ﷺ نے فرمایا
"مظلوم کی بددعا سے ڈرو، کیونکہ اس کے اور اللہ کے درمیان کوئی پردہ نہیں ہوتا۔"
کتنے لوگ ہیں جو راتوں کو اٹھ کر روتے ہیں...
اور کہتے ہیں
"یا اللہ! جس نے میری زندگی برباد کی، تو اسے اپنے عدل کے حوالے کر دے۔"
یہ وہ دعا ہے جس سے آسمان کانپ اٹھتا ہے۔
قیامت کا سب سے خوفناک منظر
آج تم جادوگر کے سامنے بیٹھ کر کہہ رہے ہو
"اس کی خوشی ختم کر دو۔"😢
لیکن کل قیامت کے دن وہی شخص تمہارے سامنے کھڑا ہوگا۔
وہ کہے گا
"یا اللہ! اس نے میری شادی تباہ کر دی۔"
"یا اللہ! اس نے میرے گھر میں نفرت ڈلوائی۔"
"یا اللہ! اس نے میرے بچوں کو رلایا۔"
"یا اللہ! اس نے میری عزت خراب کی۔"
"یا اللہ! اس نے میری زندگی اجاڑ دی۔"
پھر تمہاری نیکیاں ایک ایک کرکے اسے دے دی جائیں گی۔
نمازیں...
روزے...
صدقے...
تلاوتیں...
حج۰۰۰۰
عمرے ۰۰۰
قربانی ۰۰۰۰
سب کچھ ختم ہو جائے گا۔
اور جب نیکیاں ختم ہو جائیں گی تو مظلوموں کے گناہ تمہارے کھاتے میں ڈال دیے جائیں گے۔
یہی وہ شخص ہے جسے رسول اللہ ﷺ نے "مفلس" فرمایا۔
ابھی بھی وقت ہے
اگر تم نے کبھی کسی کے خلاف جادو کروایا ہے...
اگر حسد نے تمہیں اندھا کر دیا تھا...
اگر انتقام نے تمہیں شیطان کے دروازے تک پہنچا دیا تھا...
تو ابھی بھی دروازہ بند نہیں ہوا۔
سچی توبہ کرو...
اللہ کے سامنے روؤ...
استغفار کرو...
مظلوموں سے معافی مانگو...
ان کے حق واپس کرو...
اور اس دن سے پہلے پلٹ آؤ جس دن نہ جادوگر کام آئے گا، نہ مال، نہ رشتے، نہ سفارشیں۔
اس دن صرف اعمال بولیں گے۔
اور یاد رکھو!
جس شخص نے کسی مسلمان کی خوشی چھیننے کے لیے جادو کروایا تھا، وہ شاید دنیا میں چند دن خوش ہو لے...
لیکن اگر توبہ کے بغیر اللہ کے سامنے حاضر ہوا تو اس کی اپنی خوشی ہمیشہ کے لیے چھن سکتی ہے۔
اللہ تعالیٰ ہمیں ظلم، حسد، جادو اور ہر شیطانی راستے سے محفوظ فرمائے، اور ہمارے دلوں کو دوسروں کی خوشی دیکھ کر خوش ہونے والا دل بنائے، نہ کہ اسے چھیننے والا دل۔
آمین۔🤲🤲🤲🤲🤲🤲🤲🤲🤲🤲
الرقیة الشرعیة النبویة

22/06/2026

نبی کریم ﷺ نے فرمایا
"جادوگر کی سزا تلوار کا ایک وار (یعنی قتل) ہے۔" (سنن الترمذی: 1460)

✒️ شیخ عبدالعزیز بن باز رحمہ اللہ فرماتے ہیں
"حکمرانوں اور ذمہ دار اہلِ اقتدار پر واجب ہے کہ جب انہیں معلوم ہو جائے کہ فلاں شخص یا فلاں عورت جادوگر ہے، تو انہیں قتل کیا جائے، کیونکہ ان کے اندر بہت بڑا شر پایا جاتا ہے اور ان کے زندہ رہنے میں بھی معاشرے کے لیے شر اور فساد ہے۔
حضرت عمر رضی اللہ عنہ سے ثابت ہے کہ انہوں نے شام میں اپنے گورنروں کو خط لکھا کہ جادوگروں کو قتل کر دیا جائے۔ اسی طرح ام المؤمنین حضرت حفصہ رضی اللہ عنہا سے بھی ثابت ہے کہ انہوں نے اپنی ایک خادمہ جادوگرنی کو قتل کروایا تھا۔
مقصود یہ ہے کہ جادوگروں کا شر بہت عظیم اور ان کا فساد بہت بڑا ہوتا ہے۔
لہٰذا مسلمانوں کے حکمرانوں پر واجب ہے کہ جب ان کے پاس کسی کے جادوگر ہونے کا ثبوت قائم ہو جائے اور یہ بات شرعی طور پر ثابت ہو جائے، تو وہ اس پر سزائے موت نافذ کریں، کیونکہ اس میں مسلمانوں کے لیے بہت بڑی بھلائی ہے، اور ان کے زندہ رہنے میں مسلمانوں کے لیے شر اور نقصان ہے۔"
حوالہ
فتاویٰ نور علی الدرب، حلقہ نمبر 355

نوٹ🚫🚨
شیخ ابن باز رحمہ اللہ کا یہ کلام اسلامی ریاست اور شرعی عدالت کے نظام کے تناظر میں ہے۔ کسی فرد یا گروہ کو خود سے کسی پر جادوگری کا الزام لگا کر سزا دینے کا حق نہیں۔ ایسے معاملات کا فیصلہ صرف مجاز شرعی اور عدالتی حکام ہی کر سکتے ہیں۔
الرقیة الشرعیة النبویة

22/06/2026

Mera beta 7 sal Ka ha WO English medium main prta tha class one main tha ab 2 main gya ha
Ghr main ruqya sunta rha ha ghr k halat dakhy ha Kesy quran ki barkaty nazil hoti ha
Ab WO raqi bnna Chahta ha aur khta ha school change kry Mera mujhy Kisi aysy school bejhy jaha quran parhay aur raqi bnay
Ap KO b usny Dekha tha JB ap hamary ghr ay thy to kafi mutasir ha WO

ایک سات سالہ بچہ...
نام ہے عمر
عمر ابھی صرف سات برس کا ہے، کھیلنے کودنے، ہنسنے مسکرانے اور معصوم خواہشات کے دن ہیں۔ لیکن بعض اوقات زندگی انسان کو ایسی حقیقتوں سے روشناس کرا دیتی ہے جو عمر سے کہیں بڑی ہوتی ہیں۔
اس بچے نے اپنی والدہ کو تکلیف میں دیکھا۔ اس نے ان کی بے چینی، ان کے دکھ اور ان کے علاج کے لیے ہونے والی رقیہ شرعیہ کی مجالس کو دیکھا۔ اس نے یہ بھی دیکھا کہ جب اللہ تعالیٰ کے کلام کے ذریعے رقیہ کیا جاتا ہے تو اس کی ماں کی حالت میں بہتری آتی ہے، ان کے چہرے پر سکون لوٹ آتا ہے اور ان کی تکلیف میں کمی محسوس ہوتی ہے۔
بچوں کے دل فطرتاً صاف ہوتے ہیں۔ وہ دنیاوی مفادات اور شہرت کے حساب کتاب سے دور ہوتے ہیں۔ اسی پاکیزہ فطرت نے اس بچے کے دل میں ایک عجیب خواہش پیدا کی۔ اس نے اپنی والدہ سے کہا کہ جب بڑا ہو جاؤں گا تو میں بھی راقی بنوں گا، تاکہ لوگوں کی مدد کر سکوں، ان کے دکھ بانٹ سکوں اور ان تک اللہ کے کلام کے ذریعے شفا کا پیغام پہنچا سکوں۔
آج جب اس کی والدہ نے مجھے اس معصوم خواہش کے بارے میں بتایا تو میری آنکھیں نم ہو گئیں۔ میرے دل میں ایک عجیب کیفیت پیدا ہوئی۔ میں سوچنے لگا کہ شاید یہی وہ راستہ ہے جسے اللہ تعالیٰ اپنے بندوں کے دلوں میں ڈال دیتا ہے۔ وہ راستہ جس پر چلنے والے لوگوں کے زخموں پر مرہم رکھتے ہیں، مایوس دلوں کو امید دیتے ہیں اور لوگوں کو اللہ کی طرف رجوع کرنے کی دعوت دیتے ہیں۔
اس لمحے میرے دل نے کہا
"یہی راستہ حق کا راستہ ہے،
جدھر ہم اہلِ وفا چلے ہیں۔"
دنیا میں بہت سے پیشے ہیں، بہت سی خواہشات ہیں، لیکن ایک بچے کے دل میں خدمتِ خلق، دکھی انسانوں کے لیے آسانی پیدا کرنے اور اللہ کے کلام کے ذریعے خیر پہنچانے کی آرزو پیدا ہو جانا ایک ایسی نعمت ہے جس پر اللہ تعالیٰ کا شکر ادا کرنا چاہیے۔
میری دعا ہے کہ اللہ تعالیٰ اس بچے کو علمِ نافع، اخلاص، تقویٰ اور سنتِ نبوی ﷺ کی صحیح سمجھ عطا فرمائے، اسے دین اور انسانیت کی خدمت کا ذریعہ بنائے، اور اس کے دل میں موجود اس پاکیزہ جذبے کو ہمیشہ زندہ رکھے۔ آمین۔اللہ تعالیٰ بچوں کے دلوں میں پیدا ہونے والے ایسے خیر کے جذبات کو قبول فرمائے اور انہیں اپنے دین اور بندوں کی خدمت کا ذریعہ بنائے۔ آمین۔
الرقیة الشرعیة النبویة

22/06/2026

کافر جنوں کے ذریعے مطلوبہ شخص پر پتھر برسانا یا آگ لگا کر گھر سے نکالنا
جادو کی مختلف اقسام میں ایک انتہائی خطرناک قسم کافر جنوں کے ذریعے انسان کو اذیت دینا یا اسے اس کے گھر سے نکالنا ہے۔ یہ عمل اکثر حسد، بغض، عداوت، یا انتقام کے جذبات کے تحت کیا جاتا ہے۔ جادوگر کافر جنوں کو اس کام پر مقرر کرتے ہیں تاکہ وہ مطلوبہ شخص کے گھر میں پتھر برسائیں، شور شرابہ پیدا کریں یا آگ لگا کر اسے گھر چھوڑنے پر مجبور کریں۔
وجوہات
یہ جادو کیوں کروایا جاتا ہے؟ اس کے چند ممکنہ اسباب درج ذیل ہیں
1. حسد اور رقابت
کسی کے بہتر مالی حالات، خوشحال ازدواجی زندگی یا کامیابیوں سے جلنے والے افراد یہ قدم اٹھاتے ہیں۔
2. گھریلو تنازعات
وراثتی جھگڑوں یا جائیداد کے معاملات میں دشمنی کی بنا پر گھر سے بےدخل کرنے کے لیے اس قسم کا جادو کروایا جاتا ہے۔
3. انتقامی کارروائی
جب کسی کے ساتھ کوئی ذاتی جھگڑا شدت اختیار کر لے تو وہ انتقام لینے کے لیے جادو کا سہارا لے سکتا ہے۔
4. دینی اور روحانی دشمنی
بعض اوقات نیک اور دین دار افراد کو ان کی عبادات سے روکنے کے لیے ان پر جادو کروایا جاتا ہے۔
علامات
کافر جنوں کے ذریعے کیے گئے اس جادو کی چند نمایاں علامات یہ ہیں
1. گھر کے صحن یا چھت پر پتھر گرنا
بغیر کسی انسانی وجہ کے گھر پر پتھروں کا گرنا۔
2. آگ لگنے کے پراسرار واقعات
بغیر کسی الیکٹریکل مسئلے کے اچانک آگ بھڑک اٹھنا۔
3. عجیب شور یا آوازیں
گھر کے مختلف حصوں سے پراسرار آوازیں آنا جیسے کسی کے دوڑنے یا سامان پھینکنے کی آوازیں
4. خواب میں خوفناک مناظر
گھر کے افراد خواب میں کافر جن یا پتھر برسانے کے مناظر دیکھتے ہیں۔
5. گھر والوں میں شدید بےچینی
گھر میں سکون ختم ہو جانا، ہر وقت جھگڑے اور بےچینی کا ماحول ہونا۔
6. نماز یا عبادت میں رکاوٹ
گھر کے افراد کا عبادات میں عدم دلچسپی یا بار بار بھول جانا۔
7. گھر کے جانوروں (( پرندوں ))کا عجیب برتاؤ
بلیاں یا پرندے اچانک خوفزدہ ہو کر شور مچانے لگتے ہیں۔
علاج اور حفاظتی تدابیر
1. رُقیہ شرعیہ (( تحصین المنزل پروگرام پر عمل))
گھر میں روزانہ سورہ البقرہ کی تلاوت کریں۔
2. اذکار کا اہتمام
صبح اور شام کے اذکار پابندی سے پڑھیں۔
3. مکمل نماز کی پابندی
نماز کو کسی صورت ترک نہ کریں کیونکہ نماز شیاطین کو دور کرتی ہے۔
4. پاکی کا خیال
گھر کو ہمیشہ پاک صاف رکھیں اور وضو کی حالت میں رہنے کی کوشش کریں۔تمام غیر شرعی افعال سے گھر کو پاک رکھیں
5. صدقہ دینا
صدقہ برائیوں کو دور کرتا ہے، اس کا اہتمام کریں۔
6. معوذتین اور آیت الکرسی
گھر کے ہر کمرے میں پڑھ کر دم کریں اور گھر کے کونوں میں پھونکیں۔
یہ جادو انتہائی خطرناک ہے لیکن اللہ کی مدد سے اس کا علاج ممکن ہے۔ حسد اور دشمنی کی بنا پر کیے گئے اس جادو سے بچاؤ کے لیے دین سے جڑے رہنا، اللہ پر مکمل بھروسہ رکھنا، اور شرعی طریقوں سے حفاظت کرنا لازمی ہے۔
















الرقیة الشرعیة النبویة

22/06/2026

ایک نہایت اہم حدیث نبوی ﷺ
یہ حدیث ہر شوہر کو طلاق دینے سے پہلے اور ہر بیوی کو طلاق کا مطالبہ کرنے سے پہلے ضرور سمجھنی اور جاننی چاہیے۔ اگر اس حدیث کو سمجھ لیا جائے تو بہت سی مشکلات آسان ہو سکتی ہیں۔

◼️ حضرت جابر رضی اللہ عنہ سے روایت ہے کہ رسول اللہ ﷺ نے فرمایا
"بے شک، ابلیس اپنا تخت پانی پر رکھتا ہے، پھر اپنے لشکر بھیجتا ہے۔ ان میں سے اس کے سب سے قریب وہ ہوتا ہے جو سب سے بڑی فتنہ انگیزی کرے۔ ایک آتا ہے اور کہتا ہے: میں نے ایسا اور ایسا کیا۔ تو ابلیس کہتا ہے: تم نے کچھ خاص نہیں کیا۔ پھر ایک اور آتا ہے اور کہتا ہے: میں نے فلاں شخص کو نہیں چھوڑا، یہاں تک کہ اس کو اور اس کی بیوی کے درمیان جدائی ڈال دی۔ تو ابلیس اسے اپنے قریب کر لیتا ہے اور کہتا ہے: ہاں، تم نے خوب کام کیا۔"
(صحیح مسلم)
ابلیس اپنے تخت کو پانی پر رکھتا ہے، جو اس کی بادشاہت کی نشانی ہے، اور اپنے شیاطین کے لشکر کو لوگوں کو گمراہ کرنے کے لیے بھیجتا ہے۔
جو شیطان زیادہ فتنے اور گمراہی پھیلائے، وہ ابلیس کے قریب تر ہوتا ہے
شیاطین میں سے ایک کہتا ہے کہ اس نے کسی کو چوری یا شراب نوشی پر اکسایا، لیکن ابلیس اسے اہم نہیں سمجھتا۔
پھر ایک شیطان کہتا ہے کہ اس نے ایک شوہر اور بیوی کے درمیان طلاق کروا دی۔ اس پر ابلیس اسے اپنے قریب کرتا ہے، گلے لگاتا ہے اور اس کے کام کو سراہتا ہے، کیونکہ یہ اس کی سب سے بڑی خواہش ہے کہ لوگوں کو گمراہ کر کے ان کے گھروں کو برباد کرے اور خاندانوں کو تباہ کر دے۔
شوہر کے لیے: اپنی بیوی کو بغیر کسی حقیقی وجہ کے طلاق دینا، ایک ایسا عمل ہے جس سے ابلیس خوش ہوتا ہے اور جو گھریلو زندگی کو برباد کر دیتا ہے۔ خدا کا خوف کریں اور رحم کریں
اے مردوں! یاد رکھو، تمہاری بیوی تمہارے لیے اللہ کی امانت ہے۔ اگر یہ ثابت ہو جائے کہ وہ جادو کی مریضہ ہے، تو اسے رسوا کرنے یا چھوڑنے کے بجائے اس کا سہارا بنو۔ یہ وقت آزمائش کا ہے، اور تمہارا رویہ تمہارے ایمان کا امتحان ہے۔
رسول اللہ ﷺ نے فرمایا: "تم میں سب سے بہترین وہ ہے جو اپنے گھر والوں کے ساتھ اچھا سلوک کرتا ہے۔" (ترمذی)
ابلیس لعین کی سب سے بڑی خواہش یہ ہے کہ گھر برباد ہوں، اور طلاق کے ذریعے خاندان تباہ ہو جائیں۔ تم کیوں اس کے جال میں پھنسو؟ اپنے گھر کو بچاؤ، اپنی بیوی کی بیماری کا علاج کرواؤ،نہیں دل مانتا خود علاج کرو
اور اس کے لیے دعاگو رہو۔
اللہ سے ڈرو، اور اس موقع کو اپنے لیے جنت کے راستے کا ذریعہ بنا لو۔ اپنی بیوی کا مددگار بنو تاکہ ابلیس کا مقصد ناکام ہو، اور تمہارا گھر جنت کی مثال بن جائے۔
بیوی کے لیے: بغیر کسی حقیقی وجہ کے طلاق کا مطالبہ کرنا، ابلیس کے لیے خوشی کا باعث بنتا ہے اور یہ عمل خاندان کی تباہی کا سبب بنتا ہے۔
لہٰذا، اللہ آپ پر رحم کرے، ان باتوں کو سمجھیں اور ان سے بچیں۔ ازدواجی زندگی کو بچانے کی کوشش کریں، کیونکہ یہ گھر اور خاندان کی بنیاد ہے۔خدا کا خوف کریں اور گھر بچائیں
اے عورتو! اللہ نے تمہیں خاندان کی بنیاد اور محبت کا محور بنایا ہے۔ اگر تمہارا شوہر کسی جادو یا روحانی آزمائش کا شکار ہو جائے، تو اسے چھوڑنے یا جھگڑا کرنے کے بجائے اس کا سہارا بنو۔ یہ وقت صبر اور حکمت سے کام لینے کا ہے۔
رسول اللہ ﷺ نے فرمایا: "سب سے بہترین عورت وہ ہے جو اپنے شوہر کو خوش کرے جب وہ اسے دیکھے اور اس کے ساتھ خیرخواہی کرے۔" (ابن ماجہ)
شیطان کا سب سے بڑا وار یہی ہے کہ وہ میاں بیوی کے درمیان نفرت ڈالے اور گھر برباد کرے۔ تم کیوں اس کے وسوسوں کا شکار بنو؟ اپنے شوہر کی بیماری کو سمجھو، اس کے لیے دعا کرو، اور اس کی مدد کرو تاکہ وہ اپنی آزمائش سے نکل سکے۔
اللہ سے ڈرو، اور اپنے شوہر کے لیے صبر، محبت، اور رحمت کا ذریعہ بنو۔ شیطان کا مقصد ناکام کرو، اور اپنا گھر جنت کا نمونہ بنا لو۔ یہی تمہاری کامیابی اور اللہ کی رضا کا راستہ ہے۔
















الرقیة الشرعیة النبویة

22/06/2026

22/06/2026

خادم السحر کیا ہے؟
آپ نے "خادم السحر" (جادو کا خادم) کا نام کئی بار سنا ہوگا، لیکن یہ کیا ہوتا ہے؟ یہ مسحور (جادو سے متاثرہ شخص) کو کس قدر نقصان پہنچاتا ہے؟ اور کیا اسے جلانا (حرق) اس سے مکمل نجات کا مؤثر طریقہ ہے؟
یہ تمام تفصیلات ہم بیان کریں گے، تو ہمارے ساتھ رہیے۔(✍️ اخوکم راقی عثمان ظفر)
خادم السحر کی حقیقت
خادم السحر ایک جن ہوتا ہے جسے "شیطان السحر" بھی کہا جاتا ہے۔ یہ جادو کے ذریعے قید ہوتا ہے اور مسحور کے جسم کو نہیں چھوڑتا، جب تک کہ یا تو یہ خود مر نہ جائے یا جادوگر اس جادو کو ختم نہ کرے اور جن کو وہاں سے نکل جانے کا حکم نہ دے۔
یہ جن مسحور کے جسم میں درج ذیل وجوہات کی بنا پر رہتا ہے
1. یہ دیگر جادوئی جنات میں اپنی طاقت اور برتری ثابت کرنا چاہتا ہے۔
2. اسے مسحور کے جسم میں رہنے کا لطف محسوس ہوتا ہے۔
3. چونکہ یہ ایک شیطان ہے، اس لیے مسلمان کو نقصان پہنچانے کا دشمن ہوتا ہے۔
خادم السحر کو جلانے کا حکم
جنات کو جلانے یا قتل کرنے کا حکم انسانوں کے قتل کی مانند ہے۔ اگر بغیر کسی شرعی وجہ کے ایسا کیا جائے تو یہ ناجائز ہوگا۔ البتہ اگر خادم السحر شدید نقصان پہنچا رہا ہو اور اسے ختم کرنے کا کوئی اور راستہ نہ ہو، تو اسے جلانا جائز ہے۔
اسی لیے نبی کریمﷺ نے گھروں میں رہنے والے سانپوں کو قتل کرنے سے پہلے انہیں تین دن تک تنبیہ کرنے کا حکم دیا تھا، کیونکہ ان میں کچھ جنات بھی ہو سکتے ہیں۔ جیسا کہ صحیح مسلم میں حضرت ابوسعیدؓ سے روایت ہے کہ رسول اللہﷺ نے فرمایا:
"مدینہ میں کچھ جنات مسلمان ہو گئے ہیں، لہٰذا اگر تم کسی سانپ کو دیکھو تو تین مرتبہ تنبیہ کرو، اگر وہ پھر بھی نہ ہٹے تو اسے قتل کر دو کیونکہ وہ شیطان ہے۔"
اسی طرح خادم السحر کو جلانے سے پہلے اسے اللہ کی پکڑ یاد دلانی چاہیے، اسے توبہ کی دعوت دینی چاہیے، اور مریض کو چھوڑنے کا عہد لینا چاہیے۔ اگر تین بار تنبیہ کے باوجود وہ واپس آجائے، تب اس کا جلانا جائز ہوگا۔
خادم السحر کو جلانے کے طریقے
خادم السحر کو شریعت کے مطابق جلانے کے دو بنیادی طریقے ہیں
1. عمومی طریقہ (حرق عام)
یہ طریقہ پانچ مختلف طریقوں پر مشتمل ہے
پہلا طریقہ
1. مریض کو مسلسل تین بار سورۃ البقرہ سنائی جائے۔
2. پورے قرآن کو ایک دن میں "حدر" (تیز تلاوت) کے ساتھ سنا جائے۔ شیخ احمد العجمی کی تلاوت لگائیں
3. قرآن کی عذاب والی آیات کو بار بار سنایا جائے، خاص طور پر وہ جو جنی کو تکلیف دیتی ہیں۔
دوسرا طریقہ
1. اذان کو 7 بار دہرایا جائے۔
2. سورۃ الصافات 7 مرتبہ پڑھی جائے۔
3. سورۃ الجن 7 مرتبہ پڑھی جائے۔
4. سورۃ ق 7 مرتبہ پڑھی جائے۔
5. سورۃ الرعد 7 مرتبہ پڑھی جائے۔
6. سورۃ الطلاق 7 مرتبہ پڑھی جائے۔
تیسرا طریقہ
1. سورۃ البروج کو پانی پر پڑھ کر اس پانی کو مریض کے چہرے پر چھڑکا جائے۔
چوتھا طریقہ
1. سورۃ یٰسین 2 بار پڑھی جائے۔
2. سورۃ الجن 3 بار پڑھی جائے۔
پانچواں طریقہ
1. درودِ ابراہیمی 11 بار پڑھا جائے۔
2. سورۃ الفاتحہ 11 بار پڑھی جائے۔
3. آیت الکرسی 11 بار پڑھی جائے۔
4. سورۃ الکافرون 11 بار پڑھی جائے۔
5. سورۃ الاخلاص 11 بار پڑھی جائے۔
6. سورۃ الفلق 33 بار پڑھی جائے۔
7. سورۃ الناس 33 بار پڑھی جائے۔
8. سورۃ یونس کی آیت 81 کو 33 بار پڑھا جائے۔
2. مخصوص طریقہ (حرق خاص)
خادم السحر کے جلانے کا مخصوص طریقہ اس کے مذہب اور رنگ پر منحصر ہوتا ہے۔
1. سفید جن
یہودی
1. سورۃ البروج 7 بار پڑھی جائے۔
2. سورۃ الزلزلہ 14 بار پڑھی جائے۔
3. کفار پر عذاب کی آیات بار بار دہرائی جائیں۔
نصرانی جن
1. سورۃ المائدہ، آل عمران اور سورۃ مریم کی وہ آیات پڑھی جائیں جو عیسائی عقائد کی تردید کرتی ہیں۔
2. سورۃ الدخان کی آیات 43 سے 50 کو 11 بار پڑھا جائے۔
3. سورۃ البروج 7 بار پڑھی جائے۔
4. آیت الکرسی33بار پڑھی جائے۔
2. سرخ جن
1. سورۃ المنافقون، الاحزاب اور الرحمن 15 دن تک مسلسل پڑھی جائیں۔
2. آیت الکرسی 100 بار پڑھی جائے۔
3. بھورا (سرمئی) جن
یہودی
1. سورۃ یونس، الدخان اور الشمس 7 بار پڑھی جائے۔
مسلم
1. آیت الکرسی 7 بار پڑھی جائے۔
2. سورۃ الاخلاص 7 بار پڑھی جائے۔
3. سورۃ البقرہ 3 بار پڑھی جائے۔
4.(( زرد اور سبز جن))
1. سورۃ الدخان 3 بار پڑھی جائے۔
2. سورۃ الزلزلہ 7 بار پڑھی جائے۔
3. آیت الکرسی 100 بار پڑھی جائے۔
4. درود شریف 100 بار پڑھا جائے۔
5. سیاہ جن
یہودی
1. آیت الکرسی 33 بار پڑھی جائے۔
2. سورۃ الدخان کی آیات 43-50 کو 100 بار دہرایا جائے۔
عیسائی
1. آیات عذابِ کفار دہرائی جائیں۔(ویب سائٹ پر موجود ہیں)
2. سورۃ الجاثیہ 7 بار پڑھی جائے۔
3. سورۃ الاخلاص 7 بار پڑھی جائے۔
مسلم گناہگار جن
1. سورۃ البروج، الزلزلہ، الاحزاب اور المنافقون دہرائی جائیں۔
کافر
1. سورۃ الدخان کی آیات 43-50 کو 100 بار دہرایا جائے۔
خادم السحر کی ایک اور تقسیم
خادم السحر کو مزید دو اقسام میں تقسیم کیا جاتا ہے
1. خادم السحر السفلی (نچلی دنیا کا جادوگر جن)
سیاہ جن
آیت الکرسی 21 بار پڑھی جائے۔
سورۃ الحدید 7 بار پڑھی جائے۔
سفید جن
آیت الکرسی 21 بار پڑھی جائے۔
سورۃ الشمس 7 بار پڑھی جائے۔

2. خادم السحر العلوی (اعلیٰ درجے کا جادوگر جن)
سفید جن
آیت الکرسی33 بار پڑھی جائے۔
زرد جن
آیت الکرسی 21 بار پڑھی جائے۔
سورۃ الحدید 7 بار پڑھی جائے۔
نیلا جن
آیت الکرسی 11 بار پڑھی جائے۔
سورۃ الدخان 1 بار پڑھی جائے۔
سورۃ الزلزلہ 7 بار پڑھی جائے۔
خادم السحر کو جلانے کے لیے روحانی معالج کا مضبوط ایمان اور اللہ پر کامل یقین ضروری ہے۔ یہ عمل صرف ضرورت کے تحت کیا جانا چاہیے اور اس میں شریعت کے اصولوں کو مدنظر رکھنا لازمی ہے۔
جادو ایک قدیم اور خطرناک عمل ہے، جس کا مقصد کسی فرد یا خاندان کو نقصان پہنچانا ہوتا ہے۔ شریعتِ مطہرہ میں جادو کی سخت ممانعت ہے، اور اس کے نقصانات کو واضح طور پر بیان کیا گیا ہے۔ جادو مختلف طریقوں سے کیا جاتا ہے، بعض اوقات یہ جسم کے اندر اثر انداز ہوتا ہے، جبکہ بعض اوقات اس کا اثر جسم کے باہر ہوتا ہے۔
خادم السحر اور خادم الحسد کی حقیقت
خادم السحر اس جادو کا خادم ہوتا ہے جسے کسی پر مسلط کیا گیا ہو، جبکہ خادم الحسد حسد کے ذریعے پہنچنے والے اثرات کو تقویت دیتا ہے۔ یہاں یہ سمجھنا ضروری ہے کہ جادو کی دو بنیادی اقسام ہیں
1. جسم کے اندر جادو( السحر داخل البدن)
کھلایا گیا جادو (السحر الماکول)
پلایا گیا جادو(السحر المشروب)
سونگھایا گیا جادو(السحرالمشموم)
جسم پر ملا گیا جادو(السحر النجاسہ)
ان اقسام کے جادو کو شریعت کے مطابق علاج کے ذریعے مؤثر طریقے سے بہت جلد با آسانی ختم کیا جاسکتا ہے، خاص طور پر قرآنِ کریم کی تلاوت (الرقیہ الشرعیہ ۔مسنون دعاؤں، اور طیب غذاؤں کے استعمال سے۔
2. جسم کے باہر اثر رکھنے والا جادو
دفن شدہ جادو(السحر المدفون)
لٹکایا گیا جادو(سحر المعلق)
ہواؤں میں بکھیرے جانے والا جادو(السحر المنفوخ)
مخصوص جگہوں پر پھیلایا گیا جادو(السحر المرشوش)
یہ جادو براہِ راست جسم کے اندر اثر انداز نہیں ہوتا، بلکہ کسی بیرونی ذریعے سے انسان کو نقصان پہنچاتا ہے، جیسے کہ خادم السحر یا خادم الحسد۔ اس جادو کا اثر نظر بد، حسد، یا کسی اور منفی توانائی کی صورت میں ظاہر ہوتا ہے۔
جادو کا شرعی اور موثر علاج(راقی عثمان ظفر)✍️👇👇👇
اسلامی تعلیمات میں جادو کے علاج کے لیے سب سے مؤثر طریقہ رُقیہ شرعیہ ہے۔ قرآن مجید کی چند مخصوص سورتیں اور آیات، جیسے کہ
سورۃ الفاتحہ
سورۃ البقرہ (خاص طور پر آیت الکرسی اور آخری دو آیات)
سورۃ الفلق
سورۃ الناس
یہ تمام سورتیں اللہ تعالیٰ کی حفاظت اور شفایابی کا بہترین ذریعہ ہیں۔ اس کے علاوہ، کھانے میں مذکور تمام اشیاء کو دم کر کے استعمال کرنا جیسے کہ عجوہ کھجور
کلونجی کا تیل، زیتون کا تیل، شہد اور زمزم کا پانی شامل کرنا بھی مفید ثابت ہوتا ہے۔
جادو کی ابتدائی علامات اور پہچان
اگر کوئی شخص نیا نیا جادو کے زیرِ اثر ہو تو درج ذیل علامات ظاہر ہوتی ہیں۔ 👇
اچانک بےچینی اور ذہنی دباؤ
جسم میں بےوجہ درد
نیند میں خلل یا خوفناک خواب
عبادت میں رکاوٹ یا بےدلی
ازدواجی تعلقات میں بگاڑ
گھر میں مسلسل جھگڑے اور پریشانیاں
اگر کوئی ان علامات کا شکار ہو، تو فوری طور پر کسی مستند راقی (روحانی معالج) سے رجوع کرنا چاہیے، جو شریعت کے مطابق علاج کرتا ہو، اور کسی بھی غیر شرعی عمل، جیسے تعویذ، غیر اسلامی چلے، یا بدعتی طریقوں سے گریز کرتا ہو۔
جادو اور حسد ایک تلخ حقیقت ہے، لیکن شریعتِ اسلامیہ نے ہمیں ان سے بچاؤ اور علاج کے واضح اصول دیے ہیں۔ جو لوگ جادو کا شکار ہیں، انہیں چاہیے کہ وہ مکمل طور پر اللہ تعالیٰ پر بھروسہ کریں، قرآن و حدیث سے رہنمائی لیں، اور ایسے طریقے اختیار کریں جو دینِ اسلام کے مطابق ہوں۔
✍️
اخوکم راقی عثمان ظفر
الرقیة الشرعیة النبویة

22/06/2026

🌿 روحانی امراض اور ہاتھوں پر ان کے اثرات
نظرِ بد اور جادو کے
ہاتھوں پر حملے کے روحانی و جسمانی آثار
اسلام میں روحانی امراض کو ایک حقیقت تسلیم کیا گیا ہے، اور قرآن و حدیث میں ان کے علاج اور اثرات کا ذکر بھی موجود ہے۔ جسم کے مختلف حصوں پر نظرِ بد، جادو یا جنات کے حملے کے آثار ظاہر ہوتے ہیں، جن میں "ہاتھوں" کا خصوصی طور پر متاثر ہونا بھی ایک اہم علامت ہے، جسے عام طور پر نظرانداز کر دیا جاتا ہے۔
✍🏼 اخوکم راقی عثمان ظفر
روحانی حملے اور ہاتھ
تعلق کی حقیقت
ہاتھ انسانی جسم کا فعال ترین عضو ہے، جس سے ہم کام لیتے ہیں، دعائیں کرتے ہیں، دوسروں کی مدد کرتے ہیں اور حتیٰ کہ قرآن کی تلاوت کے لیے اسے استعمال کرتے ہیں۔ یہی وجہ ہے کہ شیطانی طاقتیں، حسد کرنے والے افراد، اور جادوگر اکثر ہاتھوں کو نشانہ بناتے ہیں تاکہ انسان کا عمل، عبادت اور روزمرہ کا سکون متاثر ہو۔روحانی علاج کے دوران جب شیاطین مریض پر حاضر ہوتے ہیں تو اکثر اُن کی حرکات میں ایک نمایاں پہلو یہ ہوتا ہے کہ وہ ہاتھوں کے ذریعے مخصوص سائن یا اشارے بناتے ہیں۔ یہ عمل محض اتفاقیہ نہیں بلکہ ایک گہری روحانی حقیقت رکھتا ہے۔ شیاطین ہاتھوں کو اپنے پیغام، نافرمانی، یا طاقت کے اظہار کے لیے استعمال کرتے ہیں کیونکہ ہاتھ عمل اور ارادے کا سب سے طاقتور وسیلہ ہے۔ بعض اوقات یہ سائنز جادو کی اُس مخصوص نوعیت سے جڑے ہوتے ہیں جو ہاتھوں یا انگلیوں کے ذریعے کیا گیا ہو، جیسے
بندش، خاموشی یا قابو پانا۔
ایسے اشارے بعض اوقات روحانی کوڈز کی شکل میں ہوتے ہیں، جن کے ذریعے وہ دوسرے جنات سے رابطہ کرتے ہیں یا مریض کے جسم پر کنٹرول حاصل کرنے کی کوشش کرتے ہیں۔ شیاطین ہاتھوں سے سائن بناتے ہوئے معالج کو دھمکاتے ہیں یا رُقیہ روکنے کی کوشش کرتے ہیں۔ بعض حرکات شیطانی عقائد یا کسی معاہدے کی علامت بھی ہوتی ہیں جو ہاتھوں کی مخصوص ساخت یا انگلیوں کی پوزیشن سے ظاہر کی جاتی ہیں۔ ان حرکات میں شدت اُس وقت بڑھ جاتی ہے جب قرآن کی آیات جنّات پر اثر ڈالتی ہیں، اور وہ تنگی و تکلیف میں آکر ہاتھوں کے ذریعے ردِ عمل دیتے ہیں۔ بعض اوقات یہ حرکتیں جادو کو دوبارہ تازہ کرنے (تجدید) کی شیطانی کوشش بھی ہو سکتی ہیں۔‼️
ایسے اشاروں کو سمجھنا روحانی معالج کے لیے ضروری ہے تاکہ وہ اندازہ لگا سکے کہ مریض کس قسم کے جادو یا اثر کا شکار ہے، اور کس طریقے سے اس کا توڑ مؤثر انداز میں کیا جا سکتا ہے۔
نظرِ بد کے ہاتھوں پر اثرات
نظرِ بد (Evil Eye) محض ایک خیال یا توہم نہیں، بلکہ نبی کریم ﷺ نے فرمایا
"العین حق"
"نظرِ بد حق ہے" (صحیح بخاری: 5740)
نظرِ بد کی علامات جو ہاتھوں پر ظاہر ہوتی ہیں
1. بغیر کسی طبی وجہ کے ہاتھوں میں درد یا سُن ہونا
2. ہتھیلیوں کا اچانک گرم یا جلتا محسوس ہونا
3. ہاتھوں پر نیلے یا سیاہ دھبے (Bruising) کا نمودار ہونا
4. قرآن سنتے یا دُعائیں کرتے ہوئے ہاتھوں میں کپکپی یا لرزش یا ان ہونا
5. دائیں یا بائیں ہاتھ میں سستی یا کمزوری کا مسلسل احساس
ایسے افراد جو محنتی ہوں، یا کوئی ہنر مند کام انجام دیتے ہوں، ان کے ہاتھوں پر نظرِ بد تیزی سے اثر انداز ہوتی ہے، کیونکہ حاسد اُن کی برکت دیکھ کر حسد میں مبتلا ہوتا ہے۔
جادو کے ہاتھوں پر حملے
علامتی وضاحت
جادو مختلف اقسام کا ہو سکتا ہے
رُکنے والا جادو (Blocking Magic)
تکلیف دہ جادو (Pain-inflicting Magic)
محبت یا نفرت کا جادو
یہ تمام اقسام بعض اوقات ہاتھوں کو خاص طور پر نشانہ بناتی ہیں تاکہ انسان کی توانائی، ارادہ، عبادت یا محنت کا سلسلہ ٹوٹ جائے۔
جادو سے متاثرہ ہاتھوں کی علامات
1. ہتھیلیوں یا کلائیوں میں سوئیاں چبھنے جیسا احساس
2. انگلیوں کا مُڑ جانا یا بے ترتیب حرکتیں کرنا (خصوصاً Ruqyah کے دوران)
3. ہاتھوں پر بوجھ محسوس ہونا جیسے کوئی باندھ رہا ہو
4. مخصوص اوقات میں ہاتھوں کا بھاری ہو جانا (مثلاً نماز یا قرآن پڑھتے وقت)
5. ہاتھ سے چیزیں چھوٹ جانا یا گرفت کا کمزور ہو جانا
بعض اوقات جادوگر ہاتھوں کو "باندھنے" کی نیت سے عمل کرتا ہے تاکہ انسان عبادت، کام، یا خیر کے کاموں سے رک جائے۔ اسے "ربط الیدین" بھی کہا جاتا ہے (ہاتھوں کی روحانی بندش)۔
جنات کے اثرات اور ہاتھوں کا ربط
بعض اوقات جِن انسان کے ہاتھوں کو استعمال کرتے ہیں، یا اُن پر اثر انداز ہو کر عجیب حرکتیں کرواتے ہیں، خاص طور پر خواب میں ہاتھوں سے کسی کو مارنا یا اپنے ہاتھوں کو کسی سے چھپانا جیسے مناظر روحانی علامات ہو سکتے ہیں۔
نفسیاتی امراض میں بعض مریضوں کو غیر ارادی طور پر ہاتھوں سے مخصوص حرکات کرنے کی بیماری لاحق ہو سکتی ہے، جیسے ٹِک ڈس آرڈر (Tic Disorder) یا کنورژن ڈس آرڈر۔ اس میں مریض کا دماغ بےاختیار عضلاتی حرکتوں کو کنٹرول نہیں کر پاتا، جیسے انگلیاں مڑنا، ہاتھوں کا بار بار ہلنا یا مخصوص سائن بنانا۔ بعض اوقات یہ حرکات ذہنی دباؤ، خوف، یا اندرونی کشمکش کی علامات ہوتی ہیں۔ ایسے مریض اکثر خود ان حرکات سے بے خبر ہوتے ہیں۔ درست تشخیص کے لیے ماہرِ نفسیات سے رجوع ضروری ہے تاکہ اسے روحانی یا دماغی مرض میں فرق کیا جا سکے۔
📿 روحانی علاج
قرآن و سنت کی روشنی میں
1. سورہ الفلق و الناس
روزانہ صبح و شام ان سورتوں کو پڑھ کر ہاتھوں پر دم کریں، اور ہاتھوں پر پھیر لیں۔
2. مسک الاسود (کالے مشک)
ہتھیلیوں اور کلائیوں پر مسک الاسود لگانا جنّاتی اثرات سے حفاظت کرتا ہے۔
3. آیت الکرسی اور سورہ یٰسین کی ابتدائی آیات
ہاتھوں پر دم کر کے ان سے اپنے آپ کو مس کرنا موثر ہے، خاص طور پر اگر ہاتھوں میں درد یا سن ہونا ہو۔
4. زیتون کا تیل اور سورہ الصافات
زیتون کے تیل پر آیات الیدین دم کر کے روزانہ ہاتھوں پر مالش کریں۔
5. دم کیا ہوا پانی یا لبان الذکر کا بخور
دم کیے گئے پانی سے ہاتھ دھونا یا بخور لینا بھی روحانی بندش کو توڑنے میں مدد دیتا ہے۔
(آیات الیدین)
احتیاطی تدابیر
اپنا ہنر، کامیابی یا نعمت دوسروں پر ظاہر کرنے سے گریز کریں
ہاتھوں سے خیر کا کام کرتے رہیں، جیسے صدقہ دینا۔ راہ گزر سے تکلیف دہ چیز کو ہٹانا وغیرہ
حسد اور نظرِ بد سے بچنے کے لیے دعا کریں
"اللَّهُمَّ اكْفِنِيهمْ بِما شِئْتَ"
(اے اللہ! جس طرح چاہے ان کے شر سے میری کفایت فرما)
روحانی امراض صرف ذہن پر نہیں، بلکہ پورے جسم پر اثر انداز ہوتے ہیں، اور ہاتھوں پر ان کے اثرات ایک اہم روحانی اشارہ ہوتے ہیں۔ ان علامات کو نظرانداز کرنے کے بجائے قرآن و سنت کی روشنی میں ان کا علاج کیا جائے تو انسان دوبارہ روحانی طاقت، عبادت کی حلاوت اور جسمانی سکون حاصل کر سکتا ہے۔

آیات الیدین
اعوذباللہ من الشیطان الرجیم
بسم اللّٰہ الرحمٰن الرحیم
1. سورة المائدة، آية 64
وَقَالَتِ الْيَهُودُ يَدُ اللَّهِ مَغْلُولَةٌ ۚ غُلَّتْ أَيْدِيهِمْ وَلُعِنُوا بِمَا قَالُوا ۘ بَلْ يَدَاهُ مَبْسُوطَتَانِ يُنفِقُ كَيْفَ يَشَاءُ ۚ وَلَيَزِيدَنَّ كَثِيرًا مِّنْهُم مَّا أُنزِلَ إِلَيْكَ مِن رَّبِّكَ طُغْيَانًا وَكُفْرًا ۚ وَأَلْقَيْنَا بَيْنَهُمُ الْعَدَاوَةَ وَالْبَغْضَاءَ إِلَىٰ يَوْمِ الْقِيَامَةِ ۚ كُلَّمَا أَوْقَدُوا نَارًا لِّلْحَرْبِ أَطْفَأَهَا اللَّهُ ۚ وَيَسْعَوْنَ فِي الْأَرْضِ فَسَادًا ۚ وَاللَّهُ لَا يُحِبُّ الْمُفْسِدِينَ
2. سورة الأنعام، آية 7
وَلَوْ نَزَّلْنَا عَلَيْكَ كِتَابًا فِي قِرْطَاسٍ فَلَمَسُوهُ بِأَيْدِيهِمْ لَقَالَ الَّذِينَ كَفَرُوا إِنْ هَٰذَا إِلَّا سِحْرٌ مُّبِينٌ
3. سورة يس، آية 71
أَوَلَمْ يَرَوْا أَنَّا خَلَقْنَا لَهُم مِّمَّا عَمِلَتْ أَيْدِينَا أَنْعَامًا فَهُمْ لَهَا مَالِكُونَ
4. سورة ص، آية 75
قَالَ يَا إِبْلِيسُ مَا مَنَعَكَ أَن تَسْجُدَ لِمَا خَلَقْتُ بِيَدَيَّ ۖ أَسْتَكْبَرْتَ أَمْ كُنتَ مِنَ الْعَالِينَ
5. سورة الفتح، آية 10
إِنَّ الَّذِينَ يُبَايِعُونَكَ إِنَّمَا يُبَايِعُونَ اللَّهَ ۚ يَدُ اللَّهِ فَوْقَ أَيْدِيهِمْ ۚ فَمَن نَّكَثَ فَإِنَّمَا يَنكُثُ عَلَىٰ نَفْسِهِ ۖ وَمَنْ أَوْفَىٰ بِمَا عَاهَدَ عَلَيْهُ اللَّهَ فَسَيُؤْتِيهِ أَجْرًا عَظِيمًا
6. سورة الزخرف، آية 32
أَهُمْ يَقْسِمُونَ رَحْمَتَ رَبِّكَ ۚ نَحْنُ قَسَمْنَ بَيْنَهُم مَّعِيشَتَهُمْ فِي الْحَيَاةِ الدُّنْيَا وَرَفَعْنَا بَعْضَهُمْ فَوْقَ بَعْضٍ دَرَجَاتٍ لِيَتَّخِذَ بَعْضُهُم بَعْضًا سُخْرِيًّا ۗ وَرَحْمَتُ رَبِّكَ خَيْرٌ مِّمَّا يَجْمَعُونَ
7. سورة النور، آية 24
يَوْمَ تَشْهَدُ عَلَيْهِمْ أَلْسِنَتُهُمْ وَأَيْدِيهِمْ وَأَرْجُلُهُم بِمَا كَانُوا يَعْمَلُونَ
8. سورة التحريم، آية 8
يَا أَيُّهَا الَّذِينَ آمَنُوا تُوبُوا إِلَى اللَّهِ تَوْبَةً نَّصُوحًا عَسَىٰ رَبُّكُمْ أَن يُكَفِّرَ عَنكُمْ سَيِّئَاتِكُمْ وَيُدْخِلَكُمْ جَنَّاتٍ تَجْرِي مِن تَحْتِهَا الْأَنْهَارُ يَوْمَ لَا يُخْزِي اللَّهُ النَّبِيَّ وَالَّذِينَ آمَنُوا مَعَهُ ۖ نُورُهُمْ يَسْعَىٰ بَيْنَ أَيْدِيهِمْ وَبِأَيْمَانِهِمْ يَقُولُونَ رَبَّنَا أَتْمِمْ لَنَا نُورَنَا وَاغْفِرْ لَنَا ۖ إِنَّكَ عَلَىٰ كُلِّ شَيْءٍ قَدِيرٌ

22/06/2026

کپڑوں پر کٹس لگنے کے پیچھے شیاطینی سازش
اور مکمل قرآنی رُقیہ پروگرام
📿✍🏼اخوکم راقی عثمان ظفر
بہت سے لوگ آج کل کپڑوں پر اچانک کٹس لگنے، جلنے یا چاقو جیسے کٹے کے نشان بننے کی شکایت کر رہے ہیں اور یہ بات معمولی نہیں، بلکہ بہت بڑی روحانی حقیقت کی طرف اشارہ ہے!
❗️یہ حملے دراصل نصرانی شیاطین، جنات اور جادوگروں کی کارروائیاں ہیں، جن کا مقصد انسان کو بےلباس کرنا، رسوا کرنا، اور حیا کی چادر چھیننا ہے۔ میری رایے ہے کہ ایسا لباس جلا دینا چاہیے جو چھج جایے ایسے شیطانی حملہ کی صورت میں۔ استعمال نا کیا کریں۔
قرآن نے اس سازش کو واضح انداز میں بیان کیا ہے ۔
📖 "شیطان نے تمہارے ماں باپ کے لباس اتار کر انہیں جنت سے نکالا تاکہ ان کی شرمگاہیں کھول دے..."
(سورۃ الأعراف: 27)
شیطان کا اصل مقصد آج بھی وہی ہے انسان کو برہنہ کرنا، ذلیل کرنا اور اس کی عزت کو مجروح کرنا۔
✅ مکمل روحانی رُقیہ پروگرام برائے “کپڑوں پر کٹ لگنا”
1️⃣ روزانہ لباس کی حفاظت کیسے کریں
📿 ان آیات کو 3/3 بار پڑھ کر پانی پر دم کریں
تحصین الملابس
بسم الله أمسينا بالله الذي ليس منه شئ ممتنع وبعزة الله التي لا ترام ولا تضام وبسلطان الله المنيع نحتجب وبأسمائه الحسنى كلها عائذاً من الأبالسة ومن شر شياطين الإنس والجن ومن شر كل معلن أو مسر ومن شر ما يخرج بالليل ويكمن بالنهار ويكمن بالليل ويخرج بالنهار ومن شر ما خلق وذرأ وبرأ ومن شر إبليس وجنوده ومن شر كل دابة أنت آخذ بناصيتها إن ربى على صراط مستقيم أعوذ بالله بما استعاذ به موسى وعيسى وإبراهيم الذي وفى ومن شر ما خلق وذرا وبرا ومن شر إبليس وجنوده ومن شر ما يبغى.
ـــــــــــــــــــــــــــــــــــــــــــــــ
أعوذ بالله السميع العليم من الشيطان الرجيم بسم الله الرحمن الرحيم
وَالصَّافَّاتِ صَفّاً ، فَالزَّاجِرَاتِ زَجْراً ، فَالتَّالِيَاتِ ذِكْراً ، إِنَّ إِلَهَكُمْ لَوَاحِدٌ ، رَبُّ السَّمَوَاتِ وَالأَرْضِ وَمَا بَيْنَهُمَا وَرَبُّ الْمَشَارِقِ ، إِنَّا زَيَّنَّا السَّمَاءَ الدُّنْيَا بِزِينَةٍ الْكَوَاكِبِ ، وَحِفْظاً مِنْ كُلِّ شَيْطَانٍ مَارِدٍ ، لا يَسَّمَّعُونَ إِلَى الْمَلإٍ الأَعْلَى وَيُقْذَفُونَ مِنْ كُلِّ جَانِبٍ ، دُحُوراً وَلَهُمْ عَذَابٌ وَاصِبٌ ، إِلاَّ مَنْ خَطِفَ الْخَطْفَةَ فَأَتْبَعَهُ شِهَابٌ ثَاقِبٌ
ــــــــــــــــــــــــــــــــــــــــــــــ
أعوذ بالله السميع العليم من الشيطان الرجيم بسم الله الرحمن الرحيم
الْحَمْدُ لِلَّهِ رَبِّ الْعَالَمِينَ ، الرَّحْمَنِ الرَّحِيمِ ، مَالِكِ يَوْمِ الدِّينِ ، إِيَّاكَ نَعْبُدُ وَإِيَّاكَ نَسْتَعِينُ ، اهْدِنَا الصِّرَاطَ الْمُسْتَقِيمَ ، صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلا الضَّالِّينَ
ـــــــــــــــــــــــــــــــــــــــــــــــ
بسم الله الرحمن الرحيم الم ، ذَلِكَ الْكِتَابُ لا رَيْبَ فِيهِ هُدًى لِلْمُتَّقِينَ ، الَّذِينَ يُؤْمِنُونَ بِالْغَيْبِ وَيُقِيمُونَ الصَّلاة وَمِمَّا رَزَقْنَاهُمْ يُنفِقُونَ ، وَالَّذِينَ يُؤْمِنُونَ بِمَا أُنْزِلَ إِلَيْكَ وَمَا أُنْزِلَ مِنْ قَبْلِكَ وَبِالآخرَةِ هُمْ يُوقِنُونَ ، أُوْلَئِكَ عَلَى هُدًى مِنْ رَبِّهِمْ وَأُوْلَئِكَ هُمْ الْمُفْلِحُونَ
ـــــــــــــــــــــــــــــــــــــــــــــــ
إِنَّ فِي خَلْقِ السَّمَوَاتِ وَالأَرْضِ وَاخْتِلافِ اللَّيْلِ وَالنَّهَارِ وَالْفُلْكِ الَّتِي تَجْرِي فِي الْبَحْرِ بِمَا يَنفَعُ النَّاسَ وَمَا أَنزَلَ اللَّهُ مِنْ السَّمَاءِ مِنْ مَاءٍ فَأَحْيَا بِهِ الأَرْضَ بَعْدَ مَوْتِهَا وَبَثَّ فِيهَا مِنْ كُلِّ دَابَّةٍ وَتَصْرِيفِ الرِّيَاحِ وَالسَّحَابِ الْمُسَخَّرِ بَيْنَ السَّمَاءِ وَالأَرْضِ لآيَاتٍ لِقَوْمٍ يَعْقِلُونَ
ـــــــــــــــــــــــــــــــــــــــــــــــ
اللَّهُ لا إِلَهَ إِلاَّ هُوَ الْحَيُّ الْقَيُّومُ لا تَأْخُذُهُ سِنَةٌ وَلا نَوْمٌ لَهُ مَا فِي السَّمَوَاتِ وَمَا فِي الأَرْضِ مَنْ ذَا الَّذِي يَشْفَعُ عِنْدَهُ إِلاَّ بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلا يُحِيطُونَ بِشَيْءٍ مِنْ عِلْمِهِ إِلاَّ بِمَا شَاءَ وَسِعَ كُرْسِيُّهُ السَّمَوَاتِ وَالأَرْضَ وَلا يَئُودُهُ حِفْظُهُمَا وَهُوَ الْعَلِيُّ الْعَظِيمُ
ـــــــــــــــــــــــــــــــــــــــــــــــ
آمَنَ الرَّسُولُ بِمَا أُنزِلَ إِلَيْهِ مِنْ رَبِّهِ وَالْمُؤْمِنُونَ كُلٌّ آمَنَ بِاللَّهِ وَمَلائِكَتِهِ وَكُتُبِهِ وَرُسُلِهِ لا نُفَرِّقُ بَيْنَ أَحَدٍ مِنْ رُسُلِهِ وَقَالُوا سَمِعْنَا وَأَطَعْنَا غُفْرَانَكَ رَبَّنَا وَإِلَيْكَ الْمَصِيرُ ، لا يُكَلِّفُ اللَّهُ نَفْساً إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لا تُؤَاخِذْنَا إِنْ نَسِينَا أَوْ أَخْطَأْنَا رَبَّنَا وَلا تَحْمِلْ عَلَيْنَا إِصْراً كَمَا حَمَلْتَهُ عَلَى الَّذِينَ مِنْ قَبْلِنَا رَبَّنَا وَلا تُحَمِّلْنَا مَا لا طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنْتَ مَوْلانَا فَانصُرْنَا عَلَى الْقَوْمِ الْكَافِرِينَ
ـــــــــــــــــــــــــــــــــــــــــــــــ
إِنَّ رَبَّكُمْ اللَّهُ الَّذِي خَلَقَ السَّمَوَاتِ وَالأَرْضَ فِي سِتَّةِ أَيَّامٍ ثُمَّ اسْتَوَى عَلَى الْعَرْشِ يُغْشِي اللَّيْلَ النَّهَارَ يَطْلُبُهُ حَثِيثاً وَالشَّمْسَ وَالْقَمَرَ وَالنُّجُومَ مُسَخَّرَاتٍ بِأَمْرِهِ أَلا لَهُ الْخَلْقُ وَالأَمْرُ تَبَارَكَ اللَّهُ رَبُّ الْعَالَمِينَ
ـــــــــــــــــــــــــــــــــــــــــــــــ
إِنَّ فِي خَلْقِ السَّمَوَاتِ وَالأَرْضِ وَاخْتِلافِ اللَّيْلِ وَالنَّهَارِ لآيَاتٍ لأُولِي الأَلْبَابِ ، الَّذِينَ يَذْكُرُونَ اللَّهَ قِيَاماً وَقُعُوداً وَعَلَى جُنُوبِهِمْ وَيَتَفَكَّرُونَ فِي خَلْقِ السَّمَوَاتِ وَالأَرْضِ رَبَّنَا مَا خَلَقْتَ هَذَا بَاطِلاً سُبْحَانَكَ فَقِنَا عَذَابَ النَّارِ
ـــــــــــــــــــــــــــــــــــــــــــــــ
أَفَحَسِبْتُمْ أَنَّمَا خَلَقْنَاكُمْ عَبَثاً وَأَنَّكُمْ إِلَيْنَا لا تُرْجَعُونَ ، فَتَعَالَى اللَّهُ الْمَلِكُ الْحَقُّ لا إِلَهَ إِلاَّ هُوَ رَبُّ الْعَرْشِ الْكَرِيمِ ، وَمَنْيَدْعُ مَعَ اللَّهِ إِلَهاً آخَرَ لا بُرْهَانَ لَهُ بِهِ فَإِنَّمَا حِسَابُهُ عِنْدَ رَبِّهِ إِنَّهُ لا يُفْلِحُ الْكَافِرُونَ ، وَقُلْ رَبِّ اغْفِرْ وَارْحَمْ وَأَنْتَ خَيْرُالرَّاحِمِينَ
ـــــــــــــــــــــــــــــــــــــــــــــــ
هُوَ اللَّهُ الَّذِي لا إِلَهَ إِلاَّ هُوَ عَالِمُ الْغَيْبِ وَالشَّهَادَةِ هُوَ الرَّحْمَنُ الرَّحِيمُ ، هُوَ اللَّهُ الَّذِي لا إِلَهَ إِلاَّ هُوَ الْمَلِكُ الْقُدُّوسُ السَّلامُ الْمُؤْمِنُ الْمُهَيْمِنُ الْعَزِيزُ الْجَبَّارُ الْمُتَكَبِّرُ سُبْحَانَ اللَّهِ عَمَّا يُشْرِكُونَ ، هُوَ اللَّهُ الْخَالِقُ الْبَارِئُ الْمُصَوِّرُ لَهُ الأَسْمَاءُ الْحُسْنَى يُسَبِّحُ لَهُ مَا فِي السَّمَوَاتِ وَالأَرْضِ وَهُوَ الْعَزِيزُ الْحَكِيمُ
ـــــــــــــــــــــــــــــــــــــــــــــــ
قُلْ يَا أَيُّهَا الْكَافِرُونَ ، لا أَعْبُدُ مَا تَعْبُدُونَ ، وَلا أَنْتُمْ عَابِدُونَ مَا أَعْبُدُ ، وَلا أَنَا عَابِدٌ مَا عَبَدتُّمْ ، وَلا أَنْتُمْ عَابِدُونَ مَا أَعْبُدُ ، لَكُمْ دِينُكُمْ وَلِيَ دِينِ
ـــــــــــــــــــــــــــــــــــــــــــــــ
قُلْ هُوَ اللَّهُ أَحَدٌ ، اللَّهُ الصَّمَدُ ، لَمْ يَلِدْ وَلَمْ يُولَدْ ، وَلَمْ يَكُنْ لَهُ كُفُواً أَحَدٌ
ـــــــــــــــــــــــــــــــــــــــــــــــ
قُلْ أَعُوذُ بِرَبِّ الْفَلَقِ ، مِنْ شَرِّ مَا خَلَقَ ، وَمِنْ شَرِّ غَاسِقٍ إِذَا وَقَبَ ، وَمِنْ شَرِّ النَّفَّاثَاتِ فِي الْعُقَدِ ، وَمِنْ شَرِّ حَاسِدٍ إِذَا حَسَدَ
ـــــــــــــــــــــــــــــــــــــــــــــــ
قُلْ أَعُوذُ بِرَبِّ النَّاسِ ، مَلِكِ النَّاسِ ، إِلَهِ النَّاسِ ، مِنْ شَرِّ الْوَسْوَاسِ الْخَنَّاسِ ، الَّذِي يُوَسْوِسُ فِي صُدُورِ النَّاسِ ، مِنْ الْجِنَّةِ وَالنَّاسِ
🔄 اس پانی سے کپڑے کھنگال کر خشک کریں کپڑے پر رُقیہ کی تحصین آ جائے گی
ان شاء اللہ۔
2️⃣ جسم کی حفاظت کے لیے
🧴 کلونجی کے تیل پر درج ذیل آیات دم کر کے روزانہ صبح و شام جسم پر لگائیں
📖 آیات
آیت الکرسی
سورۃ الفاتحہ
سورۃ الفلق + الناس
سورۃ الصافات: 1–10
سورۃ الجن: 1–9
سورۃ یس: 9
سورۃ الحج: 52
🛡 یہ تیل جسم کو شیاطین کے چھونے سے محفوظ رکھے گا۔
3️⃣ پینے اور غسل کے لیے پانی
💧 پینے کے لیے دم کیا ہوا پانی
سورۃ الفاتحہ (7 بار)
آیت الکرسی (3 بار)
سورۃ المومنون: 97–98 + 115–118
سورۃ الأعراف: 200–201
📥 دن میں کم از کم 1 لیٹر یہ پانی پیئیں۔
🚿 غسل کے لیے دم کیا گیا پانی
بالٹی میں سیب کا سرکہ، نمک، پھٹکری اور مذکورہ آیات کا دم
ہفتے میں3 بار اس سے غسل کریں
اس پانی سے چہرہ اور سر نا دھویں
4️⃣ گھر کی تحصین(قلعہ بندی)
🏠 2 لیٹر پانی میں
سورۃ البقرہ کی ابتدائی آیات، آیت الکرسی، آیات 284–286
سورۃ النور: 35
سورۃ الفتح: 4
🧴 اس پانی میں سرکہ سیب، سمندری نمک اور پھٹکری شامل کریں اور دروازوں، کھڑکیوں، کونوں پر چھڑک دیں۔ عرق گلاب بھی ملایا جا سکتا ہے۔
5️⃣ تلاوت سننا
📢 روزانہ گھر میں درج ذیل سورتیں بلند آواز میں چلائیں
1. سورۃ البقرہ (مکمل)
2. سورۃ الصافات
3. سورۃ الجن
4۔ سورت الانفال
📌 یہ تلاوت شیاطین کو جلا دیتی ہے اور ان کے اثرات کو کاٹ دیتی ہے۔ باذن اللہ☝
🔄 اذکار و دعائیں
🌟 ہر لباس پہننے سے پہلے
بِسْمِ اللّٰہِ الَّذِي لَا إِلٰهَ إِلَّا اللّٰہ
🌟 روزانہ کم از کم 100 بار
لَا إِلٰهَ إِلَّا اللهُ وَحْدَهُ لَا شَرِيكَ لَهُ... مکمل دعا
🌿 یہ ایک جامع روحانی پروگرام ہے۔ جو مفاد عامہ کے لیے نشر کیا جا رہا ہے۔
اگر کٹ لگنے کے ساتھ ساتھ خواب میں برہنگی، نیند میں حملہ، یا جسم پر خراشیں محسوس ہو رہی ہوں، تو مکمل روحانی علاج کے لیے کسی معتبر شرعی راقی سے رابطہ کریں۔

📌 اگر آپ کو اس علم سے فائدہ ہو، تو دوسروں کے ساتھ ضرور شیئر کریں شاید کسی کا جسمانی یا روحانی پردہ اسی سے بچ جائے۔


الرقیة الشرعیة النبویة