15/08/2026
#شمسو عرف #گیلامنہ نامعلوم افراد کی فائرنگ سے جاں بحق، 12 سالہ بچی زخمی
ٹیکسلا بائی پاس کے قریب فائرنگ کا افسوسناک واقعہ پیش آیا، جس میں مشہور ٹک ٹاکر شمسو عرف گیلامنہ جاں بحق ہوگئیں، جبکہ فائرنگ کے نتیجے میں ایک 12 سالہ بچی اسمیہ زخمی ہوگئی۔
ابتدائی اطلاعات کے مطابق مقتولہ ٹک ٹاکر تھیں۔ فائرنگ کے واقعے میں زخمی ہونے والی 12 سالہ بچی اسمیہ کو طبی امداد کے لیے پمز ہسپتال اسلام آباد منتقل کر دیا گیا، جبکہ مقتولہ کی لاش ٹی ایچ کیو ہسپتال ٹیکسلا منتقل کی گئی۔
واقعے کی اطلاع ملتے ہی پولیس نے جائے وقوعہ پر پہنچ کر شواہد اکٹھے کرنا شروع کر دیے اور واقعے کی تحقیقات جاری ہیں۔ پولیس کی جانب سے مبینہ ملزم کی تلاش بھی کی جا رہی ہے۔
فائرنگ کی اصل وجہ اور واقعے کے محرکات تاحال سامنے نہیں آسکے۔ مزید حقائق پولیس کی تحقیقات مکمل ہونے کے بعد ہی سامنے آئیں گے۔
اللہ تعالیٰ مرحومہ کی مغفرت فرمائے اور زخمی بچی کو جلد صحتِ کاملہ عطا فرمائے۔ آمین۔ 🤲
