19/05/2026
پریس ریلیز
19 مئی 2026
سرکاری ہسپتالوں کی نجکاری مسترد کرتے ہیں — حکومت واضح پالیسی پیش کرے- ترجمان
کوئٹہ: صوبائی حکومت کی جانب سے باچا خان ہسپتال کو پبلک پرائیویٹ پارٹنرشپ ماڈل کے تحت چلانے کی تجویز کو ہم یکسر مسترد کرتے ہیں۔
کوئٹہ: حکومت بلوچستان محکمہ صحت کی پالیسیاں مرتب کرنے میں واضح طور پر تذبذب کا شکار دکھائی دے رہی ہے
کوئٹہ: صوبے میں اس وقت سرکاری ہسپتالوں کا نظام چلانے کیلئے حکومت متعدد پالیسیاں اپنائی ہوئی ہے ، جو مریضوں اور ہیلتھ سے منسلک ملازمین کیلئے مشکلات کا سبب بن رہا ہے،
کوئٹہ: حکومت ایک ہی وقت میں ہسپتالوں کو چلانے کیلئے مکمل سرکاری ، سیمی اٹانمس ، اٹانمس اور پبلک پرائیویٹ پارٹنرشپ جیسے مختلف پالیسیاں اپنائی ہوئی ہے ، اس سے یہ واضح ہورہا ہے کہ محکمہ صحت کو چلانے کیلئے حکومتی سطح پر پالیسی کا فقدان ہے
ساتھ ہی حکومت ٹراما سینٹر کوئٹہ اور بلوچستان انسٹیٹیوٹ آف کارڈیالوجی (BICVD) جیسے بڑے منصوبوں پر سالانہ 6 ارب روپے یا اس سے زائد اخراجات برداشت کرنے کا منصوبہ رکھتی ہے اور اسے اٹانمس باڈیز کے طرز پر گرانٹ ان ایڈ دے کر چلانے کا منصوبہ رکھتی ہے
تاہم اسی حکومت کی جانب سے کوئٹہ شہر کے وسط میں اربوں روپے کی لاگت سے نو تعمیر شدہ باچا خان ہسپتال کو پبلک پرائیویٹ پارٹنرشپ ماڈل کے تحت نجی تحویل میں دینے کی کوشش واضح تضاد اور غیر واضح پالیسی کی عکاسی کرتی ہے۔
حکومت کی جانب سے اوّل تو یہ مؤقف پیش کیا جا رہا تھا کہ دور دراز علاقوں میں محکمے کی رسائی ممکن نہیں اور اسٹاف کی فراہمی میں مشکلات درپیش ہیں، اس لیے وہاں نجکاری اپنایا جا رہا ہے۔ لیکن اب شہر کے مرکزی علاقے میں قائم باچا خان ہسپتال کو بھی نجکاری کے تحت چلانے کی کوشش اس دلیل کو کمزور اور غیر منطقی بناتی ہے۔
حکومت کا ایک ہی وقت میں ہسپتالوں کو چلانے کیلئے متعدد مختلف نوعیت کی پالیسیاں اپنانا اس بات کا ثبوت ہے کہ حکومت کے پاس صحت کے شعبے کی بہتری کے لیے کوئی جامع اور مستقل حکمت عملی موجود نہیں۔ سرکاری اداروں کو مضبوط بنانے کے بجائے انہیں نجکاری کی طرف دھکیلنا مسائل کا حل نہیں بلکہ مزید پیچیدگیوں کو جنم دے گا۔
حکومت بلوچستان محکمہ صحت کے حوالے سے اپنے فیصلوں کو واضح کر دیں بصورت دیگر، اس قسم کے عوام اور ملازم دشمن پالیسیوں کے خلاف بھرپور آواز اٹھائی جائے گی اور سخت احتجاج کا راستہ اختیار کیا جائے گا۔
ترجمان
ڈاکٹر ثناءاللہ بلوچ
ینگ ڈاکٹرز ایسوسی ایشن بلوچستان
