20/06/2026
اسٹروک سینٹر سرگودھا میں جانے سے پہلے مریضوں کیلئے اہم ہدایات۔۔۔!
آپ کے علم میں ہوگا کہ ڈی ایچ سرگودھا میں اسٹروک سینٹر قائم کر دیا گیا جہاں پر فالج کے ابتدائی 4 گھنٹے کے اندر فالج کا انجیکشن لگایا جاتا ہے۔
اس سلسلے میں عوام کی آگاہی کے لیے کچھ ہدایات شیئر کی جا رہی ہیں جن کو مد نظر رکھنا ضروری ہے
فالج (Stroke) کی صورت میں فوری ہدایات
اگر اچانک چہرہ ٹیڑھا ہو جائے، ایک بازو یا ٹانگ کمزور ہو جائے، یا بولنے میں دشواری شروع ہو جائے تو فوراً فالج کا شک کریں۔
علامات شروع ہونے کا وقت نوٹ کریں۔
مریض کو زیادہ سے زیادہ 3 گھنٹے کے اندر ڈی ایچ کیو سرگودھا اسٹروک سینٹر پہنچائیں۔
جتنی جلدی مریض اسپتال پہنچے گا، اتنا ہی دماغ کو بچانے اور صحت یابی کے امکانات بہتر ہوں گے۔
یہ کام نہ کریں:
گھر میں انتظار نہ کریں کہ شاید خود ہی ٹھیک ہو جائے۔
ڈاکٹر کے مشورے کے بغیر اسپرین یا کوئی خون پتلا کرنے والی دوا نہ دیں۔
مریض کو زبردستی پانی، کھانا یا دوا نہ کھلائیں۔
کسی دیسی ٹوٹکے یا گھریلو علاج میں وقت ضائع نہ کریں۔
یاد رکھیں:
ضروری نہیں کہ ہر مریض کو انجیکشن لگ سکے۔
مزید بھی کچھ شرائط ہونا ضروری ہوتا ہے ، جس کو دیکھ کر ڈاکٹر نے فیصلہ کرنا ہے ، آیا کہ فالج کا انجیکشن لگ سکتا ہے یا نہیں۔
سو ان باتوں کو مریض کے لواحقین کو پتہ ہونا چاہیئے ، تاکہ انجیکشن نہ لگنے کی صورت میں کوئی غلط فہمی یا اسپتال میں انتشار پیدا نہیں ہو۔ شکریہcopied
