Bajawelfare

Bajawelfare پیج بنانے کا مقصد صرف غریب کی مدد کرنا ہے ۔

31/05/2026

شکر الحمد للہ!

آج باجا ویلفیئر ٹرسٹ کی جانب سے جنازگاہ میں 12 پنکھے نصب کر دیے گئے ہیں، جبکہ ایک مزید پنکھا تبدیل کرکے لگایا جائے گا۔

فی الحال جنازگاہ کے لیے بجلی کے بندوبست کے سلسلے میں سعید کاکا سے درخواست کی گئی ہے، جنہوں نے تعاون کی یقین دہانی کرائی ہے، جس پر ہم ان کے بے حد شکر گزار ہیں۔ اسی طرح سلیمان صاحب سے جنازگاہ کے لیے مستقل بجلی میٹر کے حوالے سے بھی بات چیت کی گئی ہے۔

مزید برآں جنازگاہ میں بلب ہولڈرز کی مرمت کر دی گئی ہے اور گرلز پر کیلیں بھی لگا دی گئی ہیں، تاہم موجودہ انتظام ابھی مکمل طور پر مضبوط نہیں ہے۔ جنازگاہ کے برآمدے کا دروازہ نہ ہونے کی وجہ سے سیکیورٹی کے مسائل موجود ہیں، اس لیے دروازے کے انتظام کی کوشش کی جا رہی ہے تاکہ جنازگاہ کو مزید محفوظ بنایا جا سکے۔

اللہ تعالیٰ تمام تعاون کرنے والوں کو جزائے خیر عطا فرمائے۔ آمین۔

13/05/2026

اپیل برائے تعاون

جنید کا تعلق ترکئی سے ہے۔ 17 سال پہلے حادثے کے دوران ان کا پیر کٹر مشین میں آنے سے شدید متاثر ہوا تھا۔ اس سے پہلے وہ دو مرتبہ مصنوعی پیر لگوا چکے ہیں، اُس وقت ان کے والد صاحب زندہ تھے اور تعاون کرتے رہے۔ مگر انفیکشن بڑھنے کی وجہ سے ان کا پیر مزید دو مرتبہ کاٹنا پڑا۔

جنید گھر کے سب سے بڑے بیٹے ہیں جبکہ ان کے چھوٹے بھائی زمینداری کر کے گھر کا گزارہ کرتے ہیں۔ اب دوبارہ مصنوعی پیر لگوانے اور علاج پر تقریباً 80 ہزار روپے خرچہ آئے گا، جو ان کی مالی استطاعت سے باہر ہے۔

اگر کوئی مخیر حضرات اس مشکل وقت میں جنید کی مدد کرنا چاہتے ہوں تو براہِ کرم رابطہ کریں۔
آپ کی تھوڑی سی مدد کسی کی زندگی میں آسانی اور امید واپس لا سکتی ہے۔

جزاکم اللہ خیراً۔

باجا ویلفیئر ٹرسٹ نے گزشتہ چار مہینوں کے دوران 1483 رجسٹرڈ مریضوں میں مفت ادویات تقسیم کیں، جن پر مجموعی طور پر 21,53,19...
10/05/2026

باجا ویلفیئر ٹرسٹ نے گزشتہ چار مہینوں کے دوران 1483 رجسٹرڈ مریضوں میں مفت ادویات تقسیم کیں، جن پر مجموعی طور پر 21,53,191 روپے لاگت آئی۔
ہر مریض کو ماہانہ کتنی ادویات فراہم کی گئیں، اس کی مکمل تفصیل متعلقہ فارم میں موجود ہے، جبکہ اس سال ہر مریض کو دی جانے والی ادویات کی کل تفصیل آخری کالم میں دیکھی جا سکتی ہے۔

اگر کسی بھائی کے پاس استعمال شدہ مگر قابلِ استعمال شوگر، بلڈ پریشر، امراضِ قلب یا ذہنی امراض کی ادویات موجود ہوں تو براہِ کرم انہیں ٹرسٹ کو عطیہ کریں تاکہ ضرورت مند مریضوں کی مدد جاری رکھی جا سکے۔

شکریہ۔

24/04/2026

اطلاعِ عام
الحمدللہ! آج گاؤں باجا کے مکینوں کے لیے ایک اور خوشی اور فخر کا دن ثابت ہوا۔ آج کے دن اے سی ڈی مرسی کور اور گلوبل فنڈ کے تعاون سے، باجا ویلفیئر ٹرسٹ کے زیرِ اہتمام ایک فری میڈیکل کیمپ کا انعقاد کیا گیا۔یہ کیمپ ڈاکٹر فدا محمد کی زیرِ نگرانی ڈاکٹر فاروق کے حجرہ میں منعقد ہوا، جہاں امراضِ سینہ اور ٹی بی کے مریضوں کے لیےخصوصی سہولیات فراہم کی گئیں۔ اس موقع پر:
مفت بلغم ٹیسٹ ایکسرے سہولتمکمل طبی معائنہ مہیا کیا گیا۔
کل 100 مریضوں کا معائنہ کیا گیا، جن میں سے:
80 مریضوں کے ایکسرے کیے گئے
20 مریضوں کے بلغم ٹیسٹ کیے گئے
یہ بات قابلِ ذکر ہے کہ بلغم کے یہ ٹیسٹ نہایت مہنگے ہوتے ہیں، جن کی قیمت ہزاروں روپے تک ہوتی ہے، مگر یہ تمام سہولیات مکمل طور پر مفت فراہم کی گئیں۔
ہم دل کی گہرائیوں سے اے سی ڈی مرسی کور اور گلوبل فنڈ کے شکر گزار ہیں، جنہوں نے اہلیانِ باجا کے لیے یہ عظیم اقدام اٹھایا۔
کیمپ کے انعقاد میں دریا خان، سراج محمد، اختر حسن، عرفان بہادر اور دیگر منتظمین نے بھرپور تعاون کیا، جس پر ہم ان کے بھی تہہ دل سے مشکور ہیں۔
ان شاء اللہ، باجا ویلفیئر ٹرسٹ آئندہ بھی اسی جذبے کے ساتھ عوامی خدمت کے ایسے اقدامات جاری رکھے گا۔
آپ کی خدمت ہمارا نصب العین ہے

شکریہ

21/04/2026

شکر الحمدللہ! چند دن پہلے جس یتیم بچے کے روزگار کے لیے ہم نے چندہ مہم شروع کی تھی، آپ سب کے تعاون سے اچھی پیش رفت ہوئی۔

تاہم اچانک اس بچے کی والدہ کی سرجری (آپریشن) ہوگئی۔ اگرچہ آپریشن صحت کارڈ پر ہوا، لیکن پشاور آنے جانے کے اخراجات اور گھر کے لیے ادویات کی مد میں اب تک تقریباً 80,000 روپے خرچ ہو چکے ہیں۔

اسی صورتحال کو مدنظر رکھتے ہوئے ہم نے فیصلہ کیا ہے کہ جمع شدہ رقم اس بچے کو نقد دے دی جائے تاکہ وہ اپنی والدہ کے علاج اور ضروریات کو بہتر طریقے سے پورا کر سکے۔

اگر کوئی مزید بھائی یا بہن اس نیک کام میں حصہ ڈالنا چاہتا ہے تو براہِ کرم ہم سے رابطہ کریں۔

جزاک اللہ خیر

📢 اپیل برائے تعاونصدام خان، رہائشی محلہ لعل خیل، گزشتہ 4 سالوں سے کینسر جیسے موذی مرض کا مقابلہ کر رہا ہے ۔ حال ہی میں ڈ...
08/04/2026

📢 اپیل برائے تعاون
صدام خان، رہائشی محلہ لعل خیل، گزشتہ 4 سالوں سے کینسر جیسے موذی مرض کا مقابلہ کر رہا ہے ۔ حال ہی میں ڈاکٹرز نے ان کے لیے مزید مہنگے ٹیسٹ اور اہم دوا Nilotinib 200mg تجویز کی ہے۔
بدقسمتی سے، یہ دوا پہلے ہسپتال سے مل جاتی تھی مگر گزشتہ 7 ماہ سے دستیاب نہیں، جس کی وجہ سے صدام کی بیماری میں اضافہ ہو رہا ہے۔
اس مشکل وقت میں صدام اور ان کے گھر والوں کو آپ کے تعاون کی اشد ضرورت ہے۔ آپ کی چھوٹی سی مدد ان کے علاج کو جاری رکھنے اور زندگی بچانے کا سبب بن سکتی ہے۔
🙏 اگر آپ مالی تعاون کرنا چاہتے ہیں تو آپ کی دی گئی رقم سے:
ضروری ٹیسٹ کروائے جائیں گے
اور مطلوبہ ادویات خریدی جائیں گی
ان شاء اللہ بروقت علاج سے بیماری کو قابو میں لایا جا سکتا ہے۔
اللہ پاک آپ کے رزق میں برکت عطا فرمائے۔ آمین
مزید معلومات کیلئے وٹس ایپ نمبر،03005857139

30/03/2026

اپیل برائے تعاون

ایک 15 سالہ یتیم بچے نے "خپل روزگار سکیم" کے تحت ہم سے درخواست کی ہے کہ اسے ایک ریڑھی اور سبزی خریدنے کے لیے کچھ سرمایہ فراہم کیا جائے تاکہ وہ اپنا روزگار شروع کر سکے۔

یہ بچہ نہ صرف خود کفیل بننا چاہتا ہے بلکہ اپنے گھر والوں کا سہارا بھی بننا چاہتا ہے۔ اس کے ذمہ اس کی ایک بہن اور والدہ ہیں، جو اس وقت موسٰی خیل میں انتہائی مشکل حالات میں ایک کرائے/عارضی رہائش میں زندگی گزار رہے ہیں۔

ہم مخیر حضرات سے اپیل کرتے ہیں کہ اس نیک کام میں بڑھ چڑھ کر حصہ لیں اور اس یتیم بچے کو اپنے پاؤں پر کھڑا ہونے میں مدد دیں۔ آپ کی تھوڑی سی مدد اس خاندان کی زندگی بدل سکتی ہے۔

اللہ تعالیٰ آپ کو اس کا بہترین اجر عطا فرمائے۔ آمین۔

17/02/2026

🌙 رمضانِ مبارک کی برکتوں کے ساتھ ایک عظیم خدمت

باجا ویلفیئر ٹرسٹ کے رمضان راشن پروگرام کے تحت
حیدر ناظم صاحب نے اپنی ذاتی حیثیت میں 70 سے زائد غریب اور بیوہ خاندانوں کے لیے راشن پیکجز کا شاندار انتظام فرمایا، جو الحمدللہ مستحق خاندانوں میں باعزت طریقے سے تقسیم کر دیے گئے ہیں۔

اللہ تعالیٰ حیدر ناظم صاحب کو اس نیکی کا بہترین اجر عطا فرمائے، ان کے رزق میں برکت دے اور اس عمل کو ان کے لیے صدقۂ جاریہ بنائے۔ آمین 🤲

ان شاء اللہباجا ویلفیئر ٹرسٹ اپنی سالانہ چندہ مہم برائے سال 2026 کا آغاز1 فروری 2026 سے کرنے جا رہا ہے — یہ وہ بابرکت مہ...
31/01/2026

ان شاء اللہ
باجا ویلفیئر ٹرسٹ اپنی سالانہ چندہ مہم برائے سال 2026 کا آغاز
1 فروری 2026 سے کرنے جا رہا ہے — یہ وہ بابرکت مہم ہے جو ہم سال میں صرف ایک بار کرتے ہیں۔

آپ کی دی ہوئی زکوٰۃ اور خیرات اس وقت
550 سے زائد غریب و مجبور مریضوں کے لیے زندگی کی امید بنی ہوئی ہے،
جن کی ادویات آپ کے تعاون سے ہر ماہ ممکن ہو رہی ہیں۔
اسی طرح سینکڑوں یتیم بچوں اور بیوہ خواتین کی آنکھوں میں خوشی
اور گھروں میں چولہا جلنے کا سبب بھی آپ ہی ہیں۔

یہ خدمتِ انسانیت کا سفر 2019 سے جاری ہے
اور اگر اللہ نے زندگی دی تو یہ قافلہ رکے گا نہیں،
کیونکہ یہ کام ہمارے لیے نہیں بلکہ اللہ کی رضا کے لیے ہے۔

آئیے! اس نیکی کے موقع کو ہاتھ سے نہ جانے دیں۔
اس چندہ مہم میں دل کھول کر حصہ لیں
اور اپنے مال کو اللہ کی راہ میں دے کر
اپنے لیے دنیا اور آخرت کی کامیابی سمیٹ لیں۔

آپ کا ہر تعاون
حسبِ معمول فیس بک اور واٹس ایپ گروپس میں
امانت اور شفافیت کے ساتھ شیئر کیا جائے گا۔

اللہ تعالیٰ آپ کے صدقات قبول فرمائے،
آپ کے رزق میں برکت عطا فرمائے
اور اسے آپ کے لیے صدقۂ جاریہ بنا دے۔ آمین 🤲

باجا ویلفیئر ٹرسٹ دل کی گہرائیوں سے ان تمام مخیر حضرات و خواتین کا شکر گزار ہےجنہوں نے سال 2025 میں اللہ کی رضا کیلئے ٹر...
27/01/2026

باجا ویلفیئر ٹرسٹ دل کی گہرائیوں سے ان تمام مخیر حضرات و خواتین کا شکر گزار ہے
جنہوں نے سال 2025 میں اللہ کی رضا کیلئے ٹرسٹ کے ساتھ تعاون فرمایا۔

آپ کے دیے ہوئے عطیات سے
ہزاروں غریب، بے سہارا اور یتیم بچوں کے چہروں پر مسکراہٹ آئی،
کسی کو علاج ملا، کسی کو تعلیم، اور کسی کو جینے کا سہارا ملا۔
یہ سب آپ کے اخلاص کا صدقہ ہے۔

اللہ رب العزت فرماتا ہے:
“جو لوگ اللہ کی راہ میں خرچ کرتے ہیں، اللہ انہیں کئی گنا بڑھا کر لوٹاتا ہے”

ہم آپ تمام احباب کو سال 2026 کی فنڈریزنگ مہم میں دوبارہ دعوت دیتے ہیں
کہ اس کارِ خیر میں ہمارے ساتھ شامل رہیں،
تاکہ یہ نیکی کا سلسلہ جاری رہے اور کوئی یتیم بچہ محروم نہ رہ جائے۔

آپ کا دیا ہوا ایک قدم — کسی بچے کی پوری زندگی سنوار سکتا ہے۔
اللہ تعالیٰ آپ کے مال، جان اور اولاد میں برکت عطا فرمائے اور اسے آپ کیلئے صدقۂ جاریہ بنائے۔
آمین یا رب العالمین 🤲

Address

Swabi
23430

Telephone

03005857139

Website

Alerts

Be the first to know and let us send you an email when Bajawelfare posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Bajawelfare:

Shortcuts

Share

Category