عمر الأمل متلازمة أبرت - Apert Syndrome

07/06/2026

اصعب شعور ممكن اتحس فيه انو ابنك ايكون لازم يدخل روضه او مدرسه وانتي مش قادره اتحطيه عشان حالته شعور بيخلكي اتنامي وانت تحلمي بابنك رايح على الروضه وبيحكي وبيلعب مع الاطفال لكن الحمد لله على اختيارات رب العالمين إلنا الحمد لله على الحلو والسيء الحمد لله على كل شعور بنحس فيه حتى لو بيجرحنا
عمر راح طشه على روضه بذور الامل من احلى وارقى روضات اريحا الله يسعدهم طلاب ومعلمين انبسطت من تقبل الاطفال لعمورتي ❤️❤️❤️❤️🥰

31/05/2026

فخوره بمشواري معاك ياعمر رغم التعب والغصات رغم الركاض من مكان لمكان كتير عمليات كنت معاك لحالي تدخل العمليه احس الحياه وقفت عباب العمليه واحس ممكن ايصيرلي اشي بمكاني بس سبحان الله اضل قويه وممكن اقوى بكل مره من اللي قبلها طلعت على اماكن عمري مارحتها وعلى تخصصات ماكنت اعرف انها موجوده وعلى مراكز عمري مامرقت من جنبها ومع هيك كنت مبسوطه فيك وبعيلتي وشايلكم كلكم بقلبي
ماكنت اعرف اني قويه هيك وماكنت فخوره بنفسي قد هالفتره لاني عرفت ان اليأس ماالو محل عندي واني قدرت اكون قد المسؤوليه اللي أعطاني اياها ربي ❤️❤️❤️❤️❤️

31/05/2026

من أربع سنين ونص وأنا بستنى صوتك عمرتي حبيبي حلمت فيك وإنت بتحكي وكانت أجمل لحظة عشتها، لدرجة إني عيطت بالحلم من الفرحة صحيت وقلبي بيدق صحيت وأنا حاملة هالأمنية بقلبي: يا رب لا تحرمني من سماع صوته، ولا من كلمة ماما طالعة من بين شفايفه يا رب اجبر خاطري فيه، وفرّح قلبي باليوم اللي أسمع فيه صوته وأحضنه وأنا شاكرة إلك هالنعمة.” 💙

27/05/2026

بين الفقدان والفرح… تبقى الحياة تسير، ويبقى الحمد لله على كل حال.
العيد هالسنة مختلف…
في غصّة فقدان، وفي نفس الوقت ابتسامة بتطلع لما بشوفك يا عمر.

عمر بالرغم انه ما بفهم شو يعني عيد، ولا شو يعني لبس جديد،
بس بحب إني اشوفه لابس اواعي العيد زي باقي الاطفال حواليه
كان بودي تركض مع الأطفال،
وتلفّ على الجيران والقرايب،
وتفرح بكل تفاصيل العيد الصغيرة…
لكن الحمد لله دائماً وأبداً على كل حال.
حاولنا انصوره بس هاد اقصى اشي اقدرنا عليه🫣

15/04/2026

يسعدهم ربي ❤️❤️❤️❤️

11/04/2026

01/04/2026

بعديييييننننننن😂😂😂😂

20/03/2026

مهما اشتدّ الألم، يبقى هناك دائمًا بصيص من الأمل والفرح يملأ قلوبنا.
كل عام وأنتم بخير، وصحة وسلامة يا رب ❤️❤️❤️😍

22/02/2026

الموت يوقظ فينا حقيقة الفناء ويُسقط عن أعيننا وهم الدوام، فيهدم ما نظنه ثابتًا من أفراح أو مخاوف ليعيد ترتيب أولوياتنا من جديد
هو تذكير قاسٍ لكنه صادق بأن هذه الدنيا محطة عابرة.
❤️❤️❤️❤️
أما الابتلاء🥹فهو إعادة تشكيل للروح، كأن الله يعيد ضبط قلوبنا لنرى ما غفلنا عنه. في لحظة الألم نشعر بثقل الأرض وضيقها، لكن مع الصبر والتأمل يبدأ النور يتسلل، فنرى النعم التي كانت تحيط بنا ولم ننتبه لها. ومع الرضا يولد قرب مختلف… قرب فيه سكينة، وفيه احتواء إلهي جميل.
🥰🥰🥰🥰🥰
ليس كل ما يُتعبنا يكون عقوبة أو نقصًا، أحيانًا يكون اختيارًا خاصًا من الله، هدية مغطاة بالصبر، لكنها مليئة بالمعاني. أن تتحول التحديات إلى زيادة في التقدير والفرح بنعم الله، فهذا بحد ذاته نعمة عظيمة.
وأن تصبح بسمة عمر عالمًا من الفرح لنا فهذا دليل أن القلوب حين تُختبر، تتسع بالحب أكثر مما تتألم
😍😍😍😍