https://www.facebook.com/1498698750421577/

Coach Ahmad Saymeh, نابلس/شارع الأكادمية, Nablus (2026)

03/05/2024

دورة إتقان التدريب الشخصي مستوى 1 | Mastering Personal Training Level 1
يعلن الإتحاد الفلسطيني لكمال الأجسام واللياقة البدنية وبالتعاون مع نادي Pulse Gym & Fitness
عن عقد هذه الدورة بتاريخ 2024/6/3
------
الأمــاكــــن مــحــــدودة ✔️
------
👈 للتواصل والإستفسار: 00970594207070

👈 مكان الدورة:
النظري: فندق قصر يلدز - بيت وزن - نابلس
العملي: مقر نادي PULSE - نابلس- مقابل الجامعة الأكادمية - عمارة الغرفة التجارية

02/01/2022

٦- كافئ نفسك 🤔

هاي القاعدة هي المفضلة عندي 😉

صحيح إنه الأكل الصحي مهم ولابد منه. إنك تركز بتغذيتك على العناصر الغذائية من بروتين وكاربوهيدرات وخضار ودهون صحية بيساعدك تحافظ على صحتك وبيخليك تحس بشعور حلو وتحصل على شكل وجسم جميل، بس صعب كتير ومحبط ومهلك إنك تقضي كل حياتك عايش بهاي الطريقة🚶‍♂️. الحياة حلوة وقصيرة ومن الغباء إنه ما نستمتع فيها.

أنا شخصياً بنصح كل شخص، سواء لاعب حديد أو فيتنيس، أنه يخبص بالأكل 🤔. أه يخبص بالأكل 😅. بس الفن هو أنه كيف تخبص!!!
لو كل أسبوع أكلت وجبة، أي وجبة يحبها قلبك😋 بيتزا برجر شاورما فلافل، أي وجبة بتشتهيها، وما تنسى تشرب معها كولا 😅. وبالإضافة لحبة الكوكيز أو صحن كنافة. المهم إنها تكون وجبة وحدة فقط وصنف حلو واحد فقط 😏.

بتعرفو أنه هاي الوجبة مش راح تأثر على الدايت تبعكم، وبتعرفو إنه هاي الوجبة كمان راح تعطيكم دفعة قوية للإلتزام بالدايت بداية الأسبوع اللي جاي. وكمان بتعرفو إنه هاي الوجبة راح تخليكم تستمتعو بالأكل الصحي أكتر وأكتر وتحسو أنه زاكي 🤗. أنا شخصياً ببدأ أخطط لوجبة التخبيص من بداية الأسبوع. بتحسسني إني حصلت على جائزة عشان إلتزمت طول الأسبوع بالدايت والتمرين والحياة الصحية 😉👌. بالمختصر، بكافئ نفسي 🤗.

هلأ السؤال، كيف وامتى الوقت المثالي إني آكل هاي الوجبة؟!🤔

أفضل وقت للتخبيص هو بعد تمرين شاق بالجيم، يفضل تمرين رجلين أو أي عضلة كبيرة، ويفضل إنه الوجبات اللي قبلها تكون قليلة السعرات. عشان نحافظ على سعراتنا اليومية😎.

كافؤو أنفسكم أحبتي ودمتم بخير وسنة سعيدة مليئة بالصحة والنجاح والإيجابية إلنا جميعاً 🌹