Soul and body

03/09/2026

أحيانًا بتكوني فاهمة تمامًا شو اللي بزعجك…
وعارفة من وين بدأت القصة…
ومع ذلك، نفس الشعور ونفس النمط بيرجع.

لأن الفهم مهم، لكنه مش دائمًا كافي لوحده.

الوعي الحقيقي يبدأ لما نقدر نشوف أنفسنا بصورة أعمق، ونفهم كيف نتعامل مع مشاعرنا وأنماطنا المتكررة.

جميع جلساتنا متوفرة حضوريًا وأونلاين.

📍 رام الله – شارع ركب – عمارة شطارة – المدخل الأول – الطابق الرابع
📲 للحجز السريع عبر واتساب: wa.me/972569825744

03/09/2026

4 علامات بجسمك بتظهر لما يزيد الضغط النفسي…

الضغط النفسي مش بس شعور بتمرّي فيه وبيخلص… لما يستمر لفترة، جسمك كمان ممكن يتفاعل معه.

1. شدّ ووجع بالرقبة والكتفين
لما تكوني تحت ضغط مستمر، جسمك ممكن يضل بحالة تأهب، وعضلاتك تضل مشدودة حتى بدون ما تنتبهي.
عشان هيك ممكن تحسي بثقل بالكتفين، تيبّس بالرقبة، أو وجع بيرجع ويزيد تحديدًا بأيام الضغط.

2. صداع متكرر
كثرة التفكير والتوتر والشد المستمر بعضلات الرقبة والرأس ممكن تزيد الصداع عند بعض الأشخاص.
وأحيانًا بتلاحظي إنه بيظهر أكثر بالفترات اللي بتحاولي فيها تتحملي وتكملي رغم إنك نفسيًا مستنزفة.

3. اضطرابات بالمعدة والبطن
الجهاز الهضمي والدماغ بينهم تواصل مستمر، ولهيك الضغط النفسي ممكن ينعكس على الهضم.
ممكن تلاحظي انتفاخ، مغص، تغيّر بحركة الأمعاء أو انزعاج بالمعدة بيزيد تحديدًا لما تكوني متوترة.

4. تعب بالجسم حتى بعد الراحة
ممكن تنامي ساعات كافية، ومع هيك تصحي وكأن جسمك ما ارتاح.
لأن الراحة مش بس عدد ساعات النوم؛ لما تظلي لفترة طويلة تحت ضغط، ممكن يضل جسمك بحالة استنفار ويصير شعور الإرهاق جزء من يومك.

إذا عندك وحدة من هاي العلامات إسألي نفسك شو عم بصير بحياتي ونفسيتي عم يعكسه جسمي ؟

واذا عارفة السبب بس مش قادره تحليه ولا تتحرري منه

أنا لمى قنديل، مدربة وعي ومتخصصة بالعلاقة بين النفس والجسد، بساعدك تفهمي العلاقة بين مشاعرك، تجاربك وأنماطك وبين ا

02/09/2026

انا لمى قنديل مدربة وعي وعندي مركز للتطوير الذاتي

واكتشفت انه اغلب مشاكلنا بتكون وراها مشاعر سلبية وقرارات بوقت سيء

اذا حاسة انك غرقانة بالتفكير احفظي الفيديو عندي عشان ترجعي تسمعي لما تحتاجي نصيحة ❤️

01/09/2026

90% من الناس ما بعرفوا إن مشاعرهم بتنعكس على أجسادهم…

لما جسمنا يوجعنا، أول سؤال بنسأله:
«شو في عندي؟»

بس بعلم النفس الجسدي، السؤال الأعمق:
«شو صار معي قبل ما جسمي يبدأ يحكي؟»

لأن كل عضو بالجسم بننظر إله من خلال الأزمة النفسية والمشاعر المرتبطة فيه، وأحيانًا العرض الجسدي بكون آخر حلقة بقصة بدأت قبلها بوقت طويل.

فمثلًا…

الحلق يرتبط بالكبت وعدم التعبير عن الذات؛
لما يكون عندك كلام ما قدرتي تحكيه، أو احتياجات ومشاعر ما عبّرتي عنها وسكتي عنها لوقت طويل

المرارة : ترتبط بالغضب المتراكم؛
مشاعر ومواقف ضليتي شايلتيها جواك او شعورك اليومي غضب تجاه شغلات مش قادرة تغيريها بحياتك.

القولون : يرتبط بالخوف والقلق والتوتر؛
خصوصًا لما تعيشي فترة طويلة خايفة من الرفض، النقد أو حكم الآخرين، وكأنك طول الوقت لازم تنتبهي وتحمي حالك.

والكبد : يرتبط بجروح أعمق متعلقة بفقدان الحب والأمان؛
خصوصًا الجروح المبكرة مع الوالدين والمشاعر اللي بدأت من هاي التجارب وظلت ممتدة معك.

وهون بتبدأ نظرتنا للجسد تتغيّر…

بدل ما نحاول فقط نسكّت العرض،
بنبدأ نسأل عن القصة اللي وراه.

شو الشعور اللي تكرر؟
شو الأزمة اللي ما انحلّت؟
وشو التجربة اللي انتهت من زمان… بس أثرها لسه موجود بجسمك؟

لأن التشافي بعلم النفس الجسدي مش إنك تسمعي لجسمك لحاله، ولا لمشاعرك لحالها…

إنك تفهمي القصة اللي بتربط بينهم.

أنا لمى قنديل | أخصائية علم نفس جسدي 🤍
إذا حابة تعرفي معلومات أكتر عن نفسك وارتباطها بجسمك

تابعيني ❤️

01/09/2026

نية شهر " ٩"
باسم الله " الفتاح الواسع "

31/08/2026

بتصحي من النوم وجسمك بوجعك…؟

مع انك بتنامي ساعات كفاية، ومع هيك بتصحي وجسمك مشدود، رقبتك وإكتافك بوجعوكي، أسنانك شادين وما عندك طاقة تبلشي يومك…

يمكن جسمك عم يعطيكي إشارة لتعبك الداخلي، يمكن جسمك مش محتاج نوم ، محتاج آمان داخلي


اذا كنتِ عايشة لفترة طويلة من تراكم المشاعر والكبت والضغط النفسي هادا بخلي الجسم يحاول يحميكِ حتى وإنتِ نايمة ، وبهالحالة نومك ما بكون معناه راحة لانه بصير الجسم صعب عليه انه يسترخي فبضل مشدود ومتأهب .

بهيك حالات بجلساتنا بنشتغل على:
✅ فهم الإشارات اللي جسمك عم يعطيكي إياها
✅ التعرف على المشاعر والضغوط المتراكمة
✅ الوصول للجذور اللي بتخلي جسمك بحالة شد مستمرة
✅ مساعدتك تخلقي مساحة أكبر من الهدوء والراحة
✅ تحرير وتنظيف المشاعر القديمة بدل ما تضلّك حاملة أثرها معك

مش لازم تتعايشي مع الوجع والتعب وكأنه صار جزء طبيعي من يومك.

اسمعي جسمك… يمكن في إشي جواك محتاج اهتمام قبل ما يحتاج مسكن أو منوّم أو حتى عشبة ترخي أعصابك. 🤍

📩 إذا حاسة إنه هاد الكلام بعبر عنك، ابعتيلي رسالة واحجزي جلستك.

رابط الوصول للواتساب:
wa.me/972569825744

📍 الموقع: رام الله – شارع ركب – عمارة شطارة – المدخل الأول – الطابق الرابع

31/08/2026

⁨ إذا كنتِ مفكرة إنك لما تتشافي رح ترجعي زي ما كنتِ… فأنتِ غلطانة.

التشافي مش محطة رجوع لنفسك القديمة…
التشافي رحلة بداية.

بالحياة مليان تجارب بتمرّ في حياتنا وبتغيّرنا فعلًا.

بتغيّر نظرتنا لأنفسنا،
فهمنا للعلاقات،
معنى الأمان والحب عندنا،
وبتكشف جوانب فينا ما كنا نعرف إنها موجودة.

واذا هاي التجارب وجعتنا أو آذتنا بكون مطلوب منّا التغيير
وعشان هيك، الهدف مش إنك تمحي اللي صار أو تحاولي تسترجعي الشخص اللي كنتِ عليه قبله.

الهدف إنك تفهمي التجربة:
شو تركت فيكِ؟
شو علمتك؟
وأي خوف أو نمط سلوك تكوّن وقتها حتى يحميكِ…
لكنه اليوم ما عاد يخدمك؟

هون بيبدأ التشافي الحقيقي ،إنك تحتفظي بالحكمة اللي أخذتيها من التجربة، بدون ما تظلي أسيرة لمشاعرها.

ولمّا تتعلمي من جروحك، بتصير درس مش مصدر للاختيار أو القرار ، لانها هي الي راح تساعدك

تدخلي علاقاتك بوعي أكبر،
تحطي حدودك بدون ما تخسري نفسك،
وتسمحي لمشاعرك تكون موجودة بدون ما تتحكم بكل قراراتك.

وقتها بس بتصيري إنسانة تعرف نفسها أكثر، وتختار حياتها بطريقة مختلفة.

يمكن أجمل جزء في رحلة التشافي هو اكتشافك إنك مش مضطرة ترجعي أصلًا…
لأن في نسخة منكِ لسه عم تتكوّن لتكون أقوى

30/08/2026

⁨ الحدود مش إنك تقولي للناس:

«ممنوع تعمل معي هيك.»
الحدود الحقيقية هي إنك تعرفي إنتِ شو رح تعملي إذا استمروا يعملوا معك هيك.

لأنك ما بتقدري تتحكمي بتصرفات الآخرين…
بس بتقدري تقرري شو بتقبلي، شو بترفضي، ومتى بتبعدي.

ممكن تحكي لشخص عشر مرات:
«ما تحكي معي بهاي الطريقة وما تعمل معي هيك .»

لكن إذا كل مرة تجاوز الحد، وإنتِ بقيتي بنفس المكان وكأنه ما صار شيء…هو سمع كلامك، لكنه تعلّم من تصرفك إن تجاوز الحد ما إله نتيجة.

الحدود مش تهديد.
ومش عقاب.
ومش محاولة لتغيير الشخص اللي قدامك.

الحدود هي قرار واضح مع نفسك:
إذا صار كذا… أنا رح أتصرف كذا.

إذا استمر بالتقليل منك → تنهي الحديث.
إذا تكرر عدم الاحترام → تقللي مساحة هذا الشخص بحياتك.
إذا كل مرة بتعطي فوق طاقتك → تتوقفي قبل الاستنزاف.

وهون بيظهر الجزء الأصعب…
أحيانًا إحنا بنعرف نحكي عن الحدود، لكن بنخاف نطبّقها.

لأن تطبيقها ممكن يزعّل شخص.
يغيّر علاقة ، أو يصحي جرح قديم متعلق بالرفض أو الهجر أو الخوف من خسارة الحب.

وعشان هيك التشافي والوعي مش بس إنك تعرفي شو حدودك…
هوإنك تصيري قادرة تحافظي عليها حتى لما يجي معها شعور بالذنب.

الحد اللي ما بتحميه بتصرفك… بيضل مجرد طلب.

فبدل ما تسألي:
«كيف أخليه يحترم حدودي؟»

اسألي:
«شو رح أعمل أنا لما ما يحترمها؟»

هون بتبدأ الحدود الحقيقية. 🤍

احفظي الريل، أو ابعتيه لصاحبتك الي بس بتعرف تحط حدود بالكلام…⁩

29/08/2026

في التخلّي… تجلّي. ✨

أحياناً بنفكّر إن التغيير يعني نلاقي إشي جديد بحياتنا،
بس ممكن يكون التغيير الحقيقي إنّا نتخلى عن إشي خلص دوره بحياتنا.

نترك فكرة بطلت تشبهنا، عادة بتستنزفنا، خوف كان ماسك قراراتنا،
أو نسخة قديمة منّا بنحاول نعيش على مقاسها لليوم.

التخلّي مش خسارة…
التخلّي مساحة.

مساحة لبدايات جديدة، لباب خير ينفتح، ولنسخة منك ما كان إلها مكان بسبب إنه كل طاقتك معلّقة بالماضي.

بلشي من خزانتك اليوم واسالي حالك: "عن شو لازم اتخلى عشان تتجلى النسخة الي بستناها؟"
وانا أكيد هون لأساعدك.. ابعتيلي رسالة لتحجزي موعدك 🤍

رابط الوصول للواتساب:
wa.me/972569825744

📍 الموقع: رام الله – شارع ركب – عمارة شطارة – المدخل الأول – الطابق الرابع

28/08/2026