Star cosmetics saudi Arabia

27/12/2025

ATTENTION Pls ⛔️
that is an Offical warning from therapy cosmetics usa company which produce the Original protein therapy & Nano gold botox hair treatments in the USA .... As we recived complains from our saudi arabia clints We would announce that we doesnt have any distributr in saudi arabia from long time ago so theres no original products from ( original protein therapy ) or (nano gold botox) in the saudi market at all
all what do you see there at any store its a fake or expired products! distributing by someone called (ahmed bakr) so for your own saftey pls once you see any of that fake or expired products report it to your country authorities Immediately
such as (minstry of trade) & (Sfda)
And we can provide them with all the required doucments to proof that
from here we dont take any responibilty of any problems caused by that fake/Expired products
Stay safe 🙏

03/06/2021

🤩❤

30/05/2021

شاهدو تغطية قناة CBC لمهرجان ستار بيوتي انترناشونال غدا في برنامج صحتك بالدنيا الساعه ٢ م❤
وتغطية قناة دريم للمهرجان الساعه ٥ م في برنامج يا انا يا هي🥰

23/08/2020

انا لله وانا اليه راجعون البقاء لله , الشيخ علي السويدي صاحب شركة السويدي للتجميل والعطور وكيل شركتنا بالمملكه العربيه السعوديه منذ ٧ سنوات توفاه الله😔 كان رجل فاضل جدا وذو وأخلاق عاليه الله يرحمه ويغفر له ويسكنه فسيح جناته لا تنسوه من صالح دعائكم 🤲.

17/02/2020

10/02/2020

بعد عرفنا ازاي نحدد في المقال اللي فات
النهارده هتعرفي إزاي #تعتني ب #شعرك صح👌

حبايبنا أصحاب النوع الاول،
● شعركم دايما دهني وملزق لأن زيوت الفروة بتوصل لكل الشعراية بسهولة يبقى أهم نقطة قبل ما تشتري أي منتج تتأكدي إنه خالي من الزيوت والمواد الدهنية التقيلة زي زبدة الشيا و الكاكاو ,
● نقطة كمان الغسيل المتكرر للشعر بيعمل خلل في إفراز دهون الفروة، يُفضل تستخدمي الشامبو الجاف ( dry shampoo ) بالتناوب مع الغسيل العادي للشعر.
● دهان الشعر يكون بصورة متباعدة كل اسبوعين مثلا، والـ Texture spray مناسب ليكي .. وهي نوعيات معينة مرطبات للشعر عبارة عن إسبري ترشيه على شعرك بيديه مظهر حيوي وكثافة مناسبة بدون تزييت.

أصدقائنا اصحاب النوع التاني،
● شعرك بيتميز بتمويجة جميلة هنحاول نظهرها أكتر بقصة شعر مميزة، قصة الدرجات أو الديجراديه بتبرز جمال تمويجات شعرك أكتر من أي قصة تانية.
● شعرك أحياناً بيتجعد وبيميل للجفاف، هنحتاج ترطيب عميق كل أسبوعين عن طريق مسكات الشعر، وهنختار شامبو بيحتوي على زيوت مرطبة.
● إستخدام الـ mousse هيساعدك في انك تحافظي على تمويجة شعرك، عبارة عن مادة مضغوطة شبه الرغوة بتحطيها على شعر رطب وبيكون من جذور الشعرة لأطرافها.
● إستخدام زيوت خفيفة زي زيت بذور العنب هيساعدك تحافظي على شعرك طري، بس خلي بالك إبعدي جذور وفروة الرأس.
● لو جففتي شعرك بالديفيوزر diffuser هيديكي مظهر جذاب جدا وتمويجات متناسقة، يُفضل تستخدميه على شعر رطب مش مبلول وبعدين تدهني الكريم المرطب بتاعك.

العظماء أصحاب النوع التالت والرابع شبه بعض جدا عشان كدة هندمجهم مع بعض، عظماء عشان ديماً في معركة مستمرة لا تنتهي مع الشعر الجاف لأن زيوت فروة الرأس مبتقدرش توصل كويس لساق الشعر ةوأطرافها… كلمة السر هنا هي الترطييييب !
● إختيار شامبو وبلسم للشعر الجاف، يكون مدعم بالزيوت والزبدة المرطبة زي الشيا والكاكاو
● التقليل من إستخدام الشامبو الي بيحتوي على سلفات، ودا مفيد لكل أنواع الشعر لكن هنا أهم لأنه بيسبب الجفاف الشديد، وإستخدام شامبو منظف خالي من السلفات.
● إستخدام مسكات الشعر بصفة دورية مع كل مرة تغسلي فيها شعرك؛ مسكات الزيوت الطبيعية زي الزيتون واللوز الحلو مخلوط بزبدة شيا.
● الإبتعاد عن الحرارة هيساعدك كتير انك تتمتعي بمظهر صحي لشعرك، وكيرليهات واضحة ومميزة.
● الجيل هيحافظ على كيرليهات شعرك منظمة ومش هايشة، الأفضل هو جيل طبيعي زي جيل بذر الكتان، وممكن تحضريه في البيت بطريقة سهلة.
معيار معلقة كبيرة بذر الكتان على كوباية ونص ميا ويغلي على النار لحد ما تلاقي القوام تقل، تصفيه وترمي البذور وتستخدمي الجيل عن طريق إنه تخلطيه بالزيت المفضل ليكي وتصففي بيه شعرك وهو رطب، وتقدري تحتفظي بيه في التلاجة لمدة أسبوع؛ الطريقة دي هتحافظ على شكل منمق لشعرك وكمان أكتر رطوبة ونعومة لأن الجيل بيغلف الشعراية ويحميها من عوامل الجفاف الخارجية.

☆صور المنتجات اللي تم ذكرها هنا هتلاقيها في الكومنتات 👇
☆لو فاتك مقال ازاي تعرفي نوع شعرك اقرأيه من هنا👇
https://www.facebook.com/286391478156911/posts/2540075819455121/
*متنسيش تعملي شير ومنشن لصاحبتك عشان تعم الفائده 😍
*تابعيني كل اتنين وخميس مقالات جديده فيها معلومات مهمه ومفيده عن الشعر في سلسلة مع

06/02/2020

#شعرك جذاب وجميل أيا كان نوعه💗
النهاردة هنتكلم عن أنواع الشعر المختلفة، وإزاي هي أصلا مختلفة ... هنفهم مع بعض ليه كل شعر ليه شكله الخاص، وايه السر الي يخلي شعر ويفي وشعر تاني كيرلي وشعر مجعد وغيره ناعم !!
عندنا سببين ..

• السبب الاول ( بصيلة الشعر ) :
بصيلة الشعر بتحدد شكل الشعرة عن طريق حاجتين :
1. شكل البصيلة:
لو شكل البصيلة دائري بينتج عنه شعراية مفرودة
أما لو شكلها بيضاوي بينتج عنه شعراية ويفي
أما لو شكلها أكثر بيضاوية بينتج عنه شعراية كيرلي

2. وضعية البصيلة:
لو البصيلة في وضع مستقيم داخل فروة الرأس بينتج عنه شعراية مفرودة
أما لو البصيلة واخدة زاوية مايلة شوية بينتج عنه شعراية ويفي
أما لو البصيلة مايلة بشكل أكبر بينتج عنه شعراية كيرلي

• السبب التاني ( روابط الشعر) :
فاكرين المقال الى فات قولنا إن الشعراية مكونة من بروتين الكيراتين ( keratin )، هنقرب الصورة أكتر هنلاقي البروتين دا عبارة عن نسخ متكررة ومترابطة من حمض أميني إسمه سيستين ( cysteine )
الأحماض الأمينية بتتربط مع بعض مكونة ساق الشعرة، بتتربط بإيه ؟ هو دا سر الأشكال المختلفة للشعر!

1. روابط ثنائية الكبريت ( Disulfide bonds ) :
والسر إن كل ما قلت عدد الروابط دي، بيكون االشعر مفرود أكتر! والعكس صحيح كل ما زادت بنلاقي الشعر كيرلي أكتر!
روابط قوية جدا محدش قادر عليها، لا ميه ولا حرارة تقدر تفصل الروابط دي عن بعضها، العالجات القلويه والحمضيه بس زي منتجات الفرد الكيميائي او المعالجات الحراريه قادرة على تكسيرها
الراوبط دي لو إتكسرت من المستحيل إنها ترجع تتكون تاني، عشان كدة مواد الفرد مستمرة في الشعر حتى بعد غسله.

2. روابط هيدروجينية ( Hydrogen Bonds):
وعلى العكس تماما الروابط الهيدروجينة بسيطة جدا وبتتكسر بالحرارة والمياة، وبترجع تتكون تاني بسهولة، ومرنة كمان وبتاخد أشكال مختلفة عشان كدة نلاقي ناس تستخدم البكرات أو ناس تلف شعرها طقية أو ناس تستخدم الاستشوار والفير … دي كلها أشكال التلاعب بالروابط الهيدروجينة
بس بمجرد غسل الشعر بالمياة ترجع الروابط الهيدروجينة تتكون من جديد على شكلها وهيئتها الطبيعية.

☆نيجي بقى لتصنيف الشعر لأنواع مختلفة؛ أندروالكر هو مصفف شعر المذيعة أوبرا وينفري وصاحب التصنيف الأشهر لأنواع الشعر:

النوع الأول :
هو الشعر المفرود تماما من غير لفائف أو منحنيات، النوعية دي دايما بنلاحظ إن الشعر بيلمع ودايما مزيت ودهونه كتير، الشعراية المفرودة بتسهل وصول زيوت الفروة لكل الشعراية من جدرها لأطرافها، بعكس الشعر الكيرلي، اللفائف بتعيق وصول زيوت فروة الرأس لأطراف الشعرة.
أصحاب نوعية الشعر دي يفضل ليهم إستخدام الشامبو الجاف بدل من غسيل الشعر المتكرر عشان فروة الرأس تستمر بإفراز زيوتها بصورة طبيعية، مع البعد عن الزبدة زي الشيا أو الكاكاو .

وليه 3 أشكال :
الأول :1Aوهو شكل نادر بيتميز بيه الآسيوين وبيكون مفرود بشدة وناعم جداوالشعراية رقيقة السمك.
التاني :1B شكل منتشر نوعا ما بيتشابه مع النوع الأول إنه مفرود ولكن فيه شوية سماكة وملمسه مختلف شوية .
التالت :1C الشكل دا بيتميز إن الشعراية سميكة وخشنة شوية مقارنة الأشكال الي فاتت

النوع التاني :
الشعر المموج وبياخد شكل حرف ( S )، النوعية دي مميزة إنها لا هي مزيتة ولا ناشفة معتدلة جدا ومظبوطة.
ليه برده 3 أشكال : 2A, 2B,2C … بيتدرجوا في عدد التمويجات وسماكة الشعرة وملمسها.

النوع التالت:
بنلاحظ هنا جفاف الشعر وصعوبة وصول زيوت فروة الرأس لنهاية الشعرة بسبب زيادة اللفائف.
ليه 3 أشكال:
الشكل الاول :3A بنلاحظ فيه فتلة شعر ناعمة، سهلة التسريح، الكرليهات أو لفائف الشعر واضحة من غير إستخدام كريمات التصفيف أو الجيل.
الشكل التاني :3B كرليهات الشعر هنا ضيقة شوية وواضحة والشكل دا من الشعر بيحتاج مواد تصفيف.
الشكل التالت :3C الكرليهات ضيقة جدا، بس برده مازالت واضحة.

النوع الرابع:
كرليهات الشعر هنا ضيقة جدا وملمس الشعرة مائل للخشونة، والشعراية هشة والنوع دا عموما حساس ضد الحرارة ومواد الفرد.
وليه 3 أشكال : 4A, 4B, 4C …
لانواع واشكال الشعر هتلاقيها في الكومنتات👇

وصلنا لنهاية المقال التاني لو فاتك المقال الاول عن (مكونات شعرك ودورة حياته) اقريه من هنا👇:
https://www.facebook.com/286391478156911/posts/2535261703269866/
تابعيني لمقالات اكتر فيها معلومات مهمه ومفيده عن شعرك🤩
سلسة مقالات مع

03/02/2020

عشان تتمتعي بمظهر صحي وإطلالة جذابة #لشعرك لازم تكوني واعية وفاهمة شعرك ، خليكي معايا من النهارده هبدأ سلسلة مقالات منتظمه هتفيدك جدا ازاي تتعاملي مع شعرك صح وتعرفي سبب و حل كل مشكله فيه👩‍⚕️

:
*في الإسبوع 22 من حياة الجنين بدأت تكوين بصيلات الشعر في كل جسمه، وبتوصل لـ 5 مليون بصيلة؛ منهم 100000 بصيلة في فروة الرأس .وبيفضل عدد البصيلات ثابت مهما إتقدمنا في العمر، فبنلاحظ أحيانا أما نكبر إن شعرنا خف عن الأول مع إنه بيتساقط بمعدل طبيعي ودا بسبب تمدد فروة الرأس بسبب النمو مع ثبات عدد البصيلات فبنلاحظ إن الشعر خف ولكنه زي ما هو!

طيب إيه هيا مكونات الشعراية؟
نوضح الأول نقطة بسيطة وهي طبقات جلد فروة الرأس :
• الطبقة العلوية من طبقات الجلد اسمها Epidermis
• الطبقة المتوسطة من طبقات الجلد اسمها Dermis
• الطبقة العميقة وبتكون عبارة عن طبقة من الدهون اسمها Subcutaneous fat

الشعراية بتتكون من جزئين:
• ( البصيلة ) ودي بتكون ممتدة داخل جلد فروة الرأس تحديدا في طبقة Dermis
المكون الرئيسي لقاعدة البصيلة جزء اسمه ( Bulb ) مع انه جزء دقيق جدا الا انه هو الجزء الحي من الشعر ومتصل بالشعيرات الدموية وليه القدرة على الانقسام السريع جدا ، بتنقسم كل ٢٣ لـ ٧٢ ساعة ! ومن المدهش انها اسرع خلية في الجسم كله من ناحية التكاثر.

• ساق الشعرة ودا إلى ظاهر لينا.
ساق الشعرة بتتكون من بروتين اسمه ( كيراتين ) وموجود برده في الضوافر ودا جزء غير حي.
بينقسم الساق لـ 3 طبقات :
* الطبقة الخارجية اسمها (cuticle) عبارة عن طبقات متداخلة شبه قشر السمك و تعتبر مصدر الحماية لساق الشعرة والمسؤلة عن مرور الرطوبة لداخل الشعرة، وبسببها بتتحدد مسامية الشعرة وشكلها سواء مفرود أو كيرلي.

* الطبقة المتوسطة اسمها (cortex) بتحتوي على خيوط من بروتين الكيراتين مرتبطين بروابط هيدروجينية و كبريتية، الطبقة دي هي المسؤلة عن صلابة الشعرة وكمان لونها لأن فيها الصبغات إلى بتحدد لون الشعر.

*الطبقة الداخلية اسمها (Medulla) ، الطبقة دي مش موجودة في كل أنواع الشعر، موجودة بس في نوع الشعر السميك

الشعر ليه كمان دورة حياة زي أي خلية في جسمنا، ودورة حياة الشعرة ليها 3 مراحل:

• المرحلة الأولى ( The Anagen phase ) وهي مرحلة النمو :
90% من الشعر بيكون في المرحلة دي وهنا مرحلة نشاط الشعر بتتراوح من سنتين لـ 7 سنوات، جذر الشعرة بينقسم بسرعة وبتنمو الشعرة بمعدل 1سم كل 28 يوم، وعلى حسب مدة المرحلة دي بيتحدد طول شعرك.
والأسيوين هما أكتر ناس عندهم المرحلة دي طويلة عشان كدة ديما بننبهر بشعرهم التقيل والطويل.
ودا تفسير ليه شعر الجسم والحواجب مثلا قصير وليه طول معين مبيعديهوش ؟
عشان مرحلة نموه بتترواح من 30 لـ 45 يوم بس !

• المرحلة التانية (The Catagen phase) وهي المرحلة الإنتقالية :
3% بس من الشعر كله بيكون في المرحلة دي، وهي مرحلة قصيرة مبتاخدش غيرإسبوعين أو 3 أسابيع بس.
الي بيحصل في المرحلة دي إن الشعرة بتتوقف عن النمو وتنكمش وبعدين تنفصل عن الشعيرات الدموية الواصلة بيها، الشعر في المرحلة دي الدكاترة بيسموه club hair.

• المرحلة التالتة والاخيرة (The Telogen phase) وهي مرحلة الراحة :
من 6% لـ 8% من الشعر بيكون دخل المرحلة ، والـ club hair الي ذكرناه فوق قاعد مستريح من غير انقسام لمدة 100 يوم !
في حين ان club hair قاعد مستريح، جذر الشعرة بدأ في الإنقسام عشان يكون لنا شعرة جديدة.
الشعرة الجديدة بتكبر والشعرة القديمة تاخد وقتها وتقع، ودا بيفسر لنا وقوع من 50 لـ 100 شعرة يوميا من غير ما يتأثر شعرنا أو يخف.

**تابعيني للمزيد من المقالات و المعلومات المهمه لصحة وجمال شعرك ولو عجبك المقال اعملي لايك وشير عشان تعم الفائده❤
سلسلة مقالات مع

20/05/2019

تطبيق كليوباترا سيكرت + نتيجه الشعر بعد سنه
للطلب والاستفسار داخل المملكه
مؤسسه السويدي التجاريه
0551166470

18/05/2019

الابداع في الفيديو نوعان الاول لمنتج سمارت ديتوكس الترا كير من شركة ستار كوزمتيكس البرازيلية والثاني احترافيه امل بيوتي سنتر بالمدينة المنورة في فكرة الفيديو وتطبيق المنتج على الموديل
كل عام وانتم بخير من مؤسسة السويدي التجارية الوكيل الحصري بالمملكة العربية السعودية