Rasha_Mtilej_nutritionist

Anrufen Wegbeschreibung Website Service kontaktieren

Rasha_Mtilej_nutritionist أخصائية تغذية
بساعدك مو بس تنزلي وزن بل بتسترجعي ثقتك بنفسك، وبتتصالحي مع جسمك
بأسلوب واقعي و بدون حرمان،
تابعيني وخلي التغذية تصير حبّ ذات، مو عقوبة مؤقتة

أخصائية تغذية | صحة وجمال ✨
خسارة وزن بدون حرمان أو حميات قاسية
خطة غذائية تناسب حياتك واحتياجاتك
كل شيء تحتاجه هنا👇
https://beacons.ai/rashamtilej

20/09/2026

كثير ناس بيفكروا إن كل الصحة بتتلخص بالأكل…

بس إذا بدكِ الصراحة، في شغلات بالنسبة إلي أهم من الأكل نفسه.

🏊‍♀️ السباحة لأولادي، لأنها بتحرّك الجسم، وبتعلّمهم التركيز والانضباط، وبتبعدهم شوي عن الشاشات.

💪 تمارين المقاومة، لأنها استثمار بالصحة والقوة للمستقبل. مو بس لحتى يبين شكلنا أحسن، لحتى نضل أقوياء ونعيش حياتنا بنشاط.

😴 والنوم… إذا النوم مو مرتب، كل شي بيتلخبط معه. طاقتك، مزاجك، تركيزك، وحتى رغبتك بالأكل.

لهيك قبل ما نفكر بالدايت المثالي أو الأكل المثالي…

لازم نسأل حالنا: كيف نومنا؟ قديش منتحرك؟ وشو العادات اللي عم نبنيها كل يوم؟

لأن الصحة الحقيقية ما بتنبنى بقرار كبير…

بتنبنى بعادات صغيرة منكررها كل يوم. 💙

وأنتِ، أي شغلة من هالثلاثة حاسة إنها محتاجة اهتمام أكتر بحياتك؟

18/09/2026

🔥أفضل 3 مصادر للبروتين والألياف وأوميغا3.

إذا بدك تحسّن تغذيتك بدون تعقيد، ركّز على 3 عناصر أساسية:

✅ البروتين
✅ الألياف الغذائية
✅ أوميغا 3

بهالفيديو شاركت أفضل 3 مصادر للبروتين، وأفضل 3 مصادر للألياف، وأفضل 3 مصادر لأوميغا 3، حتى يكون عندك دليل سريع لاختيار أطعمة صحية ومشبعة.

البروتين يساعد على الشبع والمحافظة على الكتلة العضلية، والألياف تدعم صحة الجهاز الهضمي وتساعد على التحكم بالجوع، أما أوميغا 3 فتعتبر من أهم الدهون الصحية لصحة القلب والدماغ. #اوميغا #بروتين #الياف

15/09/2026

إذا كنت مهتم بصحتك، مناعتك، طاقتك أو صحة عظامك، فهي أهم المعادن اللي لازم تنتبه عليها:

✔️ الحديد
✔️ الكالسيوم
✔️ الزنك

جمعتلكم أفضل المصادر الغذائية لكل
معدن مع الكمية الموجودة بكل 100 غرام

#حديد #معادن #كالسيوم #زنك

14/09/2026

في ناس رح تشوف قصة محارم…
وفي ناس رح تشوف شي تاني تماماً.
شو فهمتوا منها؟ 👇

#وعي
#العلاقات
#قصص

12/09/2026

أفضل مصادر فيتامين B12 و C و D👇

إذا بدك ترفع مدخولك من الفيتامينات بطريقة طبيعية، مو كل الأطعمة بتعطي نفس الكمية.

🐟 السلمون من أغنى المصادر الغذائية بفيتامين D
🐟 السردين من أفضل مصادر فيتامين B12
🫑 الفلفل الرومي الأحمر يتفوّق على البرتقال والكيوي بمحتوى فيتامين C

المعلومة المهمة 👇
الأكل “الجيد” ممكن يساعد، لكن اختيار المصادر الأغنى بيسهّل عليك تغطية احتياجاتك اليومية بكمية أقل.

📌 احفظ الريل لحتى ترجعله وقت تحتاجه.

⁩

10/09/2026

⁨ كل لون بتاكله وراه مركبات نباتية خاصة (Phytonutrients) بتميزه عن غيره، وهاي المركبات إلها دور مهم بدعم الصحة وحماية الجسم.

بس السر الحقيقي؟ ما في لون أهم من الثاني. 🌈

جسمنا بحاجة للتنوع، لأن كل لون بيعطينا مجموعة مختلفة من الفيتامينات والمعادن ومضادات الأكسدة والمركبات النباتية المفيدة.

لما تنوّع ألوان الخضار والفواكه بطبقك، أنت مو بس عم تاكل بشكل أجمل، بل عم تعطي جسمك تشكيلة أوسع من العناصر الغذائية اللي بيدعمها يوميًا.

خلّي طبقك زاهي بالألوان الطبيعية، وخلي التنوع جزء من روتينك اليومي. ✨🥗 ⁩

07/09/2026

هل كنتِ تعرفي إنك تقدري تكشفي جودة بعض الأطعمة بثوانٍ قبل ما تشتريها؟ 👀

🐟 السمك: كبسة صغيرة بإصبعك ممكن تعطيك فكرة عن مدى طزاجته.
🥚 البيض: اختبار المي من أسهل الطرق لمعرفة إذا كان البيض فريش.
🥑 الأفوكادو: لون مكان العود من فوق بيكشف كتير عن درجة نضجه.

احفظي الفيديو 📌 لأنه رح يفيدك بكل مرة تروحي فيها السوبرماركت، وشاركيه مع شخص دايمًا محتار شو يشتري.

#تغذية #السوبرماركت #سمك #بيض #افوكادو #فريش

05/09/2026

مو معنى هالقائمة إن باقي الأكل "مو منيح"! 🛑
هي الأطعمة هي مجرد أمثلة ممتازة و"أدوات مساعدة" بتدعم حساسية الإنسولين، لأنها غنية بالألياف، الدهون الصحية، والمغذيات الدقيقة اللي بتساعد بضبط سكر الدم.
💡 النقطة الأهم: مقاومة الإنسولين ما ببتصلّح بأكلة معينة أو بـ "سوبر فود"، ببتصلّح بـ نمط حياة كامل:
• التزام بتمارين المقاومة لبناء الكتلة العضلية 💪
• نوم عميق وتحكم بالتوتر 😴
• عجز سعرات وتغذية متوازنة بتناسب جسمك وحياتك.
📌 احفظي البوست ليكون مرجعك السريع بس تنزلي تتسوقي، وشاركية مع صبية حابة تبدأ تبني صحتها صح!
📩 لحجز استشارة ونشتغل سوا على خطة مناسبة لجسمك.. الرابط بالبايو 🔗

03/09/2026

قبل ما تهاجموني بالتعليقات، اقرأو للآخر.

اكيد إنه الخيار والبندورة والجزر والخس فيهم ألياف.
بس كم نسبه الألياف فيهم؟.
الفكرة من الفيديو هي إنهم مو مصادر غنية بالألياف، وما رح يغطوا احتياجك اليومي من الألياف حتى لو أكلت صحن سلطة كبير.

يُنصح معظم البالغين بالحصول على 25–35 غرام ألياف يومياً.

⬇️ أطعمة عالية بالألياف (لكل 100 غرام)

✅ بذور الشيا — 34 غ
✅ بذور الكتان — 27 غ
✅ اللوز — 12.5 غ
✅ الشوفان — 10 غ
✅ العدس — 8 غ
✅ الحمص — 7.6 غ
✅ الأفوكادو — 6.7 غ

🥗 أطعمة متوسطة الألياف (مصادر جيدة)

🍠 البطاطا الحلوة — 3 غ
🥕 الجزر — 2.8 غ
🍌 الموز — 2.6 غ
🥦 البروكلي — 2.6 غ
🍎 التفاح مع القشرة — 2.4 غ
🍊 البرتقال — 2.4 غ

🍅 أطعمة منخفضة الألياف (غير كافية لوحدها)

🥔 البطاطا المسلوقة — 2.2 غ
🥬 الملفوف — 2.1 غ
🍅 البندورة — 1.2 غ
🥒 الخيار مع القشرة — 0.7 غ

💡 صحن السلطة صحي وممتاز، لكن إذا كان هدفك زيادة الألياف والشبع وتحسين صحة الأمعاء، فأنت بحاجة أيضاً للبقوليات، الشوفان، البذور، المكسرات والفواكه الغنية بالألياف.

اكتبي كلمة “ألياف” بالتعليقات وسأرسل لكِ قائمتي المجانية التي تساعدني على الوصول إلى أكثر من 30 غرام ألياف يومياً بسهولة.

📩 وتأكدي من متابعتي، وإلا لن أتمكن من مراسلتك.

01/09/2026

عقلية سطل السرطانات 🦀

كثير أشخاص بيبدؤوا رحلة خسارة الوزن أو الرياضة بحماس، لكن المشكلة مو دائمًا بالنظام الغذائي أو التمارين… أحيانًا المشكلة بالبيئة المحيطة.

لما تحاول تغيّر عاداتك الصحية، ممكن تسمع تعليقات مثل:
“ليش كل هالتعب؟”
“يوم واحد ما بيأثر!”
“استمتع بحياتك!”

ومع الوقت، هاي التعليقات ممكن تسحبك بعيد عن أهدافك مثل ما السرطانات بتسحب بعضها داخل السطل.

لهيك اختار الأشخاص اللي بيدعموك، وشو المحتوى اللي بتتابعه، والبيئة اللي بتقضي فيها وقتك. لأن نجاحك الصحي بيتأثر بشكل كبير بمن حولك.

مين أكتر شخص دعمك برحلة تغيير نمط حياتك؟ 👇

Adresse

Hamburg
13321

Telefon

+4915229093201

Website

Benachrichtigungen

Erfahren Sie als Erste/r von Neuigkeiten und Aktionen: Wir schicken Ihnen eine E-Mail, wenn Rasha_Mtilej_nutritionist etwas veröffentlicht. Ihre E-Mail-Adresse wird für keinen anderen Zweck verwendet, und Sie können sich jederzeit abmelden.

Service Kontaktieren

Nachricht an Rasha_Mtilej_nutritionist senden:

Verknüpfungen

Teilen