05/06/2026
اكتر حاجة ممكن تأذي طفلك انك تحرميه من الالياف وتزودي السكر المضاف في نظامه الغذائي.
السكر المضاف من العصائر المعلبة ، المربي ، النوتيلا والحلويات هيلخبط حاسة التذوق عند طفلك وهيخليه صعب يلتزم بنظام صحي باقي حياته.
غير مخاطر السكر المضاف في زيادة الاصابة بالسمنة عند الاطفال، الكبد الدهني واحيانا بيدخل في مشاكل صحية تسبق سنه زي السكر مم النوع الثاني
طيب والالياف؟
الأكاديمية الأمريكية لطب الأطفال AAP بتوصي ان كل طفل ياخد الياف يوميا في غذائه
ايه هي فوائد الالياف؟
الألياف بتملي البطن و تحسن الاحساس بالشبع
بتبطئ من ارتفاع الجلوكوز في الدم فتقلل ارتفاعه المفاجئ
بتحسن من حركة الجهاز الهضمي و تقلل الأمساك
بتقلل الكوليسترول في الدم
وفيه ابحاث بتؤكد انها بتقلل خطر الأصابة بسرطان القولون والعياذ بالله
مصدر الألياف ٥ حاجات
-الخضار بكل انواعه
-الفاكهة الكاملة ( مش العصير)
-الحبوب الكاملة زي الشوفان , البليلة , الفريك , البرغل , مخبوزات القمح الكامل و الكينوا
المكسرات و صحيا الأفضل تكون غير مملحة
-البقوليات زي الفول , العدس , الفاصوليا , اللوبيا
طيب طفلك محتاج قد ايه الياف يوميا؟
تتحسب بسهولة جدا
سن الطفل + ٥ = عدد جرامات الألياف اللي محتاجها
يعني لو ابن حضرتك 5 سنين يبقي ٥ +٥= ١٠ جرام الياف يوميا
يبقي نعمل ايه عشان نزود الالياف في غذاء اطفالنا
حاولي تزودي نسبة الالياف في أكل اولادك و تنوعي في مصادرها
متبوظيش صحة اطفالك بكلام ملوش دليل علني وتبعديهم عن الالياف المهمة والمفيدة لصحتهم
مصادر كل المعلومات موجودة في التعليقات
اكتبلنا في التعليقات سؤالك عن الالياف او عن السكر المضاف
