دردشة صحية - Health Talk

30/05/2026

انا ممكن أصدق ان مارك روبوت او من الزواحف
بس اللي مش ممكن اصدقة ان محمود صلاح دكتور

30/05/2026

محمد رمضان و الراجل دا عايشين في نظرية مؤامرة علي الضيق كده
بيفكرني بحد كده 😂😂

30/05/2026

من يومين ثلاثه كده
الفيس بوك بعتلي قالي مش عاوز تشغل ال AI agent علي صفحتك؟
قولتله شغل ياعم ممكن يساعد في الرد علي الرسائل او الكومنتات و لا حاجه
دخلت علي الرسائل النهارده
لقيت الراجل المحترم دا باعت لينك لبوست عادي
و لقيت ال ai رادد عليه انه مش هيعرف يشوف البوست
فالراجل مردش
قام قايله بقولك ايه؟
ما تجرب ال Fitbit Air بيقولوا حلوه و بتاع 😂😂
دا جاي يسوق لمنتجات علي حسابي 😂😂

29/05/2026

هو انت مش ماشي علي نظام الطيبات؟
لا انا ماشي علي نظام التخفيضات 😂😂
اي حاجه عليها تخفيض مسموحة

29/05/2026

الفيديو دا فيه كمية قلة ادب و سفاله ما انزل الله بها من سلطان و هذا للاسباب الاتية

اولا دا مش علاج طبيعي اصلا دا هبل

ثانيا مفيش حاجه اسمها اطلع اعالج مريض علي لايف في تيك توك لان المريض ليه خصوصية و حرمه

ثالثا مفيش حاجه اسمها هتقصر رجل او تطول رجل بالخبط و الرزع دا

رابعا مفيش حمار يمضيكي علي انه هيلمسك و يحط رجليه فوقيكي

و لو دا حصل اطلعي اعملي محضر في قسم الشرطة و قولي ان دا حيوان و مش متربي و اتحرش بيا

دا ملوش علاقة بالطب و لا العلاج الطبيعي

و مفيش حاجه اسمها نمضي حد ان احنا هنلمسه في اماكن لا يحل لنا لمسه فيها

اللي ميعرفش دا واحد اسمه احمد ابو النصر لعلاج العصر و معرفش دا متساب ازاي كده

29/05/2026

28/05/2026

فيه شاب جميل اسمه ابو النوران
جرب نظام الطيبات علي نفسه لمدة اسبوع و منزل تجربتة علي اليوتيوب
فيديو عظيم جدا
لكن طبعا لا انصح حد انه يجرب اي دواء او اي نظام علي نفسه بدون إشراف طبي

28/05/2026

هو ازاي مفيش رقابة علي المحتوي دا؟
قُلْ أَبِاللَّهِ وَآيَاتِهِ وَرَسُولِهِ كُنْتُمْ تَسْتَهْزِنُونَ
فين وزارة الأوقاف او النقابة العامة لمحفظي و قراء القرآن الكريم؟

28/05/2026

اتمني حد يرد عليا بجد
ازاي دا شخص فاتح عيادة و بيعطي للبنات حقن هرمونات بالمنظر دا بادوية غير مرخصة و غير معلومة المصدر و عادي كده؟
دا اسمه دكتور احمد النعماني
فاتح عيادة في المنصورة
شارع الامام المراغي المجمع الطبي التخصص - عيادات الفردوس
و دا رقمه 01004043468

26/05/2026

اوعي تخلي اي نظام في الدنيا يمنعك من الاكل والشرب في هذه الأيام 🐔🥚🍕
لا تقولي صيام متقطع و لا صيام متصل 😂😂
كل عام و انتم بخير ❤️
عيدكم مبارك ان شاءالله ❤️🫶🎉