27/07/2026
من حقك تشتغل في بيئة عمل مريحة.
ومن حقك تاخد الراتب البتستحقه.
ومن حقك تشتغل وإنت مطمئن، وما تكون شايل هم إنو بكرة ممكن يتخلوا عنك أو إنك كل يوم داخل الشغل وإنت خايف على وظيفتك.
ومن حقك تحس بالتقدير، وإنو تعبك ومجهودك الناس شايفاه ومقدراه.
ومن حقك تشتغل مع زملاء محترمين، بعيدًا عن الناس الـ toxic والمشاكل والصراعات اليومية.
ومن حقك تكون مرتاح في شغلك لدرجة إنك تمشي ليه وإنت مبسوط، ما وإنت زهجان أو مجبر.
ومن حقك يكون عندك مدير وإدارة تتعامل معاك باحترام، تسمع ليك، وتدعمك، وتحفظ حقوقك.
ومن حقك تشتغل في مكان كل يوم تتعلم فيه حاجة جديدة وتحس إنك بتتطور، ما مكان يوقفك في نفس النقطة سنين.
أوع تقبل بأقل من كده.
وأي مكان ما بديك الإحساس دا، أو كل يوم بيطفي فيك الحماس ويأثر على نفسيتك… اتخارج منو أول ما تلقى فرصة أفضل.
الشغل جزء كبير من حياتك، فلا تخلي الجزء دا يكون سبب في تعاستك
صحتكم بتهمنا💜
عافانا الله وإياكم من كل سوء💛
🔃اعمل مشاركة قد تفيد غيرك
#بدعمكم #نستمر
دمتم بخير وصحة وسلامة 🌺
𝐃𝐫.𝐌𝐨𝐧𝐭𝐚𝐬𝐫 𝐌𝐨𝐡𝐚𝐦𝐞𝐝👨⚕️
