05/03/2023
السلام عليكم..
إنه مارس يا نساء 💟☮️
يلا ده مارس ،والمعروف انه، هو شهر الاحتفاء بالنساء حول العالم .. يعني شهرنا، شهر رفع الوعي بقضايانا، شهر الانصات لأصواتنا، شهر التمجيد لنضالاتنا اليومية في كل مناحي الحياة.. ما اصلاً، نحنا قلب الحياة .
الشهر ده مناسبة عظيمة لتدشين منصة عظيمة زي عظمة امهاتنا الأوائل، الميارم، الكنداكات والتايات، وبرضو زي عظمتنا نحنا حفيدات أمة الأمجاد…سودانيات اليوم. زي تاريخنا، حضارتنا وتقاليدنا، و زي عظمة قدراتنا الإبداعية في تدبير الحلول وصناعة المبادرات اللي بترفع شأن بلدنا وبتخليها يمشي خطوة وخطوتين والف ميل.
بدون إطالة كده.. يلاكم نحتفل بتدشين زينة، المنصة الرقمية النسائية للخدمات التجميلية في السودان.
يعني منصة من النساء، و بالنساء وللنساء..
نحنا فريق من تلاتة نسوة، الله قدرنا عشان نستخدم التكنولوجيا ونيجي بحل يعالج بعض اكبر المشكلات اللي بتواجهنا كنساء سودانيات كل يوم.
المشكلات دي هي :
* تفشي البطالة و انعدام فرص العمل
* التهميش الاقتصادي(الممنهج)
* صعوبة الحصول علي خدمات زينة تجميلية
* انعدام منتجات الزينة الجيدة والحلال اللي مش فيها اضافات محرّمة او مخلفات حيوانية.
زينة جاية بحل لكل المشكلات دي و اكتر…
بتعمل زينة، كسوق شاملة، بتقدم نموذج الشباك الواحد لكل خدمات الزينة التجميلية ومستحضرات الجمال والعناية الشخصية اللي بنحتاجها نحنا النساء السودانيات كل يوم.
كيف؟
* زينة تطبيق للموبايل و منصة رقمية بتربط السيدات خبيرات التجميل و العناية الشخصية بالسيدات المحتاجات لمهاراتهن وخدماتهن … اي سيدة ممكن تطلب اي نوع من انواع الزينة والعناية الشخصية..عشان تتمتع بتجربة تجميلية سارة 🧖♀️ 💆♀️ 💇♀️ 🕜💅👑
* بتوفر زينة منتجات تجميل مصنوعة بشكل خاص للمراة السودانية : [منتجات باعلي جودة ، يعني مصنعة بواسطة افضل مراكز بحوث وتطوير مستحضرات التجميل في العالم]. [منتجات💯 % حلال، يعني مش بتحتوي علي شحوم الخنازير و لا اي مخلفات حيوانية عندنا شهادات شرعية]. [منتجات صديقة للبيئة ♻️ ومش فيها مواد كيميائية مسرطنة، عندنا شهادات مختبرية]
* بتوفر زينة المنصة + منتجات التجميل+معدات التجميل لخبيرات التجميل عن طريق الشراء بالتقسيط .. يعني لو انتي سيدة وخبيرة تجميل ، وعايزة تبدئي عملك الخاص في قطاع الزينة والتجميل ولكن مش عندك منتجات ولا عدة الشغل ومش عارفة تلاقي زبائن.. يبقي ما تشيلي هم .. زينة بتوفر ليك منتجات ومعدات التجميل زايد منصة رقمية ساهل انك تستخدميها، عشان تعرضي خدماتك علي العملاء.. وتدفعي تكاليف المنتجات دي بالتقسيط المريح .
* نحنا شركة ناشئة بتستخدم منهج كده اسمه (الاقتصاد الاجتماعي التضامني) عشان نقدر نلاقي حل لمشكلاتنا نحنا النساء السودانيات .. الحل ده بيمكن المرأة السودانية من الاستفادة القصوي من وسائل التكنولوجيا وتلاقي فرص اقتصادية كبيرة تخليها تصل للحرية المالية .. وفي نفس الوقت بنقدر نطور تراثنا بتاع الزينة التجميلية ونخليه يكون حاجة مواكبة.
كل سنة والسودانيات بالف خير 🧕🏿🧕🏾🧕🏽
