حجزك - Hajzak

حجزك - Hajzak تطبيق حجز المواعيد الطبية في جميع العيادات الخاصة في السودان.
(2)

- مالك ماسك بطنك؟- حارقاني ياخ 24 ساعة- طيب ما تجرب الرماد- انت جنيت صاح؟- انا عارف بقولو كدا .. طيب شاكي تاني من حاجة غ...
31/08/2026

- مالك ماسك بطنك؟
- حارقاني ياخ 24 ساعة
- طيب ما تجرب الرماد
- انت جنيت صاح؟
- انا عارف بقولو كدا .. طيب شاكي تاني من حاجة غير الحرقان؟
- في حفلة في بطني، منفوخة وفيها غازات .. وريحة خشمي ما بتتقابل .. ألم في المعدة وحموضة .. بتكون ايامي قربت
- بتكون عندك جرثومة مثلا يا ظريف، امشي الدكتور

لو حسيت بالأعراض دي "تم" بنتواصل معاك

حصل جاتكم جرثومة معدة؟ استخدمتو علاج الدكتور ولا العلاج البلدي؟

#حجزك

- والله عمك دا حيرنا ذاتو بلقا مقاسه من وين 😂- انا المحيرني انه مكره الأولاد الكورة في الميدان، ومدخل نفسه في مجاعة عجيب...
30/08/2026

- والله عمك دا حيرنا ذاتو بلقا مقاسه من وين 😂

- انا المحيرني انه مكره الأولاد الكورة في الميدان، ومدخل نفسه في مجاعة عجيبة وبعد دا كله ما بيضعف

- جوع شنو البينحف، الجري براه ما بيحر.ق الجسم بعد شوية بتعود ومابينزل .. كمان في ناس الواحد ما بياكل كتير لكن بياكل أكلة واحدة دسمة شديد زيت ودهن فما بينحف .. السهر والنوم الملخبط

والهرمونات ديل بقللو الحرق .. ولا عمك دا بيكون اصلا عنده مشكلة صحية ما جايب ليها خبر محتاج يعالجها أول زي مقاومة الأنسولين، مشاكل في الغدة، نقص الحديد وفيتامين D

الصحة محتاجة تعب، والتعب محتاج زول يمشي معاك ويوجهك خطوة بخطوة
محتاج دكتور تغذية "تم" بنتواصل معاك

#حجزك

اليوم مالك ما أكلتي الشطة وما سألتي منها ما .. عندي حرارة في خشمي ما قادرة😢 خوفتيني .. دي حاجة عادية بتروح براهاإذا كانت...
29/08/2026

اليوم مالك ما أكلتي الشطة وما سألتي منها ما ..
عندي حرارة في خشمي ما قادرة😢

خوفتيني .. دي حاجة عادية بتروح براها

إذا كانت الحرارة "التقرحات" متكررة معناها ما حاجة عادية خلي بالك 💔

التقرحات في أكثر من مكان .. تزيد مع الحوامض .. ما بتاكلي وبتتكلمي عادي ..
ممكن تكون من نقص الحديد أو فيتامين B12 أو مناعتك ضعيفة😟

إذا بتتكرر معاك، أسبوعين ما راحت، معاها حمى، كدا محتاجة استشارة
"تم" بنتواصل معاك

#حجزك

- يا بابا ينفع أدي صاحبي اللوزة التالتة حقتي؟- كيف الكلام دا؟ 😳- مش الدكتور قال عندي لوزة تالتة .. وصاحبي ما عنده لوز أص...
29/08/2026

- يا بابا ينفع أدي صاحبي اللوزة التالتة حقتي؟
- كيف الكلام دا؟ 😳
- مش الدكتور قال عندي لوزة تالتة .. وصاحبي ما عنده لوز أصلاً شالوها ليه بعملية
- 😂😂 يا سلام عليك يا صاحب صاحبك .. بس اللوزة التالتة ما زي باقي أعضاء الجسم ممكن نتبرع بيها .. هي أصلاً عاملة لينا لخبطة ومشاكل .. بتخليك تشخر، تنوم وخشمك فاتح، وبيجيك زكام كتير، وصوتك متغير، نفسك بيقطع في النوم .. عشان كدا بنطلعها برا ونريحك منها
- ما ممكن نعمل حاجة تانية غير العملية؟😟
- شوف يابطل .. مرات الدوا والبخاخات بتنفع لو اللوزة صغيرة .. لكن لو كبيرة وبتقفل النفس الدكتور بقول أحسن تطلع بعملية .. العملية بسيطة 20 دقيقة بس وبعدها بتنوم كويس وبتاكل كويس وما بتتعب ما تخاف دي عملية ساهلة شديد ..

اللوزة التالتة معطلة ولدك؟
في حجزك بتحجز مع دكتور أنف وأذن وحنجرة وبوريك هل محتاجة عملية ولا علاج بس

أطفالكم عندهم اللوزة التالتة؟ خايفين من العملية؟ احكوا لينا في التعليقات 👇

#حجزك

- الليله مالك ما قمتي على النظافة؟- كتفي واجعني شديد - تاني القطيعة قامت عليك .. لكن هي ما تقوم عليك لشنو؟ يومك كله مدنق...
28/08/2026

- الليله مالك ما قمتي على النظافة؟
- كتفي واجعني شديد
- تاني القطيعة قامت عليك .. لكن هي ما تقوم عليك لشنو؟ يومك كله مدنقرة في التلفون
- يعني يا امي الا التلفون .. شيل الشنطة وعتيل الكتب والكراسات الكل يوم دا ما بيعمل لي قطيعة .. و شيل جردل الموية للعدة يا أمي.. انتو حتعملو لي إعاقة ما قطيعة بس
- خلي الفصاحة وختي التلفون وامشي ارتاحي شوية واعملي ليك كمادات دافية ورياضة خفيفة بتبقي كويسة

امشي الدكتور طوالي لو
الكتف ورم، في حرارة، أسبوعين والألم ما راح، ما قادرة ترفعي يدك نهائي

كتفك واجعك ومعطلك؟
احجز معانا في حجزك وحنوصلك بدكتور عظام

انتو بتتعاملو مع القطيعة كيف؟

#حجزك

- يا نور انتِ ما ماشة الجيران الليلة ما الغداء؟- أنا تاني أمشي آكل في مناسبة؟ مستحيل - انتِ من مناسبة ناس خالتو نوال تب...
28/08/2026

- يا نور انتِ ما ماشة الجيران الليلة ما الغداء؟
- أنا تاني أمشي آكل في مناسبة؟ مستحيل
- انتِ من مناسبة ناس خالتو نوال تبتي شكلك 😂😂
- ما بنسى كنت عايزة أموت يااخ .. الليل كله في الحمام واستفرغ وجسمي هبط
- لكن يا نور التسمم دا ما إلا من أكل المناسبات .. هنا في البيت الأكل البايت برا، يدينك الما غسلتيهم كويس، الأكل الما مستوي كله دا ممكن يبيتك في المستشفى
- انتِ جادة؟ 😟
- ما تخافي كده .. التسمم بتلحقيه .. سوائل كتيرة، محلول جفاف، راحة، وما تحاولي تخادي فلاجين عشان توقفي بيه الاسهال شوفي أقرب مركز ليك عشان تعوضي السوائل المفقودة
متين نمشي المستشفى طوالي؟
لو في دم في الإسهال، جفاف شديد، ترجيع مستمر والحوامل وكبار السن والأطفال ما يستنوا نهائي

حصل جاك تسمم من الأكل؟ احكوا لينا تجاربكم

#حجزك

- خالد يا خااالد انت ياولد دا شنو مبهدل الدنيا كدا انت واخوانك .. كرهتوني البيت دا - ماما انت قاعده تصرخي كدا ليه انا سا...
27/08/2026

- خالد يا خااالد انت ياولد دا شنو مبهدل الدنيا كدا انت واخوانك .. كرهتوني البيت دا
- ماما انت قاعده تصرخي كدا ليه انا سامعك .. ودا ما انا ديل اولادك ديل
- خلاص خلاص ما ترفع لي ضغطي .. لم الالعاب دي
- ماما هو انا ريموت؟ كل مره ارفع ضغطك
- خلاص يا ولد طير من قدامي هسى

هل فعلا الضغط بيرتفع بضغطة زر زي خالد ما بيعمل مع امه؟
الحقيقة .. ايوه .. بس ما بالطريقة دي

الغضب، الزعل، التوتر مشاعر طبيعية
لكن لما تكون معانا طوالي واقل شي بيحركها ..
الجسم بيبدأ يتعب لحدي ما تجي لحظة وينهار زي حيطة في الخريف

علامات الخطر .. صداع، زغللة ودوخة، ألم في الصدر، تعب من أقل مجهود
لو حسيتي بواحدة منها .. كدا البنيان قرب ينهار

احجز استشارتك معانا هسي #حجزك

ورونا بتتعاملو كيف مع الضغط؟
وبتفرغو مشاعركم في شنو؟

#حجزك

- سلامة بتك يا سوسن شاكية من شنو؟- الله يسلمك يا ابوي .. ليها يومين تستفرغ وما قامت من السرير- البت دي جسمها مصفر شديد ش...
27/08/2026

- سلامة بتك يا سوسن شاكية من شنو؟
- الله يسلمك يا ابوي .. ليها يومين تستفرغ وما قامت من السرير
- البت دي جسمها مصفر شديد شوفي عيونها دي كيف .. قومي معاي اوديها "تتكوي"
- سجمي يا ابوي .. كي بالنار؟!
- ايوا ومن تتكوي بتقوم شديده ماشه برجولها

يا ابوي الكي ما علاج ..
الكي ممكن يخفف الأعراض شوية بس .. زي المسكن بالضبط
لكن المرض لسه قاعد جوه
دا غير التشوهات البيعملها للجسم .. دا حريق من الدرجة التالتة

- يابتي من الله خلقنا بنتعالج بالكي .. الليلة بقيتيه حريق كمان؟

"الكي بصنع حرق صغير بخلي الجسم ينتبه معاه وينسى الألم الحقيقي"
يعني بركزك في الوجع الجديد عشان تنسي القديم .. بس ما بعالج السبب

لو عندك أعراض ومحتاجة استشارة "تم" بنتواصل معاك
احجزي مع دكتور باطنية عبر حجزك قبل ما تجربي أي شي

حصل جربتو العلاج بالنار؟ وهل نفع معاكم؟

#حجزك

تعبتي من جسمك البيلتهب بعد كل شيل؟؟ 😭رجولك القايم فيها الشعر بقت زي الشوك مزعجاك؟؟الحنة والرسم خليتيهم عشان مشاكل بشرتك؟...
26/08/2026

تعبتي من جسمك البيلتهب بعد كل شيل؟؟ 😭
رجولك القايم فيها الشعر بقت زي الشوك مزعجاك؟؟
الحنة والرسم خليتيهم عشان مشاكل بشرتك؟

حاسين بالمشاكل البتمري بيها بعد تشيلي جسمك..
الحبوب و الشعر التحت الجلد ، الالتهاب والاحمرار، والتهيج
دي كلها حاجات متعبة وبتخليك تقولي "يلا خليني أبقا جعفر كدا أحسن" 😂

لكن الموضوع بسيط وعايز خطوات بس وروتين

ولو الحبوب فيها صديد أو مؤلمة شديد ومنتشرة "تم"
بنوصلك بدكتور جلدية عبر #حجزك ❤️

احكي لينا روتينك كيف؟ وبتعاني من أي مشكلة أكتر؟ ولو مهتمة تعرفي الخطوات البتخفف عليك قولي (خطوات) وبنتواصل معاك

#حجزك

- الولد دا كبر يابتي خلاص بعد دا ضوقيه الأكل - حبوبة مصرة انه حمودي ياكل .. صغير لسه ياحبوبة يادوب 3 شهور- صغير شنو! أبو...
26/08/2026

- الولد دا كبر يابتي خلاص بعد دا ضوقيه الأكل
- حبوبة مصرة انه حمودي ياكل .. صغير لسه ياحبوبة يادوب 3 شهور
- صغير شنو! أبوك دا أربعة شهور كان نايم وقت الأكل يصحى الاكل ما بقرصه إلا نمسكه من الصحن مسك 😂
- بس الدكاترة بقولو لحدي 6 شهور
- أي أقعدي باري لي الكلام الفارغ دا، لحدي ما ولدك يجيك عواف وما بياكل

حبوبة خايفة على الطفل .. بس هي ما عارفة إنه معدة الطفل وجهازه الهضمي لسه ما جاهزين.
بعد 6 شهور الرضاعة أساسية، بس بنبدأ ندخل أكل عشان الحديد وباقي العناصر.
ابدئي بوجبة واحدة زي خضار مسلوق، فاكهة مهروسة، سيريلاك .. وزيدي شوية شوية كل ما يكبر

بس بنوصيك .. ممنوع قبل سنة .. العسل، حليب البقر، الملح والسكر والبهار.

ولو محتاجة دكتور تغذية "تم" بنتواصل معاك

بديتو لاطفالكم الأكل في عمر كم؟ وبديتو ليهم بشنو؟

#حجزك

Address

السودان/بورتسودان
Port Sudan

Website

Alerts

Be the first to know and let us send you an email when حجزك - Hajzak posts news and promotions. Your email address will not be used for any other purpose, and you can unsubscribe at any time.

Shortcuts

Share

Category