13/06/2026
အရင်နေ့က တင်ထားတဲ့ ပို့စ်ဖတ်ပြီး ယမကာလုလင် တစ်ယောက် လာမေးလို့ ဆေးဖြစ်ဝါးဖြစ်လေးပဲ သောက်ရင်ရော ရလား ဆရာ မဆိုလို့ ကိုယ့်မှာ စာ ပြန်ဖတ်ရသေးတယ် 😅
Update တွေ မသိလိုက်တာများ ရှိနေလားလို့ 😁
သက်သေအထောက်အထားတွေအရ ကျန်းမာရေးအတွက် အထူးသဖြင့် လေဖြတ်ခြင်းနှင့် နှလုံးရောဂါဖြစ်နိုင်ချေအတွက် အမှန်တကယ် "ဘေးကင်း" တဲ့ အရက်ပမာဏ ဆိုတာ မရှိပါဘူးနော်။
ဒါပေမယ့် တရားဝင်လမ်းညွှန်ချက်တွေကနေ အန္တရာယ်ကို အနည်းဆုံးဖြစ်အောင် လျှော့ချဖို့ ကန့်သတ်ချက်တွေ ပြောပြလိုက်ပါတယ်။ (ဒါတွေက သောက်သင့်တဲ့နေ့စဉ် ပမာဏ မဟုတ်ပါဘူးနော်)
အမျိုးသမီးတွေ အတွက်
တစ်နေ့လျှင် စံသတ်မှတ်အရက် ၁ ခွက် ထက် မပိုရ၊ တစ်ပတ်လျှင် ၇ ခွက်ထက် မပိုရ။
အမျိုးသားတွေအတွက်
တစ်နေ့လျှင် စံသတ်မှတ်အရက် ၂ ခွက် ထက် မပိုရ၊ တစ်ပတ်လျှင် ၁၄ ခွက်ထက် မပိုရ။ (အရင် က ကျွန်မတပည့်တွေကို ဆီးချို အတန်းမှာ သင်ပါတယ်)
စံသတ်မှတ်အရက် ၁ ခွက် ဆိုတာ ဘာလဲ?
· ဘီယာ (အရက် ၅%) ၃၅၅ မီလီလီတာ (ဗူးသေးသေး ၁ ဗူး)
· ဝိုင် (အရက် ၁၂%) ၁၄၈ မီလီလီတာ (ဖန်ခွက်သေး ၁ ခွက်)
· ဝစ်စကီ/ဗော့ဒ်ကာ (အရက် ၄၀%) ၄၄ မီလီလီတာ (ခွက်သေး ၁ ခွက်)
ကျန်းမာရေးအတွက်ဆိုပြီး အရက် စတင်သောက်ဖို့ အကြောင်းမရှိပါ — အရက်ပမာဏနည်းနည်းက "နှလုံးအတွက် ကောင်းတယ်" ဆိုတဲ့ အယူအဆဟောင်းကို အခု ငြင်းခုံနေကြပါပြီ။ မကြာခင်က လေ့လာမှုတွေ (၂၀၂၂ Global Burden of Disease အပါအဝင်) အရ လေဖြတ်နိုင်ချေအတွက် အရက် လုံးဝမသောက်ခြင်းက အန္တရာယ် အနည်းဆုံး ဖြစ်ပါတယ်
အပေါ်ကအတိုင်း တစ်နေ့ ၁ ခွက်သောက်ရင်တောင် သွေးယိုလေဖြတ်နိုင်ချေ တိုးလာပါတယ် — သွေးယိုလေဖြတ်နိုင်ချေက အရက်ပမာဏ အနည်းငယ်သောက်ရင်တောင် တဖြည်းဖြည်း တိုးလာပါတယ်။
တစ်ကြိမ်တည်းအရက်အလွန်အကျွံသောက်တာက (Binge Drinking) အလွန်အန္တရာယ်များပါတယ် — တစ်ပတ်လုံးစုစုပေါင်းပမာဏ နည်းနေရင်တောင် တစ်ပတ်ကို ၂ နာရီအတွင်း ၄-၅ ခွက်သောက်ရုံလောက်နဲ့ လေဖြတ်နိုင်ချေ အဆမတန်မြင့်တက်လာပါတယ်။
ပြီးတော့ လူတစ်ဦးချင်းစီရဲ့ အခြေအနေကလည်း အရေးကြီးပါတယ် — သွေးတိုးရောဂါ၊ နှလုံးခုန်မမှန်ခြင်း (AFib)၊ အသည်းရောဂါ သို့မဟုတ် မျိုးရိုးရှိ လေဖြတ်ဖူးသူတွေအနေနဲ့ ပိုပြီးလျှော့သောက်သင့်ပါတယ် ဒါမှမဟုတ် လုံးဝမသောက်သင့်ပါဘူး။
ကိုယ့်ဆုံးဖြတ်ချက်နဲ့ ကိုယ် သောက်သူများကိုလည်း လေးစားပါတယ် 😁
အမှတ်မှားမှာစိုးလို့ စေတနာနဲ့ လာ တည့်ပေးတာပါ 😅
စာကြွင်း : ကျွန်မကတော့ တပည့်တွေ ချက်ကျွေးတာစားပါတယ် ဘယ်သူမှလည်း မကျွေးပါဘူး 😂
မုန့်ကျွေးတာနဲ့ သံယောစဥ်တွယ်တော့တာပဲ 🤪
စတာပါ စတာပါ
ပိတ်ရက်မှာ ပျော်ကြပါ နားကြပါ ဆရာမအတွက် မချက်လာပါနဲ့လို့နော်
ကျေးဇူးတင်ပါတယ် 🤍
