Pharma Bank

20/07/2022

ကိုယ်သောက်နေတဲ့ Vitamin C ပမာဏက နည်းနေမလား? များနေမလား?
🔸🔸🔸🔸🔸🔸🔸🔸🔸🔸

ခန္ဓာကိုယ်က တခြား Vitamins တွေကို ထုတ်ပေးနိုင်ပေမဲ့ မှ Vitamin C ကိုတော့မထုတ်ပေးနိုင်လို့ အသီးအရွက်၊အသီးအနှံများ စားပေးခြင်းဖြင့် တစ်နေ့တာလိုအပ်ချက်ကို ဖြည့်ဆည်းပေးနိုင်ပါတယ်။

Q : Vit C တစ်နေ့ကို ဘယ်လောက်ထိ လိုအပ်လဲ?
A : ၁၉ နှစ်အထက် လူကြီးများအတွက် 75-90 mg ထိ လိုအပ်ပါတယ်။

Vit C ကို ပုံမှန်အားဖြင့် ရောဂါခုခံနိုင်မှုစွမ်းအားမြင့်အောင် သောက်ကြတယ်ဆိုပေမယ့် သူ့မှာ အခြားအကျိုးကျေးဇူးတွေလဲ ရှိပါတယ်။ အဲ့ဒါတွေကတော..
Blood pressure ထိန်းညှိပေးတယ်။
အရေပြား၊အရိုးနုလေးတွေ တင်းရင်းသန်မာစေဖို့ အထောက်အကူပြုတယ်။
အနာကျက်လွယ်စေတယ်။
သံဓါတ်စုပ်ယူမှုကောင်းအောင် ကူညီပေးပါတယ်။
Vit C ကြွယ်ဝတဲ့ အသီးအရွက်၊အသီးအနှံတွေကတော့ လိမ္မော်၊ရှောက်၊သံပုရာ၊စတော်ဘယ်ရီ၊အာလူး၊ခရမ်းချဉ်၊ဂေါ်ဖီထုတ်၊ဟင်းနုနွယ်၊ပန်းပွင့်စိမ်း၊ငရုတ် စတာတွေ ဖြစ်ပါတယ်။
Q: အစားအသောက်တွေမှာ Vitamin C ဓါတ်ရနေတာပဲ..အားဆေးလိုသေးလို့လား?
A: ပုံမှန်တော့ မလိုအပ်ပါဘူး။ ဒါပေမယ့် အသီးအနှံ ဘယ်လောက်စားရင် ဘယ်လောက် ပမာဏရမယ်ဆိုတာ တွက်ချက်ရတာ ခက်ခဲနိုင်ပါတယ်။ လုံလောက်မှုမရှိတာမျိုးလည်းဖြစ်နိုင်ပါတယ်။ ဒါကြောင့် အားဆေးတွေမှာ အလွယ်တွက်ထားတဲ့ ပမာဏကို သောက်ရတာ ပိုအဆင်ပြေပါတယ်။
90 mg လောက်ပဲ လိုအပ်တယ်ဆိုပေမယ့် ရေမှာအလွယ်တကူပျော်ဝင်နိုင်ပြီး ခန္ဓာကိုယ်ထဲကြာရှည်စွာရှိမနေတာမို့ ပမာဏများများသောက်လို့ရပါတယ်။
နေ့စဉ်အစားအသောက်တွေထဲလဲ Vit C ပါဝင်နေတာကြောင့် မိမိသောက်တဲ့ ဆေးပမာဏက ၅၀၀-၁၀၀၀mg ထက်မကျော်သင့်ပါဘူး။

‼️တန်ဆေးလွန်ဘေးမို့ တစ်နေ့ကို 2000 mg အထက် ကြာရှည်သောက်ရင်တော့ ဆီးကျောက်တည်တာမျိုးတွေ ဖြစ်နိုင်ပါတယ်။

With love & care 💞 ,
PharmaBank

#ဗီတာမင်စီ

16/07/2022

Covid လှိုင်းအသစ်ပေါ်လာပြန်ပြီတဲ့ဟေ့ 😓
အဲ့တော့..အားဆေးတွေနေ့စဉ်သောက်ဖို့လိုမလား? 🤔🤔

Vitamins အားဆေးတွေ မသောက်ခင်မှာ သိထားသင့်တဲ့ အချက်တစ်ခုရှိပါတယ်.။ အဲ့ဒါကတော့ နေ့စဉ်စားသောက်နေတဲ့ well-balanced diet ကို သူကအတိအကျအစားမထိုးပေးပါဘူး။

Q : ဒါဆို ဘာလို့ အားဆေးတွေ ရောင်းနေကြတာလဲ?
A : ကျွန်မတို့လူအများစုဟာ နေ့စဉ် လှုပ်ရှားသွားလာကျန်းမာနေစေဖို့ လိုအပ်ချက်တွေကို အစားအသောက်တစ်မျိုးထဲနဲ့ မဖြည့်ဆည်းပေးနိုင်လို့ပါပဲ။

Q : ဟုတ်ပြီ..ဘာ့ကြောင့် မဖြည်းဆည်းနိုင်ရတာလဲ?
A: calories လျော့တဲ့အစာတွေစားခြင်း
အသီးအရွက်အသီးအနှံများ မစားခြင်း
stress levels တွေ အရမ်းများလာတဲ့အခါ လိုအပ်ချက် ပိုများလာခြင်း
သတ်သတ်လွတ်စားသူများ အသား/ငါး ပရိုတင်းဓာတ်မရခြင်းတွေကြောင့်ပဲဖြစ်ပါတယ်။
.

Q: ဒါဆို အားဆေးတွေ သောက်သင့်ပါသလား?
A: အပေါ်က အချက်တွေထဲက တစ်ခုခုနဲ့ ငြိနေရင်တော့ သောက်သင့်ပါတယ်။
အားဆေးတွေမှာ ကျန်းမာရေးအတွက် လိုအပ်ချက်တော်တော်များများကို ဖြည့်ပေးနိုင်တဲ့ အာဟာရဓာတ်တွေ ပါဝင်ပါတယ်

🔼 Energy လိုအပ်နေတဲ့စွမ်းအင်တွေအတွက် -Vit B နဲ့ magnesium က စွမ်းအင်တွေထွက်အောင် ကူညီပေးလို့ တစ်နေ့တာ ပင်ပန်းနွမ်းနယ်မှုကို ဖြေလျော့စေပါတယ်

🔼 Mental Performance စိတ်ပိုင်းဆိုင်ရာ လုပ်ငန်းဆောင်တာတွေအတွက် -Vit B5၊Iodine နဲ့ Magnesium က ဦးနှောက်အာရုံကြောပုံမှန် လုပ်ဆောင်စေရန် အထောက်အပံ့ပေးပါတယ်။

🔼 Vision အမြင်အာရုံတွေကြည်လင်စေဖို့ - Vit A,B2၊Zinc ဓါတ်တွေက မျက်လုံးကျန်းမာရေးအတွက် ကူညီပေးပါတယ်။

🔼 Immune Support ကိုယ်ခံအားကောင်းစေဖို့အတွက် - Vit C၊ Vit D3၊Zinc တို့ကို လိုအပ်ပါတယ်။

🔼 Skin & Hair Health အသားအရည်နဲ့ ဆံကေသာအလှအတွက် - Biotin, Copper, Vit C၊Zinc အုပ်စုတို့က အသားအရေ ဆံသား ကောင်းမွန်စေဖို့ လုပ်ဆောင်ပေးပါတယ်

🟠 ကိုယ်လိုအပ်နေတဲ့ အားဆေးတွေကို နေ့စဉ်ရအောင် ကြိုတင်လုပ်ဆောင်ထားရင် ကိုယ်ကကျန်းမာနေတဲ့အတွက်ကြောင့် Covid ကူးစက်ခံရရင်တောင် အပြင်းအထန် ခံစားရမှုဒဏ်မှသက်သာစေမှာပါ။

အားလုံးကျန်းမာ အင်အားပြည့်ဝကြပါစေ။ 🙏

With love & care ,
PharmaBank

#အားဆေး

12/07/2022

ဝါဆိုလပြည့်နေ့ ဓမ္မာစကြာအခါတော်နေ့မှာ အားလုံးစိတ်ချမ်းသာ ကိုယ်ကျန်းမာကြပါစေလို့ PharmaBank မိသားစုမှ ဆုတောင်းပေးလိုက်ပါတယ်ရှင်။

26/06/2022

🩸 ဆီးချိုကတက်နေတာလာ? ကျနေတာလား? ဘယ်လိုသိနိုင်မလဲ? 🩸

🌎 ခုဆိုရင် တစ်ကမ္ဘာလုံးမှာ ဆီးချိုဝေဒနာကို ခံစားနေရတဲ့လူတွေအရမ်းများပြားလာပါတယ်....ခန္တာကိုယ်ရဲ့သွေးအတွင်းမှာသကြားဓါတ်များခြင်းကြောင့် ဖြစ်လာတဲ့ ရောဂါတစ်မျိုးဖြစ်ပါတယ်..

🩸သွေးထဲက သကြားဓါတ်တွေ အရမ်းတက်လာတဲ့အခါ စိုးရိမ်ရသလို ရုတ်တရက်ကျသွားတဲ့အခါမှာလဲ စိုးရိမ်ရပါတယ် .. သွေးထဲမှာ သကြားဓါတ်ကို အတက်လွန်ခြင်း အကျလွန်ခြင်း မရှိစေရန် မလျှော့မတင်းပုံမှန်အတိုင်း အမြဲထိန်းထားနိုင်ဖို့ အရေးကြီးပါတယ်

👉🏻များသောအားဖြင့် လူတွေက ဆီးချိုနဲ့ပတ်သတ်တဲ့ ရောဂါလကဏာတခုခုဖြစ်လာပီဆိုရင် ဆီးချိုတက်တယ်ထင်ပီး ဆေးတွေ ပိုသောက်မိတတ်ကြပါတယ် . 😔 တခါတလေမှာ ဆီးချိုတက်တာ မဟုတ်ပဲ ကျ တာလဲဖြစ်နိုင်ပါတယ်

ဥပမာ … အစားအလွန်အကျွံနည်းခြင်း၊ မိမိသောက်သုံးရတဲ့ ဆီးချိုကျဆေးရဲ့ဘေးထွက်ဆိုးကျိုးကြောင့် ဆီးချို ဝေဒနာရှင်ဟာ ဆိီးချို ကျခြင်းကိုလဲခံစားရပါတယ်

🛎 အဲ့ဒါကြောင့်ဆီးချို တက်ခြင်း နှင့် ဆီးချိုကျခြင်း လက္ခဏာများကို ခွဲခြားခြင်းသိစေရန် မျှဝေလိုက်ပါတယ်

📌ဆီးချို”တက်”ရင် ကြုံတွေ့တတ်သည့် လက္ခဏာများ

၁- ပုံမှန်ထက် ရေငတ်ခြင်း

၂- ဆီးခဏ ခဏ သွားခြင်း (အထူးသဖြင့် ညဘက်)

၃ - အနာဒဏ်ရာများ အကျက်နှေးခြင်း

၄ - အမြင်အာရုံများ ဝေဝါးလာခြင်း

၅ - အစာလွယ်ခြင်း

၆ - ရုတ်တရက် ကိုယ်အလေးချိန်လျော့ကျခြင်း

📌ဆီးချို “ကျ” ရင် ကြုံတွေ့တတ်သည့် လက္ခဏာများ

၁ - လက်များတုန်ခြင်း

၂ - ချွေးစေးများပျံခြင်း

၃ - မူးမော်ခြင်း

၄ - ရုတ်တရက် ကယောင်ကတမ်းဖြစ်ခြင်း

၅ - ပင်ပန်းနွမ်းနယ်လွယ်ခြင်း

၆ - ခေါင်းကိုက်ခြင်း

⚠️ မှတ်ချက် - အမှန်အကန်အတိကျဆုံးကတော့ ဆီးချိုတိုင်းစက်ကိ၇ိယာဖြင့် သွေးဖောက်စစ်ခြင်း ဖြစ်ပါတယ်

🌈စောစီးစွာ သိရှိထားခြင်းအားဖြင့် နာတာရှည် ဆီးချိုဝေဒနာခံစားခြင်းက ကင်းလွတ်အောင် ကုသနိုင်ပါတယ်

အားလုံး ကျန်းမာချမ်းသာ ရောဂါဝေဒနာကင်းရှင်းကြပါစေရှင်

With 💞
#ဆီးချို

20/06/2022

💊 ခန္ဓာကိုယ်အတွက် ဘယ်လိုအာဟာရမျိုး လိုအပ်နေတာလဲ? 💊


📌ကျွန်မတို့ ငယ်တုန်းက လူကြီးတွေပြောနေကျစကားဖြစ်တဲ့ "ပေါက်ကရတွေမစားနဲ့နော်" "အာဟာရရှိတာဆို မစားချင်ကြဘူး" လို့ပြောပြောနေကြတာက အလကားပြောတာမဟုတ်ပါဘူး။ အာဟာရရှိတာတွေစားမှ ခန္ဓာကိုယ်က ကြီးထွားမယ်၊ ဖွံ့ဖြိုးမယ် ၊ နေ့စဉ်လုပ်ငန်းဆောင်တာများကို လုပ်ဆောင်နိုင်မှာပါ။

📌 *အာဟာရ* ဆိုတာ အားရှိတဲ့ အစားအစာလို့ အလွယ်တကူ နားလည်ထားနိုင်ပေမဲ့ သေသေချာချာသိနေတဲ့အခါ ကိုယ့်မိသားစု၊ပတ်ဝန်းကျင်ကို ဗဟုသုတ ပြန်မျှဝေလို့ရတာပေါ့နော်။

အာဟာရ မှာ (၂) မျိုးရှိပါတယ်။
၁) Macronutrients - proteins/ carbohydrates/ fats/ water
၂) Micronutrients - vitamins / minerals
Macro ဆိုတာ များများလိုအပ်တာကိုပြောတာပါ။ ဉပမာ- အသားဓာတ်၊ကစီဓာတ်၊အဆီ၊ရေ
Micro ဆိုတာ အနည်းငယ်လိုအပ်တာမျိုးပါ။ ဉပမာ- ဗီတာမင်၊သတ္တုဓာတ်

📌တခါတလေ စားတော့စားတာပဲ..အာဟာရပြည့်နေသလို မခံစားရဘူးဆိုတာဘာဖြစ်လို့လဲ?
အစာခြေစနစ်မကောင်းလို့
အစာစုပ်ယူမှုအားမကောင်းလို့
အချို့အသက်အပိုင်းအခြားတွေမှာ လိုတာထပ် ပိုလိုအပ်လို့ပါ . ဘယ်လိုလူတွေလဲဆိုတော့..ကိုယ်ဝန်ဆောင်မိခင်တွေ၊လေးဖက်စသွား ဘေဘီလေးတွေ၊မြီးကောင်ပေါက်အရွယ်လေးတွေ၊ဇီဝကမ္မလုပ်ဆောင်မှုမြန်တဲ့ သူတွေ၊ နာတာရှည်ရောဂါရှိသည်တွေနဲ့ အားကစားသမားတွေပါ။

📌အာဟာရ နှစ်မျိုးထဲက အမေးများတဲ့ micronutrients ဖြစ်တဲ့ ဗီတာမင် အကြောင်းကို အဓိကထားပြောပြပါမယ်။

ဗီတာမင် မှာ လဲ ( ၂ ) မျိုး ထပ်ခွဲထားပြန်ပါတယ်.
1. fat soluble vitamins (အဆီပါအစားအစာများနှင့် တွဲစားလျှင်အာဟာရ အပြည့်အဝရပါတယ်တယ်) Vitamin A,D,E,K
2. water soluble vitamins (ခန္ဓာကိုယ်မှ အလွယ်တကူ စွန့်ထုတ်ပြီး မထိန်းသိမ်းထားနိုင်လို့ သတိထားပြီး ပုံမှန် အားဖြည့်နေဖို့လိုပါတယ်တယ်) Vitamin B,C

📌ဗီတာမင် တစ်ခုချင်းရဲ့ အရေးပါပုံ နှင့် ရရှိနိုင်သော အစားအစာတွေက..

🔹Vit A - မျက်လုံးအားကောင်းစေပါတယ်တယ်အစိမ်းရင့်ရင့် အရွက်၊ အဝါရင့် အသီးအရွက်တွေ [ ရွှေဖရုံသီး ၊ ကန်စွန်းဥ ၊ မုန်လာဥနီ ]

🔹Vit D - အရိုးအားဖြည့် ၊ ကိုယ်ခံစွမ်းအားကောင်းစေပါတယ် ငါးအသားလွှာ [ tuna/salmon ]

🔹Vit E - antioxidants အနေနဲ့ နာတာရှည်ရောဂါတချို့ မဖြစ်အောင် ကာကွယ်ပေးပါတယ်တယ် [ဥပမာ - ကင်ဆာ ၊ နှလုံးရောဂါ ] အခွံမာအစေ့အဆံ ၊ cereals

🔹Vit K - သွေးခဲစေတဲ့ အစွမ်းရှိလို့ သွေးကျဲဆေးသောက်နေသူများ၊ သွေးအလွယ်တကူ ယိုစိမ့်သူများ တွက် မရှိမဖြစ်လိုအပ်ပါတယ်တယ်။ [အစိမ်းရင့်ရင့်အရွက်၊ နို့ထွက်ပစ္စည်း]

🔹Vit B1,B2,B6,B12 - စားလိုက်သော အစားအစာများမှ energy ထွက်လာအောင် ၊ ဦးနှောက်နှင့် အာရုံကြောအားကောင်းအောင် ၊ ကိုယ်ခံစွမ်းအားကောင်းအောင် ၊ အသားအရေ/ဆံသား/ခြေသည်းလက်သည်း အားဖြည့်စေရန် လုပ်ဆောင်ပေးပါတယ်တယ်။ [အသား၊ငါး၊နို့ထွက်ပစ္စည်း၊ဥအမျိုးမျိုး]

📌သတ်သတ်လွတ်စားသူများ Vit B ဖြည့်စွက်စာ( supplement )ကိုမဖြစ်မနေသောက်ဖို့အကြံပြုပါတယ်။
Vit C collagen ထုတ်ပေးဖို့ လိုအပ်သလိုသလိုအနာကျက်လွယ်ကူစေပါတယ်။ နောက်ပြီး သူက ကိုယ်ခံစွမ်းအားကောင်းစေပါတယ်။ antioxidant အနေနဲ့ ရောဂါတချို့ ကာကွယ်ပေးပါတယ်တယ် အချဉ်ဓါတ်ပါသော အသီးအနှံများ

📌Antioxidants action ရှိသော Vitamin များ - A , C , E


Take Home Message
*********************
✔️ မျှတသော အစားအစာ ( protein / carbohydrate / vitamin / mineral ) နေ့စဉ် စားပေးပါ။

✖️ဆေးလိပ်လုံးဝမသောက်ပါနှင့် ( ဆေးလိပ်ကြောင့် ခန္ဓာကိုယ်ထဲရှိ Vit C သိုလှောင်မှုကို မြန်မြန်ကုန်ခန်းစေလို့ပါ။

✔️ကိုယ်ဝန်ဆောင်ချိန်တွင် vitamin ဖြည့်စွက်စာ (အားဆေး) ကို မဖြစ်မနေ သောက်ပါ။

✔️အားဆေးအနေနှင့် ဖြည့်စွက်ရျ် သောက်နိုင်သော်လည်း ပုံမှန်စားသုံးနေတဲ့ အသားငါးအသီးအရွက်များကို နေစဉ်စားသုံးနေဖို့ လိုအပ်ပါတယ်

More is not Better ဆိုသလို များတိုင်းကောင်းတာ မဟုတ်တဲ့ အတွက် အားဆေးကို ပမာဏ အများကြီးသောက်စရာ မလိုပါဘူး၊ ဆေးပုလင်းပေါ်ကက အညွှန်းအတိုင်း အတိအကျ သောက်သုံးသင့်ပါတယ်။

အားလုံးပဲဘေးကင်းကြပါစေ။🙏
တခြားသိချင်တဲ့ မျှဝေပေးချင်တဲ့အကြောင်းအရာတွေရှိရင်လည်း comment/cb မှာမေးလို့ရပါတယ်နော်..

With 💕
#အာဟာရ #ဗီတာမင်မင်

26/05/2022

အတက်ရောဂါနဲ့ပတ်သတ်လို့ အခုတစ်လော လာရောက်ဆွေးနွေးကြတဲ့သူတွေကို တတ်နိုင်သလောက် ကူညီအကြံပေးဖြစ်ပါတယ်။

ပြည့်ပြည့်စုံစုံလေးသိချင်ရင်တော့ ဒီ post လေးကိုဖတ်ကြည့်ပါနော် ..

အားလုံးကျန်းမာ ဘေးရန်ကင်းကွာကြပါစေ 🙏

😲❗️အထိတ်တလန့်ဖြစ်ရတဲ့ အတက်ရောဂါ❗️😲

Epilepsy လို့ခေါ်တဲ့ အတက်ရောဂါက အချိန်မရွေး ရုတ်တရက်ဖြစ်တတ်တဲ့ရောဂါမို့လို့ ဒီ First Aid တွေသိထားရင် အထောက်အကူပြုရုံသာမကဘဲ အသက်ဘေးမှ လွတ်ကင်းနိုင်ပါတယ် ..

📌ကိုယ့်အနားမှာ လူတစ်ယောက် ရုတ်တရက် တက်နေတာမြင်ရင် ဘယ်လိုကူညီနိုင်မလဲ ?
---------------------------------------------

🔸သူ့နားမှာ လူတွေဝိုင်းအုံမနေသင့်ပါဘူး.. အန္တရာယ်ကင်းတဲ့ နေရာမှာ လှဲထားပါ

🔸အန္တရာယ်ရှိနိုင်တဲ့ အရာဝတ္ထုပစ္စည်းတွေအနီးနားမှာရှိရင် ဖယ်ရှားထားပေးပါ

🔸စတက်တဲ့အချိန်နဲ့ ဘယ်လောက်ကြာချိန်ကိုမှတ်ထားပါ

🔸လူနာကို ဖမ်းချုပ်မထားပါနဲဲ့ .. ဟိုရွှေ့ဒီရွှေ့မလုပ်ပါနဲ့

🔸 ပါးစပ်ထဲကို ဘာမှမထည့်ပါနဲ့

🔸ဦးခေါင်းကို မထိခိုက်စေဖို့အတွက် ခေါင်းအုံး သို့ ပျော့ပျောင်းတဲ့အရာတစ်ခု အောက်ကခံထားပါ

🔸အင်္ကျီလည်ပင်းက ကြယ်သီးများကို ဖြုတ်ထားပေးပါ

🔸အတက် ရပ်သွားပြီဆိုရင်တော့ လူနာ အသက်ရှုမရှု စစ်ဆေးပါ

🔸​အဲ့ဒီနောက် အသက်ပုံမှန်ရှုနေရင် recovery position တစ်စောင်းအနေအထား အတိုင်းလေးထားပါ

📌ဘယ်လိုအချိန်မျိုးမှာတော့ ဆေးရုံကိုချက်ချင်းဖုန်းခေါ်ရမလဲ ?
---------------------------------------------

နောက်ထပ်သတိထားရမှာက ..

⚠️လူနာက သူ့ဘဝမှာ ပထမဆုံးအကြိမ် အတက်ရောဂါဖြစ်ခြင်း

⚠️အတက်ရောဂါဖြစ်လာလို့ ဒဏ်ရာအနာတရတခုခုဖြစ်သွားခြင်း

⚠️၅ မိနစ်ထက်ပိုပြီး တက်နေခြင်း ဖြစ်ရင်တော့

Medical Help အတွက် ဆေးရုံ Emergency ကို ချက်ချင်းဖုန်းခေါ်သင့်ပါတယ် ..

📌 အတက်ရောဂါရှိတဲ့သူတွေက ဘာတွေရှောင်ရှားသင့်လဲ ?
----------------------------------------------

❌အတက်ရောဂါရှိတဲ့သူတွေက စက်ပစ္စည်းတွေကို ကိုင်တွယ်, အသုံးပြု, မောင်းနှင်ခြင်းမပြုသင့်ပါဘူး

❌ Toilet lock ချပြီး အသုံးပြုတာမျိုးရှောင်ရှားပါ
❌ မီးကိုင်တွယ်အသုံးပြုတာ .. ဓါး/ကတ်ကြေးလိုမျိုး ချွန်ထက်ပြီး အန္တရယ်ရှိတဲ့ အရာတွေကို ကိုင်တွယ်တာမျိုး မလုပ်သင့်ပါဘူး..

❌ Bathtub 🛀 ထဲမှာ အချိန်ကြာမြင့်စွာ ရေစိမ်ခြင်းမှရှောင်ရှားသင့်ပါတယ်

❇️ ဒီ First Aid လေးကို ကိုယ်သိရုံမဟုတ်ဘဲ နီးစပ်ရာပတ်ဝန်းကျင်ကိုပါ မျှဝေပေးရင် လူတစ်ယောက်ကို ဘေးအန္တရယ်ဖြစ်ခြင်းကနေ ကယ်တင်နိုင်ပါတယ်နော်..

အားလုံးပဲဘေးကင်းကြပါစေ။

တခြားသိချင်တဲ့ မျှဝေပေးချင်တဲ့အကြောင်းအရာတွေရှိရင်လည်း comment/cb မှာမေးလို့ရပါတယ်နော်.. အတတ်နိုင်ဆုံးမျှဝေရေးသားပေးပါမယ်။

With 💕


#အတက်ရောဂါ

27/04/2022

ကဲ ဒီတစ်ခါတော့ ဗဟုသုတရာစရာအနေနဲ့ရော အပျင်းပြေအနေနဲ့ပါ မေးခွန်းလေးဖြေကြည့်ကြရအောင်နော် ? 😉

With 💕
Team PharmaBank

11/04/2022

မြန်မာနှစ်ကူး သင်္ကြန်အချိန်အခါက်ို ပျော်ရွှင်အေးချမ်းစွာ ဖြတ်သန်းသွားနိုင်ကြပါစေလို့ Pharma Bank မိသားစုမှ ဆုမွန်ကောင်းတောင်းပေးလိုက်ပါတယ်ရှင့် ။

Happy Myanmar New Year 💦

With 💕
Team PharmaBank

01/03/2022

Vitamin B ဆိုတာကို ဘာအတွက်သောက်နေကြတာလဲဆိုတာ သိချင်ရင် ဒါလေးဖတ်ကြည့်ကြပါနော် ..
အားလုံးကျန်းမာဘေးကင်းကြပါစေ
🙏

💊❓Vitamins B အုပ်စု အားဆေးတွေက ဘာအတွက်လဲ❓💊

Vitamins တွေ အစုံအစိတွေထဲကမှ ဒီနေ့မျှဝေချင်တာလေးကတော့ ….

Betax, Neurobion, Neurovit , Neurorubin အဲ့လိုတွေ အားဆေး၊ အားဆေးဆိုပြီး ဝယ်သောက်နေကြတာ ကြားဖူး မြင်ဖူးကြမှာပါ။ ခုစာကို ဖတ်နေတဲ့သူတွေထဲမှာလည်း သောက်သုံးနေတဲ့သူတွေရှိကောင်းရှိပါမယ်နော်။

🟠 ကဲ.. ဆိုတော့ အဲဒါတွေက ဘယ်လိုအားဆေးမျိုးလဲ? ဘာတွေပါတာလဲ ဖတ်ကြည့်ကြရအောင်နော်.

ပါဝင်တဲ့ vitamin တွေက B1 B6 B12 သုံးမျိုးပါ .. ဒါဆို အတိုကောက် B 1,6,12 လို့လည်းခေါ်ကြပါတယ်နော် ။ အပေါ်ပြောထားတဲ့ဆေးကဒ်တွေမှာ ပါဝင်တာ အဲ့ဒီ ၃ မျိုး အတူတူပါပဲ။

🟠 သူ့ရဲ့လုပ်ဆောင်ချက်တွေဘာတွေလဲ?

🔸B1 က ခန္ဓာကိုယ်ကလိုအပ်တဲ့ သကြားဓါတ် ဇီဝဖြစ်စဉ်လုပ်ဆောင်ရာမှာ အထောက်အကူပြုတယ်၊ ခန္ဓာကိုယ်ကြွက်သားနဲ့ နှလုံးကြွက်သား ကောင်းကောင်းအလုပ်လုပ်နိုင်ဖို့ရာအတွက် ပံ့ပိုးပေးတယ်။

🔸 B6 ကတော့ စားလိုက်တဲ့အစားအစာတွေကို energy စွမ်းအင်တွေအဖြစ်ပြောင်းလဲပေးတယ်၊ ခန္ဓာကိုယ်အတွက်လိုအပ်တဲ့သွေးနီဉတွေ ရစေတဲ့နေရာမှာ ကူညီတယ်၊ ခုခံအားကောင်းစေတယ်။

🔸 B12 ကလည်း အစားတွေကို စွမ်းအင်အဖြစ်ပြောင်းပေးတယ်၊ ဉီးနှောက်နဲ့ အာရုံကြောအားကောင်းစေတယ်၊ သွေးနီဉတွေ ကောင်းကောင်းဖြစ်လာစေဖို့ ကူညီတယ်။

🟠 ဒီ vitamin တွေ ချို့တဲ့ရင် ဘာတွေဖြစ်နိုင်တာလဲ?

🔻 မောပန်းလွယ်တာ
🔻 အာရုံကြောအားနည်းပြီး ပျက်စီးတာ
🔻 ကြွက်သားတွေ ကောင်းကောင်းအလုပ်မလုပ်နိုင်တာ
🔻 သွေးအားနည်းရောဂါ
🔻 နှလုံးရောဂါ
🔺 ထုံတာ ကျဉ်တာ နာကျင်ကိုက်ခဲတာ တွေဖြစ်တတ်ပါတယ်။

🟠 ဒါတွေဖြစ်တော့ ကိုယ့်ရဲ့ daily life မှာဘာတွေနှောက်ယှက်နိုင်လဲ ?

🔻ကြွက်သားတွေပျက်စီးအားနည်လာတော့ အလုပ်ကောင်းကောင်းမလုပ်နိုင်တာ လှုပ်ရှားမှုတွေနှေးသွားတာမျိုးဖြစ်နိုင်တယ်။

🔻သွေးအားနည်းတော့ အမြဲလိုလို မောပန်းပြီးဖျော့တော့နေတာမျိုးဖြစ်နိုင်တယ်။

🔻အာရုံကြောတွေထိခိုက်တော့ ခေါင်းမူးလွယ်တာ၊ တခုခုဆိုသိပ်မမှတ်မိပဲ မေ့လွယ်တာမျိုးတွေဖြစ်တတ်ပါတယ်။

🟠 ဒါဆို Vitamin B1 B6 B12 ကိုဆေးသောက်မှရမလား ?

🥦 အစားအသောက်တွေကလည်း ရနိုင်ပါတယ်နော်။ ဘယ်လိုအစားအစာတွေလဲဆိုတော့

🥦 ပဲသီး၊ ပဲအမျိုးမျိူး၊ ကြက်ဝက် အသဲ၊ ဆန်လုံးညို၊ ဆဲလ်မွန်ငါး၊ တူနာငါး၊ ငှက်ပျောသီး၊ သစ်ကြားသီး၊ ပင်လယ်စာတွေကနေ ရနိုင်လို့ ဒါလေးတွေ ပါအောင်စားပေးလို့ရပါတယ်။ တကူတကရှာဝယ်ရတဲ့ အစားအစာမျိုးတွေမဟုတ်ဘဲ လွယ်လွယ်ကူကူစားသုံးပေးလို့ရပါတယ်နော်။

💊 အားဆေးအနေနဲ့ သုံးစွဲချင်ရင်တော့ .. ဥပမာ

Vitamin B Complex (DHA B-plex)

Vit B1, 6, 12 (Betex/Neurobion/Daneuron)

Mecobalamin (Vit B12) တွေကို ဆေးဆိုင်တွေမှာ pharmacist ကိုမေးပြီး ဝယ်ယူသောက်သုံးနိုင်ပါတယ်လို့အကြုံပြုလိုက်ပါတယ်။

တခြားသိချင်တာများရှိရင် cb or comment မှာအချိန်မရွေးမေးနိုင်ပါတယ်နော် ။

With 💕,


#အားဆေး

22/02/2022

Lets defense ourselves with vaccination 😊

❓❓ Flu Vaccine ရော Covid Vaccine ရော ၂ မျိူးလုံးထိုးလို့ရလား ❓❓

“ Pharma Bank မိတ်ဆွေများရှင်..Centers for disease control and prevention ( CDC ) မှ flu vaccine နဲ့ covid-19 vaccine ကို အတူတူထိုးနိုင်ပါတယ်ဆိုပြီး မနေ့ကပဲ သတင်းကောင်းလေးထွက်လာပါတယ် “

🔹လတ်တလော သိထားတာက ဘယ် vaccines မဆို (အထူးသဖြင့် flu vaccine)ကို covid vaccine နဲ့ အနည်းဆုံး ၂ ပတ်ခြားပြီးမှ ထိုးရမှာဖြစ်ပါတယ်

🔹CDC မှ ရာသီတုပ်ကွေး flu vaccines ကိုလဲ အရင်ကလို နှစ်စဉ်ပုံမှန် ဆက်ထိုးနေဖို့လိုကြောင်း နဲ့အသက် ၆လ အထက် မည်သူမဆို ထိုးသင့်ကြောင်း ထပ်မံပြောထားပါတယ်

🔹ရာသီတုပ်ကွေး ကာကွယ်ဆေးကို နောက်ဆက်တွဲ အနန္တရာယ်အများဆုံး ဖြစ်နိုင်တဲ့ အသက် ၆၅ နှစ်နှင့်အထက်လူကြီးများ ၊ ပန်းနာရင်ကြပ် ၊ ဆီးချို ၊ နှလုံးရောဂါ ရှိသူများ နှင့် ကိုယ်ဝန်ဆောင်အမျိုးသမီး တို့မှာ မဖြစ်မနေ ထိုးပေးသင့်ပါတယ်

❓ဒီ vaccine နှစ်မျိုးကို အတူတူ ထိုးလို့ ကိုယ်ခန္တာမှ လက်ခံနိုင်ပါ့မလား ဆိုပြီး မေးစရာရှိလာပါတယ်

အဖြေကတော့ ခံနိုင်ရည်ရှိပါတယ် ☺️ 💪🏻

ကျွန်မတို့ ငယ်ဘဝတုန်းက ထိုးခဲ့တဲ့ ဝက်သက် ပါးချိတ်ရောင်နာ ဂျိုက်သိုး ရေကျောက် ကာကွယ်ဆေး (MMR / MMRV Vaccine) မှာလည်း သုံးမျိုးစပ် လေးမျိုးစပ် ပေါင်းထားတဲ့ vaccine ဖြစ်လို့ပါပဲ

🔹လူနာအတွက်လဲ ပို အဆင်ပြေပါတယ် …flu vaccine က တကြိမ်ထဲထိုးတာ ဖြစ်တဲ့အတွက် ဆေးရုံဆေးခန်းသွားရတဲ့အကြိမ်က တခါထဲဆိုပေမယ့် covid vaccine က နှစ်ကြိမ်ထိုးရတဲ့အတွက် ဒီ ဆေးနှစ်မျိုးလုံး ထိုးမယ်ဆို ၃ ကြိမ် အပြင်ထွက်ရမှာပါ…အပြင်ပိုထွက်ရလေ ပိုးထိတွေ့မှု များလေပါပဲ

🔹အချုပ်အနေနဲ့ covid နဲ့ flu vaccine နှစ်မျိုးစလုံးကို မဖြစ်မနေ ထိုးထားသင့်ပါတယ်
Flu vaccine က covid ကို မကာကွယ်နိုင်ပေမယ့် flu ဖြစ်လို့ ဆေးရုံဆေးခန်းသွား / တက်ရခြင်း ICU ထဲအထိဝင်ရခြင်း တို့ဟာ covid လူနာများနှင့်လည်း ထိစပ်မှုရှိနိုင်တဲ့အတွက် ထပ်မံဖြစ်ပေါ်လာနိုင်တဲ့ စိတ်ဖိစီးမှုဒဏ်ကို တထောင့်တနေရာမှ လျှော့ချပေးနိုင်ပါတယ်…

☘️Pharma Bank ပရိတ်သတ်များ ကာကွယ်ဆေး မဖြစ်မနေ ထိုးကြပြီး စိတ်ချမ်းသာ ကိုယ်ကျန်းမာကြပါစေလို့ ဆုမွန်ကောင်းတောင်းပေးလိုက်ပါတယ်နော် 🥳

With 💕
TeamPharmaBank






CDC says COVID & Flu vaccines can be co-administered
~~~~~~~~~~~~~~~~~~~~~~~~~~

Ref : Medscape - Sep 16,2021

06/02/2022

ဆီးချိုရောဂါသည်များ ခုကတဲက covid စည်းကမ်းလေးတွေနဲ့ နေကြမယ်နော် ☺️

▪️အပြင်ထွက်ရင် mask တပ်ပါ
▪️လက်ကို ဆပ်ပြာဖြင့်သေချာ ဆေးကြောပါ
▪️ဖြစ်နိုင်လျှင် လူစုလူဝေးများတဲ့နေရာ ရှောင်ပါ
▪️Vitamin C သောက်ပါ

**Covid နဲ့ ဆီးချိုဝေဒနာရှင်များ**

အားလုံးကတော်လှန်‌ရေးကြောင့်စိတ်ထိခိုက်ရတာအမှန်ပါ။ ကိုဗစ်ရောဂါပိုးကလည်း ခုလိုအချိန်မှာကို ခြယ်လှယ်ကူးစက်နေဆဲပဲမို့ လစ်လျူမရှုထားစေချင်ပါဘူး။ အထူးသဖြင့်ရောဂါအခံရှိသူတွေ ပိုသတိထားသင့်ပါတယ်။ ဒီထဲကမှ သေနှုန်းများတဲ့ ဆီးချိုရောဂါအခံရှိသူတွေက ကိုဗစ်နဲ့ ဘယ်လိုဆက်စပ်နေတယ်ဆိုတာ မျှဝေလိုက်ပါတယ်။

📌Covid ရောဂါပိုးက ဆီးချိုရှိသူတွေမှာ ဘယ်လိုသက်ရောက်မှုရှိလဲ?

ဆီးချိုရောဂါအခံရှိသူတွေက ကိုဗစ်ပိုးကူးလွယ်တယ်လို့ စာတမ်းပြုစုထားတာ အတိအကျတော့မရှိပါဘူး။ ဒါပေမဲ့ သူတို့တွေက ကိုယ်ခံအားကျလွယ်တာကြောင့် ရောဂါပိုး အလွယ်တကူဝင်ရောက်နိုင်တာ အသေအချာပါပဲ။ ပိုးကူးစက်ခံရလို့ ကုသရင် သာမန်လူတွေထက်ပိုခက်ခဲပြီး နောက်ဆက်တွဲရောဂါတွေဝင်ဖို့ အရမ်းလွယ်ပါတယ်။

Covid-19 ပိုး ခန္ဓာကိုယ်ထဲကိုဝင်လာတာနဲ့ အချိုဓါတ်ကမောက်ကမဖြစ်ပြီး အတွင်းကလီစာတွေ ရောင်ရမ်းလာပါတယ်။ ဘာလို့လဲဆိုတော့ ခန္ဓာကိုယ်တွင်းသကြားဓါတ်က ရောင်ရမ်းတာကို ပိုအားပေးလို့ နောက်ဆက်တွဲရောဂါတွေ ဖြစ်စေတာပါ။

နောက်ပြီး ခုလိုကာလ အပြင်ထွက်ရတာ လုံခြုံမှုမရှိတော့တာကြောင့် စိတ်ဖိစီးမှုတွေများလာတာ၊ အရင်ကလို ပန်းခြံမှာ လမ်းလျှောက်တာ၊ ကိုယ်လက်လှုပ်ရှားမလုပ်နိုင်တာတွေက ဆီးချိုတက်စေတဲ့ အချက်တွေပါ။ တစ်ချို့တွေကလည်း အိမ်ထဲမှာနေပြီး ဆီးချိုတက်စေတဲ့ အစားတွေ ပိုစားမိလာကြတာ၊ အပြင်စာတွေ မှာစားတာ၊ အဆိုးဆုံးကတော့ ဝယ်ထားတဲ့ဆေးတွေ လုံလောက်မှုမရှိဘဲ ဆေးပြတ်သွားတာပါ။ 😓

📌ဘယ်လိုကြိုတင်ကာကွယ်မှုတွေလုပ်နိုင်လဲ?

ကိုဗစ်ပိုး အလွယ်တကူမကူးခံရအောင် ကြိုတင်ကာကွယ်မှုတွေလုပ်နိုင်ပါတယ်။ အဲ့ဒါတွေကတော့..👇

✔Insulin ထိုးနေသူပဲဖြစ်ဖြစ် သောက်ဆေးသောက်နေသူပဲဖြစ်ဖြစ် ပုံမှန်အတိုင်းဆက်လက်လုပ်ပါ။
✔ဆေးလုံးဝ မပြတ်ပါစေနဲ့။ ကိုယ်သောက်နေကျ/ထိုးနေကျဆေးကို အနည်းဆုံး နှစ်လစာ ဝယ်ထားပါ။ (expiry date ဝေးတယ်ဆိုရင် အဲ့ထက်ပိုဝယ်ထားပါ။)
✔ဆီးချိုမှန်မှန်တိုင်းပြီး အဖြေမှတ်တမ်းကို စနစ်တကျထားရှိပါ။
✔အတတ်နိုင်ဆုံးအိမ်ထဲမှာနေပါ။ ဒီလိုအချိန်မှာ ကျန်မိသားစုဝင်တွေက ပိုပြီးတာဝန်ယူပေးဖို့လိုအပ်ပါတယ်။ ဥပမာ - အပြင်ထွက်ဖို့လိုအပ်လာတဲ့အခါ ဆီးချိုရှိသူကိုမထွက်စေပဲ ကျန်းမာရေးကောင်းသူများက သွားပေးဖို့ပါ။
✔အပြင်ထွက်တိုင်းမှာ နှာခေါင်းစည်း mask ကိုအမြဲတပ်ထားရပါမယ်။
✔လူများနဲ့ ၆ ပေအကွာမှာအတတ်နိုင်ဆုံးနေပါ။
✔အိမ်မှာနေတဲ့အခါမှာလည်း အိမ်သားတွေက ဆီးချိုရှိသူနဲ့ ထိတွေ့ဆက်ဆံရာမှာ အမြဲလက်ဆေးပါ။
✔အပြင်ထွက်လို့မရပေမဲ့ အိမ်ထဲ/ခြံထဲမှာပဲ တတ်နိုင်သလောက် ကိုယ်လက်လှုပ်ရှားမှုလုပ်ပါ။ ဥပမာ - အခန်းထဲမှာ လမ်းပတ်လျှောက်တာမျိုး၊ ထိုင်ခုံမှာ ခြေတောက်ကွေးဆန့် လေ့ကျင့်ခန်းလုပ်တာမျိုးလုပ်ပါ။

⚠နောက်ထပ်သတိပေးချင်တာက အကြောက်မလွန်ဖို့ အရေးကြီးပါတယ်။ ဘာလို့လဲဆိုတော့ ကြောက်ရင် စိတ်ဖိစီးမှုဖြစ်ပြီး stress hormones တွေထွက်လာပါတယ်။ အဲ့ဒီ ဟော်မုန်းက သွေးတွင်းအချိုဓါတ် မတက်အောင်ထိန်းပေးတဲ့ အင်ဆူလင်လို ဆေးတွေရဲ့ အာနိသင်ကို လျှော့ချလိုက်ပါတယ်။ အဲ့ဒီတော့ ဆေးကမစွမ်းတော့ဘဲ ဆီးချိုက ပိုတက်လာရော။ ဒါကြောင့် စိတ်ဖိစီးမှုမများဖို့ အကြောက်မလွန်ဖို့ သတိပြုရမှာပါ။

📌 Covid ကြောင့်အဖျားရှိရင် ဆီးချိုကိုထိခိုက်နိုင်လား?

ဆီးချိုဝေဒနာရှင်တွေက မဖျားဖို့ ကိုယ်ခံအားကောင်းနေဖို့အရေးကြီးတယ်နော်။ နေမကောင်းဖြစ်လို့ ဖျားရင် ဆေးချိုထိန်းဖို့ အရမ်းခက်ပါတယ်။ လူကနုံးလာမယ်၊စားချင်သောက်ချင်စိတ်ပျောက်လာမယ်၊ အဲ့ဒီခါကျ ခန္ဓာကိုယ်ရဲ့လိုအပ်တဲ့ အချိုဓါတ်ပမာဏကို ထိခိုက်လာမှာပါ။

နောက်တစ်ချက်က အဖျားရှိလာရင် အဲ့ဒီအဖျားကိုတိုက်ထုတ်ဖို့ဟော်မုန်းဓါတ်ကို ခန္ဓာကိုယ်ကအလိုအလျောက်ထုတ်ပါတယ်။ ဒီဟော်မုန်းဓါတ်က ကိုယ်တွင်းသကြားဓါတ်ကို ပိုတက်စေနိုင်သလို ထိုးနေတဲ့ insulin ပမာဏကိုလဲ လာထိခိုက်ပါတယ်။ ဒီလိုဖြစ်ရင် insluin ပေါ်မှာ မှီခိုနေရတဲ့ ဆီးချိုဝေဒနာရှင်တွေအတွက် အသက်အန္တရာယ် စိုးရိမ်ရပါတယ်။

📌ဆီးချိုဝေဒနာရှင်တွေ ဖျားရင်ဘာလုပ်ရမလဲ?

နေမကောင်းဖြစ်ရင် ခါတိုင်းစစ်‌‌နေကျ အကြိမ်ထက်ပိုပြီး ဆီးချိုကိုတိုင်းတာ စစ်ဆေးနေဖို့လိုပါတယ်။
✅၄ နာရီခြားတစ်ခါ ဆီးချိုတိုင်းပါ။ အတက်အကျရလာဒ်ကို သေချာမှတ်သားထားပါ။
✅ရေများများသောက်ပါ။ ကယ်လိုရီအရမ်းများတဲ့ အချိုရည်တွေမသောက်ပါနဲ့။
✅ခန္ဓာကိုယ်အလေးချိန်ကို နေ့တိုင်းချိန်ပါ။ အလေးချိန်သိသိသာသာကျတာကလည်း ဆီးချိုတက်တာဖြစ်နိုင်ပါတယ်။
✅မနက်တစ်ခေါက် ညတစ်ခေါက် အဖျားတိုင်းပါ။

📌ဘယ်လိုအခြေအနေမှာ ဆရာဝန်နဲ့ချက်ချင်းပြသင့်လဲ ?

ဒီလိုလက္ခဏာတွေဖြစ်လာပြီဆိုရင်တော့ နီးစပ်ရာဆေးရုံ/ဆေးခန်းကို အမြန်သွားဖို့ အကြံပေးပါရ‌‌စေ။
🔹သက်ရှုကျပ်လာတာ
🔹ရင်ဘတ်အောင့်လာတာ
🔹သတိရတစ်ချက် မရတစ်ချက်ဖြစ်တာ
🔹ခန္ဓာကိုယ်အလေးချိန် ၅ ပေါင်ထပ်ပိုပြီး ကျသွားတာ
🔹ဆီးချိုတိုင်းကြည့်လိုက်လို့ 60mg/dl အောက်ကျနေတာ
🔹အစားအသောက်အရမ်းပျက်လာပြီး မစားနိုင်တော့တာ
🔹အလွန်အမင်း အန်ချတာ/ ဝမ်းလျှောတာ (၆ နာရီထက်ပိုပြီး)
🔹၂၄ နာရီကျော်ကြာတဲ့အထိ အဖျား ၁၀၁ ကနေမကျတာ

💁 ဒီလောက်ဆို ဆီးချိုရောဂါအခံရှိရင် ကိုဗစ်က ဘယ်လိုဒုက္ခတွေပေးနိုင်တယ်ဆိုတာ သိပြီနော်။
ဆီးချိုရောဂါကို ကောင်းကောင်းထိန်းနိုင်ရင် အပေါ်မှာပြောခဲ့တဲ့ နောက်ဆက်တွဲပြဿနာတွေ အဖြစ်နည်းသွားမှာပါ။ ဒါကြောင့် အခုကာလမှာ သေချာပြင်ဆင်ထားဖို့လိုပြီး ဆီးချိုမတက်အောင် ဆင်ခြင်ကြဖို့ အရေးကြီးပါတယ်နော်။

ကိုယ့်ပတ်ဝန်းကျင်မှာ ဆီးချို‌‌‌ဝေဒနာရှင်တွေရှိရင် ဒီအချက်လေးတွေကို မျှဝေပေးပါအုံးနော်။

နောက်တစ်ခေါက် သိချင်တဲ့ ကျန်းမာ‌ရေးဆိုင်ရာ အကြောင်းအရာတွေရှိရင် ရေးထားပေးနော်။ အတတ်နိုင်ဆုံး ကြိုးစား မျှဝေပေးသွားပါမယ်။

အားလုံး ရောဂါကင်းကင်းနဲ့ အရေးတော်ပုံကို အနိုင်တိုက်နိုင်ကြပါစေ။



with 💕



#ဆီးချိုရောဂါ

31/12/2021

၂၀၂၂ နှစ်သစ်ဆုတောင်း ...............🎈....................

မြန်မာတစ်နိုင်ငံလုံးမှ ပြည်သူပြည်သားများအားလုံး ဘေးအန္တရာယ် ကင်းကွာရျ် စိတ်ချမ်းသာ ကိုယ်ကျန်းမာနှင့် ပြည့်စုံနိုင်ပါစေလို့ ကျွန်မတို့ Pharma Bank page မှ ဆုမွန်ကောင်းတောင်းလိုက်ပါတယ်နော် 😊

New year resolution 🏖️

🌈 ကိုယ်လုပ်ချင်တာတွေ လုပ်နိုင်ဖို့ ကိုယ်ကျန်းမာ နေဖို့ လိုအပ်လို့ ကျန်းမာနိုင်ပါစေ

👑 လူ့ဘဝက တိုတိုလေးမို့ အကျိုးရှိရှိနေနိုင်သွားပါစေ

🎊 ကိုယ့်ကိုယ်ကို ချစ်သလို သူတစ်ပါးနစ်နာအောင် မလုပ်တတ်သောသူ ဖြစ်ရပါစေ

🟣 ကျွန်မတို့ တိုင်းပြည် အမြန်ဆုံး ငြိမ်းချမ်းနိုင်ပါစေ