Bulle Media Network

Call Directions

Bulle Media Network Ku Soo Dhowoow BULLE MEDIA NETWORK – Ka Hel wararka la isku halayn karo, degdeg iyo xaqiiqo ku saleysan.

HOGGAAMIYAHA DOWLADDA KOONFUR GALBEED OO HAMBALYO U DIRAY HOGGAANKA CUSUB EE LA DOORTAY DOWLADDA GALMUDUGMuqdisho - 22, ...
22/10/2026

HOGGAAMIYAHA DOWLADDA KOONFUR GALBEED OO HAMBALYO U DIRAY HOGGAANKA CUSUB EE LA DOORTAY DOWLADDA GALMUDUG

Muqdisho - 22, Oktoobar, 2026: Hoggaamiyaha Dowladda Koonfur Galbeed Mudane Sheekh Aadan Maxamed Nuur (Madoobe) ayaa hambalyo u diray hoggaamiyaha la doortay ee Dowladda Galmudug, Mudane Liibaan Axmed Xasan, iyo hoggaamiye ku-xigeenka la doortay, Mudane Cabdiweli Ibraahim Aadan (Garyare).

Hoggaamiye Sheekh Aadan Maxamed Nuur (Madoobe) ayaa hoggaanka cusub ee Dowladda Galmudug ugu hambalyeeyay xilalka muhiimka ah ee loo doortay, isaga oo u rajeeyay guul iyo horumar ku aaddan gudashada waajibaadka culus ee loo doortay.

Hoggaamiyaha Dowladda Koonfur Galbeed ayaa Alle uga baryay hoggaamiyaha cusub ee Galmudug iyo ku-xigeenkiisa inuu ku asturo mas’uuliyadda loo doortay, una fududeeyo gudashada waajibaadkooda ku aaddan u adeegidda shacabka Galmudug, horumarinta dowladnimada, xoojinta nabadda iyo xaqiijinta himilooyinka bulshada Galmudug.

Hoggaamiye Sheekh Aadan (Madoobe) ayaa u rajeeyay hoggaanka cusub ee Dowladda Galmudug in ay ku guuleystaan gudashada waajibaadkooda, isla markaana ay ka shaqeeyaan midnimada bulshada, nabadda, dib-u-heshiisiinta iyo horumarka deegaanada Galmudug.

DHAMAAD

Xafiiska Warfaafinta iyo Xiriirka Dadweynaha Madaxtooyada Dowlada Koonfur Galbeed Soomaliya.
Email:[email protected]

Wasiirka Wasaarada Biyaha Mudane Maxamed Xasan Idiris iyo Wasiirka Arrimaha Gargaarka iyo Maareynta Musiibooyinka Mudane...
22/10/2026

Wasiirka Wasaarada Biyaha Mudane Maxamed Xasan Idiris iyo Wasiirka Arrimaha Gargaarka iyo Maareynta Musiibooyinka Mudane Cabdinasir Cabdi Caruush ayaa kulan la qaatay Marwo Merete Dyrud, Chargé d'Affaires oo ah Madaxa Safaaradda Norway ee Soomaaliya.

Wasiirada ayaa Kulanka ku soo bandhigay warbixin faahfaahsan oo ku saabsan xaaladda arrimaha nolosha bulshada, diyaargarowga iyo saameynta El-Niño, iyo horumarka mashaariicda horumarineed ee ka socda Koonfur Galbeed Soomaaliya.

Wasiirka Biyaha iyo Korontada ayaa ka warbixiyey baahiyaha biyaha ee deegaanka iyo qorshaha biyaxireenada loogu keydinayo biyaha, kaas oo loo sameynayo degmada Baydhabo, si loo kordhiyo helitaanka biyaha nadiifka ah loona yareeyo saameynta abaaraha.

Waxaa si weyn loogu mahadceliyey dowladda iyo shacabka Norway taageerada joogtada ah ee ay Soomaaliya u fidiyaan, gaar ahaan hay'adaha maalgeliyey sida SHF, CERF iyo Somalia Joint Fund, kuwaas oo Deegaannada Koonfur Galbeed aad uga faaiideysteen.

21/10/2026

Madaxweyne Shekh Aadan Madoobe

“Reer Buur-Hakaba waxay muujiyeen Geesinimo iyagoo dhintay iyagoo sharfan oo iska difaacayo Cadowga.

20/10/2026

Hoggaamiyaha Dowladda Koonfur Galbeed, Mudane Sheekh Aadan Maxamed Nuur (Madoobe) oo safar shaqo ku jooga Magaalada Muqdisho ayaa kulan la qaatay Madaxweynihii h**e ee Dowladda Koonfur Galbeed Mudane Shariif Xasan Sheekh Aadan.

19/10/2026

Wasiirka Wasaaradda Waxbarashada Hidaha iyo Tacliinta Sare ee Dowladda Koonfur Galbeed Mudane Maxamed Cusmaan Xaaji Jiidow oo ay wehliyaan xubno ka tirsan Golaha Wasiirrada Dowladda Koonfur Galbeed, ayaa maanta safar shaqo ku gaaray Degmada Afgooye ee Gobolka Shabeellaha Hoose.

18/10/2026

Hoggaamiyaha Dowladda Koonfur Galbeed, Mudane Sheekh Aadan Maxamed Nuur (Madoobe) ayaa ka qaybgalay kulan casho-sharaf iyo is-xogwareysi ah oo Guddoomiyaha Golaha Shacabka Baarlamaanka Federaalka Soomaaliya u sameeyey Xildhibaannada labada Aqal ee Baarlamaanka Federaalka Soomaaliya, kuwaas oo deegaan-doorashadoodu tahay deegaannada Koonfur Galbeed.

18/10/2026

Hoggaamiyaha Dowladda Koonfur Galbeed Mudane Sheekh Aadan Maxamed Nuur (Madoobe) ayaa Magaalada Muqdisho kulan kula qaatay wakiilka cusub ee Hay’adda Qaramada Midoobay u Qaabilsan Horumarinta (UNDP) ee Soomaaliya, Mudane Christophoros Politis.

10/10/2026

Hoggaamiyaha Dowladda Koonfur Galbeed, Mudane Sheekh Aadan Maxamed Nuur (Madoobe) ayaa Xarunta Madaxtooyada ee Magaalada Baydhabo ku qaabilay Madaxa Barnaamijyada Hay’adda Dhakhaatiirtaa Xuduudda Lahayn (MSF) ee Soomaaliya, oo maanta soo gaaray magaalada Baydhabo.

Address

Baydhabo

Telephone

+252618877115

Website

Alerts

Be the first to know and let us send you an email when Bulle Media Network posts news and promotions. Your email address will not be used for any other purpose, and you can unsubscribe at any time.

Shortcuts

Share