Shekoyika qarniga

28/07/2026

Afar sano ayay jacayl dhab ah wadaageen, iyagoo ku riyoonayeen maalin uun in ay is calfan doonaan. Laakiin calafkii ayaa kala geeyey, mid walbana jid kale ayuu noloshu u qaaday.

Sanado kadib ayay si lama filaan ah isku arkeen. Indhaheeda ilmo ayaa ka qubanaysay, cod gariirayana waxay ku tidhi, "Wiilyahow... aawadaa ilmeeyoo!"💔

Isagu wuu aamusey. Wuxuu ogaa in ilmadaasi aysan ahayn mid maanta oo kaliya timid, ee ay ahayd tii afarta sano qalbigeeda ku qarsoonayd.

Waxay kala dhaqaaqeen iyagoo aan waxba isu sheegin... balse qalbiyadoodu waxay ogaayeen in jacaylkii dhammaaday, xusuustiisuna waligeed noolaan doonto. 💔

14/07/2026

Arimaha qoyska

Maxay tahay sababta ay raga qarkood umoodan gabadha ay qabaan inay kaliya uga bahanthy. Guri la dajiyo iyo biil iyo rashin la siyo iyo gogosha. O lala wadago ?

Bulshooyin badan, oo dhulkena somaliyed ka jira aya wiilka waxaa lagu soo koriyaa in doorkiisa koobaad iyo midka ugu dambeeya ee guriga uu yahay "Daryeelaha Maaliyadeed" Waxaa maskaxda loogu shubaa: "Haddii aad biilka bixiso, guri fiicanna aad reerka u dhisto, nin dhowrsan oo masuul ah baad tahy.

Waxaa meesha ka baxa in lagu soo tababaro doorka kale ee ah Daryeelka Shucuurta kaas oo u baahan dhegaysi, naxariis, iyo wada-sheekeysi.

Waxaa meesha ka baxa in lagu soo tababaro doorka kale ee ah Daryeelka Shucuurta kaas oo u baahan dhegaysi, naxariis, iyo wada-sheekeysi.

Ninka oo maalintii oo dhan dibadda u jooga raadinta nolol-maalmeedka ayaa marka uu guriga yimaado dareema daal jidh iyo maskax ah. Wuxuu u haystaa in maadaama uu soo shaqeeyay, doorkiisii uu soo gutay, markaasna uu xaq u leeyahay kaliya inuu nasto
isagoo aan diyaar u ahayn inuu waqti iyo tamar u geliyo wada-sheekeysi ama is-faham shucuureed.

Maxaa ka dhasha aragtidan
* Gabadhu Inay isku aragto kaliya qof loo haysto inuu guriga hagaajiyo, cuntada kariyo, sariirtana tago, balse aan la iska wareesanayn nolosheeda gudaha iyo dareenkeeda
* Muddo ka dib, gabadhu waxay lumisaa xiisihii ay u qabtay ninka, waxaana meesha ka baxa isku-xidhnankii maskaxeed ee qoyska dhisayay.

Aragtida saxda ah e qoyska

Guurka dhexdiisa, farxadda gabadha la qabo iyo ka badbaadinteeda is-buuqa (stress-ka) waxay inta badan ku xiran yihiin dareenka, ixtiraamka, iyo nabadgelyada ay ka hesho ninkeeda iyo jawiga guriga.

* Gabadhu waxay aad u jeceshahay in la ammaano muuqaalkeeda, kariskeeda, iyo dadaalkeeda guriga.

* Muujinta Jacaylka: Habsiinta, dhunkashada, iyo in gacanta la qabto iyada oo aan wax sabab ah jirin waxay dareensiisaa badbaado iyo deganaansho maskaxeed.

* Gacan-siinta Hawlaha Guriga: Culayska guriga iyo daryeelka qoyska oo ninku uu wax ka caawiyo waxay si weyn u yareysaa istres-ka jireed iyo kan maskaxeed ee gabadha

* Wada-tashiga: In go'aamada muhiimka ah ee nolosha si wadajir ah loo gaaro waxay dareensiisaa inay tahay wehel dhab ah oo la qaddariyo, ee aanay ahayn qof la amro oo kaliya.

* Dumarku waxay u baahan yihiin waqti ay naftooda ku daryeelaan. In loo oggolaado waqti ay ku nasato, ku daryeesho maqaarkeeda/tinteeda, ama ay la kulanto asxaabteeda—iyadoo ninku uu maamulayo hawlaha guriga ama carruurta—waxay dib u soo celisaa firfirconideeda iyo farxaddeeda

* Hadiyadaha Yaryar: Looma baahna hadiyad qaali ah mar kasta; ubax, cadar ay jeceshahay, ama wax yar oo ay muddo rabtay oo loo keeno si lama filaan ah ayaa farxad weyn geliya.

* Waqtiga Labadiinna Kaliya: In mararka qaarkood dibadda loogu baxo casho ama socod gaaban si looga baxo caajiska iyo routine-ka joogtada ah ee guriga.

* Ixtiraamka Waalidkeeda: Markaad ixtiraamto oo aad qaddariso qoyskeeda, gabadhu waxay dareemeysaa farxad iyo kalsooni weyn

* Ku Dhiirrigelinta Hamigeeda: Ha ahaato waxbarasho, ganacsi, ama hiway (hobby) ay jeceshahay, in lagu taageero waxay ka ilaalisaa niyad-jabka iyo caajiska joogtada ah.

14/07/2026

😂😂😂😂

14/07/2026

Sirihii ku dhex lumay Boorsada

Cali wuxuu ahaa wiil dhalinyaro ah oo muddo dheer shaqo la’aan ahaa, maalin maalmaha ka mid ah isagoo dhex lulonaya dariiqyada magaalada oo aad u niyad-jabsan, wuxuu arkay boorso dhulka taalla. Markii uu furay, wuxuu dhexdeeda ku arkay lacag aad u badan iyo dukumiintiyo muhiim ah.
Wuxuu lahaa labo doorasho: inuu lacagta qaato oo uu baahidiisa ku xalliyo, ama inuu milkiilaha raadiyo. Cali wuxuu doortay daacadnimada. Wuxuu wacay lambar ku qornaa mid ka mid ah waraaqaha boorsada ku jiray.
Ninkii boorsada lahaa oo ahaa ganacsade weyn ayaa soo cararay. Isagoo ooynaya ayuu yiri: "Boorsadan ma aha oo dhowr kun oo doollar ah, laakiin waxaa ku jira qandaraas iyo shatiyo haddii aan waayi lahaa aan gabi ahaanba kici lahaa." Ganacsadihii wuxuu Cali siiyay abaalmarin lacageed oo yar, laakiin taasi k**a badalin noloshiisa. Waxayse nolosha Cali isbedeshay markii uu ganacsadihii yiri: "Waan ku kalsoonahay, berri shaqo ka bilow shirkaddayda adoo ah maareeyaha maaliyadda."

11/07/2026

11/07/2026

Qisada Heesta "Gacalo Hooyooy Gacalo"

Heestan caanka ah ee ay qaaday fanaanadda reer Jabuuti Aamina Gacanla, waxay xambaarsantahay sheeko murugo leh oo ka warramaysa gabadh lagu khasbay guur aysan raalli ka ahayn, taas oo ku dambaysay burbur iyo shallayto aan dhammaad lahayn.

Qisadu waxay ka bilaabmaysaa gabadh qalbigeedu jeclaa wiil ay isku da' iyo isku garaad ahaayeen. Labadoodu waxay wadaageen jacayl dhab ah, hase yeeshee wiilku wuxuu ka soo jeeday qoys aan dhaqaale badan haysan, halka gabadhu ka dhalatay qoys ladan.

Hooyada gabadha iyo ehelkeedu ma ay oggolaan jacaylkaas. Waxay u arkeen in hantidu ka muhiimsan tahay rabitaanka gabadhooda, sidaas darteed waxay u doorteen nin maalqabeen ah oo ay doonayeen inay ku daraan, iyagoo gabi ahaanba iska indhatiray dookheedii iyo dareenkeedii.

Si ay uga hor istaagaan inay la kulanto wiilkii ay jeclayd, gabadhii guriga ayaa lagu xidhay, waxaana loo qoondeeyey nin ilaaliya dhaqdhaqaaqeeda. Ujeeddadu waxay ahayd inaanay mar dambe wax xidhiidh ah la yeelan jacaylkeedii.

Maalmo badan oo xannibaad iyo cidlo ah ka dib, gabadhii waxay garatay inaanay xorriyaddeeda heli karin haddii aanay ka faa'iidaysan ninkii ilaalinayey. Waxay ka codsatay inuu ka caawiyo inay baxsato si ay ugu tagto wiilkii ay jeclayd.

Ninkii ilaalada ahaa se damac kale ayuu watay. Wuxuu ku xidhay shuruud fool xun; inuu sii dayn doono oo keliya haddii ay u yeelayso waxa uu naftiisa la doonayo. Gabadhii, iyadoo quus iyo rajo beel ku sugan, waxay oggolaatay shuruuddaas si ay uga baxsato xabsigii guriga.

Markii uu ka gaadhay ujeeddadiisii, wuu ka baxay ballantii. Gabadhii wuxuu uga tagay uur aan sharci ahayn, sharafteediina waa dhaawacay. Halkaas ayay ku wayday labadii dhinacba; wiilkii ay jeclayd way seegtay, ninkii khiyaameeyayna masuuliyad ma qaadin.

Murugadaas iyo qoomamadaas darteed, gabadhii waxay eedda ugu weyn dusha ka saartay hooyadeed iyo qoyskeedii, kuwaas oo nolosheeda u horseeday jid aanay dooran.

Sidaas ayay heestu ku soo gunaanadaysaa ereyada