22/02/2026
Waxaan hadda ku suganahay guri ay ku nool yihiin 8 carruur ah oo agoon ah. Aabbahood wuxuu ku dhintay halgankii. Geeridii aabbahood kadib, cid k**a warqabin, wax gargaar ahna lama siin.
Hooyadood ayaa u shaqayn jirtay, balse iyaduna hadda waxba ma haysato. Markii h**e baasto ayay iibin jirtay, laakiin way ka socon wayday oo ku fadhiisatay. Markale ayay isku dayday inay hilib iibiso, se dayn badan ayaa lagaga yeeshay, hilibkiina wuu ka socon waayay.
Cid ka war haysa ma jirto, wax gargaar ahna ma helaan. Xataa inay saddexda wakhti cunto helaan ayaa ku adag.
Deris ayaan nahay, xogtoodana waxaa ila wadaagtay walashay oo xafadda deggen. Shalay markaan shaqada ka imid ayaan u imid iyada oo ilmeynaysa. Markaan waydiiyayna, waxay ii sheegtay in reer agoon ah oo waxba haysan, cidna ka war qabin, ay daris nala yihiin. Runtii aad baan uga calool xumaday xaaladda qoyskaas. Waxaa calool xumo kale ah in aabbahood u dhintay degaanka iyo dadka ay ku dhex gaajoonayaan carruurtaasi.
Muqaal ayaan isla afgaranay inaan ka duubo, haddana waxaan is tusay in laga marmari karo in wajiga hooyada la keeno baraha bulshada oo aan idiin qoro magaceeda iyo lambarkeeda, si wixii aad u awoodo aad ugu dirtaan.
Haddii ay suurtagal noqoto, mar kale muqaal ayaan ka soo duubi doonaa hooyada. Qoraalkan waxaan ka soo dhigayaa xoggaa kahor Snapchatkayga iyo WhatsApp-kayga. Waxaa jira laba dhalinyaro ah oo asxaab nahay oo sheegay inay wax la baxayaan, iyagana waxaan u diray lambarkeeda iyo magaceeda.
Magaca Hooyada: Hodan Cabdillaahi Maxamed Axmed
Lambarka: 0634997326
Soo gudbiye Nasra Buuhoodle
