Sara yassin pharmacy

Sara yassin pharmacy الصيدلية التجميلية
صيدلية سارة ياسين
كل شيء يتعلق بصحتك أفضل المنتجات التجميلة ومنتجات العناية بالبشرة بأسعار مناسبة ونتائج مذهلة | صيدلية سارة ياسين �

أول ما تاكل لقمة… أو تتوتر شوي… بتبلش النفخة والغازات؟” 🎈إذا كنت من جماعة القولون العصبي، فأكيد بتعرف قديش النفخة، والغا...
04/08/2026

أول ما تاكل لقمة… أو تتوتر شوي… بتبلش النفخة والغازات؟” 🎈

إذا كنت من جماعة القولون العصبي، فأكيد بتعرف قديش النفخة، والغازات، ووجع البطن ممكن يخربوا يومك.

بس… فكرت مرة إنو السبب ممكن يكون خلل بتوازن البكتيريا النافعة الموجودة بالأمعاء؟ 🦠✨

بهالحالات، البروبيوتيك ممكن يساعد بدعم توازن البكتيريا النافعة، وبالتالي يخفف بعض أعراض القولون العصبي عند كتير من الأشخاص.

✨ شو ممكن يعمل البروبيوتيك؟
✅ يخفف النفخة والغازات.
✅ ينظم حركة الأمعاء، سواء كان عندك إمساك أو إسهال.
✅ يدعم صحة الجهاز الهضمي ويعزز توازن البكتيريا النافعة
ولمعلومات اكتر تابعونا 🥰

في ناس بتقول انو جزيئات الكولاجين كبيرة وما بيمتصها الجسم، فهل فعلاً الحبوب أو البودرة أو الكريمات بتفيد ؟✅ الكولاجين ال...
21/07/2026

في ناس بتقول انو جزيئات الكولاجين كبيرة وما بيمتصها الجسم، فهل فعلاً الحبوب أو البودرة أو الكريمات بتفيد ؟

✅ الكولاجين الفموي (الحبوب أو البودرة) ما بيمتص ك كولاجين كامل ، بس بينهضم لببتيدات وأحماض أمينية، وبعض الدراسات شافت أنو الكولاجين المتحلل (Hydrolyzed Collagen) بيحسن مرونة الجلد وبرطبه وبخفف آلام المفاصل وقت نستخدمو بانتظام لمدة 2–3 أشهر.
* ❌ أما الكريمات ف هي عنجد كذبة وضحك ع اللحى
الكولاجين بالكريم جزيئاتو كبيرة وما بيمتصها الجلد أبدا
ف الكريم رح يعطي ترطيب فقط للبشرة🤍
💡سر صغير : لما تشتري كولاجين تأكد يكون مكتوب عليه Hydrolyzed
ويكون موجود معه فيتامين C لان هوي الجوكر مع الكولاجين ❤️
ولمعلومات اكتر تابعونا 🥰❤️

بتحس أحياناً الدنيا عم تلف فيك فجأة؟ أو لما تقوم من مكانك بتحس بـ "غباش" وسواد بلمح البصر؟الدوخة عرض مشهور، بس مو كل دوخ...
14/07/2026

بتحس أحياناً الدنيا عم تلف فيك فجأة؟ أو لما تقوم من مكانك بتحس بـ "غباش" وسواد بلمح البصر؟
الدوخة عرض مشهور، بس مو كل دوخة معناها نفس المشكلة! تعالوا نعرف الفرق ببساطة مشان تعرفوا تتصرفوا صح:
1️⃣ دوخة هبوط الضغط (⚠️ هبوط مفاجئ في الدورة الدموية):
كيف بتحس فيها؟ بتيجي فجأة أول ما توقف فجأة من وضعية الجلوس أو النوم (تسمى الدوخة الوضعية).
الأعراض المرافقة: زغللة مؤقتة في العيون، شعور بالثقل، وإحساس إنك ممكن تفقد التوازن لثوانٍ وتروح.
الحل السريع: اقعد او تمدد فوراً، وارفع رجليك شوي، واشرب كاسة مي.
2️⃣ دوخة نقص الحديد (🩸 فقر الدم ):
كيف بتحس فيها؟ دوخة مستمرة أو متكررة على مدار اليوم، مو مرتبطة بس بحركتك المفاجئة، وبتحس معها بخمول وجسمك "مهدود".
الأعراض المرافقة: شحوب في الوجه والشفاه، برودة في الأطراف (الإيدين والرجلين)، ضربات قلب سريعة مع أقل مجهود، وتساقط في الشعر.
الحل السريع: فحص مخزون الحديد (Ferritin) وتعويضه بالنظام الغذائي أو المكملات المناسبة ❤️
ولمعلومات اكتر تابعونا ❤️
#صحة #صيدلية #الضغط #الدوخة

كتير بسمع جملة دكتورة أنا دايماً تعبان ودايخ.. يمكن معي فقر دم!بروح المريض بيركض بياكل سبانخ أو بياخد حبوب حديد من راسو....
04/07/2026

كتير بسمع جملة دكتورة أنا دايماً تعبان ودايخ.. يمكن معي فقر دم!
بروح المريض بيركض بياكل سبانخ أو بياخد حبوب حديد من راسو.. والصدمة؟ ما بيستفيد شي ..
لأنو ببساطة، مو كل تعب وخمول يعني "نقص حديد". في بطل تاني خلف الكواليس اسمو B12.. والفرق بينهم متل الفرق بين السما والأرض!
1️⃣ نقص الحديد :
الحديد هو "التكسي" اللي بتنقل الأكسجين ليروح لكل خلية بجسمك. لما ينقص:
العَرَض السحري: بتصير تلهت وتتعب من أقل مجهود (متل طلعة الدرج).
العلامات: شحوب بالوجه، برودة باليدين والرجلين، واضافر بتتكسر بسرعة.
الحل بالأكل: لحمة حمرا، كبدة (سودا)، عدس، وسبانخ (بس اعصرو فوقه ليمون لتستفيدو!).
2️⃣ نقص فيتامين B12 (مدمّر الأعصاب والنفسية):
هاد مو بس للدم، هاد "المايسترو" تبع الجهاز العصبي وخلايا المخ. لما ينقص:
العَرَض السحري: تنميل وخدران باليدين والرجلين، و"نسيان" غريب (بتفوت عالغرفة وبتنسى شو بدك!).
العلامات: خمول قاتل، اكتئاب وتعكر بالمزاج بدون سبب، وتقلّبات نفسية.
الحل بالأكل: هاد الفيتامين موجود فقط بالمصادر الحيوانية (لحوم، بيض، أجبان، وألبان). يعني الجماعة النباتيين.. الله يعينكن لازمكم مكملات فوراً.
ولمعلومات اكتر تابعوناا ❤️❤️

90% من الناس ما بيعرفو الجرعة الوقائية الصحيحة من فيتامين دال !⁉️فيتامين دال من أهم الفيتامينات لدعم صحة العظام والأسنان...
21/06/2026

90% من الناس ما بيعرفو الجرعة الوقائية الصحيحة من فيتامين دال !⁉️
فيتامين دال من أهم الفيتامينات لدعم صحة العظام والأسنان والمناعة، وفي كتير من الحالات يمكن استخدام الجرعات الوقائية اليومية بدون الحاجة لإجراء تحليل دم مكلف ✨
‎✅ الجرعات الوقائية الموصى بها:
‎👶 الرضع من الولادة حتى عمر سنة:�400 وحدة دولية يومياً.
‎🧒 الأطفال من عمر سنة وحتى 18 سنة:�600 وحدة دولية يومياً.
‎👨‍🦱 البالغون:�600 – 800 وحدة دولية يومياً.
‎🤰 الحوامل والمرضعات:�600 – 800 وحدة دولية يومياً (أو حسب توصية الطبيب) كيف مناخد فيتامين دال بشكل نستفاد منو ويمتصو جسمنا ؟📌�• يفضل تناوله مع وجبة تحتوي على دهون صحية لتحسين الامتصاص.�• يمكن أخذه في أي وقت من اليوم.�• الانتظام اليومي أهم من توقيت الجرعة.‎
🔺تنويه :الجرعات العلاجيه العالية تختلف عن الجرعات الوقائية ويجب ألا تؤخذ إلا بعد تقييم الحالة وإجراء التحاليل اللازمة.
خبرونا بالتعليقات
عم تاخدو فيتامين دال بشكل منتظم ❤️

🛑 "إذا أخذت فيتامينات للشعر، رح يطلعلي شعر بجسمي؟" 🤦‍♀️هاد السؤال الأبدي اللي بيلف براس كل بنت قبل ما تشتري علبة الفيتام...
19/06/2026

🛑 "إذا أخذت فيتامينات للشعر، رح يطلعلي شعر بجسمي؟" 🤦‍♀️
هاد السؤال الأبدي اللي بيلف براس كل بنت قبل ما تشتري علبة الفيتامينات: "يعني إذا طول شعر راسي، رح أتحول لدب؟ 🐻 والليزر اللي دفعنا عليه دم قلبنا رح يروح عالفاضي؟" 💸
تعالوا ننهي هاد الجدل العلمي "عن جد" وبكلمتين صغار 👇
💡 الحقيقة العلمية :
لا، فيتامينات الشعر ما بتزوّد شعر الجسم! وارتاحي تماماً.. والسبب هو "برمجة" البصيلات بجسمك:
شعر الرأس: مبرمج جينياً ليتغذى عالفيتامينات والمعادن (مثل البيوتين، الزنك، والحديد)، لهيك لما بتاخدي المكملات، بيقوى وبيطول.
شعر الجسم: محكوم ومربوط بـ الهرمونات مو بالفيتامينات. يعني الفيتامين ما رح يروح يفتح مسامات جديدة ويطلعلك شعر بمكان ما كان فيه شعر أساساً. كل ما في الأمر إنو الشعرة الموجودة أصلاً ممكن تقوى نتفة صغيرة أو تطول أسرع بشي لا يذكر.
⚡ طيب وجلسات الليزر؟
إذا عم تعملي ليزر، الفيتامينات ما رح تخربلك الشغل، بس ممكن تلاحظي إنو الشعر الوبري الخفيف صار يطول أسرع بشي بسيط كتير، وهاد شي طبيعي وما بيخوّف ولا معناه إنو الليزر انضرب.

26/05/2026

الطريقة الصحيحة لتناول مكملات الحديد❤️
ولمعلومات اكتر تابعونا ❤️

21/05/2026

السر مو بالماسكرا… السر بالرموش نفسها ✨💙

10/05/2026

الفرق بين الدوا الأجنبي والدوا الوطني 😂😂 #فيتامينات #جمالك

Address

المشروع العاشر
Lattakia
041

Opening Hours

Monday 09:00 - 22:00
Tuesday 09:00 - 22:00
Wednesday 09:00 - 22:00
Saturday 09:00 - 22:00
Sunday 09:00 - 22:00

Telephone

+963939621151

Website

Alerts

Be the first to know and let us send you an email when Sara yassin pharmacy posts news and promotions. Your email address will not be used for any other purpose, and you can unsubscribe at any time.

Shortcuts

Share