09/07/2026
كل مافكرت اني وصلت لمرحلة اني تعلمت كل شي بكتشف معلومات جديده بتخليني وقف وقول نحنا لسا مابنعرف شي …
عم ادرس كورس بالطب الباطني عن الكلاب و القطط ومرت علي هي المعلومة قلت بخبركم عنها ….
الصورة الأولى قبل العلاج… والصورة الثانية بعد شهر واحد فقط من انتهاء العلاج الإشعاعي.
هاي القطة كان عندها ورم لمفاوي (Lymphoma) بمنطقة الجيوب الأنفية وحول العين، وسبب إلها تورم واضح بالوجه.
الكثير من الناس أول ما يسمعوا كلمة “ورم” بيفكروا إنو ما في أمل، لكن الحقيقة إنو مو كل الأورام نفس الشي.
في بعض الأورام، مثل هالحالة، بتستجيب بشكل ممتاز للعلاج الإشعاعي، وممكن نشوف فرق كبير خلال فترة قصيرة، إذا تم التشخيص وبدأ العلاج بوقت مناسب.
🐱 الكشف المبكر ممكن يغيّر النتيجة بشكل كبير، لذلك لا تهمل أي تورم أو تغير غير طبيعي بوجه أو أنف قطتك.
❤️ الطب البيطري اليوم صار فيه خيارات علاجية متطورة بتعطي أمل بحالات كتير كنا نعتبرها صعبة بالماضي.
#قطط
