15/08/2026
ماميات تابعو الصفحة معلومات كتير مهمة لأي مامي بتساعدكن لتعيشو تجربة الأمومة بشكل أروق وأحلى وبتطمنكن🥰
الفطام عن الحفاض🥳
ايمت وكيف بتبلشي تنضيف البيبي؟؟
والسؤال الاهم مو قدي عمره؟ السؤال الصح هل ابنك جاهز نفسيا وجسديا لهي المرحلة؟
🔍 لهيك خلينا نحكي عن علامات جاهزية الطفل (غالباً بين عمر سنتين لسنتين ونصف):
👶 البقاء جاف: يعني حفوضتو يضل ناشفة لمدة ساعتين او لحتى يفيق من القيلولة.
🗣️ التعبير: بيقدر يعبر بكلمة بأشارة عن يلي بدو اياه.
🏃♂️ الاستقلالية: بيعرف ينزل بنطلونه ويرفعه لحاله (أو بيحاول)، وبيفهم التعليمات البسيطة.
🤫 الاختباء: بيروح على زاوية الغرفة أو وراء الباب لما بده يعملها بالحفاض.
💡 خطوات النجاح بدون توتر:
التهيئة والتمهيد:
1️⃣اشتري النونية وخليها بالحمام واحكيلو عنها بأسلوب مشجع وممتع بدون أي إجبار.
2️⃣اختيار الوقت المناسب:
يعني بلشي بفصل الصيف (التياب خفيفة والتنظيف أسهل)، وابتعدي عن الأوقات اللي فيها تغييرات كبيرة (مثل ولادة طفل جديد)
الروتين اليومي:
3️⃣خليه يتعود يقعد على النونية بأوقات محددة (أول ما يفيق، بعد الوجبات بـ 20 دقيقة، وقبل النوم).
المدح والتشجيع:
كافئيه بملصق أو تصفيق واحتفال صغير كل ما نجح، وتجاهلي "الحوادث" تماماً بدون عصبية أو عقاب.
🛑 ملاحظة مفصلية:
العصبية بتعمل ردة فعل عكسية عند الطفل (إمساك شديد أو حبس البول). إذا حستيه مو مستجيب أبداً، وقفي التجربة وارجعي جربي بعد شهر بدون أي ضغط ❤️
